Police te tihdan hi Rorelna dik a ni em?

December 10th, 2012 8:00 pm by Mr. Mister

Thawnthu pakhat kan sawi ve ang e.

Hmanlai hian tlangval pakhat tual leng lai chu Police ten an rawn man a. Engmah pawh a sawi hmain Police Station ah an hruai a, an pawng paw vuak hrep mai a. Enge a chhan leh vang pawh sawi a ni lo. Tichuan lock-up chhungah zankhuain an tan tir a. Ei leh in tur an pe bawk lova.

A tukah chuan an hotu pakhat chuan a kova.

Hotua: Kan man chhan che i hria em?

Tanga: Hre lo.

Hotua: Kan man chhan ber che chu nangmah vang liau liau a ni. Hrem tlak leh tihhlum tlak i ni.

Tanga: Enge ka tihsual chu?

Hotua: I tih sual ka sawi lo.

Tanga: Mahse hremna ka chungah in lek si a.

Hotua: Nang chauh hi kan hrem dawn lova, i fate leh i tute thlengin kan hrem dawn che u a ni.

Tanga: Engvangin?

Hotua: Kan duh vang ni lovin nangma duh vang zawkin a ni. Duhthlanna i nei a, i rin ang leh duh ang chuan i chungah kan ti dawn a ni.

Tanga: Duhthlanna ka neih ka hre lova, min hrem pawh ka ring ngai lo.

Hotua: Hmana Bible kenga biak ina i thusawi thin kha i hria em?

Tanga: Eng ber nge i tih? Thute chu tam tak ka sawi si a.

Hotua: I sawi tam mah mah a ni. Eng rilru nge maw i put thin ni. Naute u, he misual hi jail-ah khung u la, a fate ho pawh va man vek rawh u.

Tanga : Ngawi teh…enge a awmzia? Hetia min tih chhan hi enge?

Hotua : I la hria ang chu. Khaihlum vek tur in ni e.

Police pakhat : Kan man chhan che chu kum 60 kalta khan i pu pu leh khan phal loh tih hre reng chungin mi huana thei a lo eiru a. Nang pawn nasa takin thlahtute sualna chu chhuan zawng zawngte chunga hremna lek kawh dik i tih thu leh i pawm thu i sawi thin a. Sawisel thei i ni hlei nem. I thiam lohna ber chu Bible i rin kha a ni. I thupui ber leh au hla ber chu i chungah a rawn tla ta anih hi. Kan hotute rorelna hi dem thei i ni lo tih hria ang che. Midang chunga tla chu i chungah pawh a tla ve thei tih i hre tawh ngei ang chu.

Tanga : Aw Lalpa, he dinhmun atang hian min hruai chhuak rawh….

Pathian : I dil a, mahse i dil dik lo tlat. Sawi tur leh tih tur ka nei lo. Kut ka sil. Ka ngawi reng tawh dawn.

 

Similar Posts:

Recent Posts:

25 Responses to “Police te tihdan hi Rorelna dik a ni em?”

  1. 1
    PKfanai Says:

    Khiti chin chauh khi ni sela chuan, a bias hle tihna a ni. Amaherawhchu,kha huana thei neitupa khan, a thei an lawh ruk avanga kha mite nupain an thlahte zawng zawng nena hremna an tuar tur kha a khawngaih lutuk a, an tuar ai a fapa a tuar tir ta a. Tichuan, HREM TAWH, THIAM CHANG an lo ni ta a ni. Anni chu an lawm ta em em mai a, an tuar ai zawng zawng lo tuar tu chu an fak bang thei lo a, a chanchin sawi leh chawimawi kha an thil nuam tih ber a lo ni ta a ni.

    Report this comment

  2. 2
    Phivawk Says:

    (N)

    Report this comment

  3. 3
    Sangpuiipa Says:

    Ka man thiam lo.

    Report this comment

  4. 4
    saint sammoo Says:

    ka rilru a thil awm hi ka sawi chhuak thiam ve si lova.. Thianpa.. i hlat lo maw le..
    i ring duh lo lui mai mai a ni.. Pk & co. te chan deuh i ni..
    han inkawm teh u ,, kak lo en ang..

    Report this comment

  5. 5
    Chemtatrawta Says:

    mr.mister, i ziah tel duh loh chu.

    Huanpu hian mimal takin ” Hei hi i tilui anih chuan i thi ang” a ti a. Tichuan, a tilui ta a, tihlum lovin a thenawm atang a hnawtchhuak ta a.

    Tichuan, mihring sual pui pui leh huanpu hmelma te bulah chuan chu pa chu a awm ta a, chung ho chuan an bum a, a thil neih an laksak a, an sawisa a, rethei takin an siam a, nuihzabur atan an siam ta a.

    Huanpu chuan lainatna leh a hmangaihna avangin a fapa mal neihchhun chu a hnawhchhuah tawh pa chu suamhmang leh misual ho tihduhna ata chhanchhuak tur chuan, a neih zinga hlu ber leh a hmangaih ngawih ngawih a tir ta a. Suamhmangte chuan a fapa chu an lo vaw hlum ta reng a.

    Huanpu chuan, chutia suamhmang kuta a fapa thi chu a rilru pawh a na hle a, amaherawhchu heti hian a ti ta a,”Ka fapa nangmah rawn chhanchhuak tura rawn kal thi ta kha, helaia i awm leh theihna tura ka rawn tirh a ni tih i rin phawt chuan i duh hun hunah i rawn awm leh dawn nia, lawm takin ka lo lawm ang che ang a, i thiltih tawh pawh ka theihnghilh vek ang” tiin a hrilh ta a ni.

    Report this comment

  6. 6
    Art-a Says:

    Atheist nih buaithlakna em em chu an tia lawm.. bulb chhia mai mai thlak tur pawn atheist pahnih an ngai zel – pakhat a bulb thlak tu.. pakhat video-a thla lo latu. Tichuan bulb chhia chu Pathian thlak ni lovin anmahni thlak ngei a ni tih FINFIAHNA THA tak an neih thu Kristiante an hrilh thin.

    Mihringte hian lawm chang leh lungngaih chang kan nei theuhva, atheist te hi an khawngaihthlakna em em chu, an han lawm ve viau a, lawmthu han hrilh tur Pathian an hre leh si lo hi a ni. Lawmthu sawina tur hre bawk si lova lawm viau bawk si chu a buaithlak awm hi ka tia..

    Report this comment

  7. 7
    donald Says:

    huhuhuh.. hei pawh chu rawn inlak ril tumin a rawn bei nasa ve leh hle mai maw.. :-P

    Khawvela lal ropui ber te zinga mi khan engtin nge a tih kha.. “Mi â chuan, a rilruin, “Pathian reng a awm lo,” a ti a” tiin ka hre ta. Davida pawh kha a awm lo leh pek ang chu.. an mit chawngkawrin hmu miau hek lo.. hihi

    Atheist pachal fing pui puiin tunlaia Isua an rin chhoh mek laia, India ram kawmkara, tribal naran ve mai te khan, intih changkan nana, ‘Pathian a awm lo, science hi ka sakhua’ lo tih thar veleh vel hi zawng, intih changkan ve tuma correcting fluid lo hnim ai paw’n a nep jawkkkkk.

    Nupui pawh in hmu jo lo ang :-p Inhmuh johloh inhlauh vang hi em ni in hming leh nihna pawh in sawi ngam der loh ??

    Report this comment

  8. 8
    lr hlonchhing Says:

    He post chu a va han mak teh tlawng ve. Ka chhiarchhuak ve dap a, ka hlawkpui awm pawh ka hre lo :-D

    Report this comment

  9. 9
    mr.Duhlova Says:

    “Mi A pawh a ngawih reng chuan mifinga chhiar a ni..”

    Mr. Mister # Ngawi mai mai teh…Buichhe laih loha inpuang ang deuhin, i inpuang mai mai a nih khi….an hrilhfiahna che khi ngun takin chhiar la, zawm tum teh…

    Report this comment

  10. 10
    donald Says:

    I analogy atang chuan Bible leh Kristiante zirtirna i man miah lo tih a chiang hle mai. Bible vawi 80 chuang chhiar tawha inchhalah chuan i hre lo ber awm e :-[ Vawikhat pawh i chhiarchhuak tawh emaw ni le? Dawheh zit zet em mai a!!

    Adama thei ei vang ngawr ngawrin Pathianin a tu leh fate a hrem dawn thu Bible khawilaiah nge a inziah han sawi teh.

    Adama thei ei vangin thihnain mi zawng zawng chungah ro a rel tiin Bible chuan a sawi mai a, Adama thei ei vang khan a fate zawng zawng, thei ei ve lo pawh hrem tur tihna a ni lo. Adama sualna khan PATHIAN nen an inzawmna a tihchah avang khan thalam kawngah a thi a, sual lam kawngah mihringte hi an lo nung ta tihna a ni. Adama anga thei ei ve kher lo pawh khan an pa hnungzuiin thil sual an lo ti ta zel a, chu chu hrem an nihna chhan tur chu a ni.

    “Adama bawhchhiatna anga thil tisual lote chungah pawh thihna chuan ro a rel thin”

    “chutiang bawkin mi zawng zawngin thil an lo tihsual avangin thihnain mi zawng zawng a fan chhuak ta a”

    ..a chiang em aw? mi zawng zawngin thil an tisual a nih chu. Chhia leh tha hriatna nei chin mi pangngai tungchhova kal zingah hian, thil tisual miah lo sawi tur i hria em..?

    I analogy dik lo lai chu i hmuthiam tawh em? Tlangval fa nei i sawi khi {lolz}, a fate kha an pa thei ruk vanga man tur an ni lo. A fate khan an pa hnungzuia thilsual an tih ve avang erawh chuan man tur an ni ang. A awmzia chu mawms, an pa atang khan thil tha lo an zira, thei ru ve kher loin, mi velh te chingin insual te an lo hrat chhova.. a tawpah phei chuan tual te an lo that ta a. Police te tan man loh chi an ni euh lo. A mawhphurtu bul erawh chu an pa, thei ru kha a ni tih chu a chiang viau thung.

    Report this comment

  11. 11
    Mr. Mister Says:

    Adama thei ei vang ber kha a lawm thiamloh kan channa chu. Ei lo se chu a dang viau ta ve ang. Mahse heng thu belchian dawllo thila inhnial hi ka peih lo. Ka hmuh ve dan ka ziah hi a tawk mai. Duh duhin comment theih. Tin, chhiartu in lo awm hi ka lawm hrim hrim.

    Report this comment

  12. 12
    Awmtea Leo Khiangte Says:

    Pu PK, i va han chhang thiam chiang em! I comment khi (Y) (Y) (Y)

    Report this comment

  13. 13
    Art-a Says:

    Mr. Mister,

    Adama thei ei vanga thiam loh chang kan nih dan chu Pu donald khian fiah taka a rawn sawi reng khi. Inhnial i peih loh vang a ni lova, hnialna tur i hriat loh vang a nih kha.

    Religionrama ang deuhin hminglem hmanga pawr tak taka thu post ve a, mahni post pawh defend leh thei si lo vek hi em ni in nih inla atheist ho hi..?? Bible chu vawi 80 chuang i lo chhiar chhuak tawh a maw..? hahahaha. Dawt sawi kher lo hian a insawitheih ve tho a nia… :-P

    Report this comment

  14. 14
    Art-a Says:

    Atheist ho hi ka lainatna em em chu an duh loh puiah hian an la chang dawn hi a ni –

    An thih hunah boruak mai an ni dawna an ngai hi an tisual hret. A chhan chu leilung dan angin an thih chuan, an tawihral anga, leithaah an chang dawn a. Thing leh mau lianpuiah an han chang leh anga, miten an kit thlu anga, paper siam nan an han hmang ngei anga.. chuan le, Bible print nan an han hmang zui dawn a niah :-O

    Report this comment

  15. 15
    Awmtea Leo Khiangte Says:

    Art-a, (H)

    Report this comment

  16. 16
    Mr. Mister Says:

    Huan neitupa hian a duh duh a ti thei tel a. A thei hi a veng ngun tawk lova, a thlahthlam ve hrim hrim a. A thenawmpa khan leihlawn kha rem deuhin a lo dawh sak bawk si a.
    Eng ang pawhin lo ru ta se, lo kit daih pawh ni se, khaihlum hi a phu em? Amah chauh pawh ni lo, a thlahte zawng zawng nen lam khaihlum hi an phu em le? An phu i ti tak zet em?
    Hei hi a ni hremna awmze nei lo chu. Intihthaihna leh rikrapna hmanga Pathian rin tir tumna. Mahse hei hi chu a la nep lutuk chatuana natna ai chuan.
    I chhia leh tha hriatna zawng zawng leh i rilru fim tak khan ngaihtuah la, khaihlum hi an phu em? tih hi inzawt rawh le.
    Pathian a nih vangin thil dik lo a ti tur a ni bik lo mai ni lovin thil tha chauh a ti thin tih a ni si a. Hei hi thil tha a ni thei em?
    Ka lawm e.

    Report this comment

  17. 17
    Awmtea Leo Khiangte Says:

    Thil awmzia hi an man lo nge in hrethiam duh lo der aw Atheist-ho hian

    Report this comment

  18. 18
    Mr. Mister Says:

    An tuar ai tuar tih hi ka hrethiam lo. eng kan tuar ai? Thih hnua tuar ai maw? Tunge thih hnua tuarna chu siam? Kan tuar duhlotu chuan hremna engvanga dah nge?
    Pathian hi kan hmu thelh chiang khawp mai. Mahni mahni inbumna a ni. Hmanlai thu intinei hovin (ala Synod) an phuahchawp mai mai a ni lo maw? Chawtak khuka khukpui chi a ni lo.
    Kan mi hlauh hi kan fak a ngai bawk si a, chawimawina leh lawmthu sawina a “demand” chamchi bawk a. Heng dinhmuna ding chu N. Korean ho khi. Heavenly North Korea/Celestial N. Korea ni berin a lang. Kal chak chu sawi loh a chanchin hriat pawh kan duh lo a nih hi.

    Report this comment

  19. 19
    Art-a Says:

    Mizo Atheism hi chawtak khuka khukpui chi a ni ang maw..? :-P

    Mahni hming leh nihna pawh sawi ngam hlei lo te thu leh hla hi nangmahni ang thova DAWIHZEP tan bak lo chuan ei chu a har deuh ang a. Sakhaw dang leh hnamdang atheist te pawh hi nangni ang em em chu an ni lo asin mawle.. mizo atheist te aia dawihzep hi an awm ang em le? Tlanchhe che chunga inlak atheist ve em em zawng ka jo lo e (N)

    Report this comment

  20. 20
    Mr. Mister Says:

    Art-a,
    Thih hnu awmdan engtinnge i hriat bik? Tun thleng hi chuan tumah thih hnua dam leh emaw thlarau emaw pawh fiah tur a la awm lova, science atang pawhin engmah fiah tur a la awm lo.
    Ngaihdan, beiseina, rinna thil mai a ni. Rinna hi dikna a ni kher lo. rindan sawi hnem pauh leh dawt a tam ting.

    Report this comment

  21. 21
    Art-a Says:

    Mis-a.

    Tisa zawng zawng hi an thih hnuah an tawihral thin tih pawh i lo hre ve lo a ni maw? :-P [an halral a nih ngawt loh chuan]

    Tin, ‘tun thleng hi chuan tumah thih hnua dam leh emaw thlarau emaw pawh fiah tur a la awm lova, science atang pawhin engmah fiah tur a la awm lo’ i tih pawh hi, thil i hre lo hle mai. In atheist pui ni thin, Dr. Maurice S. Rawlings kha a pianthar nachhan i hria em? A mithmuhah ngei a patient thi tawh dam lehin a thih laia a experince a hrilh avanga ringtu lo ni ta a ni.

    Tin Nigerian pastor Daniel Ekechukwu kha nithum deuh thaw a thih hnuin a dam leh bawk. A ni phei chu a khawng vek hman tawh. Death ceritificate pawh a nei thlap. Chutiang bawkin Pakistan pa, Shahid Siraj Din kha a tho leh. Ani pawh death certificate a nei. A chung chang phei hi chu a fapa ngei ka contact-a, tak tak a nih thu min hrilh nghe nghe. Mizo zingah pawh Pu. B Lalrinkima kha a ni bawk. An YMA president ngei pawhin chanchinbu-ah a chhuah tir a nih kha. Midang pawh an tam mai.. “Interviews With Six Medical Doctors And One Nde Researcher” tih te kha lo chhiar ve teh khai.

    “rindan sawi hnem pauh leh dawt a tam ting”..hei chu i sawi dik ve tlat. Rindan sawi hnem ber erawh chu nang kha i nia.

    Report this comment

  22. 22
    Art-a Says:

    **Pu. B Lalrinkima hian mitthi tho leh tih hi a duh vak lo a, mahse a thlarau a taksa atangin a chhuak ngei tih erawh huai takin a sawi ngam.

    Dawt a sawi a ni ang te kha i ti ngawt ang e… i rin thu mai mai a ni dawn a nia :-P

    Report this comment

  23. 23
    PKfanai Says:

    16. He Khawvela Lal ten an huat ber leh hremna pawh a na thei ang bera an lekkawh ngei ngei na thin chu, anmahni paihthlak tuma HELNA(Rebellion) hi ani thin. Khawngaihna an lantir vak ngai lo. Tin, midang zelte an hel ngam loh nan, a ual au thei ang ber leh a tlawm thlak thei ang berin an hrem(ti hlum) kher thin bawk. Pathianin a hnuai chiaha a dah leh Vantirhkoh chungnung ber ni thin Lucifer-an Vantirhkohte thlem thlu a, Pathian paihthla tura an helna hi Pathian hian a ngai te lo; Anmahni hremna tur Chatuan Hremhmun pawh a buatsaih reng a ni.
    Chu a hmelmapain mihringte a han bum thluk ve leh a, Pathian dan a han bawhchhiattir rap khan, Pathian khan mihringte kha hrem ve ta lo se la, Lucifer-a tan chuan, Sawi tur a awm dawn a, “Pathian Fair lo tak i lo nih hi” a ti thei dawn a ni.
    Amaherawhchu, Mihringte kha Pathianin a hmangaih em em bakah, anmahni rilru puak chhuak nilova, Setana fin ver vek kha an man pha lo a, bum thlukin an awm tih a hriat vangte pawh a niang chu, an tan CHHANDAMNA KAWNG a lo hawng leh nghal a ni.
    Amaherawhchu, Pathian dik leh Fair tak chuan, “In thi ngei ngei ang” a lo tih tawh kha a ‘zuk’ leh thiang tawh miah lo a,(A mizia, a dikna nen a inmil thei lo), chuvangin a thu kha a keng tlang ngei ngei tur a ni. Mihringte a hmangaih em em si avangin, an aiawha hremna tuar turin amah leh amah a inpe ta mai a ni. A ROPUI i ti ve lo amawni le aw??
    Chuvang chu a lawm, “Pathianin Khawvel a hmangaih em em a, chutichuan, a fapa mal neihchhun a pe a. Amahchu tupawh a ring apiang an BORAL lohva, Chatuana NUN an neih zawk nan, Khawvel thiamloh chantirna turin Pathianin a fapa khawvelah a tir lo, amah avanga Chatuana NUN an neih zawkna turin a ni a tirh ni”. tih ZIAK alo nih theih tak ni.
    Mr. chumi Rin/awih/pawm ve mai chu a HARSA lutuk viau em ni? Pawisa chawi ngai pawh a ni si lo, a thlawna neih mai theih a ni si. Pathian Fapa inpekna leh a thisen hnawl lui tlattu te hi zawngin, THIAMTHU sawi tur pakhat mah in nei hauh lo vang le.

    Report this comment

  24. 24
    Always Says:

    I thil ziah kha i ka lo chhiar ve a, a dang han sawi zel teh khawngaihin…

    Report this comment

  25. 25
    SHauzelSailo Says:

    Hei chu Satan’a leh a mihring zuitute Satanic ho Pathian mite chung’a an tih dan anih hi.

    Mr. Mister I post thra hle mai. Pathian erawh I hmu sual ani e, nge I hmu lo.

    A tawp a I sawi chu a dik lo khawp mai.. Pathian in A mite trawngtraina/dilna chu A chhang in A tranpui zel ang.

    Report this comment

Leave a Reply

You must be logged in to post a comment.