When Gnat Proposed…

January 16th, 2013 8:00 pm by Charice_mizo

(A chanchin ziah tur dang ka hrelo, mahse hei te tal hi…)

 

Saikuti Hall khat tlata sikul naupang pungkhawm te chuan beisei nei takin Stage lam chu an melh thupa. Thenkhat zauthau leh hawklak zual te chu an te ring hlawm hle. Aizawl lam atangin zaithiam lar intelkhawm ‘Tripwire Entertainment (TE)’ tih hmingpua an lo kal vang a ni. Chhun pachang mah nise Hall chu a thim deuh thuapa, stage erawh a eng tha hle thung. Tunge zai hmasa ber ang tih chu mitin rilru luahtu anih hmel hle.

Ka thiante nen kan thutnaa  hlim taka kan lo nuih vel lai chuan kut beng ri a rawn ri ta hluah hluah mai. Kan la hriat than vakloh tleirawl chhelo tak hi nuisangin a rawn pen chhuaka. A zahzum hmel tehlul nen a hawiher chu a confi bakah a chezei riaua. A la zaithiam reuh em em zui. A hnua a hming kan han hriatchian chuan ‘Mimi Renthlei’ alo nia. Mimal rokhawlhna adt avangin TE member te chu an lo kal kim thei lova. Mahse kan lo nghahhlelh em em Gnat leh a nupui (hlui) an rawn penchhuah meuh chuan kan lawm a kim tho mai.

A hleitlin zia an lo sawi thin Gnat chu a takah chuan mit ti tlai tham a ni. Ka hmuh vawikhatna mah nise a huhang nat zia chu ralkhat atang pawh chuan hre theiin ka inhria.  A nupui Florence lah chu a hmelthain a duhawm hle maia. A zaithiam ve a ni tih pawh kan lo hriat loh lai chuan aw ngaihnobei leh ngaihla tak mai hian….

“….Biahthudi zawng kan tiam naa,

Ka ring zo lo i tawngkam mawi leh tha,

Kei mimawl mai hian, ka phu lo che

Dawn reng i ti tam mai thlawn…”

tih chu mawi takin a’n thlawh vang vanga, a kiangah chuan amah duat hmel tak hian Gnat chu lo dingin nalh fahranin alo pui ve bawka. Kan naupan leh mawlmang ang ang chuan kan luangliam tlang kher mai.

Chutah Gnat chuan a hla ‘hit’ mawi em em, ‘Ngaihzual’ chu lungrun takin an thlawh ve ta thunga. Audience te a chawk phur thiamin mipui thutna lama a’n rawn tlankual vel te chuan boruak a ti ‘hot’ zual ngei mai. Lo au rawih rawih tawk lah bo lo. A zai tawpah chuan engemaw hi a vawr tur thu leh a lo dawng apiang stage-a a koh chhoh tur thu a sawia. A vawr rual rual chuan an lo phusa nghal luai luaia, minit engemawti hnuah chuan kan sikul ami pawl kaw zirlai, hmeichhe tleirawl pakhat hi kut beng hluah hluah karah a ko chho ta mauh maia.

Keini chu thuthmunah kan lo ip chawih chawiha. Zah hmel takin Gnat-a bulah chuan a han dinga, ani chuan nelawm leh nuisangin alo biaa. Engtin tak ti ang maw tia kan lo ngaihchan thup lai chuan ka theihnghilh theih tawh loh tur thil a thleng ta. Mizo mipa zinga duhawm ber pawl, hleitling, hmeltha leh zaithiam bawk si, a lar vanglai tawng chho mek leh mi tam tak ngaihsan hlawh chho mek Gnat Lalrinchhana chu, tu khawkha hriatloh high school naupang thau bing biang, tarmit bun, chhuan tur nei bik lemlo tak hmaah chuan a khup lehlam tihniamin zawimuangin a thingthi taa….

Kum sarih lai liam tawh mah se khami tuma a thusawi mawlh kha, hmeichhia tawh phawt tan chuan tuiral lohna rual a ni lo. Tunah a awm ta lo chu a ni mai si, hringnun hi a va mak ngai em !

 

May you find comfort in the arms of God…RIP Gnat!

 

Similar Posts:

Recent Posts:

23 Responses to “When Gnat Proposed…”

  1. 1
    Hotunu_pasal Says:

    1st. ve khiah te’ng.

    Report this comment

  2. 2
    H.Vangchhia Says:

    RIP

    Report this comment

  3. 3
    Maisek Says:

    Eng thu tak sawi ang maw? :-)

    Report this comment

  4. 4
    paeia Says:

    Thihna hi ho te, runthlak tak si a ni fo.

    Report this comment

  5. 5
    century child Says:

    RIP

    Report this comment

  6. 6
    thlanrawkpa Says:

    Enge a sawi ang le? :-D

    Report this comment

  7. 7
    Dr Mahminga Sailo Says:

    Thu i ziak phakar thiam mang e.. (Y) (H)

    Report this comment

  8. 8
    chhangteval Says:

    Ngaihzual
    http://youtu.be/JveL1FHVtdA

    Report this comment

  9. 9
    TuaiSialA Says:

    Eng nge a sawi aaa? Nangmah a niang a, a ko chhuah chu? :-D

    Report this comment

  10. 10
    Ka Pate Ramfana Says:

    A thusawi i sawi tel lo hian i thuziah a tiho zo vek ang tih ka hlau mang e!

    Report this comment

  11. 11
    lr hlonchhing Says:

    Gnat chungchangah hian sawi chak leh sawi duh nei, kan sawi ngam si loh a tam mai an ti :-D

    Report this comment

  12. 12
    ulawng Says:

    #11 :-D

    Report this comment

  13. 13
    Chhuaklinga Says:

    @11, (I) (K) :-P ;-)

    Report this comment

  14. 14
    ZerO Says:

    #11 i sawi ngam loh chu rawn sawi teh.

    Report this comment

  15. 15
    Amah Charice_mizo Says:

    He thil hi fb-a post tura ka ziah a nia, helamah ka rawn post leh ta zawk anih hi.

    Btw, Gnat hi chu engang pawhin sawi se ka ngaihsanna a nep phah chuang hauh lo :-)

    Report this comment

  16. 16
    Dr Mahminga Sailo Says:

    …a khup lehlam tihniamin zawimuangin a thingthi taa….

    .. Vuani a ti em ni? :-D

    Report this comment

  17. 17
    Amah Charice_mizo Says:

    Mai tumse pyar karta hu, chu a ti lo ah :-D

    Report this comment

  18. 18
    Dr Mahminga Sailo Says:

    @ Amah Charice_mizo… I thup tlat danah hian, engemaw a awm tlatin ka hria. Inpuang nghal rawh… :-P

    Report this comment

  19. 19
    Amah Charice_mizo Says:

    Inpuan tur chu awm se dawp ka ngai miah lo ang , tren tren (H)

    Report this comment

  20. 20
    Lamji Says:

    ‘Mami..refreshment I dawh hmasa ber thei,kha coupon la rawh le’ a tih hnap kha. :)

    Report this comment

  21. 21
    Hriatpuia pa Says:

    Hihi! Ka hrethiam deuh rei ruai (*)

    Report this comment

  22. 22
    SHauzelSailo Says:

    (Y)
    ‘A nupui hmel thra tak,’ ti bok si ‘high school naupang thau bing biang…’ hma ah thring thri,’ lu va ti hai ve val hi :-P
    Engpohnise (Y)

    Report this comment

  23. 23
    Dr John Says:

    Zofaah chuan a hmel leh pian pawh a tha, talent a nei tha bawk, a nun a tawi lutuk erawhchu a pawi hle mai ;-(

    Report this comment