Bairabi Dam Project 80MW leh Tlawng HEP 55MW tan a MoU ziah fel a ni

August 13th, 2012 9:02 am by VaiVa

Aizawl 10.07.2012 : ah Mizoram Sawrkar in Bairabi Dam Project (80MW) leh Tlawng Hydel Project (55 MW) a tan company pahnih MoU a signed pui ta… Source: dipr.mizoram.gov.in

Bihchianna i lo nei dawn teh ang….

Bairabi Hydel Project hi Sikaria Power Ltd, Kolkata hnenah 13% kum 60 kan chan ni ve turin (87% to the Co. for 60 yrs) signed fel a ni ta a. He Power Company hi ka Google ngial a. Trade India leh Yellow pages ah an lang ve ngei a. Type:Service Provider , Year Estd. 2010 a in ti kulh mai a. An mahni ongoing project emaw previous project hmuh tur a awm hauh lo mai. Hei hi an hna hmasa ber a ni thei ang em? Tin, heti zat (87% for 60 yrs) hi pe thei dawn ta i la, hei aia company changtlung zawk hian an thawk duh ang em?… tih te hi ka lo ngaihtuah ve mai mai a. Project hi inthlan dawn hnaiah hi chuan MoU sign pui fo lo se… te ka ti bawk a :P

Tlawng Hydel erawh M/s Shyam Century Ferrous (A division of Century Plyboards(I) Ltd.), Byrnihat, Meghalaya nen a MoU signed fel a ni. Terms & Condition kimchang hmu lo mah i la kan hmu theih chinah chuan state share leh enkawl kum a in ang a. Shyam Group of Industries hi group hrang hrang ah diversified in Regd Office Kolakata ah an nei a. Meghalaya, Birynhat ah hian Power Plant an nei bawk a. Mahse, power plant lamah chuan an hna pakhatna 25MW an zo fel awrh chauh a la ni thung. Experienced an neih hmel vak bik lem loh a. Tin, Kokata High Cout lamah Income Tax Fraud chungchang case kal lai a awm mek bawk…

Mak ka tih mai mai chu project pahnih hi 100 Cr chunglam ve ve a nih hmel a. Chuti a nih chuan GoI directives angin competitive bidding hi neih a ni em? nge arbitraty process in khing Company te khi Letter of Intent telloin MoU an sign pui aw… Joint Venture nge? tih thleng hian rawn sawi fiah thei an awm ka ring a. Ka hlauh zawk a chu project tlawlh kan nei leh ang tih ka hlau ngawih ngawih a.

Mizoram hian Power Policy (Non-conventional) bakah kum 2010 khan Congress sawrkarin Power Policy thar (Conventional/ Hydroelectric) a siam leh a. Copy hmuh tur awm lo mahse provision tlem a zawng han tarlang i la (Source:Vanglaini)
He Policy-a provision (chang) pawi­mawh zual thenkatte chu:
1. Tuikhuah megawatt 25 aia tam chin buaipuitu atana Nodal Agency chu Power and Electricity Department, Mizoram a ni ang a; 25 mw chin hnuai lam buaipuitu tur chu ZEDA (Zoram Energy Development Agency) a ni ang.
2. Private Sector-in emaw Public Sector-in emaw, State sorkar DPR (Detailed Project Report) neihsa behchhanin emaw, DPR buatsaih chawpin emaw, tuikhuah an duhna sorkarah an thlen ang. Indawrna a fel chuan tuikhuaptu tur leh sorkarin inremna thuthlung (Memorundum of Agreement) an ziak ang.
3. Tuikhuaptu tur thlan leh MOA, etc vel buaipuitu tur Empowered Committee sorkarin a din ang (September 3, 2010 khan member 15 awmna EC hi din a ni).
4. Tuikhuah atanga power 12% chu a thlawnin state sorkarah pek tur a ni a, 1% pawh a thlawnin tuikhuah bulhnaia awmte pek tur a ni.
5. Free power 13% (12+1) bakah hian, state sorkar chu tuikhuah atanga power siamchhuah lei tura duhsak bik a ni ang.

Heng bakah hian ram lease agreement hi policy hian 99 yrs a ti a. Tun tumah chuan kum 60 chhung a lo ni ta a. State dang (Eg. Arunachal Power Policy 2008) ah chuan HEP hnuaiah hian Job reservation nen lam an lo duang vek mai a “Managerial/ Professional post – 25%; Ministerial/ Clerical post – 50%; Skilled job – 25%; Unskilled jobs – 75%…. etc etc…

A tawp berah chuan, a khawilaiah hian nge khuah an tum tih hi rawn sawifiah thei kan awm em le???

Similar Posts:

Recent Posts:

16 Responses to “Bairabi Dam Project 80MW leh Tlawng HEP 55MW tan a MoU ziah fel a ni”

  1. 1
    lrpa Says:

    VaiVa chu i ti lawmawm e. Bengvarthlak khawp mai, hlauhthawnawm a awm anih hi a. 2008 a Delhi vawikhat ka zinin vai engineer pakhat, middle east vela lo thawk hrep tawh ka hmu a. Hetiang lam pang project lian khawih thin hi an lo nia. A business card te min pe a, Mizoramah Hydel project min hmuh sak theih chuan 1% of the estimate chu i ta sa min tia !! ka thu lo ve ropui sia, ka hmuh sak ta lo anih hi..tu in emaw an lo hmuhsak bik anih dawn hi :-)

    [Report abuse]

  2. 2
    doc_lib Says:

    Bih chian deuh a va tha ve..misual te u :-)

    [Report abuse]

  3. 3
    Jacka Pi Says:

    Lrpa (H)

    [Report abuse]

  4. 4
    saint sammoo Says:

    he fiamthu hi ka hrechhuak..
    PC ruh tak tak chu an thih pawh hian an thlarau in bairabi hydel project a tlawh hmasa phawt zel…
    A puitlin hma chu ka ngaih hi a ngam zan tawh lo.. A hlawhchham leh ang tih ka hlau ngawih ngawih.

    [Report abuse]

  5. 5
    bucko Says:

    Eng pawhnise, kan hotute hian project lian zawk, kan indaih theihna tur kolodyne HEP hi an ngaihthah tlat chu le ka ti ve mai mai. Tun aia chak hian hma a lak theih awm si a

    [Report abuse]

  6. 6
    ɪ̣uɪ̣pnoɥ Says:

    An puitlin leh lo mai ang e…! An inhriatthiampuina ziahpuite chu an va theuneu angreng si ve!

    Ineltirlâwkna awm lovin sum neuh neuh hmangin an inthawhtír leh mai mai a ang tlat, i rawn sawi dànah. Sawrkarin rawn chhang teh se :-P

    I rawn ti á¹­ha hle mai; an thiltih (rûk) kan hre ve thei ta tihna… (Y)

    [Report abuse]

  7. 7
    Awmtea Khiangte Says:

    Bengvarthlak e

    [Report abuse]

  8. 8
    utupi Says:

    http://otpcindia.in/ Hetiang te hi kan Sawrkar hian a thei/zo ve lo emaw ni le. Power mai bakah hnaah pawh kan hlawkpui dawn asin maw le.
    Tender an chhuah em..? Open tender in nge limited….duhsak zual bik hnenah chauh..? … Chhui chian deuh a va chakawm ve, a company-te lah an nep hmel ang reng si a. Heng project ho an tihlawhtling lo a nih chuan kan generation hian hmasawnna eng vak mah kan hmu hman dawn lo a nih hi… :-O .

    [Report abuse]

  9. 9
    VaiVa Says:

    Facebook Zoram Thlirtu ah ka post tawh a ni a. Kan politician thekhat inti te ka kai harh zo lo. Vawiin ah Ruling lam pakhat chuan MoU signed copy leh Hydroelectric Policy 2010 copy min sihhmuh a intiam chiah lo na a, ka lo la nghak lui hram hram a ni e… Sawrkhar hi mipuite khalh ngil a ngai a. Keini aia thiam fe ten a an tih mah ni se, Sikkim lamah pawh an la buai luih luih mai a. Pawimawh tak niin ka hria

    [Report abuse]

  10. 10
    utupi Says:

    A ngial anganin han chhuichhuak vek teh u. Thamna an lo la a nih phei chuan kan dim bik vak tur a ni lo…. :-[

    [Report abuse]

  11. 11
    lrpa Says:

    Heng zawng hi sikaria company chungchang ka hmuh chu..an rintlak ngut ange maw chu le..
    Mizoram sawrkar pawh hi a che maksak thei e..thil tha an duh chuan hnathawk tha thei tur chiang bal, reliable, experience nei tha te contract pe se…
    http://manufacturerssupplier.com/kolkata_west-bengal_sikaria-power-ltd_salt-lake_contacts.aspx
    http://www.tradeindia.com/Seller-4861866-Sikaria-Power-Ltd-/
    2010 a hydro electric lam ti tan (web site a alan dan chuan) an ni a, engatinge 2005 vel khan an lo tih tan loh aw ;-) mak ve mai mai e! A mak leh zual chu entinnge anni ber kher Mizoram sawrkar in a zuk zawnchhuah theih tih hi ani!!! :-)

    [Report abuse]

  12. 12
    ɪ̣uɪ̣pnoɥ Says:

    #11 lrpa (*) , an zuk zawng chhuak ni lovin vai fing phakarhovin Pu Hawla an rawn bum leh a ni mai (N)(N). Kumhlun deuh angin an rawn insawi ang a, Pu Hawla leh a hote’n an lo âwih ve leh mai a ni pek ang (N) . Lehkha an chhiar ve ngai lo, post-tupa anga finfiah chu an hlat khawp ang.

    [Report abuse]

  13. 13
    reubo Says:

    Kan ram hi kan hmangaih a ngai a ni. A ngaihna hria ten han chhui chiang ula, han bei zel teh u-kan support tlat che u a nia. Power a hnianghnar hi ram than na bul pawimawh em em a ni.

    [Report abuse]

  14. 14
    VaiVa Says:

    Facebook lamah chuan a hot tha khawp mai :P
    Zoram Thlirtu ~ Hydel Project

    [Report abuse]

  15. 15
    PKfanai Says:

    A, misual a regular commenter hote hi chuan beisei kan nei sang lovin, nakkum inthlan atana propaganda mai mai, hlamzuih leh mai mai tur anih kan ring fur a, chawtak khuka han khuk pui hluai kan peih meuh hlawm lo a nìh dawn hì. Hausak pui tak tak chu an awm leh mah na?

    [Report abuse]

  16. 16
    orion Says:

    Bairabi Hydel project te chu hmana Congress an sorkar khan chhunzawm se. Hydel power lian tham hman tur kan nei deih tawh ang chu. An pu ber hi tlai hnu hnawh a a har chhuak ve ta a. a lawm awm e.

    [Report abuse]

Leave a Reply

You must be logged in to post a comment.