Pawisa bag(purse) chhunga Isua thla.(Sunday pual)

August 12th, 2012 7:00 am by PKfanai

Rel-a passenger ticket enfel tupa chuan Rel pindan lian tak chhunga mipui chuang tam tak ticket chu a check fel zel a, mi an taw tem avangin a sawt thei lo hle a. Mipui karah chuan chhuata pawisa bag hlui tawh tak, pawp hrep hrup hi a char ta a, “Hei tut a nge? Tu pawisa bag nge?” tiin a han lek chhuak a, tuma’n an chhan mail oh avangin a chhung chu a han en a, pawisa tlem leh Isua thlalak hi a lo awm a ni.

Putar pakhat hi a rawn ding chhuak a, “Ka ta a nih kha, min pe rawh,” a rawn ti a, chu putar chuan hahmai pakhat mah a nei tawh lova, mahse hlim hmel pu tak hian, “Khawi ka bag chu” a ti han leh a.

Checker chuan, “I ta a ni ngei tih I fiah a ngai a lawm, engtin nge ka pek ngawt theih ang che” a lo ti a. Putar chuan, “Ka bag chhungah khan Isua thla ka dah a, ka pawisa nen” a han ti leh a. Checker chuan, “A! engati nge nangma thla tar lova, Isua thla I dah the hlauh va…” tiin a han zawt leh a.

“Ka pu, ka thlalak ka dah lohna chhan ka hrilh ang che, min lo ngaihthlak sak hram t ache, lo thu lawk teh” a han ti a, an thu dun a, Isua thla a tarna chhan chu a hrilh ta a.

Putar chu a han thaw kawk kawk a, “Ih e… he pawisa bag hi School naupang ka nih laia ka pa min pek a ni a. Chutih lai chuan ka nu leh pa thlalak hi ka tar thin a. Ka lo tlangval chhoh hnu chuan, ka nu leh pa thlalak chu la chhuakin ka thlalak nalh tak mai chu ka tar ta zawk a.

Hun a lo kal zel a, nupui hmeltha zet mai ka nei ta a. Ka nupui thlalak chu ka tar leh a, ka en ning thei ngai lo. Fapa kan lo neih hnu chuan, ka fapa chu ka atchilh leh ta a, tichuan a bulah ka hun tam ber hman ka duh a, Office ban te hi ka nghakhlel thei ta hle mai a. Ka fapa chuan min luahkhat a ni ber mai… Tichuan, putar chu a mittui a parawl ta teuh mai a, lungchhe aw tak hian- Ka nu leh pate chu an lo thi ta a, nikum mai khan ka nupui thlakhlelh ngawih ngawih chuan min boral san leh a. Tichuan ka innghahna neihchhun ka fapa chuan a nupui fanaute buaipui reng rengin a hun a hmang ta a. Ka tan hun a nei ta ngai lova, aw!! Ka hmangaih te chuan min kalsan ta vek tihna a nih chu! tumah biak phak an ni tawh lo. Ka khua a har vawng vawng thin a, mahse tunah chuan thian tha, englai maha min kalsan ve tawh ngai lo tur ISUA ka char ta a. Ani hi chuan min kalsan ve ngai dawn lo tih ka hria a, ka bul hnaiah a awm reng a, min thlamuan thin a ni. Aw! Tun hma khawhar reng renga ka awm laite khan lo hmelhriat ni ila… ka nupui fanaute ka hmangaih ang khan lo hmangaih ni ila chuan, khawhar leh lungleng reng rengin ka awm lo tur… a biangah chuan a mittui a luang ta zawih zawih a.

checker chuan ngawi rengin a bag chu a pe a. Rel a din veleh lehkhabu dawr a pan vang vang a, Isua thla a bag-a tar ve tur chu a lei ve ta a ni.

Isua hian, kan nun kawng min zawhpui hi chuan engkim hi a lo danglam thin a, thlamuanna leh lungawinain kan nun kawng min zawhpui thin a ni.

“Thlamuang takin ka mu ang a, ka muhil bawk ang:
Lalpa, nangmah ngei hi a ni, mahni chauh pawha him taka mi awmtir thin hi ni” (Sam 4:8)

Sunday hman nuam vek u le.

Thulakna: Loisi chanchinbu July,2012 issue. Lettu:Rothuami.

Similar Posts:

Recent Posts:

16 Responses to “Pawisa bag(purse) chhunga Isua thla.(Sunday pual)”

  1. 1
    Chhurbura Says:

    Chhiar phawt ila, comment ang :-D

    [Report abuse]

  2. 2
    Chhurbura Says:

    Ava tha em!

    [Report abuse]

  3. 3
    Kawhterenga Says:

    Tha hle mai (Y)
    Isua thlalak chu ka hmu ve chak hle mai! A lem an ziah samsei, hmui hmul leh khabe hmul ngah deuh hi chu ka hmu fo a, mahse a thlalak, a hmel tak lanna erawh ka la hmu ve miah lo mai :-P

    [Report abuse]

  4. 4
    dabolt Says:

    tha khawp mai…englaimah min phatsan lo tu thian Isua kan nei hi kristian te vanneihna ani.

    [Report abuse]

  5. 5
    awmawmpuia Says:

    Good post. Ka chhiar chhuak e. Sunday a PKfanai post hmuh loh tum hi chuan kim lo riau hian ka hre tawh. :-)

    [Report abuse]

  6. 6
    Chhuaklinga Says:

    A thain a va tawk thei tiu teu thin ve. (Y)
    tren tren

    [Report abuse]

  7. 7
    Charice ve mai mai_mizo Says:

    Very touching…just wonderful

    [Report abuse]

  8. 8
    Ignatia (33-115 AD) Says:

    Awesome! (Y)

    Worship is submission of all our nature to God. It is quickening of conscience by His truth and nourishment of ou mind by His holliness!

    [Report abuse]

  9. 9
    Ignatia (33-115 AD) Says:

    Awesome! (Y)

    Worship is submission of all our nature to God. It is quickening of conscience by His truth and nourishment of mind by His holliness!

    [Report abuse]

  10. 10
    PKfanai Says:

    Duh tak lo chan tawh, khawhar taka hun hmang mekte leh, zirna leh mahni hna{proffession) avangte a, khawhar taka awmte tan he thawnthu tawi hi ka hlan e. Inkhawm nuam vek u le.

    [Report abuse]

  11. 11
    saint sammoo Says:

    TTT (Tawk tiu teu)
    va the reuh e

    [Report abuse]

  12. 12
    vakul Says:

    ka duh hle mai…nang hian i ti sunday ber e.

    [Report abuse]

  13. 13
    Awmtea Khiangte Says:

    Mak tak tak hi chu a tam maw le

    [Report abuse]

  14. 14
    ɪ̣uɪ̣pnoɥ Says:

    #13 Awmtea Khiangte chu chhiar miah lovin a sawizui ve ringawt… ha ha ha! Ka nuih a va za tak êm ha ha ha! :-D:-D

    [Report abuse]

  15. 15
    tarmita Says:

    Sunday Pual hi Monday-ah ka chhiar a, a ngaihnawm ka ti tho mai. Mahse, mipa pawisa bag a nih chuan purse ni lovin wallet a nih zawk hmel te ka ti mai mai a. A zirtir erawh a tha thlawt.

    [Report abuse]

  16. 16
    CFL Says:

    A va tha ve le. Ka rilru a khawih takzet. (Y)

    [Report abuse]

Leave a Reply

You must be logged in to post a comment.