CFL Hmingthanga Tribute Concert

November 21st, 2012 9:01 am by CFL

A zaithiam leh hlaphuah thiam avanga a hming dai tawh ngai lo tur, mizo zaithiam zingah mi bik leh specialist chungchuang CFL Hmingthanga, September ni 9, 2012 a boralta hriatrengna leh Tribute Concert, November ni 22, 2012 (Ningani zan) a Parish Hall, Champhai-a Champhai Promoters’ Club buatsaiha neih tur chu programme felfai tak duan a ni ta.

Tribute Concert hi chhawng hniha then a ni dawn a, a thawh khatnaah hian Pi Lalnipuii, Chairman, Women Commission chu ‘Khual duhawm’ a ni ang a, Pu C. Dinthanga chu ‘Khual tha’ a ni thung ang. Organising Committee Chairman Pu Masthanga’n inkhawm kaihruaiin, Pu R. Lalrosiama, Organising Committee Secretary-in report a pe ang a. David Lalthlamuana, Champhai District Promoters’ Club hnen atangin CFL Hmingthanga chanchin ngaihthlak a ni bawk dawn a ni. CFL-a sunna hun hi Nl. Laldingngheti, V/C kaihhruainain neih a ni bawk ang. Sunna hlate sak hnuah Tribute Concert hi tan nghal niin, zaithiam hrang hrangten hun an hmang chho nghal bawk dawn a ni. Ticket hi- Rs. 100, Rs. 300 leh Rs. 500 te a ni ang. Mizoram hmun hrang hrang atangin zaithiam thahnem tak an fuankhawm dawn a, Pu CFL-a fans, amah ngainatu leh a duh apiang chu he huna tel tura sawm kan ni e.

He Concert-a pawisa tlingkhawm leh tanpuina hrim hrim sum lutkhawmte hi November thla vek, ni 28 (Nilaini)- a CFL-a lungphunna atan hman a ni ang.

,

Facebook Group, “CFL HMINGTHANGA Thu Leh HLa” hi ilo tlawh ve thin dawn nia.
Link : https://www.facebook.com/groups/430505960341619/

Similar Posts:

Recent Posts:

12 Responses to “CFL Hmingthanga Tribute Concert”

  1. 1
    chhangteval Says:

    (Y)

    Report this comment

  2. 2
    Dr Mahminga Sailo Says:

    Chawimawitlak chawimawi a, tanpui ngaite tanpui hi a hlu a ni… (Y) Tel ve a chakawm mang e..

    Report this comment

  3. 3
    aduhi Says:

    @CFL i kal ve dawn em?

    Report this comment

  4. 4
    buh-duha Says:

    U CFL, i hova han kal ve theih a chakawm kher mai a…

    Report this comment

  5. 5
    sheldon Says:

    Tiang thil hi tha ka ti. Full support. A thei thei kal teh u kan misual CFL-a vang tal paw’n.

    Report this comment

  6. 6
    CFL Says:

    # 3 Aduhi, ka kal thei dawn lo hi pawi ka ti rei dawn khawp mai. Pawi tak a ni.

    Report this comment

  7. 7
    Awmtea Khiangte Says:

    Hman chuan kal ve a va chakawm ve

    Report this comment

  8. 8
    Sihtea Says:

    A hlathu hman leh a thluk te hi
    a in hmeh thei-in sak a nuam thin
    khawp mai. Zo rilrem zawng tak a
    hla han phuah te hi a thiam si a, a mah lah zai a thiam in, a zai ngaihthlak a nuam-in ngaih thlak a hah dam bawk si, a ui awm tak zet
    a ni. A hriat reng na pual an buait saih ah ka tel thei dawn lo va,
    Pu Chhuaklinga’n min lo tel kep
    mai rawh se.

    Report this comment

  9. 9
    Dr John Says:

    (Y) Tel ve theih a va chakawm ve … Ti ngei teh u

    Report this comment

  10. 10
    Phivawk Says:

    Ka tel ve chak khawp mai.

    Report this comment

  11. 11
    SHauzelSailo Says:

    A chhungte pawh pe sela ka va ti em, a lungphunna atan a a chuang a awm chuan. Anih loh leh sem se.

    Report this comment

  12. 12
    Puii Says:

    A va ropuiin a va lunglen thlak dawn ve le… (O)

    Tel ve a chakawm hle mai…. Helicopter kan hire mai dawn em ni aw… (Y)

    Report this comment