Archive for December, 2012

KUMHLUI THLAH NAN

Monday, December 31st, 2012

“I thil tih zawng zawng saw,
Thlir teh hunin a liampui ta;
Chatuan hmun lo thlen khalh tur che,
Lal hmaa i dinpui tur chu”

Kan thiltih tinreng kan awm dan zawng zawngte kha hun a liam angin hunin a herliampui ta. Mahse chung kan thiltihte chu liamin a ral mai lo a, tu tawngkam emaw ang deuhin, Silai Zen kah ang maiin kan tih hun chhung chu a reilo a, mahse a hnuhma chu kumkhuain a cham reng tawh dawn a, Chatuan hmunah min lo han thlen khalh a, Lal hmaah an lo han thleng hmasa tawh si a. Chung kan thiltihte chuan min lo nghak ang a, Nakinah Nikin Ni a Rorelna Ni ropuiah chuan Lal hmaah kan la dinpui theuh dawn a ni.

Kum leh hunte chu liamin Mihringte pawh liam thin mah ila, kan thiltihte erawh chu a liam ve lo, Chatuan Pathian hnenah rorelna kan hmachhawnpui turin min lo nghak reng dawn a ni.

Pathian awm ta se

Monday, December 31st, 2012

Pathian hi a awm a nih chuan;
Mihringte ven leh chhan ngai nge a nih anga mihringte vengtu leh chhantu?
Thu ziak mai mai hmangin thu ropui ber chatuan nunna thu chu thehdarh a tum ang em le?
Thisen hi sual tlannaah a pawm thei ang em?
Thlahtute sualna chhuan zawng zawng tan thiam loh chantirnan a hmang ang em?
Ka sual vangin ka thenawmpa a tuar tir ang em?
A hmelma lianber hi khuahkhirh lovin a thlah zalen ang em?
Misual thenkhat vangin mi zawng zawng chungah hremna leh thihna a thlen ve ang em?

Mawitei

Monday, December 31st, 2012

Thlasik boruak nawm lai a niin sik leh sa a nuam a, Masi boruak a nam tan tawh bawk nen mipui mimir boruak zangkhai laitak tur nimahse tunlai thilthleng rapthlak chuan Zoram mipui a tichiai a, a ti mangang ani. Ani taka, nitin chanchinbu lianber leh a te ber thlengin nimin lawka hmeichhe naupang kum 14 mi, a thiannu nena an masi bazar hawng lam, tlaia zuruiin an pawngsual chungchang kha an chhuah nitin a. Zan lamah lah LPS leh Zonet lamin an chhuah awllo in tlawmngai pawl hrang hrang lahin an do thu te an tlangaupui a, a then lahin bati chhi a kawng te zawhin, a na thei ang bera pawngsualtu hrem ni ngei se an duhthu an lanchhuahtir bawk nen. Zoram hmun tin, Khawpui leh thingtlang lamah pawh Masi boruak leh titi chu, chu thil thil thleng rapthlak tak chuan a lan hnehin a bik takin chhun enlai ngei a, chutiang thil a thleng chu Nu leh Pa tam tak an ralkhel a, an fanu te him talo a hriatna neiin chanchinbu leh Fakselna lamah pawh chulam thu chu a ri ring hle.

Aw a tam a, dodalna a nasa a, Political party te lahin remchangah hmangin sawrkar chaklohzia, kan Police nepzia te tlangaupuiin Home Minister bang tura nawrin tawhsual tawk naupang khawngaihthlak Lalnunsangi chu a inenkawlna tur tumsak turin leh a chhungte thlenga sumfai tamtham taka tanpui turin an ngen puiin sawrkar nawrna pawh a nasa hle a. Chung thil thlengte avang chuan nitin mai thuthar a awmin MHIP lam lahin a hma atanga an thukhel pawngsual tute Pa thei lova siam chu an thar thawh leh a, Masi boruak ni a mawi lovin thu rothap pui pui rawtna leh aw a tam hle. Kumdang angin Masi bazar te chu nitin la innek luih luih mahse kumdang aiin Masi boruak zangkhai tak chu a awm lo ti ila kan sawi sual awm love. Chu chu tunlai a Zoram boruak anih avang chuan thu dang mitin rilru ah a leng mawlh lo.
(more…)

Kum hlui

Monday, December 31st, 2012
Kumhlun tur awm lohna khawvelah
Hlunpui tur kan zawng a, nunhlui kan ngai leh thin.
Thar sara kan hman kha tar takin kan thlah liam leh ang
Duh taka kan chul hnu, nunhlui chu.
Kumhlui chang tur in liam mahse
Nunhlui chang tur a’n
ka phal si lo- kan nun kha!
Hmuh tur, duh tur reng awm loin hnutiang min chhawn dawn si
Sulhnu chhui mai kan chantawk lo ni.
Nunhlui ngai tur renga khuanu duan-
Kum thar, nun thar kan hman te pawh hi
Chuaia a uai hun nghakin, ‘nakinah kan la ngai dawn’
Tiin hma lamah nunhlui ram kan hmu lawk thin
Kum hlui, aw kumhlui, nunhlui changa’n ka phal lo che…………(O)

2012 Krismas Kan hman dan.

Sunday, December 30th, 2012

Arunachal-a Kristiante hi naupang fel ve fu tawh, thil zir lai mek leh thil tha nia an hriat chu chak taka bawh ruih ruih zel an ni vein ka hria a. Krismas-ah pawh hian Speaker neih ngei turah an ngai deuh tawh a, keipawh kan khua atanga km 400 zeta hla East Kameng District khawpui Seppa khuaa Baptist Kohhran 3 awm zinga 1 Bosso ho chuan Speaker-ah min rawn sawm ve a. An bialtu Pastor leh an Kohhran Secretary te chu kan Sikul a an fate dah mek annih avang leh he khua Sualna lama hmingthang tak maiah hian naupang kan neih nual avangin a phur awm ang reng hle mai. Seppa lam mi leh sa tih tawh chuan, sual tura ngaih anni deuh tawp mai a, an tihkhai hle a ni. Zankhat pawh Truck 2 hi an intawk lawi a, kawng an inkian tha duh lo ve ve khawp mai a, pakhat zawk chuan, “min kian(side) rang mai rawh, Kurung Kumey mi ka nih hi” a han ti a. Pakhat zawk chuan, “Mai mai a, keipawh Seppa mi kani asin” a ti ve ta a. Motor dang an lo thleng zel a, an han enchian nak chuan, Bengali ve ve an lo ni a” an tia lawm.

Kan chhungkua bakah staff thenkhat hruai tel tumin kan in rep ve nasa hle mai a. Amaherawhchu, kumin hian Lunglei Venglai kohhran ho Work Camp nei turin kan sawm a, an hna a laklawh avangin Krismas pawh cham an tum ta si a, rorel a khirh ta talh mai. Kan Driver nen chauha kal bakah hun ren thei ang berin Inrinni zan (December ni 22) a chhuah a, a tuk Sunday chhuna thlen a, Krismas ruaitheh zawha kir leh vang vang kan tum ta a ni(Arunachal-ah chuan Ruai theh zawh hian Krismas chu a tawp a ni mai tih lo hre ta i la). Seppa khaw thlen hma deuh km 10 velah hian Thingtlang khaw te reuh te in 30 vel emaw lek Bula khua a awm a, chutah chuan, Speaker turin Puanthui zirtirtu Pi Chhawni a kal ve dawn bawk a, kan zirtirtu 1 a hruai ve bawk a, Inrinni zanlai dar 2 velah Rizai hlimin khawvawt vur maiah chuan kan han tho a, Assam helho tamna leh misual tak tak tamna lam kawng zan thima zawh tura han chhuah chu a phurawm ta lo hle mai.

Chtih nak alai chuan, Assam atanga Arunachal kan luh leh dawn chuan, Bhalukpong Check gate-ah Motor neitu hmingah ka hming awm chu Mizo hming ani tih an hre si a(Sikul Motor hi ka hminga Register ani a), Inner Line Permit te min la dil zui. A hmanhmawh thlak tawh si a, engemaw ti tiin ka namnul a, kan tlan tlang lui ta. A tuk Chawhnuah kan va thleng ta a ni. (more…)

Krismas 2012 @ Bangalore

Sunday, December 30th, 2012

Kei hi…
Kumin Krismas vuakvet chu, mi(sual) inpui nghaktu zinga mi ka ni ve hial awm mang e. Mi(sual)-pui te’n Krismas an hman dan leh thlalak hmuhnawm tak an tarlang ta bawk a, ka’n zep tel ve hram te’ng. Thingtlang mawngping U-a-ma hman dan ka sermon zing ta malh malh alawm le.. :-)

U-a-ma, kan khuaah
Kan khuaah chuan kumin Krismas hi Advance Christmas atanga urlawkin, hemi zan vek hian Carol sevice neiin Bangalore-a Mizo chhungkaw awm nghet deuh kan tlawh kual a. Urlawk zan erawh zirlai exam nei lai te tan pawha Pathian faka hlim taka zai hun siam niin Rock (Jesus)-N-Roll Christmas hun nuam leh hlimawm tak hman a ni a. Chutiangin Krismas niah chawchhun (ruaite) leh zanriah (ruaipui) thehin, hlim takin hun kan hmang. Sawi duah lovin Thlalak tlemte ka rawn tarlang e. Thlalatu : Tv. Johnson D Khiangte

Dr. AIT Band – Anni hi exam nei lai an ni a, chutih rualin Krismas hla khawnkhawm (medley) mawi tak an sa, boruak an vaw HOT hle.. :-)

(more…)

(Van Rama Thawnthu) A Story in Heaven: Why is There Disobedience or Crime?

Sunday, December 30th, 2012
   Post a khat deuh in ka hria, nuam in sa hlawm niang aaaa hikhik
Ka bolog ami ka rawn post tren tren leh mai auh.
A hmasa in  Mi Pangai Isua tih in lo chhiar hlawm tawh ka ring.
Chuta ka comment pawh:  ’Dik khawp mai, fapa tlanbo pawh chutiangin I zawng suh ang u, a/ka thusawi erawh ring rawh u. Tichuan, chatuan in in dam anga, chatuan nunna in nei ang.Ka hmaa kal E. G. White thu pawh in (Khawvel mi ten in) dawng sawng tawh lova, tunah en teh u, fapa tlanbo chu a rawn kal mek e.
Khawvel tawpna, Khawvel Tawp (Hmaa) Hun Hnuhnungber Chhiar Tranna Chu!!!’ tih ani kha.
Ani, lo ngai teh ula, lo chhut in lo zawm rawh u, khawvel hi a hman hmawh tawhin, a tlai tawh ani, ka Pa, Kan Pa Pathian fa duhtak te u.
   As we all love to hear stories, this time let us learn a true story which started in the Heaven of God. After all, true stories are also stories, and they make more sense to us than made up or fiction stories, as they are usually useful and sometimes saves us. So, here we go on to the post:

   Among those who believe in God, yes, among the people of the world regardless of races and religions, for we all believe in God or at least in some super natural things, these questions are repeated from time to time: Why did God created us just to suffer? Why did God created crime or sin? Why did He make Satan, the Devil? Why did He allow and give Satan the opportunity to deceive Adam and Eve? and many related questions.

Million Dollar Mary

Saturday, December 29th, 2012

With pride, privilege and immense pleasure we announce Yahoo! India’s first-ever Person of the Year 2012. MANGTE CHUNGNEIJANG MARY KOM, Olympic boxer, five-time world champion, model Indian woman, ambassador of the northeast, mother, daughter, wife, friend, teacher, muse… it was not a difficult choice to pick the one Indian whose life story begs to be told. Editor BIJOY VENUGOPAL and photographer HARI ADIVAREKAR travelled to India’s far-flung, forgotten, troubled northeastern state of Manipur to discover the Mary behind the publicity photographs, the video grabs, the adulation and the awards. They came back with one verdict: she’s a champion you’ll love.

Details Hetah

Windows XP (Mizo Version)

Saturday, December 29th, 2012

He fiamthu hi tha ka ti riau a, ka lâkna site ka hre ta mai lo. A thi tawh aniang. A rei tawh em a.

OK – KS
Cancel – MLTP
Delete – OD
Save – Piangthar
Start – Pheichham
Games – Lammual
CD Player – Vanapa Hall
Shut Down – YMA
Chatting – Inleng
Internet – CK
Setting – Kohhran
Help – Awmpui
Find – VDP
Run – Nupui

A phuah belh theih ka ring.

Kan Masi hman dan tlemte.

Thursday, December 27th, 2012

Kum 2012 Krismas a hnai ṭan ta bawk a, November ni 25 Chawlhni inkhawm ban chuan, Mizo Presbyterian Church (USA) member ten rorelna kan nei a. Chutah chuan, thawhlawm engtia thawh tur nge (ie., engzat ṭheuh leh khawntu etc.) leh ran talh tur te leh, ran thawh tum ten an thawh theih turte leh thil dang dang sawi hona neih a ni a. Upa Chhuanenga chuan a in chu Krismas leh Kumthar hman na’n dilna a siam a, phalsak a ni bawk a, kan lawm hle. Amah, Upa Chhuanengate chhungin, Krismas ruai a tan kel pawh a thawh nghe nghe a ni. Pu Lawmsanga Zadeng chuan phal takin mipui daih tur vawk lian ṭha tawk a thawh bawk, a lawmawm ṭhin khawp mai.

Vawk hi a hma karah talh niin, urlawk zan menrei nen, a tuk a fatu ho hah lutuk tur a chhawk zangkhai phian awm e.

Urlawk zanah Upa Chhuanenga in-ah lenkhawm pahin gift exchange neih a ni a, keini erawh tum viau mah ila, kan fanu a damsam loh vangin kan tel ve thei ta lo, a pawi hle!

Krismas ni chuan, tlai lamah ruai ṭheh nghal tur kan nih vangin, inkhawm pawh ṭan hun pangai a ṭan lovin, a hnu hret, tlai dar 3:00 ah kan ṭan a. Korean ho kohhran a pastor ni mek, Rev. Vanlalrinawma (PhD) chuan sermon ṭha tak mai, Isua nihna dik tak min thehchhuah sak a, a manhla hle. “Isua hi kan rilru milin kan pawm ṭhin a, chumi chuan a nihna dik tak min hmuh loh tir ṭhin…” ti zawngin inbihchian ngai tak kan nih min hriat nawn tir a ni. Naupang hovin Isua lo pian chanchin, lemchan tawi (short play) hmuhnawm tak tak min entir bawk a. Kohhran zaipawl lah chuti hlauh, an thiam ngei mai.
(more…)