Niuh neuh!

August 21st, 2012 11:00 pm by H.Vangchhia

1. Mizoram khawpui vel a han kal a, nula tlangval te thil han zawh a hawihhawm tak a mi chhanna chang an hre ta khan rilru a ti hahdam!

2. Sawrkar officer emaw, contractor lian emaw, sumdawng lian emaw nih hian tinge kan thawhpuite, keini aia lehkha zirsang lo zawk en hniamna kan neih tlat zel le?

Engvangin nge sawrkar officer emaw contractor lian emaw, sumdawng lian emaw nih hian midangte aia ni vei ta riau a kan inhriat á¹­hin le. Midang tel lo vin kan awm thei der si lo. Midang ten an hnathawh ang thawk tu awm lo vin khawvel a kal thei a ni der bawk si lo.

3. Tinge mahni chhunghaw chenna tawk lek, sak hma a rel-hmang uluk tak a siam mai lo va, theih patawpin lian thei ang ber leh rit em em mai a in sak kan chin tlat hi le. Kan ram leilung ngheh dan tawk pawh ngaihtuah duh lek lo va, rem leh rem lo va kan inchherchhuan san siak mai hi le aw. Mi hmuh a nei tak ang a lan/neih zia pho lan tumna mai a ni thei ang em?

4. Lehkha zirsan lamah emaw, hna sang kan tih ang chelh vang emaw, milian chhungkua a á¹­anga seilian annih vangin mi kan zah (respect) ngawt zel em. Nihna leh hna-chelh ilo ai chuan, mimal tin te an mizia leh hawihhawm dan ilo emaw, keimahni min zah leh zah loh a zirin kan zah mai tur a ni zawk dawn lawm ni?

5. “Zilh loh fa chu…” tih changchawi niawm tak a, chhia leh á¹­ha pawh la thliar hrang thiam lo kan fa te, naupang te te kan vin vak vak mai te, an lu ah te kut kan thlak fawk fawk mai á¹­hin hi eng vang nge le. Engkim a keimahni a innghat chu, an tet te a á¹­angin chhia leh tha, mawi leh mawi lo, dik leh dik lo te zirtir á¹­hin zawk ta ila, kutthlak ngaiin an awm fo ang em le?

6. Kan ngaihtuahna ang midangin an put ve lo vin, tinge thinrim mai te pawh kan hreh loh fo le. Mahni hmasial tak a ngaihtuahna hman vang a ni thei ang em. Ṭul a nih leh inchhan a, thinrim a tlak loh kha a puitlin thlak zawk em le?

7. “Eiru ka hua” kan tia, tinge eiru thei reng a kan siam si le. Mizo te hian á¹­anrual kan thiam hlawl lo tihna em ni. Nge, mahni hmasial takin midang tih turah kan dah zel mai. Eiruk thu-hla a an man te hi an va tang rei ngai lo ve?

8. Mizoram pumpui mai hi engkimah ngaihtuahawm tak tak a nihna a tam ve thei hle. Ram enkawltu thar lo chhuak zelte hian kan tu te tan ram nuamah an chhuah thei ang em le?

9. Sakhuana avanga rambuai reng mai Pakistan – middle east tawp thleng mai a kan piang lo hi a van lawmawm tak em! Lawm takin kan ramneih chhun hi nakin zel a tan kan duat tur a ni dawn lawm ni?

Aw Zoram lungphang suh la, thangthar fel tak tak an lo chhuak mek e… khua a la var thuai ang!

Similar Posts:

Recent Posts:

26 Responses to “Niuh neuh!”

  1. 1
    ɪ̣uɪ̣pnoɥ Says:

    Ka hmasa ber em? Chhiar dawn ang.

    [Report abuse]

  2. 2
    Pakak Says:

    (Y)

    [Report abuse]

  3. 3
    ɪ̣uɪ̣pnoɥ Says:

    Rilru a tiläwmin a va tilunghnúr sï ve…!

    #1-na khi a lawmawm tak khawp mai. Hmän deuhvah kha chuan thil han zâwt ila, “i chawh” tih ringawt te’n min chháng á¹­hin :-P:-P:-P :-D:-D

    2-na khi chu chapo vàng… tihreh har tùr tak a ni.

    3-na khi chu kan thil chin ṭha lo ber pakhat a ni. In lian pui pui, hmun rem lo zet zetah kan sa vak hlawm mai hi chu, pawi tak a ni. Ṭhenawmte leh mahni tán mangkhawng kan kam a ni.

    4-na hi thil chinfel har tak a ni. Sum ngainatna duhàmna ramah hian eiru hausa pawh kan zah viau zawng a la nih hi. Mahsé nuihzata en páwl chu kan tam ve ta khawp mai.

    5-na pawh hi ngaihtuah chian chi tak a ni. Fâte vuak vak vak hi a sâwt lutuk lo mai thei. Vuak paw’n an lu-ah chuan vuak loh hräm tùr; an mawngah… :-D:-D

    6-na khi mitin inenfiahna tur chi a ni.

    7-na khi chu, eiru haw tak tak lo kan la tam zâwk vàng.

    8-na khi chu… ram nuam chu a ni reng a, mizote tan chuan… mahsé ram nuam tak tak, diknain ro a rèlna ram ni tùr chuan … a la hla deuh mai thei.

    9-na khi chu ni e… sakhuana avanga innghirngho tham kan la awm lo va (Baptist leh Presbyterian-ho an intibuai te a nih loh chuan), sakhaw hrang innék tham phei chu kan la awm lo lehzual. A vànneihthlâk hlë. Kan changkang tial tial ang a, puithùna âtthlâk kan hransan tial tial ang a, kan zia chho zëlin ka ring. Mawsawlmanho anga mäwl chatuan tùr kan nih a beiseiawm loh.

    A tlipna, kutziak äwna i ziah khi, a ṭha khawp mai. Beiseina tak tak i nei nge, phùr thühläah i chhâk chhûak vè mai mai, tih erawh ngaihtuah fé tham a ni. Patlingin i sawi chuan beiseina i nei tùrah ngái ang.

    A á¹­ha e… (Y)

    [Report abuse]

  4. 4
    H.Vangchhia Says:

    # beiseina neih vang a ziak zel ka ni e hairehai (Y) :-)

    [Report abuse]

  5. 5
    Atom c Says:

    Phunchiar pawh hian a infuih lama phunchiar hi thil finthlak tak a lo ni e. (Y)

    [Report abuse]

  6. 6
    Saitawk Says:

    1. Mizoram khawpui vel a han kal a, nula tlangval te thil han zawh a hawihhawm tak a mi chhanna chang an hre ta khan rilru a ti hahdam!

    (Y)

    Kore film in min chiah hneh tak viau atang hian naupang te te han zilh/hauh/fuih etc hlek a tawngkam chaltlai deuh deuh a mi chhang let zawrh zawrh ngam an tam phahin ka hria.

    [Report abuse]

  7. 7
    kawlhawk Says:

    suangtuahna ava tithui hlawm ve le…!!! a thupui khi — niuhneuh emaw niuh-neuh emaw tiin ziakzawm ta la, a dikin chhiar a nuam zawk awm mange… :)

    [Report abuse]

  8. 8
    H.Vangchhia Says:

    # 7 “ho mai mai, a ngai lo,” ti ta ila? :-P ;-) :-D (pil daih)

    Tikhan tlawmngaiin chhiar nuam tiawm takin lo awm ve tho la :P hairehai

    [Report abuse]

  9. 9
    kawlhawk Says:

    ;-)

    [Report abuse]

  10. 10
    Astericâ„¢ Says:

    Ava mak Niuh neuh hlawm ve mawle ;-)

    [Report abuse]

  11. 11
    keimah Says:

    Sapin ‘food for thought’ an tih ang deuh kha a va ni mai awm ve? Tha khawp mai. (Y)

    [Report abuse]

  12. 12
    H.Vangchhia Says:

    Keimah hian ‘keimah’ hnenah lawmthu ka sawi e :-P hairehai (Y) …niberin a lang :-)

    [Report abuse]

  13. 13
    sheldon Says:

    Tukchhuah nuam vek u le (C)

    Post tupa leh mi thenkhat erawh ‘Mut tui u le’

    [Report abuse]

  14. 14
    Awmtea Khiangte Says:

    Post tupa…. i titha ngei mai (Y)

    [Report abuse]

  15. 15
    hnarliana Says:

    A tha hlawm khawp mai..Chuan naupang hi hrem/vuak loh theih loh chi hi an awm ve hrim hrim..Na lutuka vuak erawh a tha lo ang..Vuak ngai fa nei ten an fate vuak an phal lo chawk an ti,chu erawh chu atha miahlo.Thinrim vanga vuak ai chuan siamthat duhna rilru a vuak chu a zia deuh ang.

    [Report abuse]

  16. 16
    Dinsa Says:

    Khai a, he post chu tha hle mai a Pu Henry nge nge hi chu kan chhiar dauh dauh mai lawm.

    [Report abuse]

  17. 17
    H.Vangchhia Says:

    ^ ka lawm e :-) (Y)

    [Report abuse]

  18. 18
    mr.Duhlova Says:

    A khai a…thlen-in pa chu’h (Y) (Y)

    [Report abuse]

  19. 19
    saint sammoo Says:

    ni ngawt mai

    [Report abuse]

  20. 20
    chhangteval Says:

    Point 9na khi a dik uchuak bik lutuk (H) (Y)

    [Report abuse]

  21. 21
    lrpa Says:

    Pu HV pawh hi tawng a pEi tan anih hi..tiila kan sipel dawn a..ka thiam thak lo! niuh!! a dik chiah in ka hre si lo a..a dik pawh chu ka hre mai chuang lo a!

    [Report abuse]

  22. 22
    H.Vangchhia Says:

    lrp leh…. hairehai :-P ;-) :-D

    [Report abuse]

  23. 23
    Puii Says:

    Niuh Neuh….fiamthu tawngkam emaw ka ti dawn a, Lrpa ang deuh hian…. :-(

    Pu HV tawng thar i siam chhuak der a ni maw? (Y) a chhung thu hi chu comment tawhlo mai teh ang… ;-(

    [Report abuse]

  24. 24
    H.Vangchhia Says:

    Puii #23 á¹­awngkam thar ni lo ve… Engemaw niuh neuh a buaipui a tih ang vel a ni. Mi tam takin dik lo deuh hahin, ‘neuh neuh’ tiin emaw an sawi á¹­hin maithei! :)

    [Report abuse]

  25. 25
    Puii Says:

    Niuh neuh chu ka la hmang ngai lo tlat… Niu niau te, nei nuai te,niau nuau te leh a dang te.. :-$ .

    [Report abuse]

  26. 26
    H.Vangchhia Says:

    Puii #25, niai nuai, niu niau, niuh neuh, nial nual, hil hel, ngial ngual, liai luai, siar suar. (Y)

    [Report abuse]

Leave a Reply

You must be logged in to post a comment.