A CHAT ZAWM LEH NA

August 20th, 2012 12:51 pm by mr.Duhlova

Ruah nasa takin a sur buan buan a, a karlakah thli nasa takin a thaw vuk vuk reng bawk a. Thawklehkhat ah Electrict power chu a thi thut a, a thim ta mup mai a. A tuka an hriat leh dan chuan, an in piah a, an khaw luh tawntirh a thirhrui chu thingzar tliak chuan alo hem chat a lo ni. An khaw pum mai chu, an thim ta mup mai a.

Tichuan, a nei nei chuan, Inverter hmangin an chhi eng a, a then in generator te an ti nung bawk a, a thenin, emergency light an chhi a, a then nei ve lovin, mombati te an chhi a….tu tu in emaw chu an eng ve ta thliah a. An mahni in chhung chu ti eng ve tho mahse, Electric Istiri (Iron) a hmang thei lo va, Fridge a nung thei lo bawk a, AC te leh Electric power in a tih theih ang kha, a ti ve pha lo a ni.

Chumai bakah, hmunpui lam atangin an rawn thlir a, a thim thuap mai a, a chhan chu Power house atanga kal Electric power thlun zawmna wire a chah avangin, chu khua ah chuan electric power a lut lo a ni.

Tichuan, Office lamin, Power house leh chu khaw inzawmna a chah tak avanga, chu khaw harsatna leh dinhmun, khawngaihthlak zia hre thiamin, a siam tu, (Electrician) an tir ta a…a ni chuan ban a lawnin, thirhrui ban atanga tlak leh, electric man pawh hlau lovin, chu khaw tan chuan, a thiamna theihna, a ma nun ngei pawh a hlan ta a. Chumi avang chuan, Power House leh chu khaw inkar thlunzawmna wire chat chu zawm in alo awm leh ta a ni.

Tichuan, a hma ang bawk in, AC te, Fridge te, TV te, Istiri te a tul tul electric power atang chuan anlo ti leh thei ta a……an mamawh apiang atan hman belh mahse, a zo vek tho a…..Power chu an hnianghnar a..a zo thei lo a ni.

Pu ber Adama bawhchhiatna avanga, lei leh van in zawmna alo chat pawh khan… mom bati eng ve che che ang deuhvin, a nun chu kan nung a. Mahse, power house leh khaw inzawmna a chat a, electric power khua a lut lo ang in, van nena kan inzawmna a chat ta tlat a. Kan nunna chu, mahni hjmasial nun, mahni tan a nung che che, midangte tanpui na te, midangte tan a nun ve te hlir mai niin, midang hmangaihna te, mahni hlawkna leh mahni tan a nun tumna hlir in kan khat thin a, midang an tel pha ta thin lo a ni.

Tichuan Office in, electrician an rawn tir ang bawkin, Van chuan, Pathian Fapa Lal Isua chu, lei leh van inzawm leh na turin min rawn pe ta a. Lei leh Van daidangtu sual chu, vaw-keh (ti chhia) in, (pindan pahnih, pingdangtu bang vaw chhia a, pindan pahnih, room khata kan siam angin, Pathian leh mihring kan lo inrem leh ta. (Eph 2:14-22)

Jerusalem temple chhung, hmun thianghlim ber daidanna, (vanram entirna : He.9:6-26) Jerusalem puanzar a chhip atanga, hnuai- lam thlenga a thler tak thu (Matthaia 27:51, Marka 15:38, Luka 23:45), kan hmu a.
Van hmun thianghlim ber luhna daltu ‘sual’ chu, kan Lalpa Isuan Kross a a luhchilh tak avangin, misual thi tur (hrem hmabak), keimahni ai awh in a nun a pe ta a, ‘Krista chu kan ai a anchhe dawng lo niin, Dan anchhe lak ata min tlan chhuak ta” (Ga 3:13) “Mi zawng zawng thih aiin mi pakhat a thi a, chuvangin mi zawng zawng an thi a ni” (2 Ko 5:14) tichuan ai awhtu thihna chu, Pathianin kan tan minlo pawmsak tak a vangin, van nen a min daidangtu ‘batna lehkha’ ( Kol 2:14) chu khenbeh a lo ni ta a…hmun thianghlim ber daidanna puanzar a thler ta.. van a lo in hawng ta….ngaihdam kan lo ni ta..lei leh van a lo in zawm leh ta.

Tichuan Power house atanga lo kal ngei electric chu kan lo nunpui ve leh ta angin, van in a min pek a tum, “..kei zawng nun an neih nan, tamtaka an neihnan, lokal ka ni” (Jn 10:10) Lal Isuan a tih chu, a changtu te kan lo ni ta.

AC te, Fridge te, TV te, Istiri te a tul tul electric power atang chuan anlo ti leh thei ta a……an mamawh apiang atan hman belh mahse, a daih vek tho a…..in, Chu nunna ka neih chu, ka unau te, ka chhung te, thenawm te, thiante….etc,. mi zawng zawng daih a ni a, khawvel mi tamtakin an nei tawh a, an nei mek a, an la nei zel bawk dawn..a zo thei ngai dawn lo….tamtaka an neih nan…mi zawng zawng daih khawp NUNNA a ni e.. chu chu a ni LAL ISUA MIN PEK NUN NA chu, chu nunna neitu chu hmangaihna a khatliam ah alo chang ta thin a ni.

Post 127 lai a lo tling ve ta der mai.
(Happy Monday, Office kal nuam u le….)

Similar Posts:

Recent Posts:

14 Responses to “A CHAT ZAWM LEH NA”

  1. 1
    ɪ̣uɪ̣pnoɥ Says:

    Va á¹­ha dawn ve…? Chhiar dawn i1a. :-D

    [Report abuse]

  2. 2
    ulawng Says:

    A rualin post a chhuak a ni maw? Khawi zawk nge ka chhiar hmasak ang aw… :-S

    [Report abuse]

  3. 3
    Chemtatrawta Says:

    A chat zawmtu Lal Isua fakin awm rawh se, kan unau thenkhat amah ring duh lova ring tikhawng tlatte pawh i tawngtaipui ang u.

    [Report abuse]

  4. 4
    sheldon Says:

    Va tehkhin thiam ve. A dik ngawt mai. Lei leh van thlunzawmtu chu Isua ani tih hi ringlo pawl an la awm tlat bawk si a :-S

    [Report abuse]

  5. 5
    Pakak Says:

    Paws tha khawp mai (Y)

    [Report abuse]

  6. 6
    mr.Duhlova Says:

    Electric enna in ai a, bati chhitna in an han chapo zawk tlat te hi… mak ve thei deuh a ni. :-P

    Tunlai electric hmangten an tangkaipui zia hre pha hauh lova, zahna chang hre miah lova, an zinga MOM BATI va fak a, electric power va sawisel sak vel hi a nuih zat thlak in ka ring.

    [Report abuse]

  7. 7
    lrpa Says:

    Pu Duhlova..i post tha khawp mai! kan tunlai misual.com chungchangah pawh..mombati hal ho an huangtau deuh a..
    Enge mihringte awmna chhan? he khawvelah hian enge kan tih? Engvang a siam nge kan nih? tih hi ??? ka in zawt thin!! Tui chungah kan zin thei a, boruakah kan zin thei a, lei chungah hian tih theih loh reng kan nei lo e..! kan ropui khawp mai mihringte hi! MAHSE..kan Pathian chuan ‘leilung nghahchhan ka siam lai khan khawnge i awm?…
    Tichuan, enge mihringte tih tur chu le?
    Pakhat chiah a awm..chu chu setana thlemna ata fihlim a, kan Pathian chawimawi hi a lo ni reng mai!!

    [Report abuse]

  8. 8
    mamboihi Says:

    I tehkhin thiam in a ngaihnawm hle mai. Great post. (Y)

    [Report abuse]

  9. 9
    H.Vangchhia Says:

    A ngaihnawm e (Y)

    Ilo theng har mang e ka tia, Annapurna hnuaiah ila awm daih a ni maw? :-P

    [Report abuse]

  10. 10
    mr.Duhlova Says:

    A hmasa in a chat min zawmsak leh tu kan electrician ropui, Lal Isuan chawimawina cvhang se (F) .

    9 # Tak tak maw…Nia, Annapurna hi chhuahsan a har a nih hi..khalam chu October lamah ni rawh se….Khawchhak lam kal hmasak ka ngaih hmel..ka fit lo khawp mai tunlai chu. ;-)

    [Report abuse]

  11. 11
    H.Vangchhia Says:

    mr.Duhlova, thlathar kar hmasa ber hian Mizo Day kan hmang dawn a, lo tel hmanla ka tih nen a aw!

    Engmah lo vin i nuhah em ni? :-P ;-)

    [Report abuse]

  12. 12
    mr.Duhlova Says:

    Pu Hv, a chakawm viau na a, haw hnu hian min ‘kawk/kap’ve hrep mai a nga…. :-P

    Tak tak a, a chakawm khawp mai… (Y) Thanks. (C)

    Ka ‘Pa HAH’ nge maw ni…. :-P ka hre thiam bik lo ;-)

    [Report abuse]

  13. 13
    H.Vangchhia Says:

    #12 Mihring leh mihring ang a awm/nung, lo inngaihbel chi pawh a ni lo ve. L kal vat mai teh tet tawt mai :-P ;-)

    [Report abuse]

  14. 14
    mr.Duhlova Says:

    Lokal thuai thuai chu ka chak khawp mai, October 1-5 hi Seoul ah ka awm a ngaih ka ring deuh a, ;-(

    A hun lo sawn mai ula… :-P :-P

    [Report abuse]

Leave a Reply

You must be logged in to post a comment.