Foreign club nen kan inkhuainuai!

October 30th, 2012 6:49 pm by evergreen

Mite angin chanchin ropui tak sawi tur nei ve lo mah ila heite hi chu ka chhuang ve tlat thin. Kum tam a liam ta, heti taka thalaite’n Football kan tuipuia, MPL hial an buatsaih  takah chuan; sawi chhuah lova up tawih mai atan chuan a pamhmai lua deuhva ka hriat avangin ka han thlasik mauchang puah pui ve phawng ang e.

International football tournament!

Chapchar awllen lai ani a, kan khaw thenawm atangin tournament khel tura sawmna kan dawng nawlh a. Kan phur kher mai. Hetianga khawdanga inkhelh hi chu a nawm dan hi a dang ve riauva, a chhan pawh inhrethiam maiin ka ring. Khaw hrang hrang thalai, mipa,’kei ka ni ‘inti chin thah kan fuan khawm a, a thlengtu branch lam paw’n nuam an ti na rawh! Kan vaiin team 12 kan ni a, mite tih dan hre vein Group 12-ah kan inthen a, ‘league system’ an ti emaw ni? , te khan kan han khel kual ve a. Kan group-ah chuan foreign club pakhat an rawn lang ve nawlh mai a, chu chu a ni kan sawi tur chu..

Foreign club chu..

He foreign club ka tih hi eng dang ni lovin, ‘Tiauchhun FC, Myanmar’te an ni a. Tiauchhun hi Mizoram leh Burma in-rina Tiau lui chhak lawka awm a ni a. Thingtlang khaw tak te a ni a, Sakawrin an rawn kal! Kan tawng hman pawh ala inzul hle mai a, tin hnam incheina thlengin inang a la tam hle.

Entry fee aiah kurtai fun..

Entry fee tur an neih rem chan loh avangin kurtai fun 10 vel zet an rawn phur thla a. Tie draw zanah club tina aiawh 2 theuh kan kal khawm a. Entry fee kurtai leh thingpui sen hang kan in ho dar dar a, KFC kan ngai lo!

Hnungzang 10-na

Kan khelh hun a lo thleng a, Jersey an nei loh thu an sawi a. Keini chuan kan jersey hlui zawk kan hawh tir a. Tournament a zawh meuh chuan nei hlen mai ru kan ti ta ringawt a, an lawm hle!. Jesrsey number 10(ten) kha an ni chuan hnugzang 10-na an ti mai a. Tun hnua ka ngaihtuah let hian a inhmeh phiah hian ka hre ta! Vun var ho tawng hman tawm ai chuan. Tin, Jersey kha ha lo mahse an hair style atangin an hriat hran theih vek a, kha kha Uniform a tan an lo ring a nihte ka ring ta rum rum zawk a.

Striker PaSianga.

An thiampuipa ber chuan hnungzang 10-na a ha a. ‘Pasiang chhuih’ an tih tawh chuan la hlum phelh ang par par hi a ni tawh thin a. Tawrhhlehawm tak a ni.  Skill-ah chuan sang hauh lo, mahse tharum an ngah em em a. Lo tin 5 hmun vat zo hlim an ni nge ni lo pawh ka sawi thiam nek love. Burma pheikhawk hring leh chosing boot, a hling thir ngat mai an bun hlawm si, football skill aiin kungfu skill a thiam a ngai zawk. Han thai hlek chuan a tlang fua tawh zel mai si a, ngalkawr a rim duh e. Chupawh ka la hrethiam, ka nghawnga an rawn pet kher erawh kha chu a hunlai kha chuan ka sa ve sak, mahse tunhnu hian ka nuih a za letling ta viau.

Fans au thawm!

Mak deuh mai chu,Tiauchhun Fc te hi players chauh an lo kal lo, an nula te zawng zawng an rawn hruaivek zu nia! In awih em ka hre lo, an tih dan a ni an ti tlat. Kan han inkhel tan chiah chu fans authawm a tha thei khawp a, Pasiang chhuih an ti ang tak tuar tuar a. ‘Head rawh’ tih kha awm ve hek lo, chhipchhuan rawh an ti then maia a awlsam hmel bik riau!

Fans an fakawm.

Away-a rawn khel an ni a, mahse an zam lo. An fans te’n a tawp thlengin an au peih a. Zai thiam ‘Suiteii’an rawn intuma. Inkhelh laiin a zai ang tak hlawr hlawr a. Kawl hla nen, Mizo hla nen min va tihlim tak em! Zan lam nise an player te hi an nulate’n an Malis thlap a, tumah leng chhuak awm lovin an RV-ah an awm khawm thlap thin. Amhaerawhchu an riak ho miah lo ve thung, an ram pela, foreign an rawn kal pawhin an nulate kha che mawi lo leh, Mizo tlangval zui ta lawp lawp hmuh tur an awm lo. An fakawm khawp mai!

Tlangkawmna

Ka sawi foreign club player-te hi an fakawm ka tih em emna chu, an chak loh pawn thiam takin hlim tak an awm a. Match officialte sawisel leh mawi lo taka khawsa ka hmu lo. ‘Referee-in min tan lo, Offside a ham lo tih velah khan an buai lo! Tin, an nulate an zahpui awm loh, kan cham chhungkhan an players an tawiawm tha em em mai a, Hmaram ngat zu feng hlawm a! Seki an khawng ri a dar khuang nen an ri bal bal thin.

Football atangin an khawtlang nunzia an pholang lang, an inzahpui miah lo kha he Foreign club ka khelh atang hian ka pet chhuah a ni a, an zathiam ‘Suiteii’ a ngaihawm viau mai!

 

Similar Posts:

Recent Posts:

25 Responses to “Foreign club nen kan inkhuainuai!”

  1. 1
    eL Says:

    1st

    Report this comment

  2. 2
    ZerO Says:

    Ngaihnawm hle mai a. Chelsea fans te hian lo chhiar ve se.

    Report this comment

  3. 3
    caribou Says:

    KFC in tia law???

    Report this comment

  4. 4
    Nguntang Says:

    A pet sang sang thiam nih hun lai kha em ni..?

    Report this comment

  5. 5
    zoelife Says:

    evergreen i ziak thiam lutuk, khawiah nge in khelh? thingsai bul nge? I nu hming hi Sawmi nge U tlangmawii or chhantei?

    Report this comment

  6. 6
    evergreen Says:

    haha..foreign club khel ve tawh in awm em? dah mai a! :-D

    Report this comment

  7. 7
    evergreen Says:

    @hehe..zoelife, ka sawi duha ng em aw..

    A upa ber khi! Kan khelhna hi ka thup tlat! haha

    Report this comment

  8. 8
    sheldon Says:

    Ziak thiam aniang chhiar a kal zaih mai. Foreign club, ka duh lutuk :-D :-P

    Report this comment

  9. 9
    zoelife Says:

    evergreen a nih tak chu, a va ngaihawm ve aw!! a hriselna a tha zel ang chu maw!!

    Foreign club i han tih takah chuan i pute (H)a republic a mi pawh kha an college ah tunge foreign kal tawh ban phar ru’ an tia, a phar a, khawnge ? an tia, burma ! :) dik ve miau si a, kei pawh ka kawl tawh burma ah

    thank you

    Report this comment

  10. 10
    Romanov Says:

    ziak thiam hle mai…a ngaihnawm viau e.Ka lo mitthla nasa mai ;-)

    Report this comment

  11. 11
    flying Says:

    http://youtu.be/ISy8XHI1UWg Mizoram FC hian CHIN FC hi an hneh ang em? han in chotuah teh u, CHIN FC hi chahthla u la tah chuan tun a TIO vel a in khelh pui nen chuan an in ang lo ngawt ang le. Han ti zel teh u, na kinah chuan Zofate hi kan la in nuai nge ang, Competition sangtak kan la siam ho dawn ania. Infiamna khawvelah hian in nuai deuh te ngai dawn tlat.

    Report this comment

  12. 12
    flying Says:

    http://youtu.be/DmzhN4UrcjQ he mi zawk .. lol link ni lo zawk ka lo post daiha.

    Report this comment

  13. 13
    XaiA Says:

    A va ngaihnawmin i van ziak thiam mai mai em…

    Report this comment

  14. 14
    evergreen Says:

    @zoelife, Thanks… A dam tha zel e,Pathian zarah…

    Flying, hehe..ka foreign club khelh hmasak leh hnuhnun ber an nih hmel!..Chah thlak lam chu tu emaw dan takah’Kan hotute’ thu thu!

    Romanov, Xaia. ka lawm e.. (Y)

    Report this comment

  15. 15
    Awmtea Khiangte Says:

    En va chakawm ve

    Report this comment

  16. 16
    Sangpuiipa Says:

    Keini chu kan inkhel zing lutuk, hehe. Phai lam club nen pawh kan inkhel fo mai.

    Report this comment

  17. 17
    PKfanai Says:

    16. Phai lam team Champhai te, Vanlaiphai te a mi? :-P mizorama sports leh music lama kan chhuanvawr hmasate kha Burma lam chhuak an lo tam khawp mai.

    Report this comment

  18. 18
    Sangpuiipa Says:

    haha ku Pk, champhai tih vel te chu ni nang aw, midum kawnglai ho ngat mawle. :-P

    Report this comment

  19. 19
    PKfanai Says:

    18. Ni dawn tak e.hahaha :-P

    Report this comment

  20. 20
    Sangpuiipa Says:

    A club ang ni chiahlo in sap pawh ka inkhelh pui tawh. :-D Midum kawnglai ho nena kan han inkhel mai te kha chu out kha a awm ve vaklo a. Kopang kan pet pet pawp pawh khan a out lova. Ball a tan chauh in kan throw thin.

    Report this comment

  21. 21
    flying Says:

    evergreen CHIN FC te hi tuntum ka kawmna ah chuan CLUB liantak in Yangon ah hian an awma, chung a neitu chu Lai, Dr Rev. James Lian Sai ania. Keini ho in kan lo thlirphak chin hi tio tanga hlavak lo a khawsa miharsa zualte hi an ni chawka, hengte la changkang rih lo bak piah lam Burma Phaizawl a chengte khawsakdan in relbawndan hi tamtak chuan kan lo hre lo a, Mizoram ai awhin India ram chhungah kan tel ve thei ve beuh beuh lai in Burma rampumpui aiawh in kan zohnahthlak, Chin unau tamtak te hian ai an awh chawk asin. Chaktlak ka han rawt ve rik ngawt hi, ti hian ngaihtuahna mi a pe, Yangon tangin Kalay Flight for one person $700 at least, Kalay to Aizawl $250 at least. Sawiduh awmzia zawk a chu kan chahpawn an lo kal duh kher lo mai thei Yangon lam ah an sum lakluhna hi a lo tha zawk fe ang aizawl ai chuan. Zohnahthlak te hi kan talented ho te hmunkhat a FC din mawlh hi ni ka duhni, India ram ah hian India ram aiawha kalthei tur chuan Vaingalsin te ho paltlang tur hian kan la tlin lo or kan tlin pawn mi an rapbet zel rih ang. Ram pakhat ah in chhunglut ta hlawm i la chuan aw zofate hi hma kan va sawn dawntak em infiamna lamah or any…. :)

    Report this comment

  22. 22
    evergreen Says:

    @Flying
    i thahnemngaihna a lawmawm..
    He article ka ziah chhan kan hmu fuh lo….Tiauchhun ho khi ka enhniamna lam ni lovin an spirit’ ka fak a, chumai bakah Football hmanga an khawtlang zia an rawn pho lang thiam kha a ropui ka ti..Ka rilrua awm tak phei chu tunah MPL(Mizoram premier league)hial te kan lo buatsaih ve ta a, hetah hian thawm tih len kan tum viau in a lang, eng ang takin mizo zia hi ti lang ang i maw? tih hi ka ngaihtuah thin!
    Mak deuh chu TUMPANG ball ropuitakin an release a, NIVIA ngat an pet leh tho..hahaha…

    Footbal hi silai tel lova ram leh hnam indona a ni ve tlat..
    Mahse, tunah hrih chuan kan hnam zia rang lang thei ka la hmu lo…
    World cup-ah French pa in ARPA (Cokerel) a a pawm thin kan hmuh kha maw….
    Pu flying, a team anga chahchhuah nge i tih player rawn khel tura chah thlak?

    Report this comment

  23. 23
    Xingibera Says:

    Hnungzang 10 khi a tha khawp mai.. Ngaihnawm tak a ni…

    Report this comment

  24. 24
    evergreen Says:

    @Xingiber,
    A remchang riau a sin! :-D

    Report this comment

  25. 25
    flying Says:

    Pu @evergreen: I sawidik khawp mai, ti hian Burma ram Foot Ball Association te chu an dina, tuna CHIN FC hi, Chin State aiawh an ni tawp mai ani, ni ti practice an neia Hostel ah an awm. Burma FootBall Association ah hian Burma ram State 8 ten an mahni theuh in FC an neia, De-vision leh leh khawpui lian deuhah chuan FC an din ve leh a chungho in sawmkhawm chuan Burma/Myanmar Foot Ball Association an dina. Tiang hian India ramah pawh state tin aiawh in Indian Foot Ball Association dinse, chung a FC te chuan kumtin Play schedule nei ve hlawmse la hma kan sawmpui hle ang. Tun a CHIN FC te hi Player chuan chakthlak theih an nih ka beisei lo, Team ang zawnga chakthlak chuan a theih ka ring. Teh khinnan Mizoram Footbal Tournament huaihawt ah te chakthlak ve nise, Zofate kan in pawhtlanna leh kan insuihkhawmna kawnghnar tak ani ang a? ti hian ka lo ngaihtuah daih a ten ani. An thiam emaw thiam lo emaw lam ni lo in Friendly Match in pakhat leh pakhat in zirtawnna leh kan chenna ram dangmahse kan zofa nun ti mawitu a tan leh kan chhehvel hnamdangte’n kan in unauna hi lo hria ve se tih khi ka lo mitthla/suangtuah ve mai mai mawle.

    Report this comment