CHHIATNA RAPHLAK!!

September 30th, 2012 9:45 am by PimPom

An chhungkuain
September Ni 29 a ni a, a tuk mai Ni 30 chu ka piancham a nih dawn avangin phur takin a tuk lama ka piancham lo thleng mai tur hre reng chung chuan zing ka tho a, hmai ka phih mawlh mawlh a. Kum heti zat nih tawh hnuah pawh Birthday a lo thlen dawn hnaih hi chuan ka phur ve viau reng thin a. Mahse!!!

Zing Ni chhuak pawhin tuk dang ang thoin mawi takin a eng a chhuah a, Mitinte chu an mahni hna theuhah buai em em leh hmanhmawh tak takin an phe leh suau suau tawh a. Kawnkhawpui a chhiatna lothleng tur rum thawm erawh tuman kan hre silo!! Mahse!!!

ZIng Dar 8:30 a lo rik meuh chuan kan thu hriat chuan Kawnpui mipui te min tuam chhuak nghal a, Lungngaihna in thla a zar a, mitin mai chuan, “Ava rapthlak em!!” tiin aw kan chhuah a. Kha chhiatna kha hnuk bo leh turin Tha leh zung tam tak pawh sen ral ngai dawn se kan hreh hauh lo, mahse tih thei a awm tawh silo. “A pawi em mai..” tih mai loh chu.

Hmarvengah Motor in Scooter a su a, a chuangte an thi vek tih thu ka hriat chuan,, chhiatna thlenna lam chu hmahmawh takin mi hnungah ka tlan chho ve nghal a. Mahse, an mahni chu mi tlawmngai tak tak ten an lo la chhuak fel dim diam tawh a. Pu Laldawngliana te chhungkua an ni tih ka han hre ve chawpchilh chauh a.

Pu Dawngliana hian a Nupui Pi Lalhmangaihi leh an fapa Lalramnghaka chu Balhla an tuk tur chu Scooter hian ava thlah a, Motor hian Kawng chhakah nawr betin a hmunah hian ka pawh chhawn tur awmlo vin Rihsang mual thlengin a lo nawr liam ta chu lo niin!! Pathian rorel dan hi ava mak em.

Chanchin kimchang chhiar duh tan HETAH

Similar Posts:

Recent Posts:

20 Responses to “CHHIATNA RAPHLAK!!”

  1. 1
    khawpuia Says:

    Nizan ka mumang chu misual ho ka lo hmu diat diat che u mawle. Mak dangdai ve khawp mai…hihi

    Report this comment

  2. 2
    H.Vangchhia Says:

    Ka hmulthi a ding er er mai…. a van pawiin an va lainatawm tak em aw… Thlamuang takin chawl mawlh rawh se :-S ;-( ;-( (W)

    Report this comment

  3. 3
    vakul Says:

    he thil hian min thawng takzet zet a ni. ka hriat tirh phei chuan ka hnim deuh ruih mai a…chhungkuaa mang mai chu…a va rapthlak em aw.

    thil pakhat ka rilrua awm reng thin erawh chu tawng mawi lo ni lo se…chhungkuaa Lalpa hnena chawlh rual thap mai chu a nuam letling ang em ka ti a ni. mahni hma ka sial vang nge…tu emaw ber hi ka family zingah dam chhuak dawn se a lainatawm dawn hian ka hria a.. keimah tak phei chuan ka nupui fanau tel lova nun hman hi ka zuam lo khawp mai…thi dawn ila Lalpa Isua vanga mang phiar hi ka thlang fo thin.

    mahse…thihna hi ka cho a ni lo; ka family tan leh Pathian tana ka inpekna kal kawpah ka ngai.

    Report this comment

  4. 4
    H.Vangchhia Says:

    Keini chhungkua pawh mi 3 kan ni. Fanu pakhat kum 6 mi kan nei ve. Hemi ka chhiar lai hian ka bul maiah an nufa chu an muhil tawh a…tui tak a an mulai thlirin Pu Dawnga te chhungkaw chanchin hi kan mitthla a, ami deh ana hle mai. Kan nu leh a fanu hmangaih em em maite hi anni chanah kan dah ve chhin a, a hreawm hle mai.

    Thlamuang takin chawl mawlh rawh se ;-( (W)

    Report this comment

  5. 5
    sheldon Says:

    An va lainatawm teh lul em! sad..sad..

    Report this comment

  6. 6
    Dr John Says:

    Kei pawh ka lo hriat khan ka rilru a khawih khawp mai a. Rilru-a tawngtai chungin Pathian remruat dan leh rorel dan hi ka ngaihtuah a… “Lalpa engnge i tum?” tih bak ka chham thei lo. A rei deuh hnu-ah chuan ka rilru-ah Bible chang a lo lang a, Luka 13:4, “Siloam in sangin mi 18 a delhhlumte pawh kha, Jerusalem khuaa awmte zawng zawng aiin mi sual bik niin in ring emni?” tih hi a rawn ri nawn tlut tlut a! Ka ngaihtuah zui ta zel a, Zoram-ah hian thil mak leh rapthlak tak tak a thleng chho mek zel a, vanduaina tawkte hi an felloh bik vang a lo ni hauh lo, Zoram Kohhran leh Kristian-te hi kan inngaihtuah harh a hun tawh zawk a nih dawn hi tih lam chuan ka rilru a awn ta zawk a ni. Lalpa’n a hnenah Thlamuang takin chawlh-tir mawlh rawhse ;-(

    Report this comment

  7. 7
    Amah Charice_mizo Says:

    He vanduaina hian thin a thawng khawp mai, a rapthlak takzet, an lainatawm bawk si, an chhungte bakah Kawnpui khuate hrilhhai tur zia ka ngaihtuaha ka khawngaih bawk..

    Thil pakhat lawks- ngatinge facebook lama an post hnu mi zawng zawngin an comment luai luai fe hnuah chauh Misualah hian in lo post thin le ka ti, hetiang ang chhiattawh thute ngat phei hi chu news lian tham a tling ve a, Special Report ah duhtawka kan chhiar hnuah Misuala kan hmu ve hnuhnawh chauh thin hi chu a fuh lo ka ti, Misual hlutna a ti kiam tlat, a post tute pawhin lungthu kim nan mai maia rawn post in ang tlat thin, tan han la teh u.

    Report this comment

  8. 8
    caribou Says:

    He chhiat tawhna hi a rapthlakin ngaihtuah a tithui khawp mai.

    Report this comment

  9. 9
    Sihtea Says:

    A va rap thlak ngai va mawle. Eng motor chu nge maw
    chu ti’a, chhung kua hial han su mang tu cbu le?

    Report this comment

  10. 10
    PKfanai Says:

    Vawiinah pawh Phunchawng lamah hnamdang khalh Truck bawkin pa 1 a chilhlum leh kha. Mak ve mai mai chu, Arunachal leh Mizoramah hian, a rammi driver te hi an fimkhur bakah a ram leilung an hrechiang a, mi an tipalh khat khawpin ka hria. Motor khalh fimkhur lo ho hi Vai ho zuk ni tlat zel a. Phai kawng tha atanga tlangram kawnga khalh thut hi an thiam tawk lo thin ani mai thei. An tlanbo chawk lehnghal.

    Report this comment

  11. 11
    PimPom Says:

    @Amah Charice_Mizo: Ka tihpalh a ni, helamah ka lo tuan rang lo deuh a. Sory.

    Report this comment

  12. 12
    PimPom Says:

    Update:
    Vawiin khan Kawnpui Tlangval rual thlan laia thawk chhuak chu Mi 400 vel zet an ni a, Mithi te an vui a an phum thlengin Motor neitute hnen atangin ngaihdam dilna emaw, an mahni an lo kal loh vangte leh zangna dawmna sum pek lam engmah sawi an neih loh bawk avangin Tlangvalho te an lungawilo hle a. Thlan laihna ah hian Rorel zui nghalin An lungawsi loh thu tihlan nan NH54 chu an dang chat a, Motor chhukchho engmah chhuah an nilo a, Vawiin chawhnu Dar 2 vel atang khan Road Block hi siam tan a ni a. An phut ber Motor neitute chu Police lamin zuk hruaiin, Kawnpui an rawn phur thleng a. Mithi chhungte nen an inbia a, tlai Dar 4:30 vel khan Road Block pawh chawlhsan zui nghal a ni rih e.

    Report this comment

  13. 13
    Amah Charice_mizo Says:

    Pim Pom, thahnem ka’n ngai deuh ania, i ti tha tho e. In Road Block chungchang pawh kha ka lo chhiar ve a, in tihtur diktak in tiin ka hria, ka thlawp che u. Hetiang chhiat tawhna hi kan ramah a thleng zen zen lova, kan ngaih serious zia hi lang hat thama kan lantir a tul a ni, lungawilohna lantir hi dan kalh a ni reng reng lo, in Block chhung reiloteah khan riltamin tumah an thih phah ka ring lo bawk, buaina chawk chhuak ang zawng erawh chuan thil tih loh hram a thaa, tin thiltisualtute na taka hrem annih theih nan hma han la zel teh u.

    Report this comment

  14. 14
    keimah Says:

    He vanduaina hi a rapthlak kher mai. FB lama ka lo hmuh tirh phei chuan thinlung a deng na khawp mai.

    Tute nge a motor neitute chu??

    Report this comment

  15. 15
    shailendra Says:

    Chhungkua in maw… An va han lainatawm zual em ve aw… ;-(

    Report this comment

  16. 16
    mate ainawn Says:

    Ka ngaihtuah chian hian…ka awt ngawih ngawih..he mi te hi..Thinlung Na reng reng a Lusun hrehawm zia hi..a Rual a ankal tlang dial dial hi an awhawm ka ti..Damreng tur tumah kan awm si lova…

    Report this comment

  17. 17
    PimPom Says:

    @Amah Charice_mizo: Dik chiah. Vai ho hian min palzam ta em mai a, Mizo tan chuan a lungawi thlak tawh lo em a ni. Tunah lah duh duh a rawn sumdawn duhin band te hial an huaihawt a nia. Khaw chhak lam awlsam zawka kan dawr pawh zung zung theihna turin kawng kan zawn vat hi a hun tawh khawp mai. Vaiho hian min hnuaichhiah tual tual a nih hi.

    Report this comment

  18. 18
    PimPom Says:

    @keimah: A motor neitute hi an hming chu ka hre ta hauhlo mai a, tunhma atanga haihawt thang hi ka ni ve hi buaithlak a ni:). Mahse, ka hriat chin chu Vai an ni a, Bagha lam Motor a ni a, a Registration erawh chu Kolasib Number Mz 05 a ni bawk a.

    Report this comment

  19. 19
    PimPom Says:

    @sailendra: Ni e, An Nupa hian pakhat chauh an nei a, fa an nei thei leh mai tawh lo a, an fapa hi an neih chhun a niin kum 8 mi vel a ni a, An huan a Balhla tuk turin An nu ber leh an fapa hi an kal dawn a, an Pa hi ABCI ah security Guard hna thawkin a awm a, a hnaah a kal dawn ve bawk a, Scooter hian an Nu leh a fapa te hi an huan peng thleng a va thlah tur kha a ni a, chutia lungmuang taka an kal lai chuan Kawi khat leka an huan peng an thlen hma chiahah chuan Vai truck chak taka lo tlan chuan Kawng ngil phei lai takah Kopangah a nawr ber a, an scooter phei chu a per chhe vek a, an Fapa hi a rilte pawh a chhuak deuh nual a. A rapthlak khawp mai.

    Report this comment

  20. 20
    Chhuaklinga Says:

    An lainatawm hle mai. Thlamuang takin chawl rawh se. (W)

    Report this comment