Branded!

November 29th, 2012 7:13 pm by Dr Mahminga Sailo

A ta bel bel chi alpa tuang
Paihte sumdawng tawngkam ka hriat thin nge, khaw khat fiamthu thiam tawngkam pawh ka hre ta mai lo. He tawngkam hi, sumdawngin a thilzawrh a fakna: Ka pu lei rawh, a tha ber ber chi, arpa chuang ngat a nih hi an tihna a ni awm e. Arpa chuang sawi takah chuan, ka thawhna company thilsiam zawng zawngah hian company chhinchhiahna (logo) uite (&) lem hlir a awm thung. A ta bel bel chi uite chuang tia infak lar ve mai chi em maw ni le? :-D

Branded leh Mizo-te
College ka kal laiin, hnamdang thian thenkhat te’n Mizote leh hmarchhak mi chuan thuamhnaw branded ngat in ha thin ti raw? tiin min zawt teh fo va. Kei lah hi, inla-changkang viau e ti lo hian, Branded thuamhnaw a awm bik tih hre ve mah ila, ka inbel ngai miah lo. Ningkhawng hre lo deuha lan ai chuan tiin; nia China, Katmandu leh Bangkok kan hnaih a, thuamhnaw tha kan nei thin alawm ka ti mai thin :-)

Branded leh kei
A nihna takah chuan, Aizawla college ka kal chhung zawngin secondhand market-ah branded seconhand thuamhnaw ka lei nasa thin! Thla thum a’n vei a, Stipend ka lak tawh hi chuan, ka kalna hmasa ber chu secondhand market a ni fo. Tin, nula chhelo fe fe hmuh tur an awm thin khan Aizawl secondhand market kal a tinuam ve hrim hrim ;-)

Bangalore-ah lehkha zira ka’n awm takah chuan, branded thuamhnaw leina hmun tha tawk ka hre leh pek a. A dawr hming pawh Cotton Expo ngat. Kan professor pakhat min duhsakna avanga a Clinic-a tangka tlemte ka hlawh akin chu dawr chu ka pan ve fo va. Tee-shirt Rs. 60 man te, Rs. 100 man te ka va lei leh nawlh nawlh thin. Seconhand a ni tawh bik nang, a thar ngat an ni. :-)

Thuamhnaw inbeltu hmel hi a branded ve hrim hrim nge ka hre law. Vawikhat chu, kan professor pakhatin ka Tee-shirt man min zawt teh tlat a. Kei lah intithei ve bawk. Tihian kan inbia a

Professor: I Tee-shirt chu engzat man nge?
Mahminga: Sir, engzat man nge a nih han ring teh :-)
Professor: Rs 500 aiin a tlawm lo tawp ang.
Mahminga : (Nui chungin) Rs. 125 man a ni e, sir.

Branded leh Isua
Daih mai a. Sawilan a tul lo pawh inti mai thei. Nimahsela’ng, suala tlu a, lei anchhedawnga cheng, chatuan hremhmun pan mai tur te, nun thar (New brand life) min petu Isua hi ka sawi tel loh chhan tur ka hre lo. Ani, van lal fapa meuhin, a van ropuina kalsanin; ran in tlawmah hringnun a rawn tan a. Jerusalem khawpuia chawimawi a dawn tumin sabengtung hawh chungah a chuang bawk. Ngai teh, a zirtir ngeiin tangka 30 chauhin a la hralh zui. Chumai duh tawk lovin, misual damtlak tawh lo te thihna aia rapthlakin a nun a hlan. Mahse, thihna chelhhlen rual loh chu, ropui takin a tho leh ta a ni. Halleluiah!

Enge kan sawi tak ang?
Branded thuamhnaw ka sawisel lo va, tin kei hian sel ve ngawt ila a hlutna a kiam dawn hek lo. Ka sawi duh zawk chu kan ngaihsan leh ngaihhhlut ang zelin mihring hian rilru leh ngaihtuahna kan seng a. Thuamhnaw tha leh manto kan lei thei a nih chuan lei tur, a tha. Chutih rualin kan neih sumin a phak loh emaw puk chawp hiala inthuam kan tum a nih vaih chuan mahni kan inbum mai a ni ang.

Kan ram dinhmun leh khawsak phung en hian, kan incheina erawh a sang tih hai rual a ni si lo. Ngaihtuah chian a ngai e…

Similar Posts:

Recent Posts:

27 Responses to “Branded!”

  1. 1
    zoelife Says:

    Post tha leh tawi fel, awmze ril tak nei, (Y)

    Report this comment

  2. 2
    lr hlonchhing Says:

    Branded tih tawngkam pawh ka vawikhat hriatna :-P

    Report this comment

  3. 3
    Jacka Pi Says:

    good post! thawmhnaw branded hi ka va nei lo ve :-D Reebok sneaker pakhat chu an sale laia ka lei ka nei ve….

    Report this comment

  4. 4
    bucko Says:

    Nia, branded emaw showroom emaw atangin thawmhnaw ka la lei ngai lova, dawr ah ori an tih leh ori lo an tih pawh ka hre hrang lova, nalh ka tih leh ka duhzawng kha ka lei mai thin.

    Report this comment

  5. 5
    mamboihi Says:

    Mahminga Post hi chu a ngaihnawm thei e.. (Y)

    Branded tih tawngkam ka va hre ngai bik lo tak! Designer brand tihna em ni?! :-P

    Hmanah Aizawl ah puanthan yard khat 40 Rupees man ka lei a, kawr ah min thui sak a, mawi ka ti em em khawp a, rei tak ka ha a, mahse mi in parda (?) ah vel an lo hmang nasa mai!, kha puanthan kha keimah chauh in ka ha in ka hria. :-) Ka tan chuan BRANDED dik tak ani! :-D

    Report this comment

  6. 6
    sheldon Says:

    Post tha lutuk. Thuamhnaw branded ngat lo chu duhlo te hi an awm ania, an titi kotlangah lo dak ve mai mai ila a nuam ve tho :-D :-P

    Thuamhnaw hi a man to leh to loh ai chuan a ha tu mihring chhungril kha a pawimawh ber fo.

    Report this comment

  7. 7
    Dr Mahminga Sailo Says:

    Comment-tu tur dik tak te an che hmasa tlat, ka sawilan tum min hriatthiampui a, a lawmawm mang e.. :-)
    Thudang alai chuan, Zanlalnu han en mawizia khi aw… (U)

    Report this comment

  8. 8
    Saitawk Says:

    Desktop Computer Branded hi chu a tla na ta vak lo a ni awm e Mizo zingah hian! :-D

    Thawmhnaw tha leh man tam pui pui hi chu ka awt ve lutuk, a leina han neih ve mai chang pawh ka nei zeuh zeuh. Mahse thawmhnaw lei nan hian pawisa hi tam ka ti hma riau lawi a! Hmel te pawn a zir ve a ngai niin ka hria ‘inbel ve mah ila ka inhmeh ve chuang law’ng e’ te hi ka ti rilru liam leh mai mai thin! :-P

    Report this comment

  9. 9
    delis Says:

    Post tha hle mai. Ka neih phak loh hi chu ka awt em em hran lo kei chu. Vawikhat kan thian nu leh a vai chhas hian in min lo rel hrep thawmhnaw branded poh nei zo lo tih velin ha ha, ka’n ngai poimoh lo khop mai. Mi sum puk chawp te a lei an tam, sum puk min dil poh in an lei tur ka hre reng, ka puk tir duh thak lo tiang ho hi.

    Report this comment

  10. 10
    kawlhawk Says:

    Thuamhnaw tha leh manto kan lei thei a nih chuan lei tur, a tha. Chutih rualin kan neih sumin a phak loh emaw puk chawp hiala inthuam kan tum a nih vaih chuan mahni kan inbum mai a ni ang.

    Kan ram dinhmun leh khawsak phung en hian, kan incheina erawh a sang tih hai rual a ni si lo. Ngaihtuah chian a ngai e…

    Bible thu tluk zeta dik a ni, vawi sang10 ka (Y) e! :)

    Report this comment

  11. 11
    PKfanai Says:

    Mahminga te chu, amah hi Branded ani sa a, khawi hmunah pawh awm se, a that dan ngai reng tur a nia. Mahse branded pawh hi nupui ten an zir ve tho chu a ngai ang. ;-)

    Report this comment

  12. 12
    Dr Mahminga Sailo Says:

    Pu Pka.. Nupui Rs 420 man rau rau va, branded ni ngei tur thlan hi a harsa riau mai.. Min thlang duh der hlawm bawk si lo.. :-D

    Report this comment

  13. 13
    aduhi Says:

    branded thil awh rau rau chuan pheikhawk hi tha ve deuh hlek lei tur ania, kawr leh kekawr chuuuuu secondhand, thuichawp, tih velah innawrliam tur. Mahminga sawi ang cotton expo hi kal ka hrat thei ras keipawh, cheng 100 hnuailam in nalh deuh deuh a awm teuh. Aizawl ah chuan hmeichhe kawr nalh deuh chu 1000 aia tlawmin i hmu lo ang, ka lei ngam teuh lo.

    Report this comment

  14. 14
    Dr Mahminga Sailo Says:

    @ aduhi… Cotton expo i kal ve thin maw. Tha lutuk.. (Y) :-) Kamiz man tlawm ka leina dawrnghaktu phei hi chuan min hre tha tawh khawp. Dawr changkang dang angin hakchhin an phal ngai lo va. Kei erawh, ka duh ka ha chhin mai zel. Ka kawr hak tawk a hre tawh rap… :-D

    Report this comment

  15. 15
    Tetea Tochhawng Says:

    Mizote’n kan hriat sual lian tak pakhat chu ‘branded company’ (Adidas, Nike, Reebok, Puma etc) thawmhnaw tam zawk hi ‘sportswear’ a ni a, incheina tura siam a ni lo. Mizote’n intithei takin puipunnaah kan ha a, hnamdang chuan inkhelhnaah chauh an ha thin. Suit hak hun a awm ang chiah hian hetiang inkhelh kawr hak hun hi a awm.

    I Nike T-shirt nghawng nei kha a man a to vang ringawt khan incheina a ni lo. Tennis khelhna tura an siam a ni maithei, fimkhur ang che. (C)

    Report this comment

  16. 16
    Chhuaklinga Says:

    Thawmhnaw lamah hian ka tlangval zual lai ai khan ka lerh ta tlat mai. :P Mahse, a to tak tak chu ka nei ta chu a ni chuang hlei lova. (H)

    Post tha lutuk. (Y)

    tren tren

    Report this comment

  17. 17
    beethugs2 Says:

    Siiiike leh Siiphu ka ha nasa thei rap :) Second hand hi engkimah hian a lo tha zawk amaw nile :Ppost tha hle mai.

    Report this comment

  18. 18
    thlanrawkpa Says:

    Branded chu a to em! mai, tlawm deuh hi lei ila, a tlo vak loh pawn, a thar lei leh mai kha tha mai. Branded chu, a chhe har si, a hne awm.. heheh

    Report this comment

  19. 19
    Dr Mahminga Sailo Says:

    Comment a tha hlawm mang e… (Y)

    @ Tetea… A ni ngawt mai ti raw. Inlachangkang viau e ti lo hian, mahni neih tawkah a hun leh a hmun mila inchei pawh hi kan zir a ngai tlat..

    @ Chhuaklinga.. Hak theih theuh theuh, man tlawm tha ve si hi chuan mit a la zawk chu a ni ti raw.. :-)

    @ beethugs2… Siike leh Siiiphu.., a hming hi ka hre thin tak e. Mizo nu/nula hmui nena an sawi ngei hi inhmeh bik ka ti. (H)

    @ thlanrawkpa… Dik chiah. Vawikhat chu, ADIBAS chappal hmelmawi deuh mai ka lei sual thung. Thlakhat awrh a daih.. :-(

    Report this comment

  20. 20
    Awmtea Leo Khiangte Says:

    A dik khawp mai, ngaihtuahna tha tak a (Y) ni

    Report this comment

  21. 21
    maawma Says:

    Branded thawmhnaw hi ni e, kei pawh ka buaipuina a rei ve ta khawp mai. Branded thawmhnaw ah chuan hetiang hian ka thliar hmiah mai:

    1. Sneaker a nih chuan Branded nge nge ka thlang, PAMU ADIBAS, RAIBAWK tih vel bun aiin Chapal (Unbranded) bun ka thlang, Sneaker ah kher kher chuan branded lo hi lei tur a vang khawp mai. Branded a nih vangin a to vek kher lo, tunlaiin India branded Liberty, Force 10 tih vel hi hei a rawn chhuak a, chuan Fila, Lotto etc te hi Rs 2000-3000 inkar vel a awm teuh, heng hi Branded vek tho an ni. Branded an nih vanga to vek tihna pawh ni chiah in ka hre lo. Force 10 te phei chu man to tak pawh a nih loh hi a, RAIBAK, ADABIS bun aiin Force 10 bun hi a thlan awm zawk ka ti, Branded sneaker Rs 1300 man hi pheikhawk man to uchuak a ni lo, pheikhawk tha pangai man tlanglawn a ni e.

    2. Jeans kekawr hi secondhand ah hian tlawm te te lei tur a awm a, mahse rin aiin a fitting a dik lo, a then baggie deuh te fashion outdated lutuk tawh te a awm thin, second hand jeans Rs 600 vel a lei a fashion ni lo lutuk hak ai chuan Signature jeans (Levis) te hi hak ka duh feeeee zawk. Bell bottom hun loh laia a man tlawm vang ringawt a lo hak ve kha ka duh bau lo. Tuna Signature jeans (Levis economy range) hi Rs 1200 man vel a ni e. Levis 511 ai hian hak a nuam zawk daih. Mi tumah in an hak tawh loh lai a, second hand jeans man tlawm baggie lutuk, malpui puar pawp kha a man tlawm vangin lo ha vel teh se… kekawr bul hak tui pawh ka thlang zawk

    3. Polo Tshirt: ve thung hi chu branded ka en ngai lo tawp, grey color hi nalh ka tia, a tlawm leh hak nuam ka thlang tlang pui.

    4. Coat leh Blazer hi Branded lo chu ka duh miah lo, puan than in lei ula, in teh tir ula han thui tir mah teh u, rin aiin in seng hnem ang, sang bi a ni hlaih zel ang, chu ai chuan hak zen zen loh engemaw ni chauh a hak a ni thin bawk a, branded kher ka thlang. Thui chawp Blazer leh Branded Blazer chu in nalh hlei tak a ni. Suit pawh hi thui chawp tirin Rs 3000 vel chu a ni daih zel a nia o, branded blazer hi Rs 3500 vel te a ni tlang pui.

    5. Necktie hi branded tlawm ka thlang ziah bawk, a tlawm a tam lutuk. Thui chawp emaw mi awrhhrep tawh emaw chu inbel ka tum hauh lo. Necktie secondhand hi kekawrte, mawja leh rawmawl secondhand angah ka ngai, hman ka duh lo bur. Eng anga tlawm pawh ni raw sek sek KA TEN, THUI! in ren over chuan duh leh lo hmang teh u. In ren over hmeichhe tan chuan Sanitary napkin te pawh reccyle chi mawle he he he

    6. Tshirt chu second hand a tha, thin fuh phei chuan Showroom a mi aia tha a tam lutuk.

    7. Inkhawm Kekawr (Formal Pant) hi thui chawp leh branded danglamvak na pawh awmin ka hre lo.

    8. Kawnghren pawh khawchhak lama tanga rawn chhuk hi tlawm te nalh deuhin a tam lutuk, branded kher a ngai lo.

    9. Bag a bikin mi pa bag, rucksack leh messenger bag hi secondhand ah a tha lutuk,hmuh fuh chuan showroom a mi aiin a quality a tha daih zel

    10. Kamis (Formal Shirt) hi thuichawp tir aiin thuisa lei tur a tam hei hi chu branded leh ded lo pawh a ni chiah lo, Rs 100 atanga Rs 1000 thleng thlan tur a tam lutuk, mahni nalh tih kha lei a ni mai.

    Report this comment

  22. 22
    Dr Mahminga Sailo Says:

    @ maawma… I comment a tha ngei mai. Post i tihlu e… (Y)

    Report this comment

  23. 23
    H.Vangchhia Says:

    hmmm, ngaihtuah ti tamin :) good post (Y)

    Report this comment

  24. 24
    malsta27 Says:

    he post chu nuih za duh riau ngati teh reng nge mawni :-P :-D :-D ……Mi thawmhnaw hak a buai ru tak thin i nih hmel :-) :-) …..kei mi thawmhnaw hak ah hian ka buai lokhawpah a duhin branded ha se, a duhlo chuan ha lo mai se tha viau mai inka lo hria a, a branded leh ded lovah khan kawng ro sut hmel loh em mai…………………..

    Report this comment

  25. 25
    malsta27 Says:

    .

    Report this comment

  26. 26
    malsta27 Says:

    .

    Report this comment

  27. 27
    Dr Mahminga Sailo Says:

    @ malsta27.. Ka buai lo nasa khawp mai… Post i chhiarchian hmain comment suh ang che..
    Thil i vei a, i sawi/ziah apiang i buaipui thin em ni?.. (N)

    Report this comment