‘Remna’ Palai Bâwngte

August 29th, 2012 6:00 am by Awmtea Khiangte

A eng chu ka hria ni maw… Hre lo pawh ni ila, ka intihre châk ve hrim hrim! ‘Bâkah ‘remna’ tih tawngkam hian ka lung a lên ve hrim hrim bawk. Sâp hoin ‘compromise’ an tih ang êm chu ni lo mah se, ni deuh thuakin ka ngai. Eng chu? He ‘remna’ hi maw le!

“Tu te kârah nge?” tih zawhna in lo zâwt hmanhmawh leh tawh elo, inhnial hrât-ho!? Tûnlai boruak – Lalhnam/Hnamsakhua ‘neuh neuh’ avanga Rinzova Khawlhring Lalhnam, Hnam Sakhua, houdini leh ɪ̣uɪ̣pnoɥ te thahnem ngaihna a ropui khawp mai. Chutih rualin sawi leh sêlna pawh “an thâwm mitdelte hriat khawpin” tih tluk zetin a ring a. Heti ang lam hawi paws pawh pending mawi hnawk khawpin a intlar pût khi. A ziaktupa Rinzova Khawlhring Lalhnam leh a thiante hmêl pawh an zahawm rûn tawh mai. Amaherawhchu, mi puitling tak an ni a, lung loha la mai lovin paws dangah phûr takin kawmen an rawn pe ve zêl a, an fakawm khawp mai.

Thurâwn leh rawtna han siam thei zia zâng niin ka inhre lo; kei mimâwl hi! Lalhnam/Hnamsakhua chungchâng paws rêng rêng hi a nihna takah chuan ‘campaign’ rawng kai a ang riau ka tia. An tum tak erawh anmahni ngaiha ‘thudik’(?) min hrilh hriat a ni. Kohhran leh thurin hrang hrang nei kan ni fur a, kan thurin leh kalphung thatna lam sawi vâwng hluahin mite hîp kan tum vak bîk loh hi maw. A ‘sawia sawi/ziaha ziah’ hi chuan mi hneh a har thin; nundân hi a pawimawh zâwk fo. Chumi hnu-a a thatna an hmuh chuan Thlêmsama leh Thlêmsami-te an ni fur tawh mai ang! Heti lam âwn reng lovin paws ‘hawi zau’ deuh te pawh han vawm bei ve ula, a hlimawm lehzual ngei ang.

Tin, tûna Lalhnam/Hnamsakhua chungchânga thuziak (pending) intlar thla pût pawh hi kâr 3 dan vêlah pakhat te tein publish ta ila, a tha âwm mang e. Chuti lova bâlbâwm mawitu atan mai zawng a thu hlutna a uiawm mai bâkah a ziaktu kut hah man pawh a lo thlâwn mang ang asin.

Eng nge in ngaih ve dân le?

Similar Posts:

Recent Posts:

Leave a Reply

You must be logged in to post a comment.