Thihna a á¹­angin hnehtu-ah!

August 23rd, 2012 2:22 pm by H.Vangchhia

A thiam leh peih te leh a mamawh te chu ruihhlo heroin ani tawp mai. Court McGee chuan ruih mai loh chu tih tur dang a hre hlawl lo a ni ber a. A tawp a tawpah phei chuan loh theih lo vin a pa chuan a in a á¹­angin a hnawtchhuak ta nge nge a.

A unaunu (cousin) trailer in-ah chuan a khawsa chho ta a, a ani chuan ngaihtuah em em-in, han vil á¹­hin mahse, tih tum na na na chu vensen ni bik hek lo, a nghei lo tawp a ni mai!

Meng phar khup deuh lup chuan darthlalang an en a, a meng phe riai ruai chuan darthlalang a á¹­anga rawn en lettu chu a hre der lo.

Tichuan a unaunu trailer bual in-ah chuan, chumi ni a a vawi 30 chuang tihna tur chu a buatsaih mek a. Khami ni khan ruihhlo, heroin, Xanax leh zu tih vel engzat chiah nge a khawih tawh pawh a hre chiang tawh lo. A hriat chin chu, bualinah zan dar 10 pel hretin a lut tih chu ani dawn ta a ni. An thlek vang vang a, nakin lam a a vawikhat tih tur a tan chuan a la ngah tawk dawn thove tiin an in kap (shoot) nam leh ta hak a nih kha.

Inkap nam hap han tih hian injection chiah hian dang (throat) lamah a rawn nam chhuak hak á¹­hin tihna a ni! Sept. ni 4, 2005, zan dar 10:45 vel bawrah chuan, a thlan hlup hlup tih bak chu a hre zui tawh lo…“Immediately after that shot, I got really sweaty, and that was it,”a ti a ni. Minute 15 vel hnuah chuan EMS (emergency medical service) ho chuan, kum 20 lek a upa McGee chu thiah an pawm ta a ni.

A unaunu khan a hmuh tirhin CPR te chu pe ve mahse, an awmna Northern Utah hmun fianrial angah chuan EMS an thleng vat thei lo fo reng a ni.

Ambulance a thawkte chuan beidawng duh mai lo vin, a lungphu an hriat loh hnu, mar deh tur reng a neih tawh loh hnu pawh chuan lung á¹­hawn thutna (heart defibrillation) te an hmang a, a heroin do tu a tan chuan naloxone injection an pe bawk a. Tichuan le, mak tak maiin minute 5 hnuah chuan a lung phu a lo awm leh ta, an va lawm tak em!

Nikhua a hriat leh hriat loh inchhawk zak zak chung a damdawiin an panpui lai chuan a pu, Grandpa Bill chuan a vil reng bawk a.

Damdawiin a ṭanga a chhuak chu detox leh rehab center lamah te awm a, mahse ruihhlo khawih leh hlan a nghakhlel em em reng mai a. A hma a a chet chhiat thup nan ruih vak a theihnghilh a duh ber a ni. “All I wanted to do was get loaded and forget, “I was full of shame and frustrated with my life.”

Kum 2006 Easter ni tak chuan $20 man cocaine a lei a, a haw lam chu a car petrol a zova, in thleng zak a nawr haw a ngai ta a. An inngaihtuah chian chuan, chutiang reng a nun chu awmzia awm lo takzet tih a hre chhuak ta a, “A tawk ta e…” a ti ta tawp mai a ni.

Ruihhlo chu taksa lam hreawm tak chungin a nghei hmak a, gym lamah te kalin Jujitsu leh a naupan lai a atuina inbuan (wrestling) te chu a zir chho leh ta. Rei pawh a zir hman lo, a hma daih a á¹­anga lo zir tawh te chu a tum ruhna, a rilru pekna a vang chuan a hneh chho ta zel mai a.

Invawng ṭha, insawizawi peih leh rilru lam pawh harh kar mai a nih takah chuan Utah state ah chuan MMA inelna lamah a lut ṭan ta a. Dec. ni 1, 2007 an nih meuh chuan, Chuck Liddell pawh UFC’s light heavyweight title lo chuhpui tawh, Jeremy Horn chu a tum thei ta.

Kum 2006 a á¹­angin tun thleng ruihhlo a khawih tawh lo va, nupui fanau neiin eizawngtu ber a ni ta a. Tin, vawi tam tak Ultimate Fighter a nihnaah hian middleweight division-ah hnuhtu chan a chang chho mek zel a ni. Hemi bakah hian boxing leh Karate te pawh a khel peih reng.

Tum hi chuan a lo theih a ni!

Chhiar belh duh tan:
http://en.wikipedia.org/wiki/Court_McGee

Similar Posts:

Recent Posts:

24 Responses to “Thihna a á¹­angin hnehtu-ah!”

  1. 1
    ahooma_ Says:

    1st phawt i la..

    [Report abuse]

  2. 2
    Awmtea Khiangte Says:

    Eng zatna nge aw ka nih?

    [Report abuse]

  3. 3
    ahooma_ Says:

    A ngaihnawmin a chhuanawm khawp mai. (Y)
    Anni hi chu an heti mai zel chu a nia, damdawi ngawlvei atangin tharum hman ngai chi ah leh nghal. Kan rama kan damdawi ruihhlo hman lar ber ngawlveite hian tum ve ta se an thei ang em? Heroin hian taksa a khawih chhiat dan hi a nep bik nge, a taksa a khawihchhiat tak tak hmain a bansan ni ang? Ti deuh nuaih :-)

    [Report abuse]

  4. 4
    ɪ̣uɪ̣pnoɥ Says:

    Va ropui ṭhin êm (Y)

    [Report abuse]

  5. 5
    Terema Chhakchhuak Says:

    Hetiang mite hi a ni mi tumruh chu ni. Ruihhlo ngai, sim hlen leh thei tate hi an ngaihsanawm thin. A ti ngai lote hi chuan a hrehawmzia an sawi bak hi kan hriatpui ve tak tak lova; mahse nghei duh ngawih ngawih nghei thei si lo an awm atang hian mi tlemte tuarchhel fal chauhin an nghei hlen theiin ka hria. Post tha tak a ni e. (Y)

    [Report abuse]

  6. 6
    H.Vangchhia Says:

    Terema Chhakchhuak, kan rilru hi a neitu keimahni hian kan thuhnuaiah kan dah ngam a pawimawh a lawm. Kan neihte thua kan awm chuan han tum ve uk mah ila eng a sawt thei ngai lo ania.

    Mizoram angah chuan awmpui kan nei fo á¹­hin. Kan awmpuite chu kan duh angin an khawsa mai a nih kha. A nihna takah chuan hetiang chiah hian kan rilru pawh kan thuhnuaiah a awm tur a ni. Mahse, mihring rilru derdep leh zuau tak mai hian tum peih lohna a ngah em mai a, an neih chuan a thunun ta mai á¹­hin. :-S ;-(

    [Report abuse]

  7. 7
    sheldon Says:

    Ruihhlo bawiha tang mek te tan chhiar a va tha dawn em! Diktak chuan an ruihhlo bawih atang hian chhuak thei tawhlo a inngai, thihchilh tawp mai rilru pu an tam ka ring. Tumna a awm chuan kawng hi chu a lo awm a ni.

    Pathian hian thilmak hi a thlentir fo reng ani. Ka nau fapa chanchin pawh Misual ah ka post tawh kha, 25minutes medically dead hnu khan a lo dam leh anih kha.

    [Report abuse]

  8. 8
    nezz Says:

    A ngaihnawm khawp mai.. Ultimate fighter ho hi k ngaisang hlawm a nia..hmuhnawm pwh k ti thei khawp mai.

    [Report abuse]

  9. 9
    PKfanai Says:

    “Where there is a will, there is a way” Simna(Repentance) kan tih fo hi, hetiang ang hi a ni berin ka hria. Thil tha lo kan chin thin, tih leh tawh ngai loh duhna tak tak conviction siam hi.

    [Report abuse]

  10. 10
    H.Vangchhia Says:

    sheldon #7 tum chuan theih tehreng mai. #6 a ka ziah ang deuh khi a ni maiin ka hria. :-)

    In nau chu a vannei hle mai! (Y)

    [Report abuse]

  11. 11
    H.Vangchhia Says:

    #9 a dik ang (Y)

    [Report abuse]

  12. 12
    Puii Says:

    A posttupa hi thu chu a thiam ve chiang alawm!!.. (C)

    “‘Inkap nam hap han tih hian injection chiah hian dang (throat) lamah a rawn nam chhuak hak á¹­hin tihna a ni! “”

    a hrilhfiah thiam rap!! (Y)

    A ngaihnawm dan a dang tlat.. ;-)

    [Report abuse]

  13. 13
    Phivawk Says:

    A van ngaihsanawm riap riap ve le! Heroin tlan hrep hnuah tiang khian infiamna rothap lutuk tak mai chi-ah a dingchhuak thei a nia, pui tak a ni pui tak, pa entawntlak tak a nih hi mawle…. (Y)

    [Report abuse]

  14. 14
    loneeagle26016 Says:

    Tunlai chu i post a ngaihnawmin a tha thei hle mai, tute pawh hi fuih mawlh mawlh hi kan mamawh niin ka hria, tunlai mizoram hi ! Tlangval duhawm tak takte, nula hmeltha tak takte an lo suicide leh mai thin hian fuihna kan mamawhzia a ti lang. Tumna a awm a, kan nun chhung hi chuan kawng hi alo awm zel mai. …. (Y)(Y)

    [Report abuse]

  15. 15
    mate ainawn Says:

    avan ngaihnawm ve aw (Y)

    [Report abuse]

  16. 16
    saint sammoo Says:

    kei chu mei hi a ni mei zial hi..
    ka thei lo chu ka ti duh lova … ka la ngam lo a ni

    [Report abuse]

  17. 17
    Chhuaklinga Says:

    Mipa diktak chanchin a ni maw. (Y)
    tren tren

    [Report abuse]

  18. 18
    Terema Chhakchhuak Says:

    Pu Hva, i sawi dik khawp mai, mahni pawh inthunun theih tawh loh chuan midang thunun hi a theih loh tluk a ni. Ruihhlo pawh hi a tum tak tak chuan an nghei thei tho mai, kan sikul kal laia kan zirtirtu pakhat hi Heroin ngawlvei dam chhuak leh hi a ni a, nghei a tum tak tak chu thla 3 chhung a mu thei lo e an ti hial asin. Chuvang chuan a that lohzia hrechiang tawhtu a ni bawk a, kan sikul kal laia zirlai naupang Heroin lo khawih an mante pawh kha a zilh nasa khawp mai.

    [Report abuse]

  19. 19
    H.Vangchhia Says:

    Terem, #18, Kei pawh hi ka thih vat ringtu an tam teh a sin.

    http://henryvangchhia.blogspot.com/2012/06/mawl-vanga-ruihhlo-tih-thin-lai.html

    [Report abuse]

  20. 20
    Terema Chhakchhuak Says:

    #19, (Y) (Y) (Y)
    A ngaihnawm kher mai!

    [Report abuse]

  21. 21
    H.Vangchhia Says:

    Terem #20 chuvang a lawm, “Nunhlui ngai hauh lo vin, hun liam ta tam tak ka ngai fo. Kan tun hun ngei mai hi ‘nunhlui ngaihawm’ a nih theih nan hman á¹­hat i tum fo ang u!” ka lo tih fo ni :)

    [Report abuse]

  22. 22
    Terema Chhakchhuak Says:

    Pu Hva chu tawn hriat leh dai hriat i ngah bik kher mai a! Hetiang hi kawng lehlamah chuan nunhlui sawi tur leh ziah tur hi an ngah bik a, an awhawm ang reng viau lawi asin. :-)

    [Report abuse]

  23. 23
    Jacka Pi Says:

    CHhiar ve tura ka duhte chuan an chhiar dawn der si lo a aw!!!! Rilru a khawih khawp mai

    [Report abuse]

  24. 24
    H.Vangchhia Says:

    Jacka Pi, print out la an pek theih mai lawm ni aw?! :-S

    [Report abuse]

Leave a Reply

You must be logged in to post a comment.