CNN Heroes 2012

August 16th, 2012 8:57 am by H.Vangchhia

CNN a Anderson Cooper 360° tih program neitu, Anderson Cooper buatsaih-in, kum engemaw zat chu CNN Heroes thlan a ni ta. CNN Heroes an tihte chu, khawvel hmun hrang hrang a mi nun khawih danglam thei khawp a mi inpe te, khawvelin ala hriat si loh, chumite chanchin khawvel hriat an nih theih nan leh ṭanpuina an dawn theih nan a buatsaih a ni deuh ber awm e.

CNN Heroes a thlan theih tur hian mi tupawhin, kum 13 a tlin phawt chuan a thehlut thiang a, amaherawh chu rampui(country) phal leh phal lohte an awm leh thung. Chuta tel phal loh (void) te chu: Bhutan, Brunei Darussalam, China, Laos, Maldives, Mongolia, South Pacific Islands, Federated States of Micronesia, Pacific Islands Trust, Palau, Papua New Guinea, Macau, Sri Lanka leh Tibet te an ni a. Chu bakah chuan tun a OFAC in a hrem mek (sanctioned) an awm bawk a, chu’ng te chu: Balkans, belarus, Myanmar, Cote d’Ivoire, Cuba, DR of the Congo, Iran, Irag, Liberia (the former regime of Charles Taylor), Lebanon, Libya, North Korea, Somalia, Sudan, Syria leh Zimbabwe te an ni. Anni sanctioned ho hi englai pawh a tih danglam theih anni thung!

Tichuan, kum dang ang bawkin kumin 2012 pawh hian CNN Heroes chu thlan leh a ni dawn a, mite’n an duh zawng chanchin an thehlut mek zel a, August thlatawp thleng hian a thehluh theih a ni.

Mizo tam zawk chuan kan hriat ka rin, Pu Sangthankima (TNT) chu Mizoram mi tlawmngai ten a chanchin video a an siam te leh, a chanchin ziak te chu CNN Heroes ah hian vawiin, August ni 15, 2012 zing dar 7:35 khan thehluh a ni ve a. Pu Sangthankima hian nau hnuchham leh mi enkawl ngai tam tak hei leh chen a lo buaipui tawh a ni a. Tin, an inenkawlna pawh tlawmngaite á¹­anpuina pek a á¹­angin a ni tih kan hriat a pawimawh hle awm e. Hetiang a á¹­anpuina á¹­ha an dawn theih hi kan duhsak tlang á¹­heuhin a rinawm. CNN Heroes ah chawimawina a dawn ai mahin, á¹­anpuina a nih tur lam chuan keima mimal rilru a luah zawk!
stk

Tunah hian engtia han vote tur nge tih CNN lamin an la rawn sawi hrih lo (thehluh chiah a ni bawk a!). Mahse, e-mail a dawn angin, www.CNNHeroes.com ah te, Facebook a ‘CNN Heroes fan page’ te leh, http://twitter.com/cnnheroes te hi lo thlithlai turin ka ngen che u a ni.

CNN Heroes ah hian top 10 an thlang phawt a, anni chuan $50,000 lawmman an dawng phawt á¹­hin. Chuta á¹­anga pakhatna chuan $250,000 a dawng thung ang. Pu Sangthankima hian top 10 á¹­anpuina hi dawng thei pawh lo nita se, TNT chuan nasa takin chu pawisa chu an chhawr á¹­angkai ngeiin a rinawm.

Hetia khawvel hriat a han nominate hrim hrim pawh hian, an din theih chhan, tanpuina petu an hmuh belh phah zel a beiseiawm-in, awm bawk sela tih hi ka mimal duhthusam a ni. Vote á¹­heuh i tum ang u

Nominate hlim a e-mail dawn: confirmation email

Thubelh: CNN lam a á¹­anga thuthar a awm chuan rawn update zel a ni ang. :)

Pu Sang-a leh a team, Pathianin awmpui zel rawh se.

Video theh luh tak chu:

Similar Posts:

Recent Posts:

35 Responses to “CNN Heroes 2012”

  1. 1
    thachianga Says:

    TNT duhsakna ka hlan e. (Y)

    [Report abuse]

  2. 2
    ZerO Says:

    A va ropui ve. .

    [Report abuse]

  3. 3
    thachianga Says:

    A thehluttute pawh an fakawm e (Y) (Ti leh hram teh ang)

    [Report abuse]

  4. 4
    PKfanai Says:

    Hnuchham leh ruihhlo ngai ho tha thlah hauh lova enkawltu te hi an ngaihsanawm ka va han ti thin tak em. Top 10 ah tal chuan lang ve ngei teh se. I tawngtaipui hìal teh ang u. Tin, a thehluttu te pawh an fakawm e. (Y)

    [Report abuse]

  5. 5
    H.Vangchhia Says:

    PKfanai, a hming ziak dan a buaithlak angreng khawp mai. A passport-ah, Sangthankima tih chiah an lo ziak si a, CNN Heroes nominate-naah khan first leh last name an dil mauh mai bawk si a, a hming ngai dah ani ta ringawt a nih kha. :-S

    [Report abuse]

  6. 6
    bigboss Says:

    Dear H. Vangchhia, i thu post hian min ti bengvar hle mai. Nang nge nge i fel e

    [Report abuse]

  7. 7
    Puii Says:

    ekhai lalhnaml eh a kaihnawih tih vel ka lo chhiar peih tawh si lo… Pu HV i post hi a lawmawm dan a thuah hnih hle mai… (Y)

    Pu Sangthankima leh TNT ho chan chin hi nitin post pakhat tal lo ti chhuak teh….lol ;-)

    [Report abuse]

  8. 8
    H.Vangchhia Says:

    bigboss #6 Mizoram lamah Pi Dawngi w/o Pu Hmingtea (MCS)..a IAS tawh em ka chiang lo, Manuni Hauhnar te, Chhawra of MSV te, Esther Hnamte, C Van Hmingtea, V-a Lalremruata leh midang tlawmngai ten a thu an phuah a a video an edit bawk a. Ka tih tur a min dah ve, link siam turin Youtube ah a video ber chu ka dah kim thei tlat lo. Pu Zothana Ralte(Alexxfender) chuan an upload fel thei hlauh mai a. Kei chuan a thehluh chiah ka tum ve lek fang a ni e.

    CNN Heroes ah thlan lo ni lo hlauh palh pawh nise, mi tam takin an hriat phah ang a, an mamawh donation an hmuh zual kan beisei zel ang chu!

    [Report abuse]

  9. 9
    CFL Says:

    Duhsakna ka hlan e. (Y)

    [Report abuse]

  10. 10
    Awmtea Khiangte Says:

    Duhsakna sang ber ka hlan e. Pathianin malsawm zel rawh se (Y)

    [Report abuse]

  11. 11
    awmhlei Says:

    Hlawhtling ngei se ka va ti em! Pathianin malsawm rawh se

    [Report abuse]

  12. 12
    shailendra Says:

    Beng a va verh ve le. Bengkhawn zui zel chi a nih hi

    [Report abuse]

  13. 13
    ɪ̣uɪ̣pnoɥ Says:

    A ṭha hlë mai.

    TZṬ (Y)

    Ka vote chiang khawp ang, a theih chuan.

    [Report abuse]

  14. 14
    Awmtea Khiangte Says:

    rawn update zel teh u, ka ngaihven zawng tak a ni

    [Report abuse]

  15. 15
    Sihtea Says:

    A tlin hloh theihnan, duh sakna ka hlan e.

    [Report abuse]

  16. 16
    hlatekhua Says:

    CNN Heroes zinga thlan an nih emaw, nominate an nih emaw hian kawng engemaw zawng talin TNT tan hlawkna awm thei se a lawmawm ngawt ang.

    TNT hi a dintute an ngaihsanawmin an inpekna hi a ropui tak zet. Chutih rualin Mizo hnam leh Mizoram tan a mualphothlak viau bawk.

    CNN Hero thlannaa tel ve an phal lohho chu engvang ber nge ni ang le? Heng ram zinga tam tak hi ram hnufual leh rethei te an ni a, buaina leh harsatna tam tak karah hero ropui tak tak an awm ve ngei awm si.

    [Report abuse]

  17. 17
    Lamji Says:

    Tling ngei teh se. Hero dik tak chu a ni hi ani.

    [Report abuse]

  18. 18
    Chemtatrawta Says:

    Hei chu ka pawlte an ni maw… Tling ngei se ka va duhsak em..!! Nikum tawp lama TNT Chemtatrawta min tih lai te pawh a ngaihawm alawm le.. (Y)(Y)

    [Report abuse]

  19. 19
    lrpa Says:

    TNT ho hi ka ngaisang ngawt mai. An ropui hi ani.

    [Report abuse]

  20. 20
    H.Vangchhia Says:

    Lawmman pakhatna e lo pawh nise, top 10 ah tal tling se ka ti ngawt mai aw.

    Top 10 tal a tlin chuan Shenandoah lui leh hmun hahdam-thlak tak takah hruai ngei ka tum ang. :)

    [Report abuse]

  21. 21
    ItsMyLife Says:

    TNT duhsakna zawng zawng ka hlan e..

    [Report abuse]

  22. 22
    drake Says:

    nomination a awm thei ringawt pawh hi ropui in nominate tu te pawh in ti tha hle mai, hepa Pu Sangthankima hi ka ngaisang in ka tan bur! Kan MLA 5 chawhrual ai pawn a thil tih hi ropui ka ti, Pathian in a awmpui tak zet in ka hria, CNN Hero chauh nilo, riangvaite pa ka HERO dik tak a ni, zoram in a mah ang hi kan la mamawh reng chuan tawngtai pui zel ang u

    [Report abuse]

  23. 23
    H.Vangchhia Says:

    #22 tunlai i kam chhuak ngaihthlak nuam ber pawl ani awm e hairehai :-) (Y) bless you (B)

    [Report abuse]

  24. 24
    drake Says:

    #23 HV mirc aizawlchat tang fiamthu zel in lawm ka la puah chhuah zel, ti zel bawk ang.. :-D
    btw in thil tih hi ropui thlawt e, HERO chu mizoram ah hian a nichiang tawh sa..

    [Report abuse]

  25. 25
    H.Vangchhia Says:

    #24 (Y) :-)

    [Report abuse]

  26. 26
    Chemtatrawta Says:

    Misual.com hero hmalakna a ropui hle mai.. ;-)

    [Report abuse]

  27. 27
    H.Vangchhia Says:

    Chemtatrawt, kei chu a thehlut tu chauh ka ni. Mizoram lam an fakawm e. N.Carolina lamah Pu Zothana a pawimawh viau bawk. :-)

    chow time! ttyl

    [Report abuse]

  28. 28
    blackmagicwoman Says:

    Ka va trang ve! vote thruai ila ni mai lawm!

    [Report abuse]

  29. 29
    Charice_mizo Says:

    He pa hi chu a fakawm thlawt, a phu ang hian kan la chawimawi tawk lo ka ti…Pathian hi chu a van tha tak em!

    So touching, i am sure gonna vote for him (Y)

    [Report abuse]

  30. 30
    H.Vangchhia Says:

    CNN a tanga ka e-mail dawn thar:

    http://i50.tinypic.com/rsedg7.png

    [Report abuse]

  31. 31
    ɪ̣uɪ̣pnoɥ Says:

    #30 Pu HV, ka beng ka lo tun ve hrá reng e kei paw’n… (Y)

    [Report abuse]

  32. 32
    H.Vangchhia Says:

    ɪ̣uɪ̣pnoɥ (Y)

    [Report abuse]

  33. 33
    Eve Says:

    HV,September daih maw?… (O) a va la rei dawn ve..tunah vote ka duh tawh ania…

    Pu Sangthankima hi a hriselna a tha vak lo khan ka hria a, Kolkota leh Delhiah te a kal zak zakin ka hria…. engnge a an tawh le?

    [Report abuse]

  34. 34
    H.Vangchhia Says:

    Eve#33, kar tin an website http://www.cnnheroes.com ah te leh Facebook (cnnheroes) leh twitter lamah an update reng a lo thlithlai zel turin min ti ani phawt mai a. A lan danin top 10 chinah chauh an vote theih a nih dawn hmel.

    CNN a thawk hmelhriat ka neih ve chhun Jill Dougherty http://i47.tinypic.com/riu81f.jpg lah chu han zawt turin a zin nge mawni ka hmu thei der lo mai tunlai….an e-mail ka dawn bak ka hrethiam bik lo… an sawi leh zeldin thu niberin ka hria.. an website kha lo thlir ve chhin teh u! An thuziak karah click hawn theihte a awm zel kha!

    [Report abuse]

  35. 35
    H.Vangchhia Says:

    Hemi page hi i check zeuh zeuh hlawm ang u aw. Pu Sangthankima an lo tih chhuah hlauh chuan kan like/comment sup sup dawn nia.

    http://www.facebook.com/CNNHeroes

    [Report abuse]

Leave a Reply

You must be logged in to post a comment.