Archive for November, 2012

ISUA BIRTHDAY-II

Friday, November 30th, 2012

Krismas alo hnai leh ta hle mai a, Mister-a thuziah kha han chhan ka duh viau laiin, hetia Post hrana chhan lawih law law hi ka thlang zawk deuh thin a(Ka style ani ve mai ang chu). a point te tein I han chip dawn ang hmiang.

1. Thuthlung hlui a Mosia hmanga ‘Dan’ a pek “Ha aiah ha, mit aiah mit” era atangin ‘Khawngaihna(Grace) Period min kai pui a, Jentail-te ni-ah min luhpui hi abik takin keini Jentail te phei hi chu Lawm tur kan ni tak meuh mai.

2. Setana leh a tirhkohte hi Thlarau taksa(Spiritual beings) annih tlat avangin, he mihring tisa pu thisen lum nei leh awlsam taka thi thei te hnenah hian, a ngial anganin an inlar hi a remchang lem lo.(Hei vang hi a nia, thupui tawpkhawk anih loh chuan, Ramhuai hmuh nazawng hi ka awih duh miah loh ni). Mihringte an rawn bia emaw, an pawl duh anih chuan, Tisa nei engemaw mihring emaw, ramsa emaw an hman a ngai a ni. Setana pawh khan, Rulpui a rawn hmang ani ve mai.

3. Pathianin, “TIH LOH TUR” Dan(Law) pelo sela chuan, SUAL pawh a awm lo tur hi a nia. Nimahsela, Pathianin mihringte kha TIH TUR (Purpose) neiin a siam a. Amah nena lengdun thin tur leh He khawvel leh a thilsiam dang zawng zawngte chunga thu neia, enkawl turin a siam a, Eden huanah khan a dah a ni. Tin, TIH LOH TUR Dan 1 a pe tel bawk a, chu a dan siam an bawhchhiat avang khan, Sual an lo ti ta a, Pathian thu aia Setana thu awih zawk na kha, SUAL chu a ni. Tin, Chhia leh tha hriatna thei ei kha, thil sual ani tih an hria a, Evi pawhin rul hnenah a sawi kha. (more…)

Hringnun hi 148

Friday, November 30th, 2012

Hringnun hi
A hlimawm viau a,
Nuih hlâwkna hi tuin nge
Lei zova, a man pe tlâk thei awm?
Thihna tu ṭhian nge ni a
Damna hi tu ta nge
I hria em ni?
I duh rêng vangin
I nui ngawt thei lo asin,
Ṭah pawh a hlâwkna a awm ve fo;
Lâwmte chu lâwmpuia,
Ṭapte chu ṭahpui
Hi NUN a ni.

Serṭawk leh damdawi!

Friday, November 30th, 2012

Grapefruit an tih hi Mizo ten Serṭawk kan tih hi niin ka hria; serṭawk tih ka hmang zel phawt ang. Engpawh nise, mithiamten an zirchhuah tharah chuan, damdawi ei lai neite tan a hlauhawm thei hle tih an hmuchhuak a ni. Grapefruit (Serṭawk) mai a ni lova, zikhlum chikhat, kale an tih leh licorice (hei hi Mizo ten Reng-an kan tih kha a ni em ka chiang lo) te pawh an tel tho mai.

Serṭawk (ti zel phawt ang!) hian tun hma a mithiamte rin aiin damdawi (prescription medication) hal (mil loh) a ngah hle tih an hmuchhuak a ni. An hmuhchhuah danin, prescription damdawi chi 85 lai a hal an tih pek chu! Damdawi a hal zingah hian cholesterol, diet lam inenkawlna te pawh a tel nawk mai. India lamah chuan a hming a dang maithei a, Lipitor, Zocor, Mevacor leh anticoagulant Plavix te pawh an tel nghe nghe.

Daktawr chawh, damdawi eilai neite emaw, dietna lam eite chuan serṭawk, kale leh licorice lakah fimkhur a pawimawh hle awm e.

(more…)

Isua Birthday…..

Friday, November 30th, 2012

Isua piancham-ah hian hlim taka lawm tur nge kan nih ngui takin? Khawvel tlantu lo piang meuh chu a lawmawm a ni. Isua thih hnua mihringte hi chu lawm hle tur kan ni a….mahse…. Isua pian vang hian mi thenkhat tan chuan lawmna tur pakhatmah a awm lo. Thinrimna leh tawrhna thil a ni. Thuthlunghlui atangin a tharah min kai tir a. Hei hi mihring tan thu lawmawm nge anchhia?

Bible thuziak keuhawngtu zingah rul tawng thei a rawn inlar kher kher hi chu an ti fuh lo deuhin ka hria. A ‘fairy tale’ deuh tlat. Bih chian chuan rul tawng thei piah lamah hian thuawih lohna a rawn lang leh a. Mihringte Pathian mita kan sual chhan hi a ho tlat. Snow White leh Rapunzel thawnthu a ang tlat a ni. Bible a dawt sawi hmasa ber pawh hi kan rinhlelh miah loh a lo ni daih bawk a. Nakinah ‘thawnthu’ hi chu kan la chhiar zel ang.

Thei an ei hma khan Adama leh Evi khan thil dik leh dik lo, zahna chang, thil tha lo, sualna tih kawngah engmah hriat an la nei lova. Rilru thianghlim tak puin Pathian nen an inpawl thin a nih kha. Pathianin thei ei loh tur a tih pawh khan an ei chuan thil tha lo leh sual a ni tih pawh an la hre lovang. Rul tawngtheiin a rawn thlem a, thlemna pawh an la tawng ngai lova, thlem an nih pawh an hriat hmel loh.

(more…)

MLTP Act leh a nghawng

Friday, November 30th, 2012

Rual u zawk te sawi danin tunhma MLTP Act hman a nih hma khan Mizo mipuite hian Zu indan hi kan thiam hman viau in an sawi a. Tunah khap burna hnuaiah kan heti nuaih mai si a, he dan kan hmang hi kan tisual em aw a tih theih ta in ka hria. Zu kan huat avang ngawr ngawr hian hemi chungchangah hian kan rilru puthmang a biased thei tlat mai a, hei hi rilru fim taka ngaihtuah a tulin ka hria.

Zu kan khap a, kan khap bo thei tak tak si lova, kan ti hlu a, zu quality a chhia a, a tlem phah chuang lova, a in duh te chuan intur an hmu reng tho. Mahse, khapna hnuaia in an nih avangin an in thiam lova, an hmuh hun remchangah te chintawk neilo leh a hun a hai thlu lovin an in a, an rilru leh taksa in a tuar. Kan zu in mite kan nghei tir thei lo anih chuan indan tha zawk kawhhmuh hi kan tihtur ah kei ka ngai.

He mi chungchang tunhnaia ka vei zualna chhan chu kan chhungte hnai tak pakhat hmanni mai khan a boral a, zu vangin. Damdawiin a a awmna ah khan zu vanga enkawl mek an tam lutuk. Fiamthu in Khamrang Case an ti mai hlawm a. A statistic chiang tak ka nei lo, mahse damdawiin a thawkte sawi hmangin tunhma, zu khap hma ai khat a let tam takin zu vanga thihna a thlen tam thu an sawi. Hei hian chiang taka a entir chu zu quality chhe lutuk avangin mihring nunna kan chan nasa tih hi.

(more…)

Bruce Lee playing Table Tennis

Thursday, November 29th, 2012

En ngei ngei chi a ka ngaih!

A priceless clip of Bruce Lee… This is a short clip done in the late 60′s of Mr. Bruce Lee using Nun chucks to defeat a Ping Pong game opponent. Even with two opponents. (This is actually being used as part of Nokia phone promotion campaign overseas, but the footage is real). His focus on speed, reflexes and accuracy was absolutely incredible! And this was long before the days of photo-shop and high-tech special effects. He was the true king of all martial artists (on several levels), and innovator to the sport, and NO ONE was or may ever be his equal in that regard. Watch and judge for yourself. He makes it look almost effortless.

YouTube Preview Image

youtube comment pakhat: I am a 2 time Olympic Table tennis silver medal winner and this footage is real.
mctaggartd1wis 13 hours ago

Branded!

Thursday, November 29th, 2012

A ta bel bel chi alpa tuang
Paihte sumdawng tawngkam ka hriat thin nge, khaw khat fiamthu thiam tawngkam pawh ka hre ta mai lo. He tawngkam hi, sumdawngin a thilzawrh a fakna: Ka pu lei rawh, a tha ber ber chi, arpa chuang ngat a nih hi an tihna a ni awm e. Arpa chuang sawi takah chuan, ka thawhna company thilsiam zawng zawngah hian company chhinchhiahna (logo) uite (&) lem hlir a awm thung. A ta bel bel chi uite chuang tia infak lar ve mai chi em maw ni le? :-D

Branded leh Mizo-te
College ka kal laiin, hnamdang thian thenkhat te’n Mizote leh hmarchhak mi chuan thuamhnaw branded ngat in ha thin ti raw? tiin min zawt teh fo va. Kei lah hi, inla-changkang viau e ti lo hian, Branded thuamhnaw a awm bik tih hre ve mah ila, ka inbel ngai miah lo. Ningkhawng hre lo deuha lan ai chuan tiin; nia China, Katmandu leh Bangkok kan hnaih a, thuamhnaw tha kan nei thin alawm ka ti mai thin :-)

Branded leh kei
A nihna takah chuan, Aizawla college ka kal chhung zawngin secondhand market-ah branded seconhand thuamhnaw ka lei nasa thin! Thla thum a’n vei a, Stipend ka lak tawh hi chuan, ka kalna hmasa ber chu secondhand market a ni fo. Tin, nula chhelo fe fe hmuh tur an awm thin khan Aizawl secondhand market kal a tinuam ve hrim hrim ;-)

Bangalore-ah lehkha zira ka’n awm takah chuan, branded thuamhnaw leina hmun tha tawk ka hre leh pek a. A dawr hming pawh Cotton Expo ngat. Kan professor pakhat min duhsakna avanga a Clinic-a tangka tlemte ka hlawh akin chu dawr chu ka pan ve fo va. Tee-shirt Rs. 60 man te, Rs. 100 man te ka va lei leh nawlh nawlh thin. Seconhand a ni tawh bik nang, a thar ngat an ni. :-)

Thuamhnaw inbeltu hmel hi a branded ve hrim hrim nge ka hre law. Vawikhat chu, kan professor pakhatin ka Tee-shirt man min zawt teh tlat a. Kei lah intithei ve bawk. Tihian kan inbia a (more…)

Thawnthu tak tak (true story) tawi!

Thursday, November 29th, 2012

Isaac Newton: 17th-Century London’s Dirty Harry

Science lam a thiamna turu neitu chuan a finna khumtu a hmu khat hle. Mahse kum 2 ngawt English pawisa lem siamtu-in a finkhalh zel avang chuan a mangang ve hman fu!

Kum 1695 a ni a, England ram Royal Mint (pawisa siamna) chuan harsatna a tawk nasa hle mai. Pawisa leng vel tam takte chu a lem a nih vangin an buai hle mai a. Chutih lai a England ram chhung a fingber a ngaih, Isaac Newton kutah chuan chutiang chinfel hna chu an nghat ta tawp mai a ni. Tichuan, Isaac Newton chu pawisa siamna hmun (mint) warden a tan an hmang ta a, one-man army chu a che chhuak ta a ni.


(more…)

Ngaihtuah hmasa phawt teh..!!!

Thursday, November 29th, 2012

1. ” Kawr tha deuh leh mawihnai deuh rawn ha ta che” i tih hma khan a leina tur pawisa a neih lohzia kha ngaihtuah hmasa phawt teh.

2. ” Engati nge vawiin hnatlang i rawn kal loh, i lokal kan beisei tehreng che nen” i tih hma khan, eitur hlawhchhuak tura mi tlawmngai ten inhlawhfakna an siamsak avanga rawn hnatlang thei lo anihzia kha ngaihtuah hmasa phawt teh.

3. “ I va cher ve a, i vun a chuar vat anga sin, ei leh in fimkhur deuh teh” i tih hma khan ei leh in puar khawp aneih lohzia ngaihtuah hmasa phawt teh.

4. “ NREGA chu ni 5 kan thawk ang a, ni 2 hlawh kan donate mai dawn nia” an tih changa rang taka i lo phar thluk hma khan ni 2 hlawh lek pawh thlahlel ngawih ngawih chhungkua an awm tih ngaihtuah hmasa phawt teh.

5. “Vawiin tlai engnge in hmeh dawn?” tia in chawhmeh tur hre rana i zawh hma khan chawhmeh mumal an neih lohzia ngaihtuah hmasa phawt teh.

6. Vawksa hrisellohzia leh a aia hrisel dang i hrilh zuah zuah hma khan vawksa leina tur pawh a neihloh thinzia ngaihtuah hmasa phawt teh.

7. “Tunkum Krismas bazar tawtzia leh thil a to zia chu” tia i fate thawmhnaw i leisak i entir lai khan a fate Krismas kawrmawi a lei theihloh avang leh a fate rualawt lutuk tur a huphurh avanga hrehawm a tihzia ngaihtuah hmasa phawt teh.
(more…)

Fimkhur deuh teh u…

Thursday, November 29th, 2012

Mizo te hi hnamdangte ang bawk in sex lamah kan tuihal tih kawng tam tak in a hriat theih a.A dik taka sawi chuan hmanlai kan pi leh pute ngaihdan diklo lutuk hian min hruai khawlo zo vek a ni ber e.Virgin a thi kha chu mitthi khaw kal kawngah Pawla’n sairawkherh lianpui mai hian a lo perh dawn ni in an ring a.Chuvang chuan nulat tlangval laia virgin a thih palh an hlau hle a ni.Tlangval nula mutpui tam thei kha ropuina chi khatah an dah bawk. Nulaho lah in inleng neih tam an duh theuh bawk. Nula leh tlangval an awmkhawm tam nana hi chuan chet sualna chance an lo ngah bik a ni awm e, hmanlai atang reng in khawlai fa a tam em mai. Sawn tam na chhan dang pakhat chu sawn man a tlem lulai deuh zawng a ni.Tlem in han to ve deuh hlek se tha tur tihsan a hun tawh hle in a hriat.

Hmanlai mizo society ah hian nula leh tlangval te zana an inrim mai bakah chhun lamah pawh an inrim bawk.A bik in hmeithai in ah hian pa awm tawh lo tihtakah an tlangnel hle ni in a lang.Hmeithai in a inleng tlangval kha a fanu pasal tura a lo duh ve deuh phei chuan a lo be tha em em mail eh nghal a.A chang phei chuan chhun pachangah pawnpui phah sak in a mut dun tir hial thin.Chu chu “zawlpuan phah” an tia ‘dawn puan phah’ ti an awm bawk. Nula leh a nu in an makpa atana an hualna ang reng deuh a ni mai awm e.Khatia an mut dun khan enge an tih chu a hriat lem loh a, amaherawhchu, a mawi lem lo hle.

Hnamdang kan ngaisang lutuk hi a pawi khawp mai. Hmanlai atang rengin hnamdang ngaihsan avanga hnamdang laka in phalrai an  awm a rinawm. Sap phei chu an lo ngaisang hle ni tur a ni.Sap lakah sawn te pai in pasal atan hial an lo nei a.Chumite thlah kal zel Miller , Murray etc. ho phei chu tunah chuan Mizo hnam ang hial a ngaih an ni tawh. Mizoram buai laia vaiho in mizo hmeichhia an pawngsual vak te pawh khan thlahpawlh engemaw zat a hrin a rinawm.A chhan chu khang hun lai khan tun angin contraceptive methods te hi a la lar mang si lova.Mizo nisi vai hmelpu pawh an om deuh nuk tawh mai.Kan hmeichhia ten sum an ngainat luat ah hlawh nei an nih phawt chuan dumka pioneer mai neih mai an pawi ti tawh lo.Hetianga hnamdang neihpawlh nasat luat tuk te hi midangten min chimralna tur a ni si a.

(more…)