Bible Pathian a awm tak tak lo…?

November 18th, 2012 12:27 pm by Mr. Mister

Pathian awmloh finfiahna
Ringtu leh ringlote zingah pawh, Pathian a awm lo tih hi finfiah theih loh anga ngai an tam mai.Ni e, thil awm lo a awm lo tih fiah hi chu a harsa thin reng a, mahse awmze nei leh mumal taka chhui chian chuan kan ti thei ani. Entirnan, ‘A ni e’ an tih thilah hriat tur thu leh hla fumfe tak a awm chuan an rinna chu a dik leh dik loh a fiah theih a ni. Entirnan, miin thir kual mahse kil 4 nei (square circle) ka hmuchhuak e a tih chuan, a thusawi chu a tak hmu lo mah i la awmze nei takin kan fiah thei a ni.
Geometry atanga thlir chuan ‘circle’ leh ‘square’ chu enge an nih kan hria a. Circle chu kil (corner angles) nei lo tih kan hria a.Chuvangin thir kual kil 4 nei chu thil awm thei ani lova, achhan chu circle leh square enge an nih en chuan thil hrang daih, inmil thei lo an ni tih kan chiang thei ang.

Hetiang deuh hian Bible Pathian hi thawnthu mai anihna kan hre thei ang. Omnipotent engkim ti thei tiin Bible chuan Pathian a sawi a,Omnipresent Hmuntina awm. Omniscient Engkim hria. Omnibenevolent thil tha chauh ti thin ani.
Heng nihna tam tak, a nihna mal te te kan en atang pawha thil awmdun/inkawp thei lo vek, square circle ang kha an ni a. Heng zawng zawng a nih vang tak hian Pathian hi thil awm thei a ni lo reng reng.

Kan kal thui hmaa hriat tur chu, heng ‘nihna’ tin hi Bible ngeiin a thai chhia a ni. Bible ngeiin a pawtsawm hneh hle ani!! Pathian kan hmelhriat ve theihna awmchhun lehkhabu ngeiin a kalh tlat.

Omnipotence: Bible chuan thil engkim Pathian-ah chuan tih theih ani a ti a. Mahse Bible-ah ngei Pathian hian engmah a tih theihlohna a awm tlat si ani. Roreltu 1:19 Tin, LALPA chu Juda hnênah a awm a; tichuan tlâng rama chengte ch a hnawt bo vek a; ruama chenghote erawh chu thir tawlailirte an neih avângin an hnawtchhuak thei lo a ni.
A awmzia tak chu, indonaah Pathian hneh i duh chuan thira siam sakawrtawlailir hmang mai rawh.

Pathianin Setana a tiboral thei em? A theih chuan tinge a tih loh? Pathian hmangaihna, ngilneihnaa khat ni si, tinge meidila tlate a zalen tir loh? Engvangnge meidil a siam? A theih loh vang ani em? A duh loh vang ani em? Nge, hmangaihna leh khawngaihnaa khat a lo ni lo zawk? Sualna hi a ti rem duh thova, mahse a thei lo. Nge ni ang a; a nuai bo daih thei a mahse a duh lo. Nge, a thei tak tak lova, a ti bo duh lo bawk. Sualna hi tih rem a duh a, mahse a thei lo anih chuan engkim ti thei a ni lo chhia va a ni. A nuai bo daih thei a mahse a duh lo anih chuan hmangaihna a nei lo ani.
A thei tak tak lova, a ti bo duh bawk lo anih chuan a fel famkim lo mai ni lovin, a sualin a rawng hle tihna a ni.

Engkim ti thei a nih chuan engvangin nge Eden huana mihringte sualna vanga hremna a ta min zalen tir theih loh?
Zalenna min pe thei a mahse pek loh a thlang anih chuan thatna, felna, hmangaihna leh diknaa khat a ni loving.
Engkim ti thei leh thatnaa khat ni ta se chuan Eden huan bawhchhiatna kha ngaidamin, mihringte chunga rorelna chu kan sualna phu tawk ang zela hrem zawk tur ani lo a mi ang? Engvanginnge kan hriat phak loh, min thlahtu an ni ngei em tih pawh kan hriat loh, Evi leh Adama te sualna vanga min la tuar tir le?

Evi leh Adama te kha ti bovin, a tharin Eden huan, (thei kung tel tawh lovin) din ta mai se la, tichuan mi zawng zawng bawhchhiatna/sualna/helna hmasaber ata kan fihlim mai tur.
Lei leh van a siamna ni 7-naah khan a chawl a. A hah/chauh vang? A ni 8 naah leh a hnu zelah khan enge a tih leh zel le? A chawl ni lovin a duh tawk zawk ani mahna, achhan chu lei leh van a siam bak thil tha eng vak mihring tan a tih a awm si lova. Thil engkim ti thei tan hahchawlh a ngai dawn tihna a ni ang em?
Thenkhat chuan a thil tih a duh tawk ta mai niin an ngai a mahse Bible chuan, “A ni 7 naah a duh tawk a…” emaw “A ni 7 naah thilsiam a bansan” a ti bawk si lo.

Bible chuan, “chawl” a ti a. A chawl thei dawn a mi? Engtiklai pawha min enkawl anih loh chuan mitkhap kar lek pawh dam zo lovin kan inhre lawi si.

Han bihchiang i la:
Omnipresence: Pathian chu khawihmunah pawh, engtiklai pawhin a awm reng a, lei leh van, hmuntinah a awm vek a ni.Mahse Bible-ah ngei, he rindan maksak tak hi a rawn kalh tlat:
Khawvel inher dan leh kal dan, thil a nih ang tura a nih thin vang mai mai vanga lung ni lo thin Pathian-ah a chantir ni berin a lang. Amah ngeiin a siam leh remruat vek a ni lawi si. Mahse Engkim-ti-theia hi a tim deuh dui niin a lang. Ek rah pherh hlau ang deuh hian.
Pathian kea kal maw? Mahse hmun tina awm, lei chauh ni lovin, van boruakah pawh a awm vek si a. Kea kal ngai lo tur ani lawm ni?
Bible chuan, kein an inkulhnaah chuan a kal a “tlanchhuak turin” leh “hmelmate tlawm turin” a ti ani. Kal kher lo khan a thuthmun atang khan a ti thei lo a mi? A van in lal thuthleng atang khan tih mai awm? Ke a kal tih hian khawimaw hmunah a takin a awm tih a entir ani. Kalnan a ke a hmang ani. Anih chuan hmun tinah a awm lo tihna ani ang.
Hei hi a pawngpaw enliam chi loh, hmuntina awm a nihna a chawk zero tlat. Pathian chuan Isua ‘Fapa’anga a lo kal lai khan, “Hmelmate hmangaih tur” a ti a. Mahse Pathian, ‘Pa’ anga a awm chuan “hmelmate ti tlawm turin a theihna a hmang leh si a. Pathian danglam ngai lo tih dan tur a ni thei lo ani.

Exodus 33:20-23: Tin, ani chuan, “Ka hmel zawng i hmu thei lo vang: mi hmua nung reng thei tumah reng reng an awm si lo va,” a ti a.
33:21 Tin, LALPAN, “En teh, ka kianga hi hmun pakhat a awm hi, lungpui chhungah hian i ding ang a:
33:22 tin, heti hi a ni ang a, ka ropuinain a rawn kal pelh che chuan, lungpui khi chungah hian ka dah ang chia, ka kal pelh hma loh che chuan ka kutin ka han khuh ang chia:
33:23 tin, ka kut chu ka han la leh ang a, tichuan ka hnung lam chu i hmu ang: ka hmel erawh chu hmuh tur a ni lo ve,” a ti a.

He Bible chang hi a hmaa mi ang tho khian a nuihzathlak. Heta lo lang chu, Pathian chuan taksa bung hrang hrang a nei ve tihna ani. A hmalam leh hnunglam. A thenlai chu a hmuh theih a, a then erawh a theih loh. A hnunglam, a mawngbawr chu him takin a hmuh theih a, mahse a hmel hmuh chuan thihna. Mimal taka ka thlan chu, a hmel hmuh zawk a ni ang. Heng changte hian hmun tina awm a nih loh zia an tarlang chiang hle ani. Hmanlaia Hebrai ho khan an Pathian chu anmahni ang, hmel, taksa leh ban te neia an ngaih thin vang ani.
A hmel hmuh vanga thihna a thleng dawn a nih chuan, ama remruat liau liau a ni a, engkim ti thei leh amahah chuan theih loh awm lo ani si a. Chuvang chuan, a hmel hmuh vanga kan thi dawn anih chuan a remruat dan ani ang. Hei vang ringawt pawh hian hmangaihna leh ngilneihnaa khat a ni thei loving.

Helai thu hi Bible chang dangin a rawn kalh leh chiah lawi si….
Genesis 32:30 Tin, Jakoba chuan chu mi hmun hmingah chuan Peniel a vuah ta a: “Pathian chu a hmai hma ngeiah ka hmu a, ka nunna hi zuah a ni si,” a ti a ni.
Exodus 33:11 Tin, miin a thian a bia ang mai hian LALPAN Mosia chu inhmatawnin a be thin a, Tin,riahhmun lamah chuan a lo kir leh thin a: a rawngbawltu Nuna fapa Josua tlângval erawh chu puan-in chhûnga ta chu a lo chhuak leh ve thin lo.
Isaia 6:1 Lal Uzia a thih kum khan LALPA chu lalthutphah sâng tak chawisana thu ka hmu a, a silhfen hmawr fual chuan biak in chu a tikhat vek a.
Joba 42:5 Benga hriatna mai zawngin ka hre tawh chia, Mahse, tunah zawng ka hmu ta che;
(Awmzel tur….mai thei… Tlem lem(something) leh phawt teh ang…)
Rawn bengchheng deuh deuh an tam leh dawn mange!!!! Ka chhiar ngai lo. Hahthlawn mai mai. Tlar 2 chhiar bak hun ka pe peih lo. Positive feedback chu chhiar man a awm. Negative leh min hmin tum chu…..

Similar Posts:

Recent Posts:

39 Responses to “Bible Pathian a awm tak tak lo…?”

  1. 1
    Chemtatrawta Says:

    Pathian pawl turin ka kal tep. (H)

    Report this comment

  2. 2
    Dr Mahminga Sailo Says:

    Pathian ni pual… :-O NOI

    Report this comment

  3. 3
    Jacka Pi Says:

    Bible chhui chiang tur chuan a ziaktu Juda pa ho tawng hman, an tawngkam bungrua, eng an sawina nge…etc..hi lo zir chiang phawt ta lang…chuan i fiah uar phah chuan pawh ka ring lem hlei law :-O

    Report this comment

  4. 4
    saint sammoo Says:

    OT………..emeich te khua ah ka zin a hmuh ka tumteh reng nen a lo zin daih…sob..sob..

    Report this comment

  5. 5
    Ignatia (33-115 AD) Says:

    A tha alawm lo ziak zel rawh.

    Report this comment

  6. 6
    Chemtatrawta Says:

    I Pathian hmuh tum dan hi Muslim allah ang vela khiiiiitaahh han awm turin i ngai bawk si a, kan Pathian erawh hi chu a mite tanpuia, a vantirhkohte ven tir tlat thin tur khawpa Pathian hmangaihna ngah a ni si a. A thinrimna leh lungawi lohna lamlet tir thei chu Thinlung lungchhia leh sim hi a ni miau si a. Mihring nihphung tukverh atanga i thlir chuan hriatthiam hi a har reng dawn a ni.

    Report this comment

  7. 7
    LaMea CâcTùs FLh Says:

    mangan changa thlenna tur ka nei leh lawmthusawina tur ka nei hi ka laawm e….
    admin te, Snday ah lo tichhuak ula, a th asin mawle :-[

    Report this comment

  8. 8
    PKfanai Says:

    Bible I ching ve fe nge, tutee maw mi kheuh beuh deuh ziahsa I rawn lachhuak chu ka hrelo a, engpawhnise, a tha reng reng e. Pathian hi a ropui em mai a, a rorelnaah hian kan thu phalo em nain, Pathian fair tak (Pu Zohoa tihdan takah Setana lakah pawh a fair a ni) anih avangin, I buaina te hi han chhan ka han tum chin ang e.
    1. Roreltute 1:19 hi mizotawnga lehlin sual deuh hlek anih hmel. A saptawng chuan, “They had unable to drive” tih a hmang a, a hnawtchhuak theilo tute kha Israel sipaite kha an ni.
    2. Setana hi a tiboral thei a, a hun tiamah ala tiboral daw. (Thupuan 20:10).
    Pathian rorel dan leh a thil tih leh tih loh chhan te hi tunah kan va hriatpui kilh kelh lo na a, kan la hre em em ang.
    3. Pathian hian misualte hi leilung atanga nuaibo hi a tum uaih uaih fo mai. Nova hunah tui a let tir a, Abrahama hunah Sodom leh Gommora a hal a, Israel fate ho pawh kha nuai chimih a tum uaih uaih thin a sin. Pathian hi zahngai thei leh mi khawngaih thei anih zia a lanna hmasa ber chu, Adama leh Evi te an thi nghal lo a, anmahni leh an thlahte zawng zawng tana DAMNA pe leh turin a fapa Hmeichhe thlah atanga lopianga, an tuar ai tuar turin a tiam nghal thlap a ni.
    4. Lalpa kan Pathian hi a hah ve ngai lo ve. “Kumkhaw Pathian, Lalpa, kawlkil siamtu chu a chau ngai lo va, a hah ngai hek lohzia hi…Chaute te hnanah chuan thiltihtheihna a pe thin a; chakna reng nei lote chu a ti chak thin” (Isaia 40:28-29).Mihringte zawk hi chau thei leh rimtawng thei kanni tih a hriat avang leh amah kan theihnghilh a duh loh avangin Chawlhkar khata nikhat hi chawlh nan leh amah biak nan min ruat sak mai zawk a ni.
    5. Pathian hian loh theih loh anih lem loh chuan, he lei dan kalh lutuka chet hi a tum vak lo niin a lang. Amah ring ngamtu mihringte hmang zawkin thil ropui tak tak erawhchu a ti mai thin zawk a ni.
    6. Mihring awmhonaah leh Juda ho Jentail-te hmusit leh haw em em hote hnenah khan, hmelmate hmangaih a zirtir a, Mihring zawng zawngte hnena chanchin tha hril tur kan nih tlat avangin, hmelmate huat a rem ve lo a ni. Amaherawhchu, indonate alo thlen chang leh, amite tihchhiat tum an awm changing kan Pathian hi a thinrim a alh ve phut fo a, a mite a chhan fo thin a ni.
    7. Mihringte hi Pathian leh Van mite anpuia siam kan nit lat a. Amaherawhchu, Pathian hi anih dan phung dik tak hian, he lei tisa mit hian hmuh chi leh en ngam chi a ni lo zawk mai a ni. Ni aia eng zawk ani a, chhun nisat vanglai takin I mit lawng khan Ni khi mit meng sur miah lovin I en thei ngut ange maw chu. Nimahse, tul bik thilah chuan, a thlan bikte hnenah chuan, an en ngam tur tawkin a inlar thei tho tih a chiang bawk.
    Tawk rih phawt aw.

    Report this comment

  9. 9
    Sihtea Says:

    setana tlang au pa; ti khan tha hnem
    ngai tak khan, i bos setana tan khan
    han tlang au zel phawt mai rawh le.
    Ti chuan i lawm man a tan parthi
    mawi tak ai-ah, hrui hrual tha tawk
    tak chung lam hawi zawng ngat in,
    a la awrh tir dawn che ni’a.

    Report this comment

  10. 10
    kiddo Says:

    Hetiang te chu Pathianni (Sunday)-ah ti chhuak lo ula :-( .. Pathian awm pawh ring lo thu te chu weekdays ah te lo chhuak mai mai se.. Pathianni-a thu tha chhiar tum naklai a, hetiang te chu a… Burma nula awmpui tawngthiam thar in, ” Saw saw kan In a ni”, “Hei hi ka pu a ni” a tih vel ai pawhin a nep zawk.. :-P .. Kawngleh lamah chuan an khawngaih thlak hetiang ho hi..
    Bible chhahpui ah hian sawiselna an zawnga an mahni mawl ang angin sawiselna tlem a rawn thur chhuak a, a chhanna bawk Bible ah a awm vek tih an zawng leh peih si lo.. Tunah te hian khawngaihna leh hmangaihna vang chauha dam lul a ni si a..
    December ni 1 tang hian kan Kohhran-ah Gospel Camping kan nei dawn, rawn lut ve nghe nghe se tha ang.. Mahse hetiang ho hi Camping neih dawn vela buaithar riau, tihtur ngah thut, Camp thei lo tawka hrisel lo thut an nih leh tlangpui bawk si..huizzzz. (kan tih tak nghek chu :-D )

    Report this comment

  11. 11
    century child Says:

    Omnipresent leh Omnipotent eng vangin nge a inkawp theih loh ngawt ang? Inkawp lo thei lo zawk a niang chu.
    Kan Bible chuan nangmah ang hi ‘mi a’ a ti :-(

    Report this comment

  12. 12
    Zapper Says:

    Pu Mister,
    Pathian rorelna dikzia leh felzia tumahin kan chhut pha tak tak lo. Kan chhut fel vek thei anih chuan amah Pathian aia fing emaw amah tluk tal a fing nih a ngai dawn tihna a ni a.Mihring mai kan ni bawk si! A rorelna felzia chu ‘RORELNA NI’ ah a la lang ngei ngei ang a. Sawi fiah tur a i beisei zawng zawng pawh bang lovin a la hrilhfiah sak ngei ang che tih ka ring. A thu i awih duh lohna ah hian chhuanlam tur i nei dawn hauh lo ania!
    Bible hi,sawisel chan a chang ngawt lovin, Pathian inpuanchhuahna a nih ring chungin chik zawkin Bible hi chhiar la , i nun khawih danglam thei tur a tam ngawt ang. (Hriat thiam vek sen erawh chu a ni hauh lovang a.)

    Eden huan a Evi leh Adama te tihsual chungchang khi tlemin sawi zui ta ila. Evi leh Adama sualna dik tak chu Pathian dan (God’s Law) an bawhchhiat vang zawk a ni. Pathianin a thu an zawm thei dawn nge dawn lo fiahna atan thei ei loh tur chungchangah Dan a siam sak mai a ni a. Chu chu an bawhchhe ta a ni. Thei kung kha awm lo mahse an zawm tur ‘Dan’ eng emaw chu a pe thovin a rinawm. Anmahni fiah nan ‘Dan’ a siam mai a ni si a. “Sual hi eng nge ni?” tiin han inzawt ta ila. A chhanna chu – “Pathian dan bawhchhiatna hi a ni” tih hi a ni mai.Khawvel thilah pawh miin dan a bawhchhiat chuan hrem an ni thin a. A hremtu chu an va sual em kan ti ngai lo. Mihringten kan mihringpuite laka thil kan tihsual chuan dan hmangin kan chingfel thei thin a. Pathian laka thil tihsual chingfel tur erawh chuan Pathian chauh chu a ti thei awmchhun chu a ni. A chhan chu Pathian laka thil tihsual chu eng ang a serious nge tih kan chhut pha ve tlat lo!
    ( A sei lutuk dawn.. duhtawk mai ang. :-) )

    Report this comment

  13. 13
    tulunga Says:

    thu ringawt atanga Pathian awm leh awmloh chhui chu a dik thei dawn ami… In chhui dawn a nih chuan A thilmak tih atang te hian han chhui chhin ula a fiah thei zawk lo maw.?
    Pathian ka rinna chhan chu a ‘thil tih’ atangin ani..

    Report this comment

  14. 14
    thachianga Says:

    “Rawn bengchheng deuh deuh an tam leh dawn mange!!!! Ka chhiar ngai lo. Hahthlawn mai mai. Tlar 2 chhiar bak hun ka pe peih lo. Positive feedback chu chhiar man a awm. Negative leh min hmin tum chu…..”

    I rin dan midangte hmin tumin thu i post a, midang ngaihdan rawn share erawh lo ngaihsak i tum lo tih i rawn sawi nghal a. Hetiang hi Mi(sual) emaw, social network dang emaw a ngaihdan post dan tur a ni meuh maw?

    I thu khel hi i hrechiang meuh em? Kristiante pathian leh Kristiante lehkhabu thianghlim chungchang a nih hi. Rinna a pawm chi leh hriatthiam chi chauh a ni. Lo buaipui zui duh tawh suh. I kuang lo i nawr mai a ni e.

    I hriat phak loh thil hetiang chen zeta sei i post a, i post chhungah lah zawhna a tam em em bawk a. Sakhaw thil a ni a, sakhaw nei lo tan buaipui chi a ni lo. Buaipui duh tawh suh.A mawl thlak.

    Report this comment

  15. 15
    Eve Says:

    A ziaktupa chu i va han beidawng awm ve mawle… ;-) Pathian hi naupangte rin anga rin tawp mai tur….Chhui chhui hi chu mahni buaina mai mai …. (L)

    Report this comment

  16. 16
    lhpa Says:

    Ngaihtuah chian chuan i bible chang rawn lak chhuah te hi, a bik takin bible leh bible i inkalh tir dan te hi, a nuihzat thlak, kan Pathian lehkhabu hian kalphung anei asin, in ti fing taka i hriat thiam lo ni sarihna de dei dei te hi danieala hapta aaa sawiduah sen pawh ani lo tuna i awm mekna khawvel tawp hun thlenga hlim thla nei leh nagmah leh i pa tang dun pawhin in hriat thiam theih loh tur engkim ti thei a ruahmanna fing tak leh duan thlap asin. Engvanga ni sarih ni a chawl ta tlat ge a nih ang. in chhungkaw hriat thiam phak loh Pathian engkim ti thei a thil tih awmze nei tak ani ngei ang tiin kan ngai mai thin Pathian ani miau a nang vaivut kha hriau hmwr tiat pwh i chhui thleng lo. Thu thlung hlui ah a hmel an hmu thei thlwt lo th kan hmu a mhse engatinge thuthlung thar hun ah Pathian hmelhmu kan hre leh teuh, Sinai tlang ah amite hnena inlar a tum khan a hmel eng lutuk chu an hmu thei lo a, engtinnge atih? Van ropuina te hlip in a mah leh amah a in tih tlawm tur thu alo sawi daih tawh. Serh an tan thin thuthlunghlui faten chhandamna ani.Mahse tinge an tunah an tan tawh loh, “Thu thlung hlui dan te cu Zion ah a hlam chhiah a”. th te alo wm zel, hetiang vel mai mai hi ani i buai na, thu inkalh i tih te pawh. entir nan Meilung in serh an tan thin tur ani, i ngaihdan chuan tun lai nen a in kalh twk vel maithei, Psalm ah, Meilungte tuiah alo chang ta th kan hmua chu tui chuan kan in baptise ta, a dang lam / inkalh daih a mahse in zawm rukna leh in zawm dan an lo nei vek. a fiah loh ka hloh avang in hriat awlsam tur chang ka rawn thlang a, ziah vak ka chak khawp mai kan bible mak zia, ropui zia leh chungchuan zia, ilo buai lutuk leh hre chiang la chuan thu inkalh pakhatmah a awm loh zia hi mak iti ngei ang. Nangin nisarih ilo tih mawl ve tawp te hi bible ah chuan awm chhan an nei a sin. lo khel vak teh suh, i swisel vak vak kan Pathian nilo hi i thih hnu thlarau kal nan ilo be daih dawn nia. Setana emaw Allah ilo be daih dawn nia. a aia tha hre awm hawt si lo. Ngaihtuah chiang teh tuna i sawi sel vak vak Pathian hma ah hian i thringthi dawn ania o, nagmah leh kan vaiin.

    Report this comment

  17. 17
    Hotunu_pasal Says:

    Hetiang mimawl inti fing si ho hi chu a ngaihna an awm lo, khawvel tawp rorelna ni atan i ngawih san mai mai ang u. Amah pawh a reh daih hi.

    Report this comment

  18. 18
    Pangpuielhtliaka Says:

    “Mifing mihrin na chuanin a ngaihtuah chhuak zo lova che”

    Tun dinhmun a, kan thil hriat ve (tlemte) avanga ngaihdan lo siam ve hi a thing kan ti mai mai khawp a. Mifing ten aniang a??? an tih laia, “ani” lo ti ve leh tawp zel ho hi chu a… Kei chu Pathian hian chhuk ni si chho awm lo pawh hian a duh chuan a siam theih ka ring tlat mai nia, kan mihring finna ngaihdan a thil theih leh theih loh lo sawichian tum ve vak vak hi a ngaihtuah tlem thlak ka ti….

    Report this comment

  19. 19
    tema Says:

    Ka sawi tum nin sawi khalh ; Mihring mihrinna/ mifing finna hian a ngaihtuah chhuak zo dawn lo… chatuan chatuan thleng pawhin…. Kan Bible thu te hi thlarauvin a hriatthiam tirloh chuan atna a ni reng ani. tawngtaina nen a chhiar chi.. chu pawh hriatthiamna chu Pathian thu thu a ni e… awmlo ata awmah min siam si a

    Report this comment

  20. 20
    Matte Says:

    Atheist thian hi ka nei ve nual a. A chang chuan an ninawm thin. Miin urhsun tak Pathian an biak te an helh fo thin. Ka room-mate hlui pawh, evolution a tui ve tak, Adaptive mutation a Ph.D. work a hmang a, 7 yrs vel a tih hnuah poh positive result a hmu thei c lo, “Pathian hian min favour lo a ni” a tia, “Aw Patian awm i ring lo a ni lawm ni, engtin nge a favour ang che” kan ti chuan, a tum hmuk mai;).
    Ka thianpa dang leh poh, Bengali Pa tih takah thil a inla hre si, ngaihdan a sawh sawn duh si lo, kei in ka sawhsawn duh bok si lo. Nin deuh chinah chuan,”Inhnial vak a ngai lo, Pathian awm leh awm loh chu thih dawn darkar ah kan hria ang chu” kan tia, a chan a chhe deuh zawk a niang, a meng khuplap zel.

    Report this comment

  21. 21
    Matte Says:

    “Engatinge a tih, engatinge a tih loh” tih vel mai2. Helai khawvel khawmkar atangin “Engatnge Obama hian heihi a ti thei si a, a tih loh” ilo tih ve mahin kawngro a sut lo tehlul nen, Evolutionist te bul tanna “Big Bang” (lo om ta poh nise) hmaa mi, a Thununtu kha, “Engatinge” ilo ti ve vak2 chu a nia!!

    Report this comment

  22. 22
    Chhurbura Says:

    1 Timothea 4:1-2
    Hun hnuhnungah chuan miten rinna thu hi an la hawisan ang a, thlarau dik lo hruai bovin, ramguai laka chhuak zirtirna dik lo chu an la awih zawk dawn tih thlarauvin chiang takin a sawi. Chung thu theh darhtute chu chhia leh thra hriatna del, thir linga deh char ang, mi dawthei an ni.

    Report this comment

  23. 23
    lhpa Says:

    mizo ani si hian ka rilru a ti na deuh e a, i nu leh pa te chuan hria se an tliak hnawp ang mawle, Lei leh van siamtu hi thu tiam a ding leh tih dan phung nei ani si a, i zawhna ang bawk hian kan lal Isua khan zawhna a dawng nasa asin. Meisia i nih tak tak chuan in ti dam rawh te pawh an tih kha, kan Pathian tih dan phungneia hian tuna i zawhna anga mawlmang, a ngial a ngana a thil tih
    theihna hman tir tumna zawhna ang chi reng reng chhan na tur te hi hring a chan lai khan alo siam diam. bible thil sawi dan kal phung te hi i dawn chiang lo ka ti dawn nge hmangaihna chung chang te khi, a thil siam te hmangaih tu leh hemi abik takin human being in hmangaihna lam sawina ani, a hnam thlante hmelma cu ati tlawm ngei e, mahse bible protocol ka ti mai dawn nge thil in dawt dan bible a tawngkam takin ramri kham hrethiam lo chu i chung a pik e. a hnam thlan choh nilo gentail mi zawng zawng tan chhandamna kawng a in hawn a tang khan, bible ah hmelma chu sipai rual lam ni tawh loin Sual Setana a ni zel tawh ang.chhut ve teh. a kawi zawng hlir a ngaihtuah chuan kawi lo a awm lo.i thir dan pawh khi a kawi tho, I ngaih anga Pathian sual ni ta se nagmah leh khawvel hi a ti boral daih twh ang. i na deuh ber mai awm e.

    Report this comment

  24. 24
    Saitawk Says:

    Kan huan-ah hian Sakei a awm lo a, a awm loh thu ka sawi ka sawi lemlo asin mawle! Engemaw chu a la inzep tet a ni. Mi pawn ‘in huanah sakei a awm ania’ pawh lo ti se ka ngawi mai mai ang. (Y)

    Report this comment

  25. 25
    Jaira Pa Says:

    Ka thian, Lal Isuan a Hmangaih che. I hawisan theih chhung chu kal zel mai rawh.

    Report this comment

  26. 26
    MamiPa Says:

    mihring fin na leh thiamna hmang a Pathian hi chhuifiah kan tum chuan kan bo tulh tulh dawn ani Pu Chawngkhupa’n hla ah a lo sawi kha” Mihring mihrinna hianin,
    A ngaihtuah chhuak zo lo va che,
    Ka Chhandamtu, i thuruk hi.

    Report this comment

  27. 27
    thlanrawkpa Says:

    Bible hi a pawng a taka lo chhai ve chiam chi pawh ani lo, I thu lo post te hi, zir chiang la i buai miah lo ag. A background te hre zel la. Bible ah hian error chu awm ve zeuh2 alawm, in evolution theory te pawh a inkalh ve nuk2 tho hi mo!
    Advice BD emaw, Diploma in Bible Studies te han ti la, i chiang deuh uarh mai ag (H)

    Report this comment

  28. 28
    thlanrawkpa Says:

    “(Awmzel tur….mai thei… Tlem lem(something) leh phawt teh ang…)
    Rawn bengchheng deuh deuh an tam leh dawn mange!!!! Ka chhiar ngai lo. Hahthlawn mai mai. Tlar 2 chhiar bak hun ka pe peih lo. Positive feedback chu chhiar man a awm. Negative leh min hmin tum chu…”
    Pathian awm i hlau deuh ani lo maw?

    Report this comment

  29. 29
    Phivawk Says:

    Thianpa, PATHIAN leh square circle khai-khin chi a ni lo.

    Report this comment

  30. 30
    latei Says:

    helai a Pathian i tih hi Kristiante Pathian i tihna a nih ka ringa. a nih leh hindu/buddhist/muslim ho rindan i sawitel ve si lova.chuti anih chuan he i thu post hi hindu/buddhists/ muslim ho propaganda a ni thei mai em?. nang pawh heng sakhua khawi e maw ber ah thahnem i ngai viau ang a. nihloh leh chakma pa pawh ilo ni mai thei zawk e mr mister :-D

    Report this comment

  31. 31
    Puii Says:

    Mr.mister chu comment i lo chhiar zel anga, i ngaihdan chu i bansan thei tawh mai ang chu maw… (Y)

    Pathian thlamuanna rilru reng renga hriatsen loh hi i la nei ve ngei ang chu…

    Report this comment

  32. 32
    rotekawlasepa Says:

    Pathian ropui zia leh hmangaihna nasat zia a hmuh hunah chuan ava lawm dawn em…………. Pathianin hun tha a pe ngei ang che…

    Report this comment

  33. 33
    Puarpeng Says:

    Pathian khawngaihna dawng la, a tirhkoh ropui tak ah la chantir che rawh se!

    Report this comment

  34. 34
    jh tlana Says:

    He thu post – tu hian a thu post hi a hrechiang angem le? Kan Pathian Lehkhabu a thu engpawh hian Kalpui a nei zel. entir nan : Thuthlunghlui chu Thuthlungthar hlimthla a ni. Heite mai hian kan comment ange ” A NI CHU KA NI TIH IN AWIH LOH CHUAN IN SUAL NEI RENGIN IN THI MAWLH ANG” tih hi a chanpual atan dah hmiah chi.

    Report this comment

  35. 35
    SHauzelSailo Says:

    Setanic ho hian atheism hi an hmakhawh niin ka hmu ta, ka han chhut vel dan chuan.

    Pathian hi kan zawn tak tak loh avang in kan hre thrin lo ani. A thlarauthianghlim tihvarna pawh kan hmu thei lo thrin ni.

    Setan’a kha a duh hun hunah a ti boral thei, mahse he khawvel siam tura Pa Pathian leh Fapa (Isua Krista) Pathian an in biak khan, Setan’an ka tel ve lo ati a nawrhna mai nilo, mutiny kan ti mai dawn nge, mahni lalna a sual ta a.

    Tin, khawvel (siama a awm hma atrang khan) kha Setan’a leh Pathian indona awmtranna alo ni a.
    Pathian hmangaihna a khat chuan setan’a atih boral mai chuan vanmi zawng zawng ten Pathian kha diklo ah an puh don si a, khawvel siam kha a thrulh chuan setan’a kha thiam zawkah a trang mai dawn bok a.

    Tin, khawvel kha Pathian leh satan’a in do na tur hmun ani a, chuvang chuan, setan’an mihringte a bum thluk chuan, Isuan keiman ka thisen leh nunna in ka tlan ang ati a. Chumai ni lovin Setan’a chu a thiam lo hulhual ani tih fiahna tur ani bawk ani.

    Chuvang reng chuan ani, Isua Krista chu, ‘leilung pian hma pawh a talh tawh beram no’ tih anih reng ni.

    Khawvel kha siam ani ta a, Isua chuan thisen leh nunna a hlan ta a, setan’a chuan thiamloh a cang ta bawk ani.

    Report this comment

  36. 36
    Dr Mahminga Sailo Says:

    # 35… (Y)

    Pathian awm ring lo mi thenkhat hian, Pathian awm ring mi thenkhat te aiin Bible hi an chhiar tamin an hrechiang zawk awm mang e ka ti! :-O An taimakna hian an nunah rahtha chhuah daih se ka ti.. (Y)

    Report this comment

  37. 37
    Alejendro Says:

    I thuziak chu a ngaihnawm dawn hle mai. Hun thawl deuh neih a chhiar chhuah dap a chakawm khawp mai. Mahse ka chhiar thuak thuak a tang a ka rilru a rawn lang kan tarlang ve lawk a nge.

    Fiamthu hlir hian ka pawt thin a, nang chu thutakin kan chhang ang che.

    Evi leh Adama khan dan an bawhchhiat khan engah nge a hnawh chhuah kher ni? Thil engkim ti thei a ni lo em ni? Engah nge mihring ang a rawn kal a kan sual ai a rawn tawrh kher ni. Ama siam vek kan ni a, a duh chuan min ngaidam thei mai lo em ni? Dan pawh a ma duan vek a ni si a.

    Kan rin Pathian hian dan hi a ngai pawimawh a ni. Ama thu tiam tawh zuk leh rum rum chi a nih loh avangin amah vekin dan chu rawn zawh famkimin min chanhim ta a ni.

    Thildang khi chu nidanga chhanah kan khek a nge.

    Report this comment

  38. 38
    Dr John Says:

    A mak thei hlei mai ;-(

    Report this comment

  39. 39
    Dr John Says:

    A mak thei thin hle mai a ;-(

    Report this comment