‘Hriat chian lehzual’ hi ka duh vak tawh lo

August 13th, 2012 4:30 pm by Awmtea Khiangte

He hla hi ka duh khawp mai –
“Hriat chian lehzual che hi ka va duh êm,
I hmangaihna leh khawngaihna te hi…”

Khaih khaih, a ni lo lam lamah ka chakai meichher chhit bo hman têp alawm le! 1 Timothea 6:10-ah chuan ‘tihian a inziak a “Tangka sum ngainat hi sual tinrêng bul a ni si a; chu chu thenkhatten an awt a, rinna chu an kal bosan a, anmahni leh anmahni lungngaihna tam takin an inchhun tlang ta chuk a” tiin. Sum ngainat lutuk hi nuthlawi ngainat tluk zetin suala tlûk a awl bîk! Mi fing pawh beng-tla-loah a chantîr a, mi fel pawh tâwmkai loah a chhuah châwk thin.

Le, ka sawi tum lamah aw… Eng lo a nia, “an ti” tih lam ni lovin keima tawn hriat ngei a nia. Heti ang mi hi ka tawng; mi pathum (3) an ni, an nihna leh ropui dân pawh a inang phian a, huang khata khung tûra khalh khâwm inthlahrunawm loh tak a ni. Ka kutphah hlai lo tê hian ka thâm khawm tel tel ta hlawm a.

An dinhmun tlângpui chu heti ang hi a ni: a) Mi lâr an ni – Zoram pum mai bâkah hnam dang te chenin an hre deuh furin a rinawm. aw) First class officer an ni. b) An hausa – First class officer chin chuan sum an ngah tûra ngaih a ni. An eirûk leh lek phei chuan… ch) Kohhran upa an ni – Mak ve deuh, mak êm êm hran chuang lo chu, kohhran upa an ni theuh hi a ni. An fakawmin chhuan tlâk tak meuh an ni (lo maithei bawk).

Pulpit-ah thu ropui tak sawiin an chum chilh dup dup thin maithei, mai lo thei bawk. An berâmte tân Pathian thu chu chil per chhuai chhuaiin an chhâk chhuak ve thin ngei ang. Nimahsela, rinawmna leh dikna hian an nunah âr-hmai-tiat bâk hmun a chang lo ka tih dâwn chuan dâwt sawi hniak ka phawi lo ang tih ka hlau deuh bawk si. Ka râl hriat thin lai kha chuan ngaihsân tak têin ka ngaisang a, ka zah a, ka chhuang tak meuh meuh. Mahse, ka’n hriat chian tâk hnu chuan… Ka ngaisâng thei ta dêr lo mai!

An hming ka sawi chuan, tu fa lu bâwk, pâwl 3 failed pawhin in hre vek âwm si a. Pulpit-a an thusawi pawh thenkhat chuan in ngaithla tawh ngeiin a rinawm, mutthlûksan uiawm khawpa thu tha pawh khâwl hmuam ang par parin an lo pik chhuak puat puat tawh thin ngei ang. An thusawi te chu mit khap pawh tum lova in lo lem dawk dawk lai khân lo mutthlûksan pawh ni ila, ka inthiam ta viau mai.

Hêng mi 3, first class officer, mi lâr leh hmingthang, sawrkâra nihna pawimawh tak chelh, kohhran upa ni bawk si te hi ka hriat chian hnu chuan ‘E he!’ ka ti. Kohhran kâwr an vuah te lek phei chu thel thlâksak hmawk hmawk tak hi ka nâp a. Tûnlai tawng takin ‘ka ei lo.’ A chhan chu sum leh paia an rinawm loh avangin.

Chuvangin, mi hriat chian hi a that rual rualin tûna chinah Pathian chauh lo chu “hriat chian lehzual” hi ka duh vak tawh lo.

Similar Posts:

Recent Posts:

22 Responses to “‘Hriat chian lehzual’ hi ka duh vak tawh lo”

  1. 1
    Charice_mizo Says:

    Comment hmasa ber teh ang…

    [Report abuse]

  2. 2
    ɪ̣uɪ̣pnoɥ Says:

    Charice-i 2ui teh ang. Chuan chhiar nghâl bawk teh ang. :-D

    [Report abuse]

  3. 3
    ɪ̣uɪ̣pnoɥ Says:

    Kei pek. Mahsé inhèkna hmun hi awm se, mi dik loho hi hék ta zut zut ṭhin ila, a ṭha phian awm e.

    Ama’rawhchu mite hi an famkim lohna nen pawh hriat chian hi ka châk ru deuh tlat á¹­hin.

    TZṬ (Y)

    [Report abuse]

  4. 4
    lr hlonchhing Says:

    Mi hriatchian aia hlu a awm chuang em ni le aw ka ti mai mai. Kan nupui/pasal turte, kan kohhran hruaitu turte, kan Pastor turte, kan Politician turte hrechiang ila-a that ka ring mang e. Pathian hriatchian leh zual erawh a hlu e.

    [Report abuse]

  5. 5
    drake Says:

    Admin te U a hnuai a post saw, comments OFF reng ru.. :-D

    [Report abuse]

  6. 6
    Rinzova Khawlhring Lalhnam Says:

    On tawh rawh u. On loh chuan ka paste dawn nia.

    [Report abuse]

  7. 7
    drake Says:

    PASTE pawn hmu lo der vek ru :-D

    [Report abuse]

  8. 8
    Rinzova Khawlhring Lalhnam Says:

    Ha3 kawmen lo khan chhiar mai mai zel zawk teh u

    [Report abuse]

  9. 9
    La lawma Says:

    DTR-a post ve chu comment hawn sak ve tawh u la.

    [Report abuse]

  10. 10
    La lawma Says:

    Daptawraw (DTR-a)

    [Report abuse]

  11. 11
    Art-a Says:

    Rinzova chu on loh khan a tha zawk lo’m ni :-D

    An chuk rawn leh luai luai dawn che asin an ‘on’ chuan.

    Tak takin, i post comments off a nih ziah nachhan hmanni a Pi Aduhi’n a hrilh che kha i chhiar em..? Admin lamin an off anih hmel loh, nangma lam atanga tihsual a nih hmel viau zawk. Hei chhiar rawh..

    http://www.misual.com/?p=101130&cp=1#comment-975864

    [Report abuse]

  12. 12
    ɪ̣uɪ̣pnoɥ Says:

    I thuziak pakhat Aw Zoram mawi, ka pian ka seilenna tih saw rawn chhuak vat se ka va ti tak êm @Rinzova Khawlhring Lalhnam.

    [Report abuse]

  13. 13
    Chhuaklinga Says:

    Khitiang chi khi kan thenawmah pawh hian a awm a, an nunphung leh khawsak dan atangin mimawl ber tan pawh a hlawh ni lo a hlepruk hnem tur zia hai rual a ni si lo. Biakin pan a intithei tak a a kal ka hmuh te hian ka khawngaih letling thin. (H)

    tren tren

    [Report abuse]

  14. 14
    saint sammoo Says:

    Thudik/thu tak hi chu hmachhawn pawp mai tur.

    [Report abuse]

  15. 15
    Rinzova Khawlhring Lalhnam Says:

    12# a phuahtu hi min chhartu a nia

    [Report abuse]

  16. 16
    Jacka Pi Says:

    Sap ho pawn ‘familiarity brings contempt’ an lo tih ve bawk kha maw le.
    Post hnuai comment off hi nuam eeeeeeee :-D

    [Report abuse]

  17. 17
    Awmtea Khiangte Says:

    Khawngaih pawh hi har ka ti thin. A chhan chu a tuartu zinga ka tel avangin. Ka thiante pawh khing officer dangte avanga tuartu an ni ve bawk.

    [Report abuse]

  18. 18
    Charice_mizo Says:

    He post chu in van OT nasa em em, Rinzova te vel chungchang mai mai sawia midang post a comment tak teuh chu, ama post a in comments pawh engtih thuloh.

    [Report abuse]

  19. 19
    CyberThug Says:

    Amen

    [Report abuse]

  20. 20
    Sihtea Says:

    Awmtea kohhran UPA ni turchuan he tiang mihi nih a ngai miau si alawm , eng anga Thlarau thianghlim hruaina changsang pawhnila, in ropui tak i neiha, kohhranah thawhlawm tam thamtak thlatina, thawhtur i neih chuan si lohchuan, Sa nghawngsei in hriau bengah, a luhkhalh thovangche. Thlarau thianghlim hruai na changtu te ai in, thawhlawm thawhtam tu te ngeihi, zoram kohhran mipui tehian, an hruaitu UPA a tan an duhzawk miau si a lawm mawle. Tin, heng eiruk hmang, kristian lem changho hi an nupui te a zirin, an fate an puitlingin, an puitling loviau thei khawpmai. an nupui te an fel viauchuan, an fa te zirna kawngah an hlawhtling, ei zawnna kawngahpawh an chungnung larhzel, hlobet anga ah thlukin , an awmmai aw zawnglo. An nupui te an mawlviau e rawh chuan, an fa te ruihhlo bawiah an tanga, an chithlah kalzel turpawh awm tawhlo turin, hlobet anga ah thluka awmin an mangthak thung. Hei hi keimah ngei in, a taka ka hmuha kahriat ngei a ni. Tin kan vengah, tum thumngawt mai kohhran UPA kanthlang hlawhchham tawhbawk, kohhran mipuite kan thuhmun theilo. A thenin thiam na pawh neisang lemlo, thawh lawm pawh thawhtamtur neilo, a maerawhchu Pathian Thlarau thianghlimina a hruaite ngei mai thlan kanduh lai in, mi thenkhat ve thungchuan, thiamna neisang, (eirukhmangho) thawhlawm tam taktak a thawhthei, Pathian Thlarau thianghlim hriat tirna ai a, mahni finna leh hriatna ngai pawimawh zawk tute, anlo duhve tak si a vang a nih karing, hmanni lawk pawhkhan , UPA kanthlang hlawhchham lehta. Kan Lal Isua khachuan, mifing leh mi remhre zawk te thlanglovin, a mah hmangaiha a thupekte zawm duh turmi, chhuan tur rengreng nei velo tekha, a tirhkoh a kohhran banpui a tan a thlangzawk tlat mai te kha, kan zoram kohhran mipui tehian, kan hriatchhuah a vahun tawh takem ve aw.

    [Report abuse]

  21. 21
    nezz Says:

    like ..(N)

    [Report abuse]

  22. 22
    Awmtea Khiangte Says:

    @Sihtea chu ka thil pawm zawng tak i rawn sawi. Amaherawhchu, an ni vek lem lo ang tih erawh ring ila

    [Report abuse]

Leave a Reply

You must be logged in to post a comment.