Kan thiam theihloh thil pahnih

August 31st, 2012 9:01 am by sheldon

Mizo te hi kan changkang in hma kan sawn nasat viau laiin Damlo tlawh dan hi kan thiam thei thlawt lo. Mi zawng zawng kan ni ka ti lova, a tam zawk erawh chu kan la ni mai thei.

Hman deuh khan ka Pute-a damlo Greenwood Hospital ah kan awmpui a, kal (kidney) thalo ani a, a natna a nat deuh avang khan a chau thin khawp a, Dialysis te tih a ngai a, dialysis tih ni te phei chuan a chau viau thin a, tawng pawh tawng peihlo in a mu ngawih ngawih thin kha a nia, thiante leh laina thenkhat amah rawn tlawh tu te hian a damlo ber kha an han bia a, ‘I tha maw?’ han ti mai se chu nise ka hrethiam, a dinhmun detail te an han zawt a, min lainattu an nih rualin ka lo ning ru thin!

Damlo kan tlawh hian, damlo dinhmun a zirin awmdan tur hi kan hriat a hun tawh ka ti. Damlo chanchin kan hre duh anih chuan damlo chhungte zawt ta mai thin ila.

Tawngtai chungchang hi sawi ka chak riau bawk. Han damloh hian min lainattu te hi an hlu a, tawngtai puina phei chu a hlu em em. Hospital ah, damlo an mu tlar thup a, mi tuemaw in damlo a rawn tlawh a, insum karna nei miahlo a ring tak taka tawngtaina hun an han hmang hi chu a zialo ka ti. Damlo dang te dinhmun thlir pui thin a tha khawp mai. Tawngtai a tha, mahse Hospital angah te chuan zawi deuh hret a tih theih a tha khawp mai. Enge in ngaih ve dan le?

Similar Posts:

Recent Posts:

52 Responses to “Kan thiam theihloh thil pahnih”

Pages: « 1 [2] Show All

  1. 51
    TuaiSialA Says:

    A hmasain phek thar kai ila.

    A dawtah post-tua Sheldon tih ka hmuh chuan a post-ah doctor leh hospital chungchang hmuh ka inbeisei hrim hrim.

    Tichuan, damdawiina ring tak taka damlo tawngtaipui hi mi pangngai chuan an ti duh lo. Nikum kum tawp lam khan damdawiinah kan awm a. Hetiang tih chîng an awm a, damlo dang na tak tak an awm bawk si a, a tawngtaisaka chhungte an inthlahrung ngawtin ka ring. Nuho hian in chîng.

    Report this comment

  2. 52
    apacentaban Says:

    apacentaban

    Kan thiam theihloh thil pahnih | mi(sual).com

    Report this comment

Pages: « 1 [2] Show All