Nun Champion

August 11th, 2012 1:00 am by Awmtea Khiangte

Nau-no tap râwl ka hria a, naupang tlu palh ka hmuh hmaih hek lo. Kan hah viau thin; ni e, nunna tûra kan tlânna kawngah hian châwl hman kan ni mawlh si lo. Hahna haider a, taimâkna tûlpui thin chuan hringnun drama kan chan mêkah hian ‘hlawhtlinna’ leh ‘hnehna’ an lâmpui thin. Tu nge hria, khawi atangin nge malsawmna dawibûr lo thleng ang a, tawlh thlûkna tûr harsatna chu? Kan pawm thiam tûr a ni, kan ziahlai mêk thawnthu tawi tê hi.

Hlawhtlinna chu han thlîr teh, i hmu ang a ler sângah chuan. Rahbi tin chhiar kim la, i hmuh hmaih ka ring lo beidawnna leh harsatna thlantui far chu. Mite pawhin an zawh a, an tlu thin asin. Mahse tlu hlen duh lo va, chawlhna nuam thlen hma zawng tumruhna nêna beituten malsawmna rah an seng thin. Rilru ngaihtuahna fîm leh ‘tih tak tak arpa tuihâl’ nên chuan hringnun thawnthu ziah hi a kal zaih mai ni. Tahna mittui kan ziah laiin phêk dangah chuan hlimna hlimawm kan ziak leh dâwn tih kan hre si a.

Hlawhtlinna bul chu eng nge? – hlawhchhamna. A rual ruala harsatna lo thleng thin hian a hlâwm hlâwma malsawmna lo thleng tûr a dâl si lo. Malsawmna chu ka bûk thin a, a khîn ngei mai hlawhchhamna ai chuan. Thinlung mit meng a, en tûr en thin te chuan thatchhiat an thiam lova, inthlahdah an khawr tlat thin. Tu chûn chawi mah hi hlawhtling bîk tûra khuanu ruat an ni lo va, hlawhchham bîk tûra chhûl chhuak an awm bawk hek lo. Hei erawh kan hrilh duh che – hlawhchhamna hi hlawhtlinna khârtung kiangah a ding reng thin. Chu hmuna i luh dâwn chuan i kal pelh ngei a ngai ang.

Tûnah hlawhtling lo mah la, lungngai suh; kha, a lo tla hniam e. I Thatchhezawrkawia chêngkek nghah reng dâwn em ni? Zuan ve ta che! Kan zir a, kan hrethiam thin, hlawhchhamna awmzia. I zir tawh avangin ka fak che a, i la zir zawh loh avang erawh chuan ka fuih duh bawk che – hlawhtling tûrin i tlîng tâwk a ni. Second khat, pên khat leh beiseina mei de sêt sêt hian mihring a siam puitling a. Mite aia pên thui hret thin te hi Nun Champion atân chawimawina Nopui hlan an ni leh nge nge thin.

Similar Posts:

Recent Posts:

12 Responses to “Nun Champion”

  1. 1
    ɪ̣uɪ̣pnoɥ Says:

    Umm á¹­ha dawn e.

    [Report abuse]

  2. 2
    Rinzova Khawlhring Lalhnam Says:

    2nd

    [Report abuse]

  3. 3
    H.Vangchhia Says:

    Dar ang kan tetlai ka ngai! hairehai

    Hla phuah ka thiam dawn hmel em? :-P

    Hlawhtlinna bul chu tum fumfe tak neih a chumi thilah chuan beidawng lo tur a rilru nghet siam sa a, chutiang ang tak a um zui chu!

    [Report abuse]

  4. 4
    Sihtea Says:

    Awmte-a ngenge , ziak thaleh pekthin mange.

    [Report abuse]

  5. 5
    lrpa Says:

    :-D:-D
    dar ang ka ngai kan tun hma hun
    chhemdam thli len velna tur :-)

    [Report abuse]

  6. 6
    Dr Mahminga Sailo Says:

    Hringnun i hrethiam khawp mai, fuihna tha tak a ni e.. (Y)

    [Report abuse]

  7. 7
    sheldon Says:

    Tukchhuah nuam vek u le (L)

    [Report abuse]

  8. 8
    roseparvul Says:

    awmtea hi chu mizo robin sharma atan ka hauh e! (F)

    [Report abuse]

  9. 9
    mate ainawn Says:

    @ 8…..hihi..

    Good post..ziak thiam reuh lutuk.

    [Report abuse]

  10. 10
    PimPom Says:

    LastPara khi a á¹­ha hle mai. A vai khian a á¹­ha vek a, a last para khi ka duh zual hle mai. Hlawhtling turin hlawhchhamna kan zir chhuak chauh a, hmabak tlem ala awm a ni tih min hriat nawn tir leh e.

    [Report abuse]

  11. 11
    PKfanai Says:

    (Y)

    [Report abuse]

  12. 12
    Eve Says:

    engtia sawiho tur nge? (Y)

    [Report abuse]

Leave a Reply

You must be logged in to post a comment.