MIZO SAKHAW BIAK DÂN LEH A TOBUL ~ 1

October 19th, 2012 9:00 am by Lalhnam Rinzova Khawlhring

Zofate Pathian hriat dan hi ziaktu thenkhatte chuan chiang lo ruai angin an sawi na in, Kristianna hnuaia Zofaten Pathian an lo hriat dan aia a chian lohna em em awm chuang in a lang lo, Kristianna rilru atanga an thlir leh an teh mai avanga chianglo leh mumal lo angin an hria a. Zofate Kristian dan ai chuan a mumal thahle zawkin a hriat a ni. Kristianna chu Pathian zawn chawp ngailo leh lang chiang saah ruatin, Mizo pipu te Sakhua chu Pathian hriat chian loh avanga zawn chawp ngai angin lo ngai mah sela, Mizo pipute Pathian hriat danchu Kristianna atanga Pathian hriat dan ai chuan a chiangin a mumal tha hle zawkin a lang.

    1. ZOFATE PATHIAN BIAKTE: Kristian zinga mi ril deuha an ngaihte chuan ” Sakhua chu mihringin Pathian a zawnna hi a ni a, Kristianna erawh chu Pathianin mihring a zawnna hi a ni e” tiin an sawi a ni awm e. Nimahsela chutiang aw-zawng a ni lova, ‘Sa’ chu mihring din famkimtu niin, ‘Khua’ chu khawtlang leh ram enkawl leh humhimtu niin, ‘Sa’ leh ‘Khua’ chu lam zawmin, ‘SAKHUA’ an lo ti ta a.’Sakhua’ chu thilsiam tinreng engkim mai chu a siamtu Pathiana innghahna famkim leh a siamtu Pathian nena pumkhat an nihna hi a ni.

    THIH HNU THLARAU CHAN- Hmanlaia Zofate sakhaw chanchina chhungkuaa an sakhaw biak dan zawng zawng kha a kip a kawiin kan sawi vek dawn lova, a tlangpui zawr zawr chauh lo thlur ila. Mihringin thlarau kan neih hi an ring a, chu thlarau chu mi an thih hnuah kalna tur hmun hnih a awm a, pakhat chu ‘Mitthi Khua’ a ni a, pakhat leh chu ‘Pialral’ a ni.

    MITTHI KHUA- Mitthi thlarau kalna tura an ruat pakhat chu Mitthi Khua a ni a, hei hi mi naran thite thlarau kalna tura an ruat chu a ni. Thang an chuah loh chuan he Mitthi Khuaah hian an thih hnuah an thlarau chu a kal turah an ngai a ni. Heta kalte hian an dam laia hna an thawk ang bawk khan an thawk leh thova, inte sain lote pawh an nei leh zel tho a ni awm e.

    Amaherawhchu, an damlaia khawvel lungkham buaina an neihthin zawng zawng chu an neitawh lova, lungngaihna leh tah leh ha thialna a awm tawhlo a ni. Hei hi hmanlaia Zo pi leh pute rin dan chu a ni a. Tunah erawh chuan Kristian-nain Mizoram chauh ni lo, Zoram khawvela Zofa zawng zawng deuh thaw a lem zawh hnuin mi tlemte chu Kristianna hnawlin an pi leh pute sakhaw hlui leh rindan lamah an thle leh a,chu mi lama an rin dan an sawh sawn hnuin sakhaw siamthatna tlem tlem neia tidanglamin hmanlaia an tih dan ang diak diak kha an her danglam ta hret hret a ni.

    PIALRAL- Mitthi thlaraute kalna dang awm leh pakhat awm chu Pialral a ni a, hei hi Thangchhuahnu leh Thangchhuahpa te an thih hnua an thlarau kalna tura an ruat chu a ni. Mizo pi leh pute ngaihdanah chuan heta kalte hi chu ei leh bar zawn buai a ngai tawh lova, buh faisa ringin zu leh sa nen hna thawk lovin hlim takin an awm tawh thin. He mi hmuna kal turte chu ram lamah emaw, in lamah emaw thangchhuahnu leh thangchhuahpa nih a ngai a, chutiang a nih loh chuan, Pawla sai pumpelh vang mai emaw in luh theih a ni chuang lo a ni.

    DÂIDANNA- Thih hnuah an thlarau chu Pialralah hna thawk lo leh zu leh sa nen nuamsa taka an awm theihna turin Thangchhuahnu leh pa nih a ngai a. Pawla’n sairawkherh a sai an pumpelhna tur pawhin Thangchhuah nih a ngai a ni. Thang an chhuah loh chuan sawi tawh ang khan Pialralah hian a luh theih lohva; tin, Pawla sai lo pumpelh thei mahsela, Thang an chhuah loh chuan Mitthi Khua leh Pialral inkara pialtlep nâl kha an paltlang theih loh avangin Pialralah khan an lut thei chuang lo a ni. An luh theihnatur chuan in lamah emaw, ram lamah emaw zawk zawk thang an chhuah ngei ngei a ngai ta a ni.

    ZO SAKHAW THAR- He rin dan hi tunah erawh chuan Kristiannain Mizoram chauh ni lo, Zoram khawvela Zofa zawng zawng deuh thaw a lem zawh hnuin leh, mi tlemtein Kristianna an hnawl hnuin an pi leh pute sakhaw hlui leh rin dan lam hawia sakhaw siamthatna tlem tlema neia ti danglamin, hmanlaia an tih dan diak diak kha zawm vek lovin a danglam ta hret hret a ni. Tuna Zoram khawvela Zo hnam Kristiannain a lem zawh tawhte zing atanga mi tlemte kan pi leh pute sakhuaa zawm lehin, kan pi leh pute sakhua zawm tute pawm danah erawh chuan mi an thih hnuin an thlarau chu kalna chi hnih awm chuang lovin, ‘MitthiKhua’ pawh a awm chuang hek lova, Pialralah chuan Mihringa din kan lo nih tirh ata kha chatuan atan Pathian hnen ata nunna neiin an ding tlang nghal a ni tih hi kan pawm dan a ni.

    Zo Sakhaw zawmtute pawm dan chuan mihringah chuan a hranin thlarau a awm chuang lova, ‘Thlarau’ ti a sawi hran a nih dawn chuan kan ‘thaw(NUNNA)’ hi thlarau chu a ni mai a ni. Pathian chu thlarau a ni a, chuta mi chauh chu kan thlarau chu a ni a, thlarau dang kan nei lo a ni. Kan thih hnuah chauh chatuan nunna hmun Pialralah chuan kan kal dawn a ni lova, kan lo pian chhuah veleh pawh a la ni mai lo–kan pian hma pawh khan Chung Pathian chenna hmun Pialralah chuan chatuan nunna taksa famkim neiin Pathianna-in kan ding tawh zawk a ni. Chu ngei chu kan pi leh pute kha Chunga Pathian chuan hlimthlain a lo hmuhtir a ni zawk e.

Similar Posts:

Recent Posts:

26 Responses to “MIZO SAKHAW BIAK DÂN LEH A TOBUL ~ 1”

  1. 1
    VaiVa Says:

    A chhuak ta e… ;-)

    Report this comment

  2. 2
    funny™ Says:

    Hot leh dawn e ;)

    Report this comment

  3. 3
    maawma Says:

    Inzirtirna dik lo a nih hi… Pil hman (tikhan HOT deuh mai thei):-) :-)

    Chhuak leh daih, tlai ah HOT em tih rawn en leh dek dek ang :-D:-D:-D

    Report this comment

  4. 4
    thinawrha Says:

    Palm leh Olive pawh hi thing chihnih ania…an la kawp a, PALMOLIVE a lo nih takah chuan ‘Sahbawn’ a ni daih :-P

    Report this comment

  5. 5
    Awmtea Khiangte Says:

    Hot rawh se, kan lo thlir ang e…. :-D

    Report this comment

  6. 6
    PKfanai Says:

    E he, kan pi leh pu te Sakhua i sawi bawrhbang ani maw? Kan thih hian kan thlarau hi ‘Mitthi khua’ Paradise ah a chawl ang a, chumi hnuah Lal Isua lokal leh hunah, Chatuan van pialralah hlim tawp hlau lovin kan leng tawh dawn a sin. Mahse, Zu leh sa a zalen lutuk chuan, rui buai leh insual buai an awm palh leh mai lovang maw? :-P

    Report this comment

  7. 7
    century child Says:

    Sakhaw upgrade chhoh zel ngai chu a va mak awm ve :-P
    Pian hma ata tawh ‘Pa angchhung’a nuamsa taka awm tawh chu ngatinge he lei hrehawmah in lo kal peih le :-S :-P
    Pian hma ata awm tawh in nih si chuan i nu leh pa te inneih hma atang, i pi leh pute inneih hma…chutiang zelin..evi leh adam hun atang tawh khan chatuan nunnah ah chuan in awm tihna em ni?
    Lei leh van a siam lai pawh in lo hriatpui thlup bik dawn chu a :-D

    Report this comment

  8. 8
    Awmtea Khiangte Says:

    Le le le le, Pu PK-a ten an hnial thinrim leh ngei ang le :-P

    Report this comment

  9. 9
    sheldon Says:

    Khawnge Lalhnam chu rawn pen chhuak se la…hehehe

    Report this comment

  10. 10
    Rinzova Khawlhring Lalhnam Says:

    A tlai ber in rawn publish keuh a nih hi mawle.

    Report this comment

  11. 11
    Sihtea Says:

    Le le le, misual.com ti fam kim tu a lo lang hlawl mai a.
    Kan thaw (NUNNA) hi thla rau chu a ni mai a ni. pathian chu thlarau a ni.
    Pathian chu thaw thli a lo ni reng a nih chu. Mi hring te siam chawp
    AC pawh hi, Pathian ah in pawm ve tho ang maw?
    @ Pu Rinzo, Puala’n sairawkherh a a sai tur te kha,
    tlangval varzin a thi te an ni zawk lo maw?

    Report this comment

  12. 12
    Chemtatrawta Says:

    Mizo Atheist nge Hnam sakhua/Lal hnam ho hi bo zawk ang aw?? :-D

    Report this comment

  13. 13
    ulawng Says:

    Comment chiah i lo chhiar leh dawn i la :-P

    Report this comment

  14. 14
    Rinzova Khawlhring Lalhnam Says:

    Pathian thlarau (Nunna min pek hi) keimahniah chengin, kan tisa chu a lo thihin keimahni-a cheng Pathian chu a nihna pangngaia awmin Pathian nihna in a dingtlang a ni.

    “Lei leh van te ▶huizawmna niah chuan, tisa boral hnu piahlam ngaih bangin; Chatuan rammi taksain kan leng za, Lal rorela Van didanna tisa thlarau khawvelah kan lut tlang ta e”

    Report this comment

  15. 15
    PKfanai Says:

    In sawi in sawi chuan, kan lo inhnaih hle mai a, Hnam Sakhua ai chuan kan inhnaih zawkin ka hria. Kristian Pluralist ho phei chuan, an pawm thei hial ang che u. Chatuan Van Pialral thlen theihna kawng hi, ran thisen emaw, keimahnia Pathian thaw awm emaw ringawt hi a ni lova, Chu Pathian thaw rawn tinung leh tu Pathian fapa, Pa Pathianin kan sualna leh bawhchhiatna thawi nana a rawn hlan(Sacrifice) zawka lo rin kha a ni. chu lo chu Pathian hian pumpelh kawng dang a buatsaih si lo. Helai te hi man fuhin pawm ve ula chuan, Pialralah kan lengza dial dial tur a nia.

    Report this comment

  16. 16
    Rinzova Khawlhring Lalhnam Says:

    Pathian thaw kha tihnun ▶hat leh a ngai tawh chuang hleinem. Nunna min pek tawh bakah khawia nunna nge in la beisei leh a!?

    Report this comment

  17. 17
    PKfanai Says:

    Mi pakhat Adama avangin Sual khawvelah a lut a, Sual avangin thihna a lut bawk a, kha nunna min pek kha, thi tura thiamloh chantir ani tawh a. Nunna petu Pathian nen inzawmna nei tawh lo, ‘thi’ a ni tawh. Isua krista khan kha Pathian anchhia leh hremna thihna kha kan aiawhin a rawn tuar tlingtla a, thihna chu hnehin a tholeh a ni. Chu a thawhlehna avang chauh chuan, amah ringtute chu thihna hnehin kan tho leh dawn a, thlarau thihna(thih hnihna) hian kan chungah thu a nei dawn tawh lo a ni. A ringlotute erawhchu kha chu, Thlarau thihna(thih hnihna) an tawk leh dawn a ni. A pawng atakin tisaa thi zawng zawngte hi Pathian hnenah an nung reng ngawt dawn lo. Isua kristain an tana a tuar sakna leh thihna hneha a thawhlehna tawmpuitute chu chatuanin an nung reng thung ang. Blind deuhva arkhawthim dai ngawt chi a ni lo.

    Report this comment

  18. 18
    Jacka Pi Says:

    I HI LE!!! a lo chhuak ta :-P

    Report this comment

  19. 19
    H.Vangchhia Says:

    A bengvar thlak e (Y) :-)

    Report this comment

  20. 20
    Hnam sakhua Says:

    Pkfanai,
    Evi leh Adama sual mawh kha kan phur ve lo a’ a chhan chu a thlah kan ni ve miau lo. Tin, Thihna hi Evi leh Adama bawhchhiat avanga lo awm a ni hek lo. Evi leh Adama te awm hma hian khawvelah hian mi tam tak an lo thi tawh a ni. Kan Pathian nen hian engtik mahin kan in mihran ngai lo a, a chatuan nunna mein pek hmang hian kan inzawm reng zawk a ni.

    Report this comment

  21. 21
    PKfanai Says:

    Pu Hnama hnena zawhna pahnih: (1) Evi leh Adama thlah in nih ve loh chuan, tu thlah nge in nih? (2) Adama awm hmaa mihring thi tawh chu tunge/tute nge?

    Report this comment

  22. 22
    Rinzova Khawlhring Lalhnam Says:

    Adama te sual mawh ka phur velo hi a hahdam thlak mang e!! Misual chhandam ngai nia inhriat tlat hi a hahthlak ngawt ang le!

    Kan thlahtuah buai angailo hriat phak a ni lo. I pu pu pu pu pu pu-leh hming i hre dawn em ni? Chuvang chuan Leilunga min dintu Engkim Siama Dintu Chung Khuanu hi; min thlahtu bul a ni tih ka chiang a, chutah leilungah hian Mizo niin ka lo langchhuak a, chu chu Lal tan a tawk a ni.

    Report this comment

  23. 23
    malsta27 Says:

    Hahahaha den ve, i thil chhui dan chu tha vei riau mai a :-D .

    Lalhnam han tih deuh kher a khi mak ka ti deuh, Boitlung hi pa pakhat in Lalhnam in ni lawm a ti thin a, ka awih mang thin lo…. mahse pawih tawng leh eng2 emaw ka en chhin a a ni ve tak emaw dawn chu ni le ka ti deuh thin . Kan history lah hi an chiang lo hlawm nuaih mai si ah…..hehehe

    Report this comment

  24. 24
    PKfanai Says:

    22, mihring thlah nilova, Zawng thlah nia in lo inngai tak tak anih chuan, Adama bawhchhiatna pawh chuan in lakah awmzia a nei ve awm lo tak mang e a? :-P “Mi zawng zawngin thil an tisual tawh vek a, Pathian ropuina an chang zo ta lo a ni; chung ringtute chu, Krista Isuaa tlanna awm avang chuan, a khawngaihnain athlawna thiam chantirin an awm a; Pathìan dawhtheihnaa hmanlai sualte haiderin a awm avang khan, Pathianin ama felzia entir nan Krista Isua chu, a thisena, rinna avanga, sual thuphachawinaah a ruat a” -Rom 3:23-25.

    Report this comment

  25. 25
    Rinzova Khawlhring Lalhnam Says:

    23, malsta27 Says#
    Pathian(LAL) lama ka nihna zawk a ni e Lalhnam chu.

    Report this comment

  26. 26
    Lalbera1937 Says:

    Comment ve reng reng teh ang….Lalhman maw!

    Report this comment

Leave a Reply

You must be logged in to post a comment.