Vai lung thlan

September 29th, 2012 9:30 pm by ɪ̣uɪ̣pnoɥ

Mizo infiamna hi thluak mamawh a tlém hlawm êm êm mai a. Inkawibah leh inrìnbah ang chi te ngat phei chu thluak lam aiin taksa peng khawi lai lai em maw zei ngai deuh te a ni kan ti mai thei awm e… chûng taksa peng zei leh zei loh te chu thluak thunun vek mah ni sé, tlangchang taka ngaihtuahna leh thluak kan hman vàng a ni hran lem lo.

Inbihrûksiak te ngat phei chu infiamna hnuaihnung tak a ni kan ti thei awm e, inkâwi te ngaihtuah chuan. (Inkawi ka tih hian inkâwi lam chi zawng zawng, entirnan: chess te, draught board te, Go te leh adt adt. ka sawi vekna lo ni ta mai se).

Kan hriat làr loh êm êm, Mizo hnam infiamna ni ve tho si chu, kum 1912-a Pu Tarmita (Maj. J. Shakespeare-a) lehkhabu ziah The Lushei-Kuki clans   tiha chuang, “vai lung thlan”   tia a sawi hi a ni.

He infiamna erawh hi chu rilru leh thluak ang záwnga ngaihtuah pawhin hniam lo tak a ni. Mizo infiamnaa thluak ngái ber leh awm chhun kan ti thei deuhthaw awm e. Mizo infiamnaah chuan online-a khelh theih awm chhuan a ni hial ang em ka ti… a dang pawh a lo awm leh tho mai thei le.

He infiamna hi a chianchîk leh a chhiarkawp ang záwnga ngaihtuah pawha kan dahsàn theih ber tur infiamna a ni a (Mizo infiamnaah chuan), mitin te’n thiam i tum ṭheuh ang u. (han ti ringawt ila :-D :-D   )

Miin in hnam infiamnaah eng nge i dahsàn ber? an tih pawhin sawi zahpui awm lo tak tur a ni.  Kar khatah vawi nga kan inkhawm tlur tlur a, KṬP huaihawtin Pathian lehkhabu te vantlang tana bengchheng deuh deuh turin kan chhiar bur bur ṭhin tih ai chuan “kan pi leh pute’n he infiamna hi an lo nei ve tlat nia!” tih hi a ropui zâwk. Puithuna âtthlâk chapopui tâwk lek kan la nih avàngin barah kan khawn lehpek chuang chuan ka ring hran law’…

Lo khel hrât fe fe in awm leh nual mai thei a ni… Khelh dan hre duh tan hetah hian emaw, hetah hian a en theih.

 

Ràwn:

1. R. Gering, Vai lung thlan: A game of considerable skill.  Abstract Games Magazine, 2002; 3(12): 15, 29

2. J. Shakespear, The Lushei Kuki Clans. Macmillan and Co., London (England) 1912.

 

Ka lawm e

 

Similar Posts:

Recent Posts:

12 Responses to “Vai lung thlan”

  1. 1
    Saitawk Says:

    Chhiar dawn ang hmiang!

    Report this comment

  2. 2
    maawma Says:

    eheeee ka lo hre ngai miah hlei nem, va tha ve.

    Report this comment

  3. 3
    Jacka Pi Says:

    mancala ti hian ka lohre zawk thin, Mizo infiamna a ni tih erawh ka hre ngai miah lo

    Report this comment

  4. 4
    H.Vangchhia Says:

    ɪ̣uɪ̣pnoɥ, German ten ‘link’ i dah a .. bmw chhiarah i ti deuh em ni? :P

    A hming ka hriat ngai pawh niin ka hre lo. A van bawnra tiar tuar ve… thiam a eng kut kut-ah emaw te tih lar a that hi mawl aw! (Y)

    Report this comment

  5. 5
    Mx Says:

    ka khelh ve ngai awm pwh ka hre lo :-D Hairehai

    Report this comment

  6. 6
    ɪ̣uɪ̣pnoɥ Says:

    A va chhuak hmain ka va’n lawm tak êm… :-)

    Khel nghâl chur chur ila a ni mai aläwm :-P

    Report this comment

  7. 7
    megapixel Says:

    A khelh dan pawh chu han ziak ta law law la mawle i thurchhuah țhat tehlul nen…link kan luta keini ang duang chu kan “sipai bo ka báng” leh tho asin leeee…

    Report this comment

  8. 8
    chhana Says:

    Post sawngsawhlawtna neilo tak a ni. (N)

    Report this comment

  9. 9
    maawma Says:

    hei online a play duh tan
    http://www.mathplayground.com/mancala.html

    Report this comment

  10. 10
    sheldon Says:

    E! Ka vawikhat hriatna. BVT (Y)

    Report this comment

  11. 11
    sheldon Says:

    Eee!! Ka vawikhat hriatna. BVT (Y)

    Report this comment

  12. 12
    Dr John Says:

    (Y) Ka Vawi 1 hriatna a ni, Maipawl ka put belh leh ta :-D

    Report this comment

Leave a Reply

You must be logged in to post a comment.