Zawhna ho te

August 31st, 2012 3:58 pm by Pakak

August (Thi tin thla) ni hnuhnung ber ni hian khawnge September (Mim kut thla) hian chawlh a awm em tih en a Mizoram calender 2012 ka han keu vel chu, kan naupan laia Thi tin thla (August) kan tih thin kha Thlazing a lo ni ta daih mai, engtik lai atang nge Thlazing hi a lo nih le? Ka lo hre dik lo char char zawk nge, misual (fel si) hre chiang deuhin min han hrilh teh u..

In thian
DTR

Similar Posts:

Recent Posts:

21 Responses to “Zawhna ho te”

  1. 1
    chhangteval Says:

    Hei hi lo chhiar ve chhin teh

    http://www.vanglaini.org/index.....Itemid=466

    Report this comment

  2. 2
    Pakak Says:

    in va reh ve…

    Report this comment

  3. 3
    sisen Says:

    ka hre lo

    Report this comment

  4. 4
    Pakak Says:

    @chhangteval (Y)

    Report this comment

  5. 5
    chhangteval Says:

    kapak!

    Report this comment

  6. 6
    lrpa Says:

    pawi vak mi? a ral lek lek tawh tho hi :) ka birthday thla a lo ni leh dawn ta!

    Report this comment

  7. 7
    PKfanai Says:

    Ka thin hi a rim deuh hlur thin. Mim kut hmain Thitin a awm thei lo hrim hrim phawt. Tunhma deuh khan, Pawlkut(Jan), Ramtuk(Feb), Vau(March), Tau(April), Tomir(May), Nikir(June), Vawkhniakzawn(July), Mimkut(August), Thitin(Sept), Khuangchawi (Oct.), Sahmulphah(Nov), Pawltlak(Dec) a ni. Tunhma lehzual deuh khan, Mimkut thla(August) hi, Thlazing an lo ti ve bawk thin.

    Report this comment

  8. 8
    no_nick Says:

    @postupa: kan in ang chiah a nih chu.. kan naupan laia. January pawlkut thla, february ramtuk thla , march vau thla.. tih vel kan by-heart tluk tluk thin lai khan.. “Thlazing thla” tih hi a awm ka hre lo reng ani…!!

    Report this comment

  9. 9
    lrpa Says:

    Tak tak a, Thi tin nge Thli Tin pawh ka hre miah lo anih chu! august tih hi lam mawi i tum mai teh ang u :)

    Report this comment

  10. 10
    Pakak Says:

    pu pk, kan la nau em atin ni :p
    @no nick… Kan la thiam thei lo zui lehnghal a ti raw…
    @lrp, ka thawhpui te ho sawi vang mai mai lawm, ka chaw ei a tui loh phah lo e mai.. no tawk chuan lam mai ang…:p

    Report this comment

  11. 11
    sheldon Says:

    Ex-Daptawraw :-D keipawh nizan khan TV en pahin Calendar ka thlir vung vung a, Thlazing tih khan ka mit a la ve vat asin. A dik leh dikloh lam phei chu ka hre lova :-O

    Report this comment

  12. 12
    PKfanai Says:

    Pakak, ka thin tiurtu te chu nangmah ni lovin, mizoram calendar siamtute zawk hi a lawm. Mu leh mal an neilo lutuk a, a sawi hnuhnung hnung thu hi an awih ringawt thin a maw ni? Mitthite puala kut(mimkut) an hman zawh khan, mitthite kha mitthi khaw lamah an tin tawh turah ngaiin September thla hun vel lai hi, Thitin thla an lo ti thin a. Thitin hi mimkut hmaah an lo dah tut thin a ni. Tin, Vawkhniakzawn thla pawh vawkhniahzawn thla te an ti kual kawisawi vel bawk a. Ka rawn sawi(ziah) ang khi a ni e.

    Report this comment

  13. 13
    ɪ̣uɪ̣pnoɥ Says:

    August thla sawina thumal pahnih kan nei tihna a ni mai a ni, sawi buai ngai ka ti lo ve… A tha êm êm vekah ka ngai.

    Mizo kan nih kan lawm e,
    Kan tlang a thiang bawk si.

    Report this comment

  14. 14
    Pakak Says:

    @sheldy…DTR-daptawraw :p
    @pu pk, ka tih zawk chu in hriatchian em em laiin ka hre nuaih sia ka ti :)

    Report this comment

  15. 15
    vakul Says:

    houdini sawi khi ka ngaihdan deuh.

    ningani leh nilaithawhtan kan hman abg deuh hi a ni maithei e.

    a tam zawkin a awm lo kan tih bawng bawngna chhan chu kan naupan laia kan zirlaibua telh a nih loh vang pawh a ni maithei.

    zirlaibu siamtute hriat dan leh ngaihdan hi kan lo zir thui khawp mai…varihaw sa a tui hle…tihte kha. varung emaw ramparva sa emaw hi tui ka la ti fan.

    Report this comment

  16. 16
    vakul Says:

    ka hriat dan kan sawi ziktluak teh ang…

    August hi thitin thla tih a ni a…he thla leh pipute sakhuana kha a inzawm tlat a…a hming pawh hi a ngiala nganin an lam meuh lo. an ngaih ngawih ngawih thi tawh thlarau ten an tin san tawh dawn avangin an rilru pawh a zing hle a…. thlazing tiin an sawi daih thin…thitin tih hi a chang lutuk a ni ang e…thu an khuh thiam em em a ni.chhungkaw programme an siam dawn pawhin he thla chhungah engmah tih an duh ngai lo va…an sawi reng rengin programme thilah chuan…thlaserh an ti bawk.

    Report this comment

  17. 17
    TuaiSialA Says:

    K. Zawla lehkhabu ‘Mizo Pi Pute Leh An Thlahte Chanchin’-a a ziah dan an ring a nih hmel. K. Zawla chuan August thla hi Thlazing tiin a ziak a, Rolura Mimkut thla an vuah bawk, tiin a ziak. Tin, September thla hi Thitin a ti bawk.

    C. Lalbiaknema lehkhabu ‘Mizote Khawsak Dan’ tihah erawh chuan August Thitin thla, September Mimkut thla tih a ni thung. Pawm zawk tur hriatthiam a har a, K. Zawla ziak hi a pawmawm deuh zawk em aw ka ti mai mai.

    Report this comment

  18. 18
    ɪ̣uɪ̣pnoɥ Says:

    #16 vakul & #17 TuaiSialA te thusawi a bengvarthlâk khawp mai. In pahnihin (Y) (Y)

    #16 vakul sawina eng aṭanga thlir chuan YHWH leh Adonai chungchang ang deuh kha a nih hmèl… dik lo hran awm lovin pakhat hi thukhuhna ṭawngkam deuh a ni mai awm e.

    Report this comment

  19. 19
    vakul Says:

    tuaisial…nia…source hrang hrang ka en hian k.zawla deuh chauh hian a ti mai a.. a dik lo vang ka ti ngam chuang lo na a…mahse k.zawla kha rin vek lohna tur ka hriat nual avangin ka pawm ngam bur lo deuh a ni.

    mahse ka tang na ngam lo…

    houdin adonai khi ka type laia ka rilrua awm a ni…nang hi tunge i nih chiah le awwww…hnam sakhua hi i tan der mai maiin ka hre ta.

    Report this comment

  20. 20
    PKfanai Says:

    Pu Vakul, heti teh nuai kan ni hi a lawm, ka thin ti ur thin chu. Mimkut hi mitthite pual liau liau a nia, an thlaichhìah thin a. Tichuan mitthite thlarau kha mitthi khaw lamah an tin tawh turah ngaiin, Thitin thla khan a zui ta thin a ni. Kan veng/khua velah pawh hian september thla a inneìh la serh deuh tlat hi an awm thin a, October thla hi an nghak hram hram thin a ni. Mitthi an tin tawh chuan, ‘thlai chhiah’ pawh hi an ti ngai tawh thin lo. Mizoram General knowledge buah pawh khan hetiang hian an ziak bawk.

    Report this comment

  21. 21
    Pakak Says:

    bengvar thlak thin e, a hmalam a sawi ang khian sawi dan pahnih kan nei tihna a ni mai.. A tha vek ah ngai ang, mahse pu pka sawi ang khian thangthar lo la awm tur te tan he ti nuaih lo deuh hian sawi/dah/vawn ni thei se…

    Report this comment

Leave a Reply

You must be logged in to post a comment.