Bawkbawn leh Samtawk bai.

October 23rd, 2012 7:30 pm by Amiko Chhakchhuak

A chawlhpawlh tawk tur pawh a eirawngbawl thiam takin an han siam hi chu atui ani tawp mai. Mizo nih man hi a awm thin.

A bul thum atangin aw.

Patlingin hreipui leh chempui nen kawla ni chhuak chhiara hmun hla takah lo a vat a, a kut te chu a durh pilh hrep hrup a, a duhtak a nupui biang pawh zut ngam awm lo khawpin a pilh pheng phung thin. Lam hla anih phei chuan chhung leh kua te thlahlel theilo leh awp lum hman lovin a riah chhuah a ngai fo thin. Thawmhnaw mawi leh nalh te chu hre tho mahse inbel na hun a nei meuh lo. Lo a han vat zo a, hahchawlhna hun tlem te a neih chu am takin a hmang thin. A thlan a dai emaw chauh tihin lo hal turin a inpuahchah a, mahni inrawh palh pawh thil awl tak, mitam takin an nunna an chan phah hial tawh reng a nih hi.

Kangmei chhuah hlauin rilru tawngtaina nen hah thikula alo vah chu an hal leh a, a tan khawvel hi a hahthlak bik hle mai. Meikang nasa tak venga, thin thi lo leka a hun a hman hnu ah pawh a hna thawh tur chu a hma a a thawh aia let atam ala awm a, hahchawlh na hian a hmuak lo chiang kher asin.

Lo a hal zo chiah a, ni thar alo thlenin kangvar a tlawh leh angai a, a kan that leh that loh a hriat chian a ngai, alo kang tha em em lo tlangpui leh nghal chuan, hrehawm pawisa lovin alo chu a thenfai alo ngai leh a, mang a han khawh leh te te a, taksa mawina khuh bo vekin a bal dum leh ta niau mai le. Officer ni hlim hnuaia hnathawk a lo ei ru thin te nen an din hmun chu lei leh van an sawi ang vel ani ber mai.

Sawi hmaih hauh lo tur chu heng lo neitu te nun ze mawi hi a ni. An hnathawhah anrinawma, engmah eiruk an neilo. An mahni hma chauh an sial hek lo ka thlai thar te ka thenawm pa ka thenawm nu thar tem tur ka neih hun ka va nghakhlel tak ti ranin leh midang te tan a hrisel lo palh ang tih hlauin theih tawpin an lo thlai te an enkawl a, an hlawh chhuah lam an lungkham lova, an hlawh duhang an hmuh lovin an nuar ve ngailo, an thawh theih tawk an thawh theih loh hlauin Pathian hnenah hriselna an dil a, an hrisel na a tha anih chuan kawla ni chhuak chhiarin turnipui an dodai a, ruah leh ral chu kan do tur alawm tih changchawiin tuar chhel takin an hna chu an thawk miah miah mai a ni.

Chuan mang an khawh zawh hnu chuan thlai chi te an thlak a, tlem azawng chawlh an han nei ve leh hlek a, an thlai chi theh te, an tuh te, an ling te ho an tawih hnuah chinung an lo chhuah a, an lo to chuan dimdawi takin an enkawl zui a, an mahni dip dal tu hnim te chu an thlo faita reng a, a hnate a thawh that chuan hah viau thinin chau viau mahse an lawm a ni.

Khua in a bumro thin avangin dem tur an zawng ngai hek lo. Ni te alo ral a, hun a ral fe hnu chuan an thawhrimna te chuan a thlai chinte ah alo lang a, rah tha an chhuah a, kan pi/pu te hi an thawk rim em mai ti niawm takin pum tha fe fe in an lo rah chhuak a, chuan hah tak leh rim taka a thawh rah chu hlim takin a seng a, a ngah leh a hralh chhuak a, an thenawm khawvengte a thar tem bawka a thawh rimna a zarah leh a taimak a zarah BAWKBAWN LEH SAMTAWK chu i duh tawkin ilo bai ve a, engtiang a rima thawk nge an nih a, heng te hi engtianga kan ei theih nge tih lam ngaihtuah hlek lovin a tui thu ilo sawi ve cham chi ta a. Hahdam takin dul vun khat phuar khawpin ilo in ei puar ve ta thin a nih chu.

Mahni thawhchhuah a lungawi thiam mi, mite chanai leh mite chan tur dik taka ti thin te hian chauh changte, harsatne te tawk ve thin mahse, dikna a rorel thin PATHIAN chuan mal a sawm tho tho thin.

Similar Posts:

Recent Posts:

22 Responses to “Bawkbawn leh Samtawk bai.”

  1. 1
    ahooma_ Says:

    chhiar i la

    Report this comment

  2. 2
    Rt_lianhna Says:

    A va lunglen thlak ngai vele…kan feh ve thin laite kha min hriat chhuah tir rum rum mai.

    Report this comment

  3. 3
    sheldon Says:

    A ni ngawt mai. Lonei tu te thawhrim dan hi a nasa asin. Chawhmeh harsa taka an thawhchhuah an zuar a, tlawm kan han dil thin te hi dik ka ti lo.

    Buh hi chaw a chang tur a a process thui zia hi. Post tupa sawi ang khian lo vah, lo hal, mangkhawh, buh tuh, hlo thlawh, buh lak, in a phurh haw, nisa a pho, den, thap fai…a bawn asin!

    Report this comment

  4. 4
    khumchikthei Says:

    thil tui tak ni si lovah chuan bawkbawn hi hnam tin mai hian kan dek lar angreng khawp mai.

    thu ziak tha tak a ni e.

    …khrum

    Report this comment

  5. 5
    khumchikthei Says:

    misual.com hi a va reh tlawk tlawk ta ve aw!

    …khrum

    Report this comment

  6. 6
    VaiVa Says:

    Reh lo e, silent reader kan tam tihna a niang.. khrum

    Report this comment

  7. 7
    James Bond Says:

    Headline chhiar hian hmana “sms jokes” an thawhkhawm chiam zing ami pakhat mni ti hre chhuak:

    meester Says:
    March 14th, 2010 at 2:32 pm

    Ant-Tramp, Boke-Bone, Ching-Eat, By-Being, My-Ant, Via-Some-Trok, Doll-Rape, Eye-Do, My-Pole, Cha-Cock, Vogue-Sha, Are-Sha, We-Sha, Sha-Check te hi chawhmeh ah chuan ka duhzawng tak te an ni

    Report this comment

  8. 8
    saint sammoo Says:

    reh lo teh se…
    Khawpui mi ho min ngaih ai hian kan hlim.. kan ti ve teh ang..
    Lo tur kan pawt a, kan pawh fuh deuh chuan kan hlim em em a..
    Ramchang kan han vat a, vah a nuam, perh then tur pawh a awm lo .. kan tia.. kan lawm leh em em a..
    Chappui kan han rawh a.. a kan that deuh chuan kan hlim leh em em a..
    Thlam sak zawh ni te hian chau teh mah ila, kan ke pen hi a zang a sin..
    Buh leh thlai chi kan thlak a.. a to tha khawp mai .. kan tia.. kan hlim leh em em a..
    Zau khata in valh theuh theuh hi hlo a in har hleih thei khawp mai.. kan awl deuh tum a lam hnai ho har turzia kan hmuh te hian kan nui ru ver ver thin..
    Buh hnah hring hlap mai, thlifim in a han chhem fawn dal dal mai te hi in hmuh veah ka it ngawt mai.. a hlim awm a sin..
    lo zawh… buh seng.. a hlimawmzia te hi post hran ka la rawn siam ang.. hlimna tur hlir a lo ni.. (ta duah chuan a..)

    Report this comment

  9. 9
    ɪ̣uɪ̣pnoɥ Says:

    Pu Lalliana Mualchin-in heta a dem êm êm Italiram mithiamho kha Italiram rorelna pawhin a dem ve ta…

    Lirnghing tur an hrilh lâwk loh avangin mithiam 6 thiam loh chantir an ni.

    Report this comment

  10. 10
    mamboihi Says:

    Saint post hran chu raw siam teh..

    Buh hnah hring hlap mai, thlifim in a han chhem fawn dal dal mai te hi in hmuh veah ka it ngawt mai.. a hlim awm a sin.. (Y) Khawpui ho chu kan hlep fe…

    Report this comment

  11. 11
    vakul Says:

    mizo ram hna kha chu a hnua sawia lung tileng kha a ni vek mai a, thawh lai chuan a ninawm…tak takah chuan.

    lovahte kha… tlakdeng awih pangperah hreipui tarlama thingkha bawk kan han chhoh dawm sak sak laia irha bekang rim lo nam teivet nen khan a rapthlak zawk….

    furpui hnuaiah mauhnuh thleh thumin kan han thlep a, thing leh mau bula kan han chhep chho maite leh a hnah hriamin kut kak lai an zai thi thip ser ser a, ..sawi peih tawh lo..mahse lung a leng tun hnuah.

    Report this comment

  12. 12
    Amah Charice_mizo Says:

    Sammoo coM’on, article pakhat chu rawn chhawpchhuah ngei ngai ang :-)

    Report this comment

  13. 13
    april Says:

    #3 sheldon, keipawh chawhmeh zuar tute hi kalo khawngaih thin a, mahse a zuar tam zawk hi chuan a thawk leh thar tak tak tute aiin thuthmun ah hian an hlawh hnem zawk daih an ti…a thar tute tan hian ka thík sak riau tawh.

    Report this comment

  14. 14
    Awmtea Khiangte Says:

    Ka tum loh lam daihin…. A van tha reuh em! (Y)

    Nunhlui phek thum em pawh ziah tur nei lo ni mah ila, Mizo lo neih dan chuan ka lung a len teh tlat chu le. Ka feh ve nasa thin khawp mai

    Report this comment

  15. 15
    Rinzova Khawlhring Lalhnam Says:

    Post awmze nei tak a ni e.
    Ka lawm e.

    Report this comment

  16. 16
    Hotunu_pasal Says:

    Khawpui a cheng thalaite hrilfiah ngai ava tam e. Etn..kangvar, mangkhawh, thlai chi ling, thlaichi thlak adt. Lung a ti leng. Favang tan chho, buh hmel an mawi a, thlifimin an chhem tlan nghiau nghiau mai a, buh hnah rim an nam vang vangte kha aw.
    Rawn ziak kim deuh teh, i ziak tha lutuk! Lo thlan atangin – Nghaki pa nâk rawn sahthlak tirin, Liana lu kha rawn thuai bun tir la, chutah Zopuii Nu mawnga rawn chho dawmin…han chhunzawm teh. Lung a ti leng tlat.

    Report this comment

  17. 17
    sheldon Says:

    Tukchhuah nuam vek u le (tlai deuh tawh mahse – mi thawh hai ve te!)

    Report this comment

  18. 18
    bbney Says:

    #17: hehe

    Post tha khawp mai. Lo kan neih hnuhnun ber kha pawl 5 ka nh lai vel ni ta in ka hria. Dai hnaiah Ba hmun, changel hmun, serthlum huan, lakhuihthei huan tih vel kan nei deuh reng a, lo pui tak tak enkawl ang chuan hahthlak lo mahse he post chuan lung a ti leng pha ve tlat mai.

    Report this comment

  19. 19
    whotalk Says:

    Ka Nu in Inrinni a hmarcha mal tura min hruai thin lai, peih loh theih zia kha aw..tunhnu kum 10 vel vai ho leh motor ri nuai2 kar a han awm hnu hi chuan ram a vah mai2 emaw lui a nghakuai chiah mai2 chak chang a tamta khawp mai

    Report this comment

  20. 20
    Amiko Chhakchhuak Says:

    Keia thu ziak tlawmte inlo chhiar thin hi ka lawm ngawt mai. Ka rilru lo lam inlo pu hlawm a, inlung ati leng ta daih a, a tha vek e, rinawm taka mahni hna thawh hian rem lohna a thlen ngai lo e.

    Report this comment

  21. 21
    Nguntang Says:

    Kawltu leng lungphang lo la, bei zel rawh…tih hlate kha min ti hrechhuak zawk mai a.Thiante nena kan inlawm ho dial dial laite kha a va ngaihawm tak em! Khaw that ver vawr nia, lei kan han rit khu siah siah mai kha chu(h), hnap rawng a danglam vek thei. Lo zawh nawmna thiante nena kan nei ho thinte khan lung a tileng zual mang e. Thingbul, lunghmun rih ri hrawi hrawi paha TBC Lalramkima hla,’ Hlo har’ hla kan han ngaithla ngeite kha a inhmeh em em si a. Mizo pa tlawmngaihna lantira, mahni lo kan thlawh zawh tawh hnuah pawh haw mai lova, rite kan han pui dial dial mai kha a ropui ka ti thin. Mahse, vahchapa kal leh buhvawng/buhphal put erawh hrehawm ka ti khawp mai.

    Report this comment

  22. 22
    Jovenez Says:

    Gud post chhiar aman hla hle mai…..Kut hnathawk tute hi kan chawimawi hliah2 tur ani (Y)

    Report this comment

Leave a Reply

You must be logged in to post a comment.