Ka diary manto tak mai chu, episode 4 (Zira is back…) (To be continue chhunzawmna…)

August 12th, 2012 10:00 am by dustin sampler14

Damdawi mum lian, kan thianpa Zira chanchin hi kan sawi ngun ta malh malh khawp mai. Fiamthu thawh thiam ni lem lo mahse,  amah hmanga fiamthu thawh thiam erawh an thahnem khawp mai. A ni hi sawi leh sawi hnu, mi danglam tak hi a ni ve hrim hrim a, a kephah chhah lutuk te hi kan awmna tlangdungah chuan a hmingthan pui hial a ni. A ke hi an chhah mai mai khawp a(h), a ke a lei an rah te hian a ke zungtang te hian lei hi an tawk pha ngai ve meuh lova, an lo kawh ve mai mai thin a ni. A chhah mai ni lovin a chang tel leh nghal a, tum khat pawh naupang hovin Van Dame a bek khik (back kick) nat zia an lo sawi laih laih a, an zinga pakhat chuan, “Au Zira ke phei chu nei se aw…” a lo ti pek a ni awm e. Inkhelhnaah te hian ball boot a bun loh tum a nih chuan a lama tan kan inchuh laih laih thin a nih tak kha maw.

‘KAN THIANPA ZIRA’N PALAI A TIR VE…’

“Satel pawh a vah a vah chuan a tawp a tawpah chuan a tum ram a thleng nge nge thin,” an tih ang deuh khan, tum khat chu thianpa Zira chuan kan veng nula hmeltha, Zopuii hnena palai tirh a rilruk ve ta tlat mai. “I ti thei bik mang e aw nang nge nge,” kan ti laih laih a, a ruk tak chuan awih harsa kan ti hlawm khawp mai. Kan veng nula chhuanvawr ve ber, kawngkawia han intawh chang pawh a vai hla sa chunga kan pelh deuh kher thin, kan thian za ho zingah pawh a hmel kawlhawk berin min han neih khalh tur chu lung a dam lo kher mai.

Chutah le, zan a lo nih chuan thianpa Zira chuan kan venga khabe sep thiam deuh ber tura a ngaih Pu. Mana, Pu. Thangthuama leh Pu. Awia te chu Zopuii te ina va palai tur chuan an tir ta a le. Kan thianpa te inlamah chuan chanchin ngai changin thenawm khawvengte chu an rawn inhawr khawm ve bawk a. Kan lo phu ve laih laih mai a. Zan dar 9 thleng chuan chanchin chu kan lo la ngai changa, mahse, a palai tirh te chu an la rawn thleng mai si lova, thianpa Zira chu leikaah chuan a lo vei sek bawk a(h).

Khai le, palai te chu a tawp a tawpah chuan an rawn thleng ta! Ngawi rengin inah chuan an rawn lut a, thuthleng seiah chuan an pathum chuan an thu thap a. “Zira hi khawnge a awm?” a nu chu an zawt a. A nu chuan Zira chu an auva, hmanhmawh takin thianpa Zira chu a rawn tlan chho nghal vat a, “Mim kut thla chu a mi inneih ni tur atan chuan in ruat tak?” a rawn ti lut a. Chutah pu Mana thinrim lutuk insum thei tawh lo chu mi tam thep thawp lai chuan a ding ta thut mai a, a aw an then khak khak hnu chuan thianpa Zira chu an ko hnai a, “Lalzirsang, saw nula saw a chunga I bawh vang hma chu vawi te khat mah min tir tawh lovang che,” an ti ta mai a nih chu… Insum a har duh khawp mai kha zan zet kha chu. Tir risk huai ve tek tek tak a ni.

‘HLIM RAWH U NUI RAWH U’ :

Zan khat chu khawhar inah zaikhawm turin kan thian za ho chuan kan kal ve a. Thianpa Zira chu hlauhthawn lawk ang ngeiin duh aiin a rawn zai tui fal leh ta a. Kan zai laklawh lai tak mai chuan a rawn ding chhuak ta phut mai a le… “Kan then tak hi, thian ang tak taka ka lo en ve thin a nih vang hrim hrim pawh hian a tana hla pakhat tal han thlan sak ve ka duh a, kan hla hruaitute khan, ‘Kan Damlai Nite Hi Thihna Karah’ tih khan han la teh se,” a ti a. A thupui atang chuan, “Tun tum pawh a che ‘Mokabula’ leh dawn a nih hi,” ka lo ti rilru a. A hla la hre ngai vak lo te chuan bawp khawkherha phut ngar ngar chung chuan, “zai zel mai ang u,” an lo ti ve bawk a. Chutah kan han zai tan ta a le… a thunawn kan han lut ta chu(h), “E e ekhai hlim rawh u nui rawh u, Aha ha ha ha…” kan ti rual ta thup thup mai, mitthi pa te lai lai khan, “vawi khat dang nui leh in a ha ha ha,” an rawn ti ta, kan kohhran upa leh Pastor te pawh khan hreh tak chungin, “Ava zia lo ve aw…” ti ni awm taka tukhum hiah pahin “vawi khat dang nui lehin…” an rawn ti leh lauh lauh mai chu(h), insum a har duh khawp mai. Hla chang sawitu khan a sawi nawn lo chiang teh e. Kha zan zet kha chu a ‘Zira Nite’ tih loh phal chi a ni hauh lo.

A DANGTE :

Tum khat pawh, “Zira mahni bialnu te chu hmangaih thu hrilh fo hi a tha a nia,” kan ti a. A haw nal nal a, “Lalsang, my love you,” a zuk ti ve hmaks maw le. Che morantic tiah tiah khawp mai.

Sawn a lo thlak ve ngei a, a chhungte chuan a sawn thlakna nu chu nei turin an ti a, “Saw tiang nuthlawi mai mai ka nei duh chai lo ve,” a ti daih mai mawle.

Tum khat pawh mi kel a ven hlawh ve a, a chhungte lak atanga a indan hnu a lo ni chiah chiah bawk nen, duh aiin a petrol a lo thun full mah mah te pawh a ni mahna,  tuk khat chu zing tawkah hian min rawn kai tho va. “Thianpa, kel hian mihring an nei ve thei tho em?” a rawn ti ta nih chu(h)… Aw, kel lehlam pawh a lo sikundalai hreh lo ni awm tak a ni. Kei lah chuan, “Thei e, thei e, thlahpawlh an nei thin maw le,” ka lo tih sak a, khami ni atang kha chuan a hlauthawng ve ni ngei tur a ni, a kel thlah tur kal awm reng reng hi ka hmu ngai ta lo.

Tum khat pawh nula rimnaah kan hruai ve leh alawm… Kan nula rim chuan thingpui hang hi min lum sak a. Keini ho lah chuan in pah chuan fiamthu titih hian, “A va thlum e… duh aiin chini a telh tam mah mah a nih dawn hi,” kan ti a. Zira chuan an in ve ta a, “Ehe, ka ta chu a thlum ve miah lo,” ring tawkin an rawn ti chhuak heu mai chu(h)… kan nula rim a zak chhe chiang kher mai.

Tum khat phaia kan zin pawh, rel-ah laptop a chhar hlauh mai a, ‘Boro Carculator’ tiin vai hnenah cheng 500 in a lo hralh hmiah maw le. Khua hi a var lo thin khawp mai.

AND FINALLY…

Tum khat pawh mual khat leh lui pahnih meuh kanin kan thianpa Zira lungleng lutuk awm ngaihna hre tawh lo chu chawfun nen meuh a bialnu kan zuk rimpui ve alawm. Tlai lam dar 3 velah hian an khua chu kan thleng ve hlawl mai a. An khua kan han luh chiah chuan thianpa Zira bialnu chuan khawlaiah chuan tawlailir hi a lo khalh pek a (usshhh), kan hmuh lai reng chuan a brek a fel nge ni a eksiden ta a, kawng sirah chuan a tlu thal tawp mai a. A bialpa leh a thiante min han hmu thut mai chu,  tlema a zah ve deuh ka rin tehreng nen, a zak awzawng lo mai a, “Ti khan lo awm lawk r’u aw…” a ti a, tuboh leh perek a zuk la a, a tawlailir chu an chho bauh bauh ta a nih chu(h)… A va han tawih loh theih ngai em!!! Min champui rei lo kher mai khami tum zet kha chu… 

To be continue…

Similar Posts:

Recent Posts:

16 Responses to “Ka diary manto tak mai chu, episode 4 (Zira is back…) (To be continue chhunzawmna…)”

  1. 1
    VaiVa Says:

    Vawiin chu thawhhma manah fars zel ang … kha u tho ve tahw rawh u (C)(C)(C)(C)(C)

    [Report abuse]

  2. 2
    Charice ve mai mai_mizo Says:

    Hahaha ka van nui nasa tak em, khawhar hla thlan sual khi ka lawm tawp, chuan kel khi chu…uak, a tawp bera a bialnu khi ka tan tawp, khawchhak lam nula no tak takte pawh khi Truck lian tak tak anmahniin an khalh fo an ti sin lolz (H)

    I thianpa Zira chu huih phawka tham then leh an tih ang hi a ni chiang mai, mahse anih thu i sawi hauh lova, i fakawm e.

    [Report abuse]

  3. 3
    zoho Says:

    mitthi in ah mitthi chhungte leh kohhran upa leh pastorte ….vawi khat chauh… hlim rawh u, nui rawh u..a ha ha ha ha…………….a va han hit rem rem ve le, ka che chhe hriat ah a la chechhe ber lawt lak awm e……. vawi khat chauh…nui rawh u…. a ha ha ha ha……..ka thawk a buai zo dawn e…..hahahahaha……… :-D

    [Report abuse]

  4. 4
    Ignatia (33-115 AD) Says:

    Pu Zohoa chu ti taka a nuih chu le. Patling hian ka’n chhiar ve ang e…

    [Report abuse]

  5. 5
    david Says:

    he thil hi a a hlim awm riau reitak chhiartur mumal awmloh hnu ah hl awm leh hle pek e.

    [Report abuse]

  6. 6
    Ignatia (33-115 AD) Says:

    Hahahaha…. Palai tir mawlh khi… :-D :-D

    A fiamthu a sang hle mai a. A nu leh pa – chhungte tan zahthlak dawn bawk si. :-D :-D

    [Report abuse]

  7. 7
    VaiVa Says:

    Palai tir ah chuan a la confi ber a nih dawn khi! :-D

    [Report abuse]

  8. 8
    lrpa Says:

    hahahahahaha…

    [Report abuse]

  9. 9
    saint sammoo Says:

    A tha khop mai..common deuh deuh a awm nual tih mai loh chu

    [Report abuse]

  10. 10
    ɪ̣uɪ̣pnoɥ Says:

    Ha ha ha! Nzt khawp mai (Y)

    [Report abuse]

  11. 11
    dustin sampler14 Says:

    @Saint sammoo, chuti mi? A common lo lo tura ka ngaih, a ‘ori-ri’tura ka ngaih ka rawn thlan ve an nih hi :) Anyway, thanks all for your comments…

    [Report abuse]

  12. 12
    thenawmpa Says:

    A hla thlan ang khi ka thlang ve dawn chiang lutuk.. :-D:-D

    [Report abuse]

  13. 13
    PKfanai Says:

    Thuziak hlimawm tak a ni e. (Y)

    [Report abuse]

  14. 14
    true ^mizo^Boy Says:

    Ekhai, hlim rawh u, nui rawh u, hahahahahaaaaaaa…

    ka va han duh emm, ka thianpa thlan zawk ni om tak a ni, a common looo :-D

    [Report abuse]

  15. 15
    Jacka Pi Says:

    Khawsik chung pawn ka nuih pui chur chur mai (B)

    [Report abuse]

  16. 16
    Awmtea Khiangte Says:

    :-D :-D

    [Report abuse]

Leave a Reply

You must be logged in to post a comment.