Kan Masi hman dan tlemte.

December 27th, 2012 8:54 pm by H.Vangchhia

Kum 2012 Krismas a hnai ṭan ta bawk a, November ni 25 Chawlhni inkhawm ban chuan, Mizo Presbyterian Church (USA) member ten rorelna kan nei a. Chutah chuan, thawhlawm engtia thawh tur nge (ie., engzat ṭheuh leh khawntu etc.) leh ran talh tur te leh, ran thawh tum ten an thawh theih turte leh thil dang dang sawi hona neih a ni a. Upa Chhuanenga chuan a in chu Krismas leh Kumthar hman na’n dilna a siam a, phalsak a ni bawk a, kan lawm hle. Amah, Upa Chhuanengate chhungin, Krismas ruai a tan kel pawh a thawh nghe nghe a ni. Pu Lawmsanga Zadeng chuan phal takin mipui daih tur vawk lian ṭha tawk a thawh bawk, a lawmawm ṭhin khawp mai.

Vawk hi a hma karah talh niin, urlawk zan menrei nen, a tuk a fatu ho hah lutuk tur a chhawk zangkhai phian awm e.

Urlawk zanah Upa Chhuanenga in-ah lenkhawm pahin gift exchange neih a ni a, keini erawh tum viau mah ila, kan fanu a damsam loh vangin kan tel ve thei ta lo, a pawi hle!

Krismas ni chuan, tlai lamah ruai ṭheh nghal tur kan nih vangin, inkhawm pawh ṭan hun pangai a ṭan lovin, a hnu hret, tlai dar 3:00 ah kan ṭan a. Korean ho kohhran a pastor ni mek, Rev. Vanlalrinawma (PhD) chuan sermon ṭha tak mai, Isua nihna dik tak min thehchhuah sak a, a manhla hle. “Isua hi kan rilru milin kan pawm ṭhin a, chumi chuan a nihna dik tak min hmuh loh tir ṭhin…” ti zawngin inbihchian ngai tak kan nih min hriat nawn tir a ni. Naupang hovin Isua lo pian chanchin, lemchan tawi (short play) hmuhnawm tak tak min entir bawk a. Kohhran zaipawl lah chuti hlauh, an thiam ngei mai.

Inkhawm ban chuan hall lamah ruai kil turin kan phei nghal a. Fatu ho an che thianghlim a, eitur an chhawp dan pawh simple takin, mahse thianghlim leh inpawlhsawp lo takin an rem thlap mai a, ei duh loh neite tan pawh an duh lak a nawm phah ngei ang! Ruai ṭheh zawh hian Krismas thlengtu Upa Chhuanenga in lamah lenkhawmna-in chhunzawm a ni.

Thlalak fahrah te te:

Kan kohhran naupang cute deuh deuhte:

Fatu lam:

Ruai ṭhehna:

Bonus:
Mi(sual).com on White Christmas:

Kan chhungkua:

Similar Posts:

Recent Posts:

37 Responses to “Kan Masi hman dan tlemte.”

  1. 1
    century child Says:

    Comment ka hawng e.

    Report this comment

  2. 2
    century child Says:

    Thlir a manhla hlawm ngei mai (Y)

    Report this comment

  3. 3
    Dr Mahminga Sailo Says:

    Aw a va mawi em.. tia comment tan chi a nih hi maw le.. :-) Thlalak hmuh a nuamin a hahdam ngei mai.. (Y)

    Report this comment

  4. 4
    H.Vangchhia Says:

    Kohhran thalaite zar kan zo nasa hle a ni :)

    Report this comment

  5. 5
    sheldon Says:

    Krismas damtlang taka kan hmang thei hlawm hi a hlu ka ti. In fanu pawh chu damtha zel teh se. Thlalak erawh page ka reload sek chung paw’n ka la hmu kim theilo. Hmuh theih chin te (Y)

    Report this comment

  6. 6
    Hriatpuia pa Says:

    Report tha tak a ni.

    Report this comment

  7. 7
    H.Vangchhia Says:

    Inti lawmawm e :-)

    Chuan:
    http://i45.tinypic.com/2dbqixs.jpg

    Report this comment

  8. 8
    saint sammoo Says:

    pic… ka hmu ve thei lo re re…sob..
    hmu leh si.edit hman..haha..

    Report this comment

  9. 9
    Nancy Says:

    Nula hmeltha lutuk, kawr pawl ha i hmuh pawh kha report tel la :-D

    Report this comment

  10. 10
    saint sammoo Says:

    misual on white krismas… khi a comon lo kher mai.haha..

    Report this comment

  11. 11
    H.Vangchhia Says:

    #9 Nia mawle. :-)

    Ka dar a rawn khawih zeuh, min rawn bia… ka hamhaih vel mawle. ♫ tra la la la la ♫

    Report this comment

  12. 12
    Mapuia Says:

    Lung ava lêng hman ve aw…. ka account atang ka lut mai thei lo va, kan luh leh theih hlauh chu. Jannis khi Mary lemah chang se a inhmeh ngawt ang.

    Report this comment

  13. 13
    H.Vangchhia Says:

    Mapuia #12 Mari lemah chuan thlalak a veilam ber ami khi a chang, a fel khawp mai. Janis chu beram pu :-)

    Report this comment

  14. 14
    H.Vangchhia Says:

    Beram pu pakhat:

    http://i45.tinypic.com/ev8byc.jpg

    Report this comment

  15. 15
    caribou Says:

    In va hman nawm hmel ve le. In ruaitheh dan khi kei chuan ka suangtuah thiam phak meuh lo.

    Krismas diktak in hmang anih hi. Helamah chuan ruih hun, ar kan hun, lam hun, fawr hun, hur hun, emaw ti tlat an tam asin.

    Report this comment

  16. 16
    Nancy Says:

    Pu Henry, mi pa tih hamhaih te chu kan thiam zawng tak alawm.. hehehe **jk**

    Report this comment

  17. 17
    H.Vangchhia Says:

    caribou #15 engtia suangtuah thiam meuh lo nge i nih ang aw?!!

    Ruai hi buffet ang a chhawpin, mahni duh ang zel insuah a ni mai a. Tichuan, dawhkanah kan kil ho ani mai. Alo tih chi khawp mai. Mizoram-ah pawh thutna fumfe neiin ruai hi theh thin ila chuan chaw ei pawh puar dan a dik zawk ngeiin ka ring. Burma thingtlangah meuh pawh dawhkan an kil thap zel ania!

    Lo tel ve thei ula ka ti thin teh asin. :) (G)

    Report this comment

  18. 18
    H.Vangchhia Says:

    #16 Nancy leh hairehai :-P ;-) (B) ka zakzum deuh thin a :P

    Report this comment

  19. 19
    sheldon Says:

    Tukchhuah nuam vek u le (L)

    Report this comment

  20. 20
    Chhuaklinga Says:

    Masi ni takah ruai in theh bik bik a ni maw(m)? Keini chu kum eng ngemaw chen atang khan Masi tuk lehah(26.Dec) chauh ruai kan theh tawh thin, kan changkang tak sawt vang nge tihdan thar kan lawm vang hrim hrim ni dawn le!!! (N) A ni(25.Dec) taka ruai theh kha a hlu ka ti. (Y)

    Thlalak a mawi/hmuhnawm hlawm hle mai, Janis-i chu lodam vawl vawl rawh se. Naupang dang zinga a awm pawhin mit a la hle mai(naupang dangte khi an tha lo bik tihna ni hauh lovin). :-)

    tren tren

    Report this comment

  21. 21
    Dr Mahminga Sailo Says:

    # 20… A dik chiah. Birthday lawmna ruai, a tuka theh daih hi a mak ang reng ka ti :-O

    Report this comment

  22. 22
    LaMea CâcTùs FLh Says:

    keini chu vawksa kg 4 vel kan lei a, a thauin min hneh knla ti hm ham tho… 24 zan atangin kan theh… nuam ve tho mai… naupangho nen kan lam a, nula erawh an awm lo

    Report this comment

  23. 23
    TuaiSialA Says:

    A ngaihnawm e. A hmuhnawm e. A tui-hlu e. :-D

    Report this comment

  24. 24
    Awmtea Leo Khiangte Says:

    van nawm hmel em em (Y)

    Report this comment

  25. 25
    hlatekhua Says:

    Chhiar a nuamin thlalak a hmuhnawm hle mai. Mi engzat nge he programme-ah hian tel che u? Vawk pakhat ei zo tawk in awm em ni?

    Report this comment

  26. 26
    H.Vangchhia Says:

    Awmtea #24 a nuam ve viau ania :-)

    hlatekhua#25 Kal zat ka ziak miah lo a nih khi mawle. Han ti ngawt ila, an puang lo va, ka chhiar lem bik hlei law, mahse 100 kan tling lo deuhin ka ring. Vawk talhnaah ka tel ve ta lo va, ka rinthu mai erawh chuan, Mizo vawk talh thin pangai tiat chu kan ei zo lo tawpin ka ring. Kumthar ruai theh leh tur ania, kan ring leh maiin ka ring. Nangni lam pawh in hman nawm ka beisei :-)

    Report this comment

  27. 27
    chhangteval Says:

    Pic 2 a nu/nula(?) ho incheina chu ala zo tha hle mai. Mizoram pawna awm dek dek a biak ina pawh mizo lo lutuk a inchei nghal ringawt te entawn atan an va tha em!

    Report this comment

  28. 28
    H.Vangchhia Says:

    chhangteval #27 (Y) Kan hmeichhe ho hi, an duh ang angin inthuam mahsela tu’n kan sawiselin kan melh zik zek lem lo. Mahse, a tlangpuiin, biakinah hian Mizo puan an veng tam zawk tlangpui awm e. A mawiin a inchawih ka ti tlat pek, keipawn :-) (B)

    Report this comment

  29. 29
    hlatekhua Says:

    H.Vangchhia@26, chu kumthar pawh in la ei tui leh dawn bik a nih chu! Keini pawh he rama Mizo awm zawng zawng (kan chhungkua)-in a huhoin kan hmang ve ngat. Kan fapa birthday a ni ve bawk a (Krismas niah a piang hman dawn lo tak ngial a, an zai chhuak ta mai kha a nia!), a rualin thil pawimawh pahnih kan lawm ta ziah a, a tihchi phian mai.

    Report this comment

  30. 30
    SHauzelSailo Says:

    I ziahhlawm tawpber chu keini mi tamtak zir tur atan a va thra em em e, I ziak thiam khawp mai. (Y)
    In chhungkua pawh inva inhmeh em em e.

    Report this comment

  31. 31
    H.Vangchhia Says:

    hlatekhua #29 Ni e, kumthar lam pawh ala awm nual turah ngai ang. :) E khai chu, khawvel-in i fapa birthday alo lawmpui kumtin che u ni rengin le. :) Chhungkua a dam leh hlim tak a hman theih hi alo hlu khawp mai.

    Aizawl lamah chuan ka pu, M.Laldailova thlahte inhmuhkhawm an ti ve thung a, a fa leh tute mi 118+ lai kan lo awm tawh alo nia. Ka pu in, kan inpui berah ruai an siam a lawm. Han tel ve theih ka chak teh asin aw. Hemi hi kan chhungkaw tan a thuchah atan tiin, kan u pakhatin a chhiar nghe nghe tak asin:

    1 Johana 4: 7- 11

    Duh takte u, i inhmangaih tawn ṭheuh ang u; hmangaihna hi Pathian laka chhuak a ni si a; mi tin hmangaihna nei apiang Pathian hrin an ni tawh a, Pathian an hre tawh bawk a. Hmangaihna nei lo chuan Pathian a hre lo; Pathian chu hmangaihna a ni si a. He miah hian Pathian hmangaihna kan chungah a lo lang ta, amah avânga kan nun theihna tûrin Pathianin a Fapa neih chhun khawvêla a rawn tirhah hian. He miah hian hmangaihna a awm, keimahnin Pathian kan hmangaih ka ti a ni lo va, amahin min hmangaih a, kan sualte thupha chawina ni tûrin a Fapa a rawn tîr ka ti a ni zâwk e. Duh takte u, Pathianin chuti kauva min hmangaih chuan keini pawh kan inhmangaih tawn ṭheuh tûr a ni.

    Report this comment

  32. 32
    H.Vangchhia Says:

    SHauzelSailo #30 I ti lawmawm e :-)

    Ziak thiam ni ila, sermon kha a tluanin ka ziak tur… (F)

    Report this comment

  33. 33
    SHauzelSailo Says:

    H.Vangchhia #32 Mi sermon a tluana han zia chu har deuh ania..
    I ziah thiam angin nangma sermon ngei pawh a thra viau in ka ringhlel lo e.

    Report this comment

  34. 34
    bbney Says:

    Thlalak hmuh a nuam hlawm khawp mai. Janis pawh a lian ve ta hle mai

    Report this comment

  35. 35
    chhangte_ll Says:

    Khalamah pawh talhchawp Vawk tho ei a ngai eloa, Chhur’an Phungpuinu a zawh ang deuh a, “Amah a thlo thei Bawngtluthlawh” anga talh ngai tawh lo Vawk emaw te awm awm tak tiraw HV :-S

    Report this comment

  36. 36
    H.Vangchhia Says:

    chhangte_ll #35, i ring em?

    Report this comment

  37. 37
    Dr John Says:

    (Y) Hmuhnawm e…

    Report this comment

Leave a Reply

You must be logged in to post a comment.