Nupa

August 16th, 2012 8:30 pm by Dinsa

Ka hnathawhna hmun ka thleng hlim chu, kan thawhpui pa hi ka thutna ah chuan rawn thu phei in. An nupa kar khi chho mek leh annu lakah a lungawi loh thu chu min hrilh hrilh mawlh mawlh a. Kei Nupui chu sawi loh Ngaihzawng bulfuk tak pawh nei mumal lo chuan sawi tur ka hre tam teh chiam lo han hnem a han sawi pui ngial tur pawn ka hul tlat. Mahse ka thiana min kalsan hnu chuan ka rilru ah heti zawng hian awm in ka ngaihtuah ta a.

Pawn lam lan dana nupa in ngaih tak anga lang te pawh hi, mihring pahnih awm dun ta chu in ngaih loh chang in hauh chang chu an neih meuh mai. Amaherawh chu Nu tha emaw Pa tha emaw chuan thiam lo zawk nih in chuh in tawngkam thlum an in hlan a harsatna tam tak chu an kal pel ta thin a ni. Chutin, Nupa tam tak te hi chuan an mahni chan chauh hmu vawng in tha a in ngai in an nupui/pasal te chu tha lo ngawih ngawih zawk ah an dah fo a. Mahni that loh na hmuh theih loh ta na chu in rem aiah in nghirngho leh zual na a lo thlen phah ta thin a ni.

Chhungkua nih takah chuan, Nula/Tlangval laiin kan ngaihtuah ngaih loh. Chhungkaw sekrek leh thil dang tam tak kha ngaihtuah a lo ngai ta a. Mahni thawh chhuah duh dan dan a hmang thin khan fa neih hma pawh in Nupui leh chhungkaw tan te a hman a ngai tawh si a. Chutah chuan Pa in thawk bik riau a in hriatna te a neih chhoh chuan Nupa kar chu a khi chho ta zel mai ani. Ka thlir danin ka then leh rual nupa a in siam tam tak hi kum pawh vei em lo hian, an in then chawk mai a. A chhan ni ber a lang ah chuan Family Planning awm miah lo hian Mizo thalai tamtak hi chu kan in ngaihnat a kan in duh tawn vanglai tak hian kan tawngpawng inneih ve ngawt thin ni mai hian a lang.

Kristian Tlangval nupui nei tur chuan, a fate a nupui fanau te nen kristian chhungkua an din theih nan Nupa a an in siam hma in mumal tak in fate enkawl dan tur te hi Pathian rawn chung hian ngaihtuah lawk ta se. Harsatna tamtak pal tlang hrep a , mualpho na te hmachhawn hrep hnu a Kristian chhungkaw din thar leh ai chuan Pathian pawh hi kan dam hun chhung hian kan lakah lawmna a hmu hma zawk lo maw tih te in ngaihtuahna ka sen phah ta a.

Pathian rinchhan a chhungkaw din chuan, khawvel mite harsatna tawh thin. Tha a in hriatna, Pasal/Nupui te hriatthiam lohna te kha a awm dawn si lo a. Fate sual kawng zawh tur veng tura entawn tlak a Pa leh Nu an awm miau chuan sual kawng pawh an zawh lo nge nge turah ngaih a ni. Enga ang chhungkaw chu sum dinhmunah thla hniam pawh ni se , sum leh pai ringawt tel loh pawh hian a dam khawchhuah theih mihring hi a ngai reng ni lo in kan awm thin a ni ti a Pa ber Pa taka Pathian rinchhan tlat a awm si chuan fate pawh in an ring ngam anga an zah em am dawn si a.

Hre lo berin Nupa chungchang han ziah ngawt chu em a chu ka in ti, mahse vei zawng tak mai chhungril in a tur nat em em ti lang chhuak ngam lo khawp a dawizep ni chuan ka in hre si lo.

Similar Posts:

Recent Posts:

28 Responses to “Nupa”

  1. 1
    H.Vangchhia Says:

    Nupui/pasal nei turte hian ngun tak leh uluk tak a thil chhut sa thlapin innei chauh ta sela, engemaw chen chu chhungkaw nun pawhin a zia phah ngeiin ka ring :)

    [Report abuse]

  2. 2
    tribepower Says:

    Nia keipoh fa 3 loih cu ka nei ve toh a education insurance te thlengin ka tihsak vek th.Quota ringawt cuan a thlensan theihloh tunlai ah… Zu poh nghei a tha chhunkua tha din duh cuan.. (B)

    [Report abuse]

  3. 3
    H.Vangchhia Says:

    tribepower #2 life insurance pawh :)

    [Report abuse]

  4. 4
    Pakak Says:

    chi, (salt) pawh hian man a lo nei a lawm le :p

    [Report abuse]

  5. 5
    tribepower Says:

    Nia insurance zong2 hi tih vek a tha.. Medical Bill(Mizoram Sorkar) ai cuan Mediclaim hi tangkaina a tam tunlai cu.. :-D

    [Report abuse]

  6. 6
    saint sammoo Says:

    kan in dan tirh min ti hre chuak..
    mi in hnuai chep thim rik rek ah.. ri thei kan neih chhun chu kan tukverh, hawn zawnga chik ret ret thei kha a ni mai a.. en tur kan neih lah calendar hlui tawk…
    kawng sira bur chhe let mai mai te hi , tangkaina a awm ang a… kan tia kan hawn leh ringawt thin,,haha..
    thenawm te hian min fiam thin..
    “nang ni nupa hi chu.. in thawmhnaw in in bel kim hi chuan in in chhungah sawn ruk tur pakhatmah a awm lo…”

    [Report abuse]

  7. 7
    thachianga Says:

    Thuhlawm hnihna (2nd para)a’In ngaih’ tih hi ‘inngeih’ tih tur anih hmel zawk hle mai. (I)

    [Report abuse]

  8. 8
    H.Vangchhia Says:

    Ka nupui neih hmasak (thi ta) khan engmah ngaihtuah lo, puitling rilru pu tak tak lo vin ka nei bawk a, a hoh theih hle a ni. Mi fa ka ti hreawm bakah mahni fa ngei hreawm leh thlabarin ka siam a, ka zak ngawih ngawih.

    Puitling rilru ve deuh tawh hnua kan nei leh chu a dan a dang ta zar mai. Thlan thiam lah a pawimawh…

    Lungte a invawm laklawh tawh hi chuan invawm reng a ngai a, lungte lah vawm sen loh a awm si, invawm ngai reng reng suh u — Pa PK Singson-an ka nupui neih a thurawn min pek.

    [Report abuse]

  9. 9
    Charice_mizo Says:

    Pasal neih chungchang ka la rawn post ang :-):-)

    [Report abuse]

  10. 10
    H.Vangchhia Says:

    Charice, ka nupui hmasa/hnuhnung nen kan inneih chanchin hi ziakin ka nei a, ka post chak ang reng. Mahse…

    [Report abuse]

  11. 11
    Charice_mizo Says:

    Rawn post teh a….ka chhiar chak zawng tak, :-)

    [Report abuse]

  12. 12
    H.Vangchhia Says:

    Charice #11 a sei roh viau a sin :-D
    Link ka pe mai ang che aw?

    Pakhatna: http://henryvangchhia.blogspot.com/2011/04/ka-fa-hmasa-ber.html

    Pahnihna: http://henryvangchhia.blogspot.com/2011/04/judy-nu-pahnihna.html

    [Report abuse]

  13. 13
    saint sammoo Says:

    post teh a… blog ah tal..haha..

    [Report abuse]

  14. 14
    H.Vangchhia Says:

    #12 chhunzawmna (Post siamtu hian a haw em lo ang chu!) ;)
    Pathumna: http://henryvangchhia.blogspot.com/2011/05/judy-nu-pathumna.html

    Palina: http://henryvangchhia.blogspot.com/2011/05/judy-nu-pali-na.html

    [Report abuse]

  15. 15
    Charice_mizo Says:

    Pu Hv, ka chhiar zo chiah, a ngaihnawm lutuk tlat, i chanchin hi a tak tak nilo Novel te pawh a ang ka ti deuh thin (a tak anilo ka tihna ni lovin), your life is so interesting, i tlangval laiin i hmeltha bawk si hehe…chuan i fanu Judy nen hian kan inrual chiah :-)

    [Report abuse]

  16. 16
    H.Vangchhia Says:

    Charice, ka fanu aia naupang te ka kawm mawle hahahaa age 18 – 94 thian ka nei :-P

    [Report abuse]

  17. 17
    drake Says:

    HV champhai a thosilen keu du du hnu a, nilo zawk bul a tho at thut te kha.. chanchin hi chu i ngah khawp mai NGAIHZUAL KEIMAH LO NEN :-D

    [Report abuse]

  18. 18
    H.Vangchhia Says:

    #17 :-P

    [Report abuse]

  19. 19
    awmawmpuia Says:

    Kan chhiar tui viau dawn a ngeih tih aia ngaih tih vawihnih lo awm hian min ti tui lo vek mai, ka chhiar chhuak ta lo mai. Bai aia bei mai aia mei tih angreng hmanna thuziak hi ka ngainep lo theilo. (N)

    [Report abuse]

  20. 20
    Lamji Says:

    Inthlahrung tak chungin a naupang ber hian ka’n sawi ve mai mai,miten hlawkna an hmuh pui takin…

    Kan nu nena kan inneih hma hian councellor kan nei thlap a,kan problems te kan inbun ruak vek thin a. Inneih hnu paw’n kan rawn zel a. A tha takzet. Kan nu ang hi midang awm leh se ka nei teuh duh maithei ani. :) Ka best friend ania,hmeichhia, mipa zah thiam em em,mi berh te te pawh mipa an nih chuan a hnuai en ngailo. Mipa angin ka kawm thei a,ka mood hrang hrang azirin a in adapt ve nghal zel thin. Mi hrethiam em em tu te hi an lo hlu ber mai.

    Tin,Mizo te phei chu kan vannei a kohhran mi tha tak tak nupa a rawn tur neih chang pawh a mi inhawng reng khawi vengah pawh kohhran/thalai hruaitu kan nei vek. Ani’n Pathian rawn chungin min pui thei vek in ka ring. Kan inkar thatna tur hi side nei lam thiante aiin Pathian hnena min thlen thin tu Pathian mite hi pan I inthlahrung lovang u.

    [Report abuse]

  21. 21
    Jacka Pi Says:

    Ngaih leh ngeih hmanna hre hrang miahlo te paw’n an ziak ve ta pawp pawp zel chu a nia!

    [Report abuse]

  22. 22
    PKfanai Says:

    Nupa nunah chuan, inhriat thiamlohna emaw, ngaihdan inanglo alo awmin, thiam takin siamthat vat vat phawt tur a ni. A fel ta maw, tih hnuah chauh chang dang kan tur.

    [Report abuse]

  23. 23
    Dr Mahminga Sailo Says:

    Post tha tak a ni.. (Y)
    Nupui tur hi ka zawng rei ta khawp mai, post-tupa iangin ka la hmu zo lo.. (H)

    [Report abuse]

  24. 24
    Dinsa Says:

    chhut sual ka lo nei nual a in hriatthiam ah :-( , Pu Dr Mahminga Sailo leh Pu H.Vangchhia te zirtir na ka la mamawh deuh a ni.

    [Report abuse]

  25. 25
    chhangteval Says:

    Tlangval hi alo nuam ber mai hairehai (H)

    [Report abuse]

  26. 26
    Ignatia (33-115 AD) Says:

    Nupa nun tluka zahawm leh hlu hi khawvelah hian ruahmanna dang a awm tawh pawh ka ring love. Mahse nupa nun ti bawlhhlawh ching hi khawvekla ka mi rinloh berte an ni.

    Tun kum MHIP daya Pi B Sangkhumi thuchah mawlh kha ka sawi chhuak leh duh – ‘Nula te’n mi pa (nupui nei tawh) ngaihzawn loh tur / pasal pawm lai neiin mipa dang ngaihzawn loh tur ‘ tih mawlh kha mawle…

    Mipa nupui nei tawh reng si rem chang hmuh apianga hmeichhe chaih zawr zawr thinte pawh hi ka ti vak lem lo… (N)

    [Report abuse]

  27. 27
    vakul Says:

    kan han intithinrim deuh a…kan han lawm dun lehte hi nuam ve mai mai tho.

    [Report abuse]

  28. 28
    ɪ̣uɪ̣pnoɥ Says:

    Ngaihdan alawi ka nei lo ve, eng pawh ni sé (Y)

    [Report abuse]

Leave a Reply

You must be logged in to post a comment.