Hmuh theih loh sipai!

December 5th, 2012 12:10 pm by H.Vangchhia

Khawvel ram hrang hrang sipaite chuan hmelma ten an hmuh mai theih lohna tur dap zelin, sipai thuamhnaw pawh ram hnim ang ten an ṭial a, a ṭhente chuan computer design hmangin, theih ang angin hmuh harsat an nih theihna tur an dap ṭhin. Khuanu duan, chameleon tluk erawh an awm theih hrih lo… a ni em?

Kum 2006 khan UK leh US mithiamte chuan an sipaite, mit lawng a hmuh theih lova awm tir theihna puan (!)(cloak) siam dan an duang chhuak tawhin an inhriat thu an lo puang chhuak tawh a nih kha.

Source: WIRED

Zanin, December ni 4, 2012 dar 6:10 bawr vel khan CNN a Situation Room-ah chuan US military contractor pakhat chuan chutiang chu a siam thei ta tih a puang a, an mahni chu hmun leh hmunah lo chuan an awm tih pawh an hriat theih dawn lo a ni tih an sawi bawk. Sipai do harsa tak an nih zual phah ngei ang le! Chutih karah chuan an intih bo theihna chu hmelma te kutah a awm palh ang tih erawh a hlauhawm viauin ka ring ve ngawt a!

…China phei chuan duplicate, lang thei riai ruai an siam ve palh ang :P

A video te nen an rawn tichhuak nangin, CNN website lamah ka hmu zo der lo mai. Ka rawn ṭawmpui chak em mai che u a, source fumfe takin pek tur neilo mah ila, ka rawn ziak hram a ni e.

Similar Posts:

Recent Posts:

12 Responses to “Hmuh theih loh sipai!”

  1. 1
    bbney Says:

    A tangkai viau ang le. Mihring sipai mai ni lo, an weapon hrang hrang tihbona a nih phei chuan do an hahthlak ngawt ta ve ang..

    Report this comment

  2. 2
    Awmtea Leo Khiangte Says:

    Ka van duh ve e

    Report this comment

  3. 3
    Zapper Says:

    dangdai awm ve..

    Report this comment

  4. 4
    H.Vangchhia Says:

    Media lam hi an puang chhuak zung zung mai si a, an hriat loh tur hian thil tih hi a har a nia’ng e te ka tia. Hmanrua emaw, defence lamin an thil tih theih, media lamin an hriat loh thil dang engzat tak awm ang maw?!! :-S

    Report this comment

  5. 5
    Dr Mahminga Sailo Says:

    Thiamna hi a sang teh e. (Y)
    Keini ang duangin, sms kan thawn dan teknawlawji pawh kan hriatthiam ve hmain.. :-D Boruaka sms, email, etc. han insulpel vel suau suau lai hi hmuh ka chak e.. :-P

    Report this comment

  6. 6
    hnarliana Says:

    Hmelma kuta awm chu a fuh miahlo ang le. Hmuh theih loh chu siam a har ve fu ang.

    Report this comment

  7. 7
    Kawnga Says:

    Theih nise, thlahrang ho hi kawm nel dan awm se la, lam tangah siam ila, sipai tha tak chu an ni phawt ang. :-)

    Report this comment

  8. 8
    H.Vangchhia Says:

    Kawnga #7 thlahrang hi chu ka awih loh ber pawl ani awm e. Huai loh tehreng nen hian ka hlauhloh zawng an ni ve tlat pek. hairehai :-P

    Report this comment

  9. 9
    kawlhawk Says:

    HV, nizan chu sama nen kawnpui dai kan tlan laiin kan sawi tak che asin… thlahrang tih vel hian i mar a tawk lo riau niin kan hria a… :)

    Report this comment

  10. 10
    Hotunu_pasal Says:

    Inti Pasaltha, sa châng thin ten sa chánna a hâkah an awt ngawt ang le. He…he. ;-)

    Report this comment

  11. 11
    H.Vangchhia Says:

    kawlhawk #9 ka chek hi a khawih pha chiah lo a nih hmel :P Kawnpui tlangdung a ka kalpui, ka thianpa Addy-a (Eddy nilo) phei kha chuan a chovin a cho a lawm, a au lung lung zan rehah. :P

    Report this comment

  12. 12
    PKfanai Says:

    ‘The Spy who loved me’ a James bond-a Multi purpose car Russian nulain a blue print an neih daih tawh thu a sawi ang deuh khan, a blue print nei hi an lo awm leh fur tawh ang a?

    Report this comment