Khuh damdawi overdose

January 15th, 2013 3:47 pm by Sandman

By Dr Jeremy V Pachuau (a phalna nen thlap)

Mitam zawk chuan tukin Vanglaini ah kan lo chhiar hlawm in ka ring. Khuh damdawi overdose chungchang a front page ah an rawn ziah mai bakah kan Health Minister hialin damdawi zuartute fimkhur turin a chah hial a nih kha….Nia hemi chungchang hi kan hriat chian lehzual a tha a ka hriat avangin tlem kan tarlang ve ang e….

Tun hnai, thla 2 thum vela ka experience leh case history Casualty ka duty lai a ka lo hmuh te han tarlang ve phawt ila…

1) Dec.23.2012 ni khan tlai 2:30 PM vel hian tlangval kum 32 mi vel hmanhmawh takin unconcious in Casualty ah an rawn zawn lutut a, Theih anga rangin ka zuk en nghal a, kan en chuan a lo thi fel der tawh a, a hmui leh a kut hmawr te a duk vek tawh…A thian te kan zawh chuan drugs chu a ti ve zeuh2 thin a ni awm e, tin zu / zawlaidi hi a in thin bawk tih min hrilh..An sawi dan chuan “chhunah Zawlaidi tlem kan in a, kan mu zal lawk a ti a, darkar 2 hnu ah, kan han kaitho dawn a a tho thei ta lo a, kan rawn hruai ta a ni” an ti…A zia lo hle mai, Casualty register ah chuan “BROUGHT DEAD” tih in kan enter ta ringawt a ni…

2) Dec.27.2012 zan dar 7 velah nula kum 23 mi, unconcious in an rawn hruai leh a, rang taka kan check chuan, a natna lan danah No.4 Overdose nen a in ang chiah a, a mit naute chu pin hmawr bawk tiah lek ( Pin point pupils ) tiah lek a nia, deeply unconcious in a awm bawk, No.4 thahna damdawi Inj Naloxone 400mg 2 amp in kan han chiu a, Oxygen te pe in, darkar chanve hnu vel chuan a rawn harh tha ve leh mai.. A chhungte kan zawh chuan drugs a tih ngai loh thu min hrilh a, tlai chaw erawh a thiante nen an ei ho thu min hrilh, tin kei pawn a tih ka ring lo….ka lo ngaihdan ah chuan a thian te nen an in kawm vel na ah misual tu in emaw a cold drinks in turah drugs a pawlh a nih ka ring a, a chhung te pawh fimkhur turin kan in chah zui…chuan dam tak chuan Pathian zarah kan in thlah ta a…

3) Jan.2.2013 zan dar 11 velah Casualty ah hmeichhe naupang kum 13 mi lek unconcious in an rawn hruai leh a, rang taka kan han check chuan a chung a mi ang chiah khian No.4 Overdose ang chiah bawkin a awm a, a thahna ten kan han chiu a kan han enthlak chuan minute 15 velah a rawn harh ve leh mai..a chhung te hnenah pawh a chunga ka chah angin ka chah leh a, naupang lah chu drugs a inchiu thin a nih hmel bawk si loh…

4) Jan.4.2013 kha Casualty ah zan dar9:00PM atanga duty tur ka ni a, Dar 9:00PM a kava thleng chu ka luh rual in hmeichhe tleirawl kum 17 mi, unconcious in an rawn hruai leh a, ka jacket pawh phelh hman lovin, ka va thlak tur doctor nen chuan kan buaipui ta char char a, hei phei chu damdawiina ka staff te nau a lo ni bawk nen, a lo duk nasa tawh a, a awm kan han ngaihthlak chuan a ri bawrh2 bawk si, Endotracheal Intubation ( Plastic pipe kha a thawkna dawt a tangin a chuap ah kan zuk thun a ).. Tui / chil etc unconcious lai khan a lo hak nasa hman khop mai, kan han hip chhuak a, Oxygen te kan pe a, a that deuh hnu chuan, Khawl hmanga thawk tir turin ICU ah ka dah chho ta a ni…Zing dar nga velah a pa a rawn chhuk a, an harh that tawh thu leh lawmthu te min rawn hrilh a, kei pawh ka thaw huai…Tin, keima tawn kher loh pawn ka thian dang te pawn an lo experience ve nual a ni, admit ngai khawp pawh an awm nual.

5) Jan.9.2013 – Nizan Casualty ah ka night leh a, tukin dar 8:00AM vel khan khitiang OD ang bawk khi nula kum 20 mi unconscious in an rawn hruai leh a, a buaithlak khawp mai, Aizawl hospital hrang hrangah a thahna Inj Naloxone kha Nazareth in ampule 1 chiah an nei sia, Endotracheal Intubation ka ti nghal a, a chuap a aspirate a ngai reng sia, A BP a drop bawk nen, darkar 3 vel kan inbuaipui hnu chuan a rawn harh e… A thiante lah chuan engmah an sawi duh si lo.. Nimin tlaiah a thiannu te inah chuan chaw a ei a ni awm e.. Tunah Casualty ah observation a dah mek a ni…

 

Khing a chunga mi te kan sawi duah na chhan chu Vanglaini a in ziak te nen pawn a ngaihbel theih tlat si a ni, a vanduai ten an thih pui a, a vannei ten an thih pui thelh hi, khuh damdawi, lar tak, mitin pawn kan hre awm e, Doctor prescribtion tel lo pawh a lei theih Syr. RESPIRA – D, leh ZAWLAIDI an ruih pawlh vang a ni…

 

SYR. RESPIRA – D bottle 1 + ZAWLAIDI um 1 = OVERDOSE

* ENGE RESPIRA – D CHU???

He khuh damdawi hi awmna a tan te kan chawh nasa a, khuh damdawi tha tak a ni…
 

** ENGE RESPIRA – D AH CHUAN AWM???

Respira – D hi damdawi chihnih in pawlh a ni, a khuh damdawi a tak zawk chu DEXTROMETORPHAN HYDROBROMIDE a ni, a hman na tur a hman chuan damdawi tha tak a ni, a dang chu CHLORPHENERAMINE MALAETE a ni, hei chu anti-histaminic ( allergy damdawi ang deuh) a ni.
 

*** A NIH RESPIRA – D (a dose aia tam deih a in) leh ZAWLAIDI chu ?????

Kan hre vek anga, damdawi reng reng hian side effect a nei tih kan hre awm e, Dextrometorphan Hydrobromide pawh a side effect common chu, allergy, thak, vual, nguai,mutchhuak etc….. Chutih rualin Damdawi leh damdawi thenkhat ei pawlh hian ‘TUR’ ( poison ) ang in a thawk thei tih hriat a tha…..
 

Tuna ka sawi duh bik chu leh he case, OD a chhan hriat loh, mu hlum etc…tunlai an tam em vang a ni….

Lehkhabu hrang hrang a ka chhiar leh internet atanga ka google atang ten ka hmuh dan ka rawn ziak a ni. Respira – D a Dextrometorphan hi a mak khawp mai, grape lam atanga siam juice nen hrim2 a lo in hal em em a ni, a dose sang deuh a in phei chuan. A chunga kan sawi RESPIRA – D khi a dose tam ( e.g um 1 ) lo in ta se, a hnu ah ZAWLAIDI ( Grape juice hrim2 ) kan in chuan, Dextrometorphan kha thin ah a in siam dang tur? ( metabolised ) tur enzyme chi 1 CytochromeP450 a dang ( inhibit ) tlat a, chuvangin, dextrometorphan kha thin chhuahsan mai lo in, thin ah a in khawl khawm ta teuh a chutih laiin, grape tui in thifim tur pawh a let fe in a rei avangin min an lo OVERDOSE ta mai thin a ni…

Chuvangin, Respira – D kher lo poh, Dextrometorphan awmna, khuh damdawi e.g Ascoril – D, Coscopin – D etcc… ei lai te i nih chuan grape tui lam awmna in tel loh a tha…

A tawp ber a tan kan hriat theuh tur, a bikin nu leh pa te, kan fa tleirawl te te te hi kan bulah an la pangchang viau a ni mai thei, mahse pawnlamah chuan, a tha lam ai chuan “thil” han ruih chakna an nei ve thin a, an che sual mai in, an nunna thlengin an chan mai ang tih a hlauhawm hle a ni.

KA LAWM E…

Similar Posts:

Recent Posts:

25 Responses to “Khuh damdawi overdose”

  1. 1
    bucko Says:

    First atan :
    A bengvar thlak hle mai. Tunlai tleirawl kum 12/13 vel ho hian, a bikin hmeichhe lam hian khuh damdawi in an hrat hle a ni, thingtlang lam ah pawh a ni tho mai. Mahse zawlaidi emaw grape juice lam hmuh tur a awm vak loh avang hian OD an awm ve vak lo a ni mahna…
    Gud post (Y)

    Report this comment

  2. 2
    Dr Mahminga Sailo Says:

    Facebook group-a mi kha ka chhiar peih lem lo va, mi(sual).com-a dah hnu chuan ka chhiar chhuak thlap mai. :-) Thuziak tha tak a ni e. Tawnhriat baka lehkhabu leh rawntlak rawn hnua ngaihdan siam hi chu ngaih a ngam deuh… (Y)

    Ruih chakna an nei tlat hi a zia lo teh e… (N)

    Report this comment

  3. 3
    H.Vangchhia Says:

    A bengvar thlak hle mai (Y)

    Prescription drugs leh grape tui inhal chungchang chu hetah pawh:
    http://www.medicalnewstoday.co.....253273.php

    Proxyvon OD hi chu tui tla ang chiah hian enkawl ila an dam chhuak leh rang berin ka hria. OD buaipui hi chu a mangan thlak ve duh ngawt mai. :-S

    Damdawi ruih theih loh chi pawh ei pawlh a in haw tak tak a tam a lawm.

    http://www.dailymail.co.uk/hea.....eadly.html

    Report this comment

  4. 4
    chhangteval Says:

    Tleirawl ho kha zawlaidi lo hmang khawlo tawh suh u, a tui ka tih teh reng nen thil dang nena in lo pawlh vel thin a vang thi an awm phah chumi avanga zawlaidi an khap leh ringawt chuan ka thin a rim viau ang :-D

    Report this comment

  5. 5
    zualbonez Says:

    # 3 HV..i link dah chu grape-tui leh prescription drugs nilo in grapefruit/grapefruit juice leh prescription drugs inhal article zawk ani e :-P ;-) (B) :-[ (B)

    Grape = http://en.wikipedia.org/wiki/Grape

    grapefruit= http://en.wikipedia.org/wiki/Grapefruit

    Report this comment

  6. 6
    H.Vangchhia Says:

    zualbon, post khi i chhiar chiang lo a ni maw: “Dextrometorphan hi a mak khawp mai, grape lam atanga siam juice nen hrim2 a lo in hal em em a ni…” tih zulzui a rawn phawrh ka ni e. Wine ie., Zawlaidi hi grape atang a siam a ni. Tunlai a kan zirlai ani hlauh a, ka rilru a achian zual lai tak a ni zui hairehai :-P ;-)

    Report this comment

  7. 7
    TuaiSialA Says:

    A tha takzet.

    Report this comment

  8. 8
    Dr Mahminga Sailo Says:

    Uaaiii-in leh a kaihhnawih reng reng hi chu an lo chak deuh a niang. A zuna uai chin reng an uai nasa thei em mai. :-D

    Tleirawl te te, nunphung pangngai duh tawk lova rui chhin chak an awm tlat khi an lainatawm ngawt mai.. ;-(

    Report this comment

  9. 9
    zualbonez Says:

    @ HV…i article lo phawrh hi chuan prescription drugs leh grapefruit ati..not prescription drugs and grapes plus grape derivatives viz. zawlaidi or wine…

    Grapefruit is a citrus fruit like serthlum….grapes are grapes akekekeke…happy new year (D) :-$ ;-) :-P

    Report this comment

  10. 10
    Nirvana Says:

    Sandmanji, Dr. Jeremy Pachuau hian a ziak tha tiraw’? Red wine leh khuh damdawi inhal (counter-indication) chu a mak viau laiin eng vang chiahin nge red wine chu an duh tawk mai loh? An ka a za a, an khuh a chhuak bawk bawk anih chuan rum tlem te lem sela chu thudang.

    Khuh damdawi nise a chhin khat aia tam, chu pawh chu ni hkatah vawi 3-4 bak in loh tur, tih chu kan hre tlang vek si a.

    Report this comment

  11. 11
    Chemtatrawta Says:

    Grapefruit chu hei hi.. http://www.lovelifewitheo.com/.....efruit.jpg

    Report this comment

  12. 12
    H.Vangchhia Says:

    zuala #9 ka thiam lo a ni e, link nilo zawk ka lo chhawp chhuak hairehai :-P ;-) Inventory tih pah a google result :P

    Report this comment

  13. 13
    sheldon Says:

    Hemi kaihhnawih, tleirawlte thihna chungchang kha Chemtatrawta khan a post tawh a, thenkhat khan kan nuai liam mai mai a, hei hi thil serious tak ania. He thu Vanglainia ka chhiar khan helai site a post atan hian ka it khawp mai reng a. Sandy’n a rawn post a a tihzia tak tak (Y)

    Eng damdawi pawh, enge a contents ngaihtuah lo hian kan ei huai lutuk bawk ani, khuh damdawi leh grape juice tih pawlh ho khi chu an hritlan/khuh vang chu a ni lo phawt ang a, mahse a inhal tih an hriatloh vang ania, ni lo se chu khuh damdawi or zu an rui mai tur a nia, pawi e, hriatlohna hi chu. He case ah hi chuan Ignorance is bliss tih hi chu a diklo ve tawp :-S (H)

    Report this comment

  14. 14
    PKfanai Says:

    He Post chu a bengvar thlakin a tha kher mai a. Mizo thalai tam thei ang berin chhiar se ava han tha em aw. (Y)

    Report this comment

  15. 15
    PKfanai Says:

    Tin, han chik chiang ta ila, hmeichhe tleirawl deuh vek annih khi. Rape nen pawh a inkungkaih lovang tih a sawi theih miah loh.

    Report this comment

  16. 16
    Jacka Pi Says:

    Tukinah vanglaini ah ka lo chhiar a, a tha ka ti khawp mai

    Report this comment

  17. 17
    Lamji Says:

    Benhvarthlak ve. (Y)

    Report this comment

  18. 18
    mate ainawn Says:

    Thianpa h Lal Doctora hi chu a fakawm thin teh e, hun awl neihloh leh buai tak kar ah hetiang thu bengvarthlak tak tak fb lam a min share thei reng hi fak a phu a ni..

    Dam reng ang che Dr. Jeremy V Pachuau. (Y)

    Report this comment

  19. 19
    bbney Says:

    Bengvarthlak khawp mai

    Report this comment

  20. 20
    Awmtea Leo Khiangte Says:

    He thil hi chu a buaithlak khawp mai. Ngaihthah mai mai chi a ni hauh lo.

    Report this comment

  21. 21
    SHauzelSailo Says:

    Thisen te a hniam deuh ni mo. Chungtiang chuan an ni vek em le?
    Overdose an ni tih ziahna a va chiang kuang lo ve.

    Hmelthratna, ngona damdawi eivang a mu hlum tih te ni thul. Thil dang vang anih ka ring tawh tlat. Satanic ho.

    Report this comment

  22. 22
    somosis Says:

    very informative indeed..
    kei pawh cholesterol a san a vangin LIPITOR ka ei a, thei eipui loh tur strict takin min hrilh e.. a chhan ka lo ngaihtuah lem lo a.. lo in ila chuti hlauh thei anih hi.. huihamm..

    Report this comment

  23. 23
    funny™ Says:

    Heihi ni mai. :D
    http://zogag.files.wordpress.c.....ag-601.jpg

    Report this comment

  24. 24
    test rx 360 reviews Says:

    test rx 360 reviews

    Khuh damdawi overdose | mi(sual).com

    Report this comment

  25. 25
    iloveim Says:

    iloveim

    Khuh damdawi overdose | mi(sual).com

    Report this comment

Leave a Reply

You must be logged in to post a comment.