HACHIKO

October 31st, 2012 9:00 pm by Dr Mahminga Sailo

Hnunga kawl-ek thai
Khawvel changkanna ka umphak ngailoh ang bawkin, ka tawnhriatte pawh hi a hnukhawi lam a ni fo. Kekawrtlang arh an uar laiin leina sum ka neih zawh loh avangin kekawrtlang parallel ka ha a. Kekawr arh ka lei ve theih hun meuh chuan a tlangzuih an uar leh ta bawk si. Chuvangin thuamhnaw ka neih chhun chhun ka ha lawr mai a. Tunlai mi te’n fashion an tih hian ka tan awmzia reng a nei ngailo.

Chutiang zelin, mi fate’n lemchan hmuhnawm tia an sawi vul chuk pawh, an sawi peih tawh loh hnuah ka’n en ve thei chauh a. En hmasa ber niawm fahranin ka’n tlangaupui lehnghal chiam thin a nih hi. ;-)

Ui fing leh rinawm
Ka thuziak pakhatah Hachiko, Akita Inu breed (chi), ui fing leh rinawm chungchang hi ka ziak lang tawh a. A pu tana a rinawmzia ka hre ve, mahse chuti teh ualin ka ngaihven lem lo.

Kar hmasa lawk khan ka naute pahnih, Office atanga Dasara sweet ka hawn ei turin ka room an rawn leng hlauh mai a. Uite buaipuia, an tana nun leh hun hmang tih takah, ka room banga ui chi hrang hrang (breed-chart) ka tar chu an en vat a. Hachiko lemchan (film) hmuhnawm tak chungchang an sawi chhuak a; lemchan en tur a neih thu min hrilh bawk. Tin, chu ui fing leh rinawm tak avanga a mittui a tlak hial thu min hrilh bawk. :-)

Aitechhinna
Tichuan, ka room-a an rawn len tuk zanah ka naute inah chuan ka va leng a. Hachiko film chu kan en ta. Ui note duhawm tak, engemaw avanga a puin a hloh; zirtirtu pain a chhara, a ina a hawn velin a intan a. Ka en zel a, chu lemchan chuan ka rilru a hneh ta viau. Ui fing tak rinawmna avang leh lemchan chuan a tak a an em avangin, tlangvala pumpa’n mittui parawl kuangin ka en anih chu . Ngaiteh, nula bula ka en ve avangin, mittui tla ema lemchan en chu ka hreh ve deuh vang a ni.

Ka mittui a tla hial!
Chu lemchan chu kartluanin ka rilrua’n a cham a. Hman remchan vel leha en ka tum chu ka hlah lo. Inrin ni tlai a thlen chuan ka room-ah ka inkalhhnan te te a, ruahtham loh lemchan chu ka en leh ta. Mitmei ven reng ngai lovin, chhuihthangvala’n lemchan chu ka en a, ka hnuk tiulhtu a thleng fo a. Ka mit ka’n chhing vang vang a, luaithli ka nul leh thin. A pa lo em mai pawh inti mai thei, hnukulh avanga mittui tla thei lo zawk hi piangsual ka ti zawk. ;-)

Kan tana rinawm Isua
Hachiko, ui vulh mai mai, thenkhat phei chuan uicho ti hiala an koh tur chuan kum kaw chhung zet a pu nghak chhuak zo lovin a damchhung hun a hmang a. Inchhung lum leh chaw tha tinreng pawh thlang lovin, khawlaiah chengin a pu chu a lo kir leh mial lo’ng maw? tia nghakin ni sa leh vurtla hnuaiah a thu nitin a. A ngaihsanawm a ni.

Kan sual tlana, chatuan nun kan neih theih na’na, a nun hlu tak hlana, hrehawm tinreng tuara vanram kawng min sial saktu Isua Krista min hmangaihzia hi hre nawn fo ang u. Sualah tlu thin mah ila, kan chunga a thatna leh hmangaihna a dang chuang lo. A tan rinawm lo mah ila, kan tan a rinawmna a kiang ngai si lo.

Hawh u, kan nitin nunkawngah hian Isua nun enin, ama tana thih thlenga rinawm a, nunna lallukhum chang ngei turin, hringnun tawite hi I hmang ang u.

Similar Posts:

Recent Posts:

20 Responses to “HACHIKO”

  1. 1
    Mx Says:

    1st em aw?

    Report this comment

  2. 2
    Zapper Says:

    ka second …

    Report this comment

  3. 3
    Mx Says:

    ‘hachiko’ film chu ka en ve chak ngei mai… (Y)

    Report this comment

  4. 4
    DuatDuat Says:

    A changtupa Richard Gere lo ni kher nen kei pawh ka tap nasa,mi an lo chhuak sup sup a kawngkhar beisei na sang tak nen an melh a,beisei tur awm tawh silo kha…… ;-( (W)

    Report this comment

  5. 5
    sheldon Says:

    En ve a chakawm hle mai. I thu ziak chhiar a nuam a, ringtu nun ah i kai lut nalh thlap thlap e.

    Report this comment

  6. 6
    blackmagicwoman Says:

    He post hi ka duh zawng tak a ni! (Y)

    Hachiko ah khan keipawh cry nasa mai…Marley and me tih pawh kha, a tawpah ka trap.

    Report this comment

  7. 7
    Puii Says:

    Hachi kha maw.. a lungrun tawp… (Y) la en ve lote pawhin en ve ngei ru…. onlinein a en theih tho alawm (Y)

    Report this comment

  8. 8
    Dr Mahminga Sailo Says:

    Station master-in, ‘Hachi, I pu chu nghahchhuah tur a awm tawh lo, a lo kir tawh dawn hlei nem’ a tih te..
    Parker-a nupuiin an in a chhuahsana kum tam tak a vei hnua Hachi, a pu nghaka thulai a va hmu leh te..
    Tlai dar a rik dawna train a tut ruai ruai laia, station gate mit la miah lova a thlir vang vang te..
    Sawi tur a tam mang e. Lemchan pakhat a ka hnukulh tamna ber a ni tlat.. (Y)

    Report this comment

  9. 9
    Dr Mahminga Sailo Says:

    #8… *Tlai dar 5..

    Report this comment

  10. 10
    sheldon Says:

    Tukchhuah nuam vek u le (L)

    Report this comment

  11. 11
    Awmtea Khiangte Says:

    A film te khan hnuk a van ti-ulh chiang em! Ui fing leh fel tak zawng a ni

    Report this comment

  12. 12
    david Says:

    ka ngaihtuah let leh velh pawh hian ka ;-( dawn in ka hria.hahaha

    Report this comment

  13. 13
    evergreen Says:

    @Mahming, khalamah khan Movie en i hrat sawt riau :-D

    Ka la en lo nain, i han sawi engah chuan en ve a chakawm, i finishing khi a ‘tawih’ khawp mai.. (Y)

    Report this comment

  14. 14
    Dr Mahminga Sailo Says:

    @ evergreen.. He leihringnun lemchan khawvelah hian chhai tur D tawng hek lo i, lemchan khawvela lemchan maia ka inhnangfak mai loh chuan.. :-D
    Nia, tunlai post thenkhat hi hnial dan khan ka hre vak si lo va, ka hriat ang tawkin Lal Isua tana kam nun a tulzia ka’n zep tel ve thin a ni.

    Report this comment

  15. 15
    kiddo Says:

    Ka la en ve lo a nih chu le..

    Report this comment

  16. 16
    Sihtea Says:

    A va’n ngaihnawm reuh e.

    Report this comment

  17. 17
    badboy Says:

    Kha film kha maw hmuhnawm tak a ni ;-( ka enleh chak tawh

    Report this comment

  18. 18
    Dr Mahminga Sailo Says:

    Richard Gere hi hetiang film serious deuhah hian a chan thiam riau bawk ka ti.. :-)

    Tin, a tawp dawna, Hachi mitthla an tilang tel khan ngaihtuahna a hruai thui bawkin ka hria.. (Y)

    Report this comment

  19. 19
    Chhuaklinga Says:

    La en ve ngei tur a nih hi. Tum loh lam ramah min hruai lut daih mai. A tha e.

    Report this comment

  20. 20
    Dr John Says:

    (Y)

    Report this comment