Mizo Nula Chhuanawm: Dr. Zamteii

August 31st, 2012 2:21 pm by Sandman

Ph.D hmu tharte hi misual.com ah kan lawmpui thin bawka, hei hi kan rawn post ve teh ang.

via University of Hyderabad Mizo Zirlaite blog (leh tlem thu ka belh) :D

Dt 29.8.2012 (Thursday) chawhma dar 11 A.M khan Nl. C.Lalrozami D/o. Lalringliana, Bawngkawn Aizawl chuan Department of Communication, Sarojini Naidu School of Arts and Communication, University of Hyderabad atangin Ph.D Degree a dawng thar.

Dr. Zamtei thesis hi “Historical Development of Media in Mizoram: A cultural approach” tih a ni. A thesis ah hian Mizoram a British hun lai atanga tunlai thleng a chanchinbu leh thawnthu bu te than chhoh dan leh chung te atanga Mizo culture tarlanna leh an sukthlek te media zirbingna huang chhung atangin chipchiar takin a zir chiang a ni.

He University atanga Mizo zing a Ph.D zirzo pathumna a ni. Kan u duhtak Nl.Zamtei’n Ph.D degree a nei thar ta hi kan lawmpuiin Mizo fate tan mellung pawimawh tak phunna ah kan ngai a, a kal leh zelna turah keini MPGSU, University of Hyderabad te chuan duhsakna sang ber kan hlan e.

Congrats Dr. Zamtei!

- University of Hyderabad Mizo Zirlaite

 

Chuan misualdotcommer tlangval ho chu “nula” tih lai khian in mit a la hle tih chu ka hre nghal. Sual tak ro ro ah, Zamteii pic thenkhat kan rawn vawm bei teh ang, a phalna dil chuanglo hian. :)

Zamteii hi kum 1986 vel atang khan JJ School, Bangkawn-ah classmate kan ni tawh a, tih lai pawh khan kan class ah chuan pakhatna char char a ni thin a ni. Lehkha zir peih tak leh thiam thei tak a ni tih chu khang hunlai atang tawh khan a hriat tawh.

Ka la hriat reng chu, August ni 23, 1988, Tuesday chhun dar 1 leh minute 46 (a second chiah chu ka chiang tawhlo) khan kan sikul ho chu thenawm a govt sikul pakhat nen kan in do a, lung in kan in vawm luai luai lai chuan kan classroom ka han melh chho zeuhva, tukverh bulah Zamteii lehkha zir lai ka han hmu chu ka rilru ah chuan “eeeee, he hmeichhe naupang hi a la bawn ang, nakinah te chuan Hyderabad lam atangin PhD te pawh a hmu hrim hrim ang” ka lo tia, chuan a rawn dik ta ngei a nih hi. Mahse chumi zawh lawk chuan Govt sikul naupang ho in lung in ka lu ah min rawn vawm fuh a, ka thal tawpa, engmah ka hre zawm ta lo.

Chuan tum khat chu sikul assembly kan neih lai hian Zamteii hi a thidang tawp tawh! An in ah kan zawn phei nghal. A rawn harh chhuah veleh chuan “six one za six, six two za twelve, six three za eighteen, six four za twentyfour” an rawn la ti pawp pawp zui.

Aw le, a tawp nan, kan nula chhuanawm tak thlalak te chu a hnuai ah ka rawn dah e. Full Vacancy a awm nge awmlo erawh chu ka sawi a phallo. :)

Similar Posts:

Recent Posts:

42 Responses to “Mizo Nula Chhuanawm: Dr. Zamteii”

  1. 1
    chhangteval Says:

    Lawmpuiawm lap lap ve. (Y)

    Report this comment

  2. 2
    chhangteval Says:

    Pu sandman-a story khi :-P :-D (a dar zat nen thlap thlap a a sawi khi chu ka awih chiah lo e) :-$

    Report this comment

  3. 3
    no_nick Says:

    Pu Sandman a chu JJ school chhuak maw i nih a.. Kan school chhuana a in ang anih chuuu…!!

    Report this comment

  4. 4
    chhangteval Says:

    Ti daih ila, kan misual member zinga Ph.D ti mek ho hi an zawh hun tur a nghahlelhawm khawp mai, han tang fan fan teh se.

    Report this comment

  5. 5
    Sandman Says:

    hehe pu no_nick, aw JJ old student ka ni ngei e :) Mahse ’89 khan Calcutta lamah hostel ah min dah daih….

    Report this comment

  6. 6
    Dr Mahminga Sailo Says:

    A chhuanawm hle mai. Hna tha tak a thawh ngei ka duhsak e.. (Y)

    Hotupa hian a va’n hrechiang em em… :-D

    Kei chu, nula an lan hi chuan sawi tur ka hre vak lo. In comment ka lo chhiar mai teh ang… :-P

    Report this comment

  7. 7
    Charice_mizo Says:

    A thlalak ka hmu ve thei lo, any way, a million congrats (Y)

    Report this comment

  8. 8
    Dr Mahminga Sailo Says:

    K’u Zamteii hi, HMA (Hyderabad Mizo Association) Annual Magazine-a ka hmuh kha a niin ka hria. Bangalore-ah pawh a awm tawh an ti.. Post-tupa hriat aia chiang lovin ka rawn sawi ve mai mai… :-)

    Report this comment

  9. 9
    chowtrixx Says:

    (Y)

    Report this comment

  10. 10
    PKfanai Says:

    A thesis chu publish se la ka va ti em. Chhiar a chakawm riau dawn mai. Congrats.

    Report this comment

  11. 11
    hlatekhua Says:

    Congrats to Dr. C. Lalrozami!

    Hyderabad hi lehkha zirna atan hmun ṭha tak a nih hmel ka ti. Ka pian hmain ka pa lehkha zirin a awm tawh ṭhin a, ka hre zing ve hlur. Tun hnai hian Hyderabad-a Mizo lehkha zir chhuanawm tak tak chanchin kan hre ta fo mai a, a lawmawm ngawt mai. Mizo nula, la naupang te, IFS tling thar pawh a awm kha maw le – first attempt-a tling a ni awm nghe nghe e.

    Report this comment

  12. 12
    lrpa Says:

    Sandman a insawi luh tum lutuk hi ;-)

    Report this comment

  13. 13
    Dr John Says:

    Dr. C Lalrozami Thinlung takin ka Lawmpui e. Pathianin Zofate Lehkhathiam quality tak tak min pe zel hi a va lawmawm em! Pathianin Malsawm-in hruai zel sela, Zofate tan Hna tha tak a thawh zel theih nan Duhsakna Sangber ka Hlan E. (Y) (F) (G)

    Report this comment

  14. 14
    sillyBoy Says:

    Ka lawmpui e. Mithiam kan neih belh ta. Hyderabad atang hian an thawh hlawk riau mai, Azuali ,Taia etc.

    Report this comment

  15. 15
    Dr Mahminga Sailo Says:

    #12 Chu chu alawm.. A class-mate hlui a ni bawk a, ka beisei sanpui khawp mai… :-P

    Nia, Hyderabad hi zirna hmun tha tak a ni. Tin, zirlai awm te’n an zir bawk a.. (Y)

    Report this comment

  16. 16
    thenawmpa Says:

    lawmpuiawm thin ve…kan tluklo leh ta…

    Report this comment

  17. 17
    Awmtea Khiangte Says:

    A van lawmpuiawm tak em! A phone no. te.. hehe

    Report this comment

  18. 18
    no_nick Says:

    @5 Sandman: Thank you Lord for JJ School.. Increase our wisdom in favor of God and Men.. ti ve dul dul thrin lo maw? :)) :))

    Report this comment

  19. 19
    lushai_er Says:

    “Development of Media in Mizoram” hi misualah rawn post rawh se Post-tupa hian (Y) A ngaihnawm dawn mange – Laisuih copy (hand written)te kha a pic rawn telh thei ula a lawmawm ngawt ang.

    Lunglei-Serkawn misual.commer ho khan Rev. C.L.Hminga kha lo dil u la, amah kha anih kha London atanga a copy rawn hawn tu kha.

    Report this comment

  20. 20
    Lalthoimoia Says:

    a lawmpuiawm a kan chhuang bawk e… (C)

    Report this comment

  21. 21
    Charice_mizo Says:

    A pic ka hmu thei ta, a van chhelo em em , sandman-a type tawp hi ka tia, ehemz..pil nghal :-)

    Report this comment

  22. 22
    Ignatia (33-115 AD) Says:

    Hmmm hei ngei hi a niin ka hria BCM Archive Serkawn lama thil hlui hai vak-i kha… A pic lai ber ami khi a ni nghe nghe-in ka hria… A lo zo ta a ni maw… Lawmpuiawm hle mai a. (Y)

    MOSCOW chanchinbu pawh lo zirchhuak palh hlauh mai thei asin :-D

    Zuali leh Taia tih lohah chuan amah hi a ni ta mai a ni maw, UOH lam chu. Nunu-i ala ri ve lo tlats ani kha a hmu tawh emaw ka lo ti a. A la fello deuh a niang e.

    Lawmawm thin hle mai.

    Lushai er: Nia, Pu CL Hminga chu kan lo DUL dawn nia… LOLZzz :-D

    Report this comment

  23. 23
    no_nick Says:

    @Ignatia: Sandman-a ang deuhva intibuai hrat deuh hi JJ ah hian an awm ve zeuh zeuh a ni mai thei… :P

    JJ kan luh lai kha chuan intihbuai tih vel kha ka hre ve miah lo…! Lekha zir lampang kha kan uar viau.. hehe

    Report this comment

  24. 24
    Ignatia (33-115 AD) Says:

    E khai… An Principalin ka comment kha a hmuh ka hlau a ka lo delete leh ta daih alawm le. :D

    Intihbuainaah a hnarkaitu i nih ka lo ring mah zawk a. Phur thei viau ang tih ka lo ring deuh zawk mah a..hahaha

    In kal laiin tu nge Principal min hrilh thei ang em?

    Report this comment

  25. 25
    Pakak Says:

    Ka la hriat reng chu, August ni 23, 1988, Tuesday chhun dar 1 leh minute 46 (a second chiah chu ka chiang tawhlo) khan kan sikul ho chu thenawm a govt sikul pakhat nen kan in do a, lung in kan in vawm luai luai lai chuan kan classroom ka han melh chho zeuhva, tukverh bulah Zamteii lehkha zir lai ka han hmu chu ka rilru ah chuan “eeeee, he hmeichhe naupang hi a la bawn ang, nakinah te chuan Hyderabad lam atangin PhD te pawh a hmu hrim hrim ang” ka lo tia, chuan a rawn dik ta ngei a nih hi.

    Khi lai tak khi ka (Y) awt awt :p

    Report this comment

  26. 26
    doc_lib Says:

    Hehe Nula hi chu in van lawm tak em? Kan in hmuh leh veleh misual tlangval ho chu ka lo biak vek ang che u :p

    Report this comment

  27. 27
    Ignatia (33-115 AD) Says:

    Admin lam post a ni bawk a. Ka lo OT lawks teh eng.

    Tunge banner dinglam ami khi ONG BAK lam ami a va nih hmel ve aw.. Mum Jokmok kha a nih ngei dawn khi. Pakhat zawk khi chu Arnold a niin ka hre thung a.

    http://en.wikipedia.org/wiki/F.....-04-08.jpg :D

    Report this comment

  28. 28
    Dr Mahminga Sailo Says:

    @ Ignatia… (#27), Banner veilam a mi khi Terminator, a dinglam a mi khi Chhamanator an tiin ka hria… :-P Chhamanator hi new model a ni awm e.. :-D

    Report this comment

  29. 29
    no_nick Says:

    24 Ignatia : Pu Bulbula mawle principal chu…!! Tunah chuan a fapa a principal tawh..

    Report this comment

  30. 30
    lushai_er Says:

    @Ignatia : Lo dul la…..Akekekkekekek I edit ve thei tawh si lo !!! :-P

    Report this comment

  31. 31
    sheldon Says:

    Pu Bula hi a la dam asin, a la in fit khawp mai. Amah hi ka ngaisang ve hranpa riau. Pathian a innghat tlat mi ania.

    Congrats to Dr Zamteii (G) (F)

    Report this comment

  32. 32
    laldoma Says:

    Ka lawmpui hle mai Zamtei chu, ka thiannu ve ngawih2 a nih hi….Congrats.
    Thudang daih, web pic khi a van private ve a, misual.com hi kan privatise dawn a mi? ha2

    Report this comment

  33. 33
    chhingdailova Says:

    Dr Zamtei ka unaunu a ni bik bik a, ka chhuang a nia. Mi tam takin Tv emaw Nl emaw chauh kan dah theih laiin Dr a dah theih dawn bik a, ka awt ve e…………..

    Report this comment

  34. 34
    Ignatia (33-115 AD) Says:

    Mahming: a za lutuk a va za tak em… :-D :-D

    Lushai er: a fair lo hle mai. I lo edit bik daih a nih hi mawle. :-D

    no_nick: A hming i lam dan ka hre chak a ka lo zawt mai mai che a ni. Nia, Sheldie sawi ang khian a la dam a. A la chak khawp mai. Tripura lama St Pauls a enkawl chanchin pawh a ngaihnawm khawp mai.

    Sawi chak tak tak ka nei a mahse sawi lo mai ang… (H)

    Report this comment

  35. 35
    Puii Says:

    Lawmpui awm ve le!! Dr Zamteii,dam reng ang che.. (U) (U)

    Sandy thil han post dan chu.. wenchhhh.. ;-) Va inpuang nasa deuh ve…. :-$ ka sawi puang dawn chiang…. (H)

    Report this comment

  36. 36
    maawma Says:

    va lawmpui awm ve congratulation (Y)

    Report this comment

  37. 37
    mamboihi Says:

    Congrats! Dr. Zamteii (Y)

    Report this comment

  38. 38
    H.Vangchhia Says:

    Ka lawmpui e (Y) (B)

    Report this comment

  39. 39
    TuaiSialA Says:

    Ka lawmpui a, ka chhuang hle mai. Tin, ka duh hle bawk.

    Report this comment

  40. 40
    ɪ̣uɪ̣pnoɥ Says:

    Chhuanawm ṭeng ṭeng e… (Y)

    Report this comment

  41. 41
    CFL Says:

    Congrats Zamteii. (Y)

    Report this comment

  42. 42
    evergreen Says:

    Zamtei chu Rose par rimtui han thliahsak a va chakawm ve (F)
    Thinlung takin ka LAWMPUI!

    #Dr Mahminga khian Pu sandmana a thik :-D

    Report this comment

Leave a Reply

You must be logged in to post a comment.