Rapex

August 9th, 2012 5:35 pm by PKfanai

August ni 5 thawhtan zan khan, hnamdang ka friend pakhatin Rapex chung chang hi a lem nen a rawn post nawlh mai a. Ka rilruah chuan mizotawnga lehlina misual.com a post venghal alo lang a. Mahse, Pu HV-a te Pu Sandman-a te hovin an rawn post tho ka rin avangin ka thulh ta a ni. Mahse, kan tunlai misual boruak han thlirin boruak zangkhai deuh kan mamawhin ka hria a, ka han post leh hnuhnawh anih hi.

Khawvel ram inzawm khawm (UNO) in survey an neih a a landanin, Khawvela pawngsual(rape) hluarna ber ram chu South Africa khu a lo ni reng mai a. Hmeichhia 100,000(nuai khat) zelah 119(za leh sawm leh pakua) te khuan pawngsual an tawk zel anga chhut a ni a. Hei hi FIR thehluh chauh ala ni lehnghal a, Report loh zawng zawng nen chuan, a let li laia tam a nih an ring a ni.

Pi Sonette Ehlers-I chuan hei hi a vei hle mai a, a tihtlem dan a ngaihtuah nasa ta mai a. Tichuan, thil tha awm tak mai a siamchhuak ta a ni. Chu a thilsiam chu, mipa hman chi Condom ang deuh hi a ni a, hmeichhe condom a tih theih mai ang chu. A danglamna chu, a chhungah Piranha ha ang maia hriam a awm dawn a ni. Chu chu a hmingah pawh RAPEX tiin a vuah nghe nghe a, ‘anti-rape female condom’ tiin an sawi bawk.
He Rapex hi pawngsual hluarna hmuna hmeichhia tlatfal ngaite leh hlauhthawnna neite chuan, naupai invenna angin an dah thei dawn a, “engmah hrehawm leh nuamlo a awm lo vang” tiin a sawi. Tichuan, amahaia chak misual(mipa) in a pawngsual hunah chu rapex chuan alo seh dawn ta a, ana dawn lutuk a, tu mipa mah hi an pa zui thei lovang tiin an sawi. Tin, a ha kha mipa thilah khan a tan dawn avangin zai(Surgery) ngei ngei angai bawk dawn a ni. Amaherawhchu, “‘Pa loh’ hlenna chu ani lo vang” an ti bawk.

Nakum (2013) lam hi chuan hralh chhuah hman ngei an tum a, pakhat zel hi Cent 20 man ani dawn a ni. Survey an neih naah chuan, hmeichhia tam zawkte chuan, hman an hreh loh tur thu an sawi. Amaherawhchu, a hman chi tak tak ang em? Tih hi an la debate nasa rih a ni.

Pawngsual dotu lar tak, Pi Charlem Smith chuan, mipate na ti leh thinrim lutukin hmeichhiate an thah phah duh mai a hlauthawng hle mai a, “Tute emaw pawisa siamna mai mai tur a ni e” a ti ve tlat. Tin, thenkhat chuan “hetiangte chu hmanlai mediaval hunlaia hman awm chauh a lawm maw le” an tih chu chhangin, Pi Ehlers-I chuan, “Nia, Mediaval tharum thawhna hi mediaval hremna hmangin kan hrem dawn a lawm” a ti ve hmiah a, “Hmeichhia, hmun fianrial tak tak a, hnathawka kal ngai leh hnathawkte tan inhumhimna tha tak a ni ang” a ti bawk.

Pi Ehlers-I chuan, “mipate hi ka haw reng reng lo va, ka hmangaih em em zawk a ni. Phuba lakna thinlung pawh ka pu hek lo. Amaherawhchu, nula pakhat pawngsual tawk, lungngaia indawm kun reng maiin a thusawi, “If only I have teeth down there” a tih khan ka rilru a khawih lutuk a, he thil, condom ha nei hi ka duang chhuak ta a ni” a ti.

An hralh chhuah hunah hian kan in awk cheih cheih lovang tih sawi a va har ta ve Pu Sammoo/Pu Kawlhawk? Hahaha.

Similar Posts:

Recent Posts:

25 Responses to “Rapex”

  1. 1
    CFL Says:

    A va tha dawn ve aw. (Y)

    [Report abuse]

  2. 2
    Rinzova Khawlhring Lalhnam Says:

    2nd

    [Report abuse]

  3. 3
    drake Says:

    africa vel ah chuan hmang se, pawngsualtu in an that mai duh tak tak ang ka ring, a lem te pawh chu lo dah tel la :-)

    [Report abuse]

  4. 4
    saint sammoo Says:

    rapex kha maw… kan nula te hian hmang se… an duh zawng tak tawng leh si se……

    [Report abuse]

  5. 5
    PKfanai Says:

    Ka post chhan rilru inhria ang a, ka hmanhmawhin a phuailuai ta deuh tlat mai. August ni 5 tih khi, ni 6 zawk tur a nia, Tin, Mediaval tih khi medieval tih tur a ni e.

    [Report abuse]

  6. 6
    lushai_er Says:

    A sawhkhawk a na ngawt ang ! Hmeichhe dinhmun a derthawng sawt dawn anih chu :-S

    [Report abuse]

  7. 7
    saint sammoo Says:

    pk, min mention tel suh.. kawlhawk chauh a lawm..haha..

    [Report abuse]

  8. 8
    Sangpuiipa Says:

    Nupui te uire leh re loh hriat nan a tha phian tak ang. :-P

    [Report abuse]

  9. 9
    H.Vangchhia Says:

    A bawn rep rep dawn hle mai. Su ha nei an awm fur mai dawn a ni maw? hairehai :-P ;-)

    [Report abuse]

  10. 10
    PKfanai Says:

    Pu Sate, a Luck hmel deuh leh, fiam dawl deuh tura ka hriat, ka ngamtlak deuh ka rawn tarlang mai mai che u a nih khi.

    [Report abuse]

  11. 11
    thenawmpa Says:

    Copper IUD ang te anih chuan forcep a cheh chhuah ve kher a ngai dawn ani maw.. :-D rilin a lo suangtuah chhin a, a ha te kha tih tlak palh a van hlauhawm duh awm ve awwww…anilo lo kha a seh anga!! :-D:-D

    [Report abuse]

  12. 12
    Sangpuiipa Says:

    Hetiang a lo nih chuan mipa lam in a dan na lam kan ngaihtuah vat a ngai dawn a nih chu. :-D

    [Report abuse]

  13. 13
    ɪ̣uɪ̣pnoɥ Says:

    A á¹­ha mang e aw! (Y)(Y)

    Mi pawngsual tum hûrh hûrh mihring chu chawh tak rawh se! Hmeichhia hian hetiang hi pianpui hial se ti nia, an duh lo chung tih tumte seh thei. Ṭha tâwkin siam teh se.

    [Report abuse]

  14. 14
    muansakhi Says:

    Tuai ve deuh pakhat nupui nei pawh zan an han mu chu, “Awi a za (h) K….i ka za huai huai mai, siamtu pawh a zahawm alawm” a ti riai riai mai a ni awm e. He pa hi a lawmpuiawm ka ti. Kei chu a che che sih hlawkah tih ang hrim a inthuam teh tuk chu tha ka ti love.

    [Report abuse]

  15. 15
    vakul Says:

    e heu..tha e…pu pk i va hre mak ve

    [Report abuse]

  16. 16
    mamboihi Says:

    bengvar thlak hle mai. (Y)

    [Report abuse]

  17. 17
    Awmtea Khiangte Says:

    E he.. nakkum atang chuan ka sim hmak ang :-P

    [Report abuse]

  18. 18
    sheldon Says:

    Hehe… Pu Pk post chu a bengvarthlak dangdai viau a, mahse a inhmehlo e. Sandman, Kawlhawk or Saint te’n post ta se…haha

    [Report abuse]

  19. 19
    PKfanai Says:

    Sheldon, ka nghak ngat ngat a, ka nghak chhuak zo ta lo a ni. Tunlai post a kal khat deuh lek lek a, a pawlh dal tuah ka han vawm bei ve mai mai anih hi. A pic. Pawh ka telh ta lo mai. hehe.

    [Report abuse]

  20. 20
    saint sammoo Says:

    kha… a lem tal ka lo thawh ve ang e..

    http://i50.tinypic.com/2w6rt5u.jpg

    http://i45.tinypic.com/2cql8iw.jpg

    [Report abuse]

  21. 21
    Lamji Says:

    ‘TEETH’ tih movie a awm kha,ani chu ha a nei a seh bun sak thin,pui utu..Vuah tir ve tawp chi! :P

    [Report abuse]

  22. 22
    Charice hahaha_mizo Says:

    hahaha

    [Report abuse]

  23. 23
    Puii Says:

    An va ngaihtuah chhuak thiam mai mai tak! saint sammoo leh a ha hi a va hriam hmel tak ve…!!

    a hman pawh a hlauhawm hmel e… :-$

    pic pahnihna ber kher hi en ve ngei teh u…tunhma ang khan alar ta lo ;-)

    [Report abuse]

  24. 24
    saint sammoo Says:

    K’u sheldy te chuan an mitthla thei nghal mai ang a… charice te chuan… han mitthla mai dan tur avang ngawt ang..haha..

    [Report abuse]

  25. 25
    Awmtea Khiangte Says:

    Ka zak ve det… :-)

    [Report abuse]

Leave a Reply

You must be logged in to post a comment.