Paws 226-na

August 31st, 2012 7:00 pm by kawlhawk

Paws 300 tal vawm luh ngei ka tum ve si a, thutak/ hlatak pai lo mah se, thu leh hla erawh a awm ve e.

Hmanni chu khawchhe hnuaiah, Bawngsa dawrah ka tlan lut e ka tia — Satel kawih thal ang zeta chiangin mi zingah ka thal vah mai a nih kha. Rang taka thawh leh nghal mai tuma ka inhai fat fat hnuah, (hnung lamah min uaitu ka lo paipawn rit bawk si nen… :p ) ka zak hman teh asin aw…! Tichuan, himpialin in chu ka thleng ta a. Mi dum kawng lai hotupa ang maiin thuthlengah thluang zuarin ka thu(awn) hnawk a, ke phut hlerh hlerh phahin kuhva ka thial sawk sawk a, thenawmte ngaihthat loh tham khawpin zial ka pak khu luih luih bawk a.

Tawkfangah, pindan atanga nu ber lo chhuak chu — “ka pheikhawk hi phelh la, kawmthlang kawrah thlawh thla nghal rawh!” tiin thu ka’n pe hmiah a. Kar khat pawh ka la bun loh, man to taka ka lei chutia ka ti ta mai chu mak ti taka min en chung chuan a phelh sawk sawk a, va te thla na an sawi ang maia zawi hian zak kau che chein a zuk thlawh thla ta a. (ka thupek ni miau hek!) “hmanni lawkah showroom zawng zawng en chhuak veka duh taka i lei, man to bawk si…” a rawn ti lut bui bui a.

“Hman leh tun a inang lo —

Hmanah chuan khawnglung an run a, tunah chuan khawnglungin min run tawh!

Hmanah chuan palian zaidam min ti thin a, tunah chuan (keini ang)palian hang/dum deuh phei chu hlauhawm enin min en a, min trih tawh.

Hmanah chuan mumang nei lo khawpin kan mutui thin a, tunah chuan mang mak tak tak kan nei thin.

Hmanah chuan kawr te tui lian/ sabereka khuangkaih tih velin mi a lak te kha kan zawng hmu mai thin a, tunah chuan rampumin ni eng emaw zat kan zawn pawhin hmuh tur an awm tawh lo.”

tiin ka chhang nek a, palian hang/dum deuh ka lo ni kher bawk nen ka meng sen rum bawk a, min hlau teh asin aw…!

Thiani,
Ka thiantha ber te zinga mi i ni.
I hming pawha ko phal lo chein,
A mi nazawngin “thianpa/thiannu” tia an inkoh ang mai mai pawha ko phal lo chein —
Ka thinlung chhungril ber atangin “thiani” ka ti thin che a nih kha.

Chuan e…
Thu zep leh sawi hreh nei miah lova nui dun bawk bawwwk thin kha —
Kum kalta atang khan ka lairilah hian “thil eng emaw” inmun a awm thin a,
Zepnak emaw, ka ngai veng veng thin che!
A mak lutuk! Ka hmuh che hian ka lai ta tlat nia…
I hmaah chuan nih ang anga lang mai thin kha —
Lan nalh loh ka hlau ta riau nia…

Ka hmangaih che em ni le?
Mahse, kan inthianthatna a chah dawn ai chuan e,
Damchhungin ka “thiani” zel mai nang che.
Chu chu ka tan a hlu zawk si a!

tiin HLA ka phuah chho ta a. Mi(sual)ho, thla thar chibai ka hlan a che u! Masi a hnai tual tual, rilruin Mi(sual) Charity lam a hawi leh tan ta! Damna chu chunglam thu mah nise, han hauh phawt ila, kan ti-ho leh dial dial ang chu… In kawmen-te avangin ka ka lawm e. (K)

((ka edit dawn lo — zaninah lo chhuah r’u…) :)

Similar Posts:

Recent Posts:

43 Responses to “Paws 226-na”

  1. 1
    chhangteval Says:

    I edit hma chu kan chhuah dawn lo :-P

    Report this comment

  2. 2
    saint sammoo Says:

    han phuh chhuah mai tur hi in va han hre bik tak e aw….
    thuziak zangkhai tak a ni e..

    Report this comment

  3. 3
    ^-||R@lT€||-^ Says:

    ka chhiar dawn…

    Report this comment

  4. 4
    mamboihi Says:

    Va ngaihnawm ve! Nia, charity ka rilru ah a rawn lang ve fo mai tunlai chu.. Masi dawn chauha ti chung lo hian, September atang hian bawm hung nghal ila, Masi dawn chuan pawisa in daih loh a na duh si te ka lo ti ve nuah nuah e.

    Report this comment

  5. 5
    mr.Duhlova Says:

    Post khat in ka la khum hram hram che a nih hi….i post te hian thutak/ hlatak a pai tam ber zawk e… (Y)

    (F) (F) (F) (F)

    Report this comment

  6. 6
    vakul Says:

    i pheikhawk chu kan awmna lamah a nal dawn loh tehreng nen min rawn thawn ta che.

    kan awmna lamah palian hang an tammmmm mai.

    Report this comment

  7. 7
    sheldon Says:

    Nia, kawlhawk hi tluk loh rim a nam veng veng. Thu leh hla ruah thamloh, zangkhai tak si hi a phuhchhuak zung zung mai. Post chhiar nuam tak ani, a dik ru riau bawk.

    Report this comment

  8. 8
    shailendra Says:

    ninja leh muantea nen kan MI mek. Paws pawh ka la chhiar hman lau :-D

    Report this comment

  9. 9
    Charice_mizo Says:

    i hlaphuah chu i nupui tan a ni dawn emaw ka tia, hehe hman leh tun a inanglo tih khi i thlawh fuh tawp, post pawh chu i van siam hnem tawh ve le! post siam lamah chuan ka pu i ni, here’s a toast to you.. (D)

    Report this comment

  10. 10
    Pakak Says:

    paws palian tak a nih hi :p

    Report this comment

  11. 11
    Lamji Says:

    Hnung lamah ‘rawksai’ I ak lian awm sia, I’n thal thawh leh tum vel chu Ninja Turtle I ang fu lo’ng maw? :D Chhiar a hahdam, I pheikhawk chu ka’n zawng teh ang. :)

    Report this comment

  12. 12
    muantea Says:

    Thenkhat chu an tawlhthlu mai mai te hi thu thar chhar chhuah nan an hmang a, keini ve zawng ke van vawr tukhum hmai lei si chawrh mawngkaw hmar arsi kawk vawh paw’n tlu ila, “aw ah siiii!” tih bak phuhchhuah tur kan hre thei chuang si lo.

    Kawlhawk lah hi a thawka phitah charity ti reng mai! midang tanpui duhna rilru a put lah hi a sim duh der lo mai a, kan ti leh poh a ni ang chu. Hman aia hlawkin aw niang!

    Zanin Ku shaia qtr-a kan MI zet chu khuai baby nen kan va puar tak em!

    Report this comment

  13. 13
    H.Vangchhia Says:

    Tlak ṭha thei phian zel a ni, hairehai :-P ;-) :-) (Y) (B)

    Report this comment

  14. 14
    kawlhawk Says:

    A title khi “paws 126″ tiin ka lo submit pek a, tlai khawhnuah ka harh, thianpa sandman ka au chul a, ani’n “paws 226″ tiin min lo thlak sak nghal a, ka lawm takzet a ni. KA LAWM E, SANDMAN!!!

    Report this comment

  15. 15
    sisen Says:

    ka hul :-P

    Report this comment

  16. 16
    ninja Says:

    U Kawl, Fb in a ei zo ta che maw kan tia, mahse hei nangmah tak tak kha zuk ni che a!

    Report this comment

  17. 17
    saint sammoo Says:

    FB lam ah pawh mahni ze ngai te te..
    post tupa pawh a che na thei khups mai..

    Report this comment

  18. 18
    Siara Says:

    Dawt pawh i sawi thiam ngawt ang :-). Chhiar a nuam khawp mai.

    Report this comment

  19. 19
    kawlhawk Says:

    ..⇧.. & ..⇧⇧.. hahaaa

    Report this comment

  20. 20
    kawlhawk Says:

    a tu’n min sel lo se… ehhhh :p

    Report this comment

  21. 21
    drake Says:

    i lung Satel, lunghlu e chhuak tur i vil reng mi, reh ve.. @chhana lah chang bo hmak bawk :-D :-P

    Report this comment

  22. 22
    kawlhawk Says:

    misual dawt kawm hi a va’n tha tawh — kawmen kilik nawn a ngai tawh lauuu… yayyyyy (F)

    Report this comment

  23. 23
    TuaiSialA Says:

    Thu hi chu i van thiam tak em aw….!

    Report this comment

  24. 24
    ɪ̣uɪ̣pnoɥ Says:

    (Y)

    Report this comment

  25. 25
    kawlhawk Says:

    Tuaite, i zarah thu ka thiam chho ve dawn a ni mahna… :D

    darhken, opps…! drake, ka han lei daoh tawh — nuaih za 2-in… lolz

    Report this comment

  26. 26
    caribou Says:

    Post i va’n lo ngah tawh em em ve le. Han ziak belh zel teh.

    Report this comment

  27. 27
    kawlhawk Says:

    cari, 300 tal chu thu-sepsel te² hmangin kan tum ve ang chu!…?

    Report this comment

  28. 28
    caribou Says:

    Ti zel rawh, i thuziak tha tak tak, i rawn post thin te kha, ka lo tuipui ve em em thin a, khang te kha misual.com hlutna tizualtu an ni fo thin. Thu tha tak tak i rawn ziak belh zel ka beisei tlat a nia aw.

    Report this comment

  29. 29
    ninja Says:

    Awke

    Report this comment

  30. 30
    kawlhawk Says:

    ninja nen tang kawpin kan tum a niang chu lolz

    Report this comment

  31. 31
    Pakak Says:

    tang fan fan

    Report this comment

  32. 32
    Saitawk Says:

    Nia, i paws hi chu a AWKE ruih tawh zel mai a! a nuai tel hi a lang nghal uai zel! :-P

    Report this comment

  33. 33
    Chhekeh Says:

    kawmen nambar 33

    Report this comment

  34. 34
    CFL Says:

    Pu kawlhawk nge nge, bei tha thei khawp mai. Tluk loh rim i la nam tluang zel e. (Y)

    Report this comment

  35. 35
    mr.Duhlova Says:

    14
    kawlhawk # Post 99 in ka lo pha lo zawk che a nih zawk khi… :-P :-P :-P

    Tluk loh rim i nam e… (Y)

    I post hian min ti hlim in chhiar a nawm bakah, ngaihtuah zui tur a chhawp tel ziah bawk… (Y) (Y) Post 500 tal tlin tum teh (G) (G)

    Report this comment

  36. 36
    Jacka Pi Says:

    Hawk,post i lo va ngah tawh ve, han ti zel rawh. I target te pawh khi san la, 500 tal han ti la! I thu leh hla hi chuan ngaihtuahna ril tak a pai a, a chhiartute a ti hlim bawk a, han tang fan fan teh (Y)

    Report this comment

  37. 37
    PKfanai Says:

    Paws 126 na tia ka han chhìar khan, a mak ka ti deuh reng maiah. (Kan paws neih a in zat reng dawn si a). Tin, 226 tih alo nih leh tak hnu khan, Pu duhlova kha ka rin aiin a lo paws tam leh a. Mahse…a lo ni zawk si a. Ngaihnawm e.

    Report this comment

  38. 38
    ulawng Says:

    Chhiar a nuam (Y)

    Kan misual siniar-te’n TR(ṭ) in han hmang hi chu sawisel ngam si lo hian ka ip deuh ;-) , (min trih tawh).

    Report this comment

  39. 39
    Awmtea Khiangte Says:

    Van tha reuh em! (Y)

    I hnung hla takah kan rawn zui ve det det che a nih hi a :-D

    Report this comment

  40. 40
    keimah Says:

    Thianpa Kawlhawka hi zawng pheikhawk bun thiam loh zawk bun chung pawhin a thu leh hla hi a ril pha hrim hrim tho. Misual-dawt-kawm hi chi i tihausa ve chiang khawp mai! Dam reng rawh!

    Report this comment

  41. 41
    Chhuaklinga Says:

    Sande sikul thulh meuhin ka’n chhiar chu le, a ngaihnawmin chhiar a nuam hle mai.

    tren tren

    Report this comment

  42. 42
    XaiA Says:

    Thiam thin e…kei pawh a heading ang deuh khian post ka lo tum deuh mek a :-D

    Report this comment

  43. 43
    loneeagle26016 Says:

    Chhiar a nuam phian zel mai…Thangzuala Sailung hla min ti hre chhuak…’ hmana mi ten tunah min sel…tuna mite hman mite’n kan sel…thangthar kanla sel ve dawn nia..’ tih ni ta in ka hria… (Y) :-D

    Report this comment