Beidawng duh lo hmeichhe huaisen!

August 22nd, 2012 8:20 pm by H.Vangchhia

Christopher leh a nupui Bernadette te chuan fa 4 duhawm tak tak an neih zingah chuan “Ronnie” tia an koh, Veronica Guerin chu Artaine, Dublin-ah July ni 5, 1958 khan a piang a. Catholic sikulah kal chhovin, infiamna lam ngaina mi tak a ni chho. Basket ball leh thildang a khelh bakah football a tui hle a, kum 15 lek a nihin Ireland pumpui inelnaah khupruh pelhsawlh chungin final-ah a khel nghe nghe a ni.

Tichuan, hun a kal zel a, pasal fel tak mai Graham Turley neiin, fapa duhawm tak Cathal tia an koh chu an nei ta bawk a. Apa sumdawnna lamah thawkin a buai ve á¹­hin hle awm e. Kum 1983 a nih chuan New Ireland Forum a Fianna Fail an tih group-ah chuan ziaktu (secretary) hna 1984 thleng a thawk a. Kum 1990 a nih meuh chuan Sunday Business Post leh Sunday Tribune tan reporter hna a thawk ta a ni.

Apa sumdawnna hnuai a lo thawk tawh a nih vang chuan mi biangbiak dan pawh a thiam viau mai a, a hna-ah chuan a tui hle mai. Sunday Business Post leh Sunday Tribune tan hian kum 6 (1990 – 1996) a thawk a. Chutih chhung chuan, kum 1994 vel a á¹­angin ram chhung sualna chi hrang hrang ziah lam hna chu a buaipui ber a ni fo. Lungin lo tang hrep tawh John Traynor a be fuh hle a, ani chu thil tamtak a hriatna hnar a lo nita bawk a ni.

October 1994 ah chuan misual tawraw, Martin Cahill chanchin a chhuah a vangin thah a vauna a dawng a, ani lah chuan menah a thlak hmak thung. January ni 13, 1995 chuan, John Gilligan-a, misual bawraw tak mai a hmachhawn a, mi hausa tak ang a a khawsak dan chu a thawh chhuah nen a in tulo lutuk tiin, thilsual a ti niin a hriat thu a zawt a ni ber ang chu. John Gilligan chuan, chanchinbuah a chanchin a chhuah chuan a fapa an pawngsual sak tur thu leh amah pawh an that ngei ang tiin Veronica-i inah phone hmangin a vau zui nghe nghe a ni. A fapa nen in an nghah lai pawhin an tukverh an rawn kap kaw siah mai a, hlau viau mahse a rilru a sawhsawn phah hauh lo!

January ni 30, 1995 ah phei chuan ruihhlo lam a sumdawng mi hausa tawntaw Gerry “The Monk” Hutch chanchin a ziah vangin a in-ah luhchilh a ni ta nghe nghe a. Alu-ah chuan misual chuan silai-in a tin a, mahse a malpui dinglam ah a kap ta zawk a. Hei hi vauna leh a chan tur hrilhlawkna a ni ber ang chu!

Police lam leh a pasal ngei pawhin Dublin vel a sualna nasa lutuk chu tuma tih reh theih mai a nih loh thu hrilhin, a thil tum chu bansan turin an ngen nawn fo mai. Ani lah chuan a tum ber, dik lo tak a pawisa lalutte tih mualpho leh drugs a sumdawnna chu a tih reh theih loh pawhin nasa tak a tih tlem chu a tum ber a ni fan. A chanchinbu thawhna lam a an hotu pawhin, politics lam te ziak zawk turin a fuih hial a ni. Ani Veronica lah chuan, kum 14 emaw lek lek drugs ngawl an vei te chu a lainat em em mai bawk si. Dik lo tak a pawisa lalutte a haw em em mai bawk a, a tawp thei lo a ni ber e.

Tichuan, nikhat chu a thil chhui mek a buaipui zo, anu in lam pan a car sen te takte (Opel Calibra) nen a a inkhalh lai chu motor cycle a chuang te chuan an zui ta a. Stop sign a a din lai, tlai ninemah chuan mi tam tak hmuhin motor cycle a chuangte chuan a car chhung a a thu lai chu .357 Magnum Semiwadcutter mu hmangin an kaphlum ta a ni. A taksa ah hian revolver mu 6 a lut a, a hmunah chuan a chatthla nghal…

Veronica thih hma hian drugs do pawl tlemte te chuan kawng te pawh kartin an zawh ve á¹­hin tak naa engmah a sawngsawhlawt ngai lem lo. Mahse, Veronica thih hnu chuan a dan a dang ta zar mai le!

Ireland Prime Minister (Taoiseach), John Bruton chuan, “democracy dona a ni,” a ti hial a. Tichuan, Irish parliament (Oireachtas) chuan karkhat chhung lekin dan thar, Proceeds of Crime Act 1996 and the Criminal Assets Bureau Act 1996 chu an danah an ziak lut nghal rup mai a ni. He danah hian sualna avanga bungraw lei emaw, dik lo tak a neih nei a an hriatte bungrua chu rinhlelh vang ngawt pawhin a chhan a á¹­hat tawk chuan an man sak thei ta vek a. Chumi a vang chuan, Criminal Assets Bureau (CAB) chu a lo piang chhuak ta bawk. Hetiang dan a awm tak vang leh Veronica-in a lo sual leh do nasat tak mai a a vang chuan misual tam takin lungin an tan phah ta a, nasa takin thil dik lo titute pawhin Ireland an chhuahsan phah ta nghe nghe a ni.

Veronica lim (statue) hi Dubh Linn Gardens ah din niin, hemi hmun hi Dublin Castle tual-zawl a awm a ni nghe nghe. Kum 2000 khan, World Press Freedom Heroes of the past 50 years tih, International Press Institute huaihawt a mi 50 zingah a tel ve a, kum 2007 anih chuan Dublin City University ah pawh a hming chawiin, Veronica Guerin Memorial Scholarship an siam ta bawk a ni.

Mi huaisen te chuan miin an enliam maite pawh ram leh hnam tan an pan chat mai zel a ni. “In (House) a kan-in mihring an tlanchhuak a, kangthelh ho erawh chuan an pan thin,” tih ang a nih ber chu!

Chhiar belh duh tan: http://www.answers.com/topic/veronica-guerin

Similar Posts:

Recent Posts:

34 Responses to “Beidawng duh lo hmeichhe huaisen!”

  1. 1
    Rinzova Khawlhring Lalhnam Says:

    1st ang

    [Report abuse]

  2. 2
    chhangteval Says:

    Hmeichhia si a van huaisen ve le.. (Y)

    Chhiar belh tur erawh a tam lem lo anih khi :-P

    [Report abuse]

  3. 3
    Charice_mizo Says:

    Mi huaisente thisen hi a thlawnin a luangral ngailo, absolutely inspiring.. (Y)

    [Report abuse]

  4. 4
    caribou Says:

    Mi fa te hi chu a hmei-a-pain an lo huaisen bik thin mang e.

    [Report abuse]

  5. 5
    Chhuaklinga Says:

    Chanchin ropui tak a ni. (Y)

    tren tren

    [Report abuse]

  6. 6
    H.Vangchhia Says:

    Mizoram-ah hian he nu ang em a huaisen lo pawh, mi huaisen kan va mamawh tak em!!!! :-S (tlat mai a) :-(

    [Report abuse]

  7. 7
    buh-duha Says:

    A ngaihnawm hle mai. A huaisen chanve ang tala huaisen nei ve ila.

    [Report abuse]

  8. 8
    H.Vangchhia Says:

    #7 ani ngawt mai :-S

    [Report abuse]

  9. 9
    Pakak Says:

    a va ngaihsan awm tak ve..
    kan nu hi a huaisen zawkin ka hria :-P

    [Report abuse]

  10. 10
    H.Vangchhia Says:

    Pakak leh hairehai :-P

    [Report abuse]

  11. 11
    loneeagle26016 Says:

    Hetiang mi hi ka ngaisang…khawvelah hian vawikhat chauh kan nung dawn a, mahni chhia leh tha hriatnain tha a tih hi chu tih tlang mai tur…dawihzep eng ang mah ila kan la thi tho tho dawn, chuvangin he nu lak atang hian inzir teh ang u … (Y)

    [Report abuse]

  12. 12
    CFL Says:

    A va ngaihsanawm ve le aw. (Y)
    A post tupa pawh hi a rawn thawh tha em mai, a dang pawh rawn post zel se. (B)

    [Report abuse]

  13. 13
    ɪ̣uɪ̣pnoɥ Says:

    (Y)

    [Report abuse]

  14. 14
    H.Vangchhia Says:

    Ireland dan ang khi Mizoram ah apply ve ila ka ti mang e

    [Report abuse]

  15. 15
    Awmtea Khiangte Says:

    Paws tha tak a ni. Hmeichhe hrang hrang dinhmun hi ka chhui ve zeuh zeuh tawh a. Ka rilrua awm thin chu kan Mizo hmeichhiate hi eng tikah tak khawvel huap mi ropuiah lang ve ang maw tih mawlh mai hi a ni

    [Report abuse]

  16. 16
    PKfanai Says:

    A thil do hlauhawm zia a hrechiang hle awm si a, a huaisenin a ropui hle mai. Ka ngaihsan chi tak a ni.

    [Report abuse]

  17. 17
    Jacka Pi Says:

    Ka ngaisang

    [Report abuse]

  18. 18
    sheldon Says:

    Tukchhuah nuam vek u le (L)

    [Report abuse]

  19. 19
    Atom c Says:

    Thil diklo do a, mipui thinlunga hlawhtlinna chang ta te hian an nunna an hlan (martyr) tel tlangpui chu a nih hi. Mite rilru hneh tur hian nunna in a tuar phawt a ngai ni berin a lang. Ngaihtuah a tithui e… (Y)

    [Report abuse]

  20. 20
    Eve Says:

    a va ngaihnawm em! (*) Thumbs up…HV (Y)

    [Report abuse]

  21. 21
    H.Vangchhia Says:

    Sawrkar-in dan thar a siam phah rup mai ania, a pui rim rem khawp mai. (Y)

    [Report abuse]

  22. 22
    Lalthoimoia Says:

    (Y)

    [Report abuse]

  23. 23
    lrpa Says:

    A va ti ropui riap riap ve. good post..Mizoram ah chuan eiru pawh an man thei leu! sawrkarin a zep pui zel a..an in mawng zawm vek vang aniang :)
    ka facebook profile pic hi Dublin a ka lak ania, hmeichhe statue bul a ka lak ania..he nu hi a lo ni reng mai thei ani..:)

    [Report abuse]

  24. 24
    H.Vangchhia Says:

    lrp #23 a lim chu a tawp a khi a awm, i hmu thei lo em ni aw?!

    [Report abuse]

  25. 25
    Sihtea Says:

    A va ngaihsan awm em! mahse mizoram ah chuan, eng teh ual a tihtheih pawh ka ring chuanglo. Ruatfela nu pawhin, corruption chungchangah, vawi tamtak he ti ang hian, a tih ve na sa tawh a, awm zia a awm chuanglo. Hei, tunah pawh PRISM hovin
    hma an han la ve a, eng teh ual mah an tih theih ka ring chuanglo. Jail a tan tir ngamloh khawpa damlo na tak ah, kan Daktawr ten, an lo chhuah a ni awme.
    Krista Isua khawngaihna leh a zahngaihna, sual rawng bawlnan a, hmang duh khawpa,
    zirtirna diklo dawngtu, kan ni si a. Sual nei lo chuan, min deng rawhse an ti pangpang thin a ni lawmni.

    [Report abuse]

  26. 26
    lrpa Says:

    24 @Pu Hv..ka hmu ve chiah! khi khi ka hmu miah lo! kum hnih vel chauh ka awm a..engmah hmuhna hman pawh ani lo! zoo ah ka kal a..a bak chu an history emaw lam ka hre miah lo! an tawng rang em em a..chuchu ani mai! yes miah miah mai zel a.. :)

    [Report abuse]

  27. 27
    H.Vangchhia Says:

    Sihtea #25 “…mizoram ah chuan, eng teh ual a tihtheih pawh ka ring chuanglo…” i tih ang deuh hian a lawm an ram hruaitute pawhin amah an hrilh bakah an sawi ber fo. A pasal phei chu a mangang teh a sin. Ani chuan thalaite ruihlo khur a an lut thuk lutuk a hmuh te leh, suahsualna nasa lutuk a hmuh khan ram hmangaihnain a khat liam a, a beidawng duh lo va, a nunna a chan phah ta hial a ni zawk e. :-S (Y)

    lrp Dublin Castle i tlawh loh chuan i hmu kher lo vang. :)

    [Report abuse]

  28. 28
    lrpa Says:

    Facebook mizo group hrang hrang kan en vel a! engineer ho chu an thiam leh ta hle mai! fund thil dangah an lo divert ani aw e..hei hi sawrkar thuchhuah ani awm e!!
    Kan van tenawm tak em! Pu Hawl leh!!
    Zoram hmabak hi a ‘thim’ ani…kawtthlerah te chhuak ila kan tenawmna hi aupui a hun ta anih hi!..

    [Report abuse]

  29. 29
    H.Vangchhia Says:

    lrp#28 kan ram a ni miau mai si a, a hahthlak ve khawp mai :-S ;-(

    [Report abuse]

  30. 30
    lrpa Says:

    @ Pu HV, a mak ani! MNF ho pawh an ngawi daih! engemaw hi chu dik lo tawpkhawk a awm ani. In ngaihtuah thin rim a awl hle mai :-[
    Mi mawl thenkhat lah in nakinah Pathian in a la hrem mai ang te chu an la ti ta deuh deuh a :-(

    [Report abuse]

  31. 31
    H.Vangchhia Says:

    lrp, ka á¹­hianpa pakhat chuan, ” corruption hi a thuk tawh lutuk a, tumah an inti chhe ngam tawh lo a ni ber,” a ti a, a dik thawkhat maithei. Mahse, mi huaisen, mi dik an awm vat turah ngai hram hram ang. ZG-a sawi dan takah, Zoram khua ala var thuai maithei a nia. :-S ;-(

    [Report abuse]

  32. 32
    lrpa Says:

    Pu HV, tun ang ringawt a mipuite kan dawihzep chhung chu khua a var ka ring lo! Kawngte zawh ila, YMA te pawh hian a do in do bur mai se..!! Kohhran inrawlhna tur ah chuan ka ngai lo a.
    Engemaw ni deuh renaissance kan tih ang deuh, harhtharna deuh chu kan tawngbuak angai ani!

    [Report abuse]

  33. 33
    H.Vangchhia Says:

    lrp, hma hruaitu mi huaisen leh mi dik, vantlang a aw nei tham kan mamawh hmasa maithei… em?!

    [Report abuse]

  34. 34
    H.Vangchhia Says:

    Lunglen thlak vele

    [Report abuse]

Leave a Reply

You must be logged in to post a comment.