Hello World! :)

August 28th, 2012 2:40 pm by Sandman

Ni 4 chhung zet han down chu a va lunglenthlak duh ve :)

Tunah chuan kan adminte hnathawh nasat avangin kan rawn online leh tawh e. Kan lo buaina chu kan hriatthiam theih dan ber turin sawifiah kan tum ange.

Friday zing dar 9 vel khan misual.com hi a rawn down thut a, chu chu a tir chuan mi in min block sak emaw te kan ti hial a ni. Khami lai khan North East chungchang rumors vel avangin Indian Govt in Indian site leh blog 300 chuang a block sak sia, keini pawh hi min block tel ve ringawt a mi le, phai rama Mizote dinhmun chungchang kan post zing sia kan lo ti rilru deuhva.

Mahse kha vang kha a lo nilo hlauhva…

Chuan admin Chhamanator and team ten keimahni lam diklo emaw ti in kan data zawng zawngte pawh kan han endik zel a (chutia buailai lai chuan keimah chung chang fiamthu chu FB group hran hranah misualdotcommer sual lutuk ten in lo la thehdarh zui, huissss :P ). Hetia kan han chhui zel chu kan thiamloh a nilo in kan hre tlat sia, godaddy ho chu mail tamtak kan thawna, mahse an ni pawn an hriatthiamloh avangin an expert te hnenah kan buiana chu an thawn chhawng leh zel ta a.

Chuan nizan khan kan buaina chhan tak chu an Tech hotuten min rawn hrilh ve chiah a ni.

Kan rin ang ngeiin godaddy lamin kan database admin access an lo tih danglam vang ni in!

Nizan pawh khan rei tak godaddy ho nen phone in kan in be char char a, thil ho te tih dikloh chu kan lo nei ngei a (kan tih luih vang nilovin, kan lo hriatloh vang zawk). Nikum September 2011 vel khan godaddy chuan warning min pe tawh a, chu chu kan siamtha nghal a, mahse tun tum hian kan lo ti diklo leh palh a, mahse warning min pe miahlovin kan site an lo la thla hmiah ta a ni. (misual aiin an sual zawk! :P )

Tunah chuan engkim a dik leh tawh e.

Enge kan tih dikloh chu? Memberte tan a feature thenkhat kan dah te hian godaddy lama server a lo ti overload thin lo ni in. Kan website ah hian traffic hmu tlem i la chu a pawi hranpa lo, mahse kan website traffic a san hle avangin godaddy server lamah warning bell a lo ri leh thin a, chuvangin chung feature (plugins) ho chu kan siamtha vek ta a ni.

Ka explain theih dan ber chu, entirnan, plugins kan delete zinga mi pakhat chu Top Commenter plugin (nick hma a Star rawn lang thin) kan hman kha a ni e. Kha star kha, thil ho te star mai mai a nilova, kha star kan lantir avang khan vawikhat comment ringawt ah pawh kha plugin khan database table a lo zuk zawng vak thin a lo nih chu(h)! Chu chuan Godaddy database server lamah khan load a lo siam thin ta a ni. Kan traffic a san poh leh load a tam zel a, misual.com kan host na hi shared server anih angin site dang te pawhin an database server te an lo hman theihloh phah thin a ni. Kan website atanga load kan pek vak avangin midang te tan harsatna a lo awm nual ta a ni awm e.

Engpawhnise, ni 4 chhung kan lo down chu a pawi kan ti hle a, kan memberte chungah in hriatthiamna kan rawn ngen e.

Kan site rawn siamtha tura rawn inpe leh hma la nasa em em, kan member Pu no_nick-a chungah pawh kan lawm hle bawk e!

Cheers :)

Ps. Tunah hian dedicated server lama insawn chungchang admin ten kan rel mek e. To chu a to phah ngei dawn a, mahse kan ngaihtuah ber chu nangni kan member zahawmtak te leh hlu tak te in ni a ni.

Similar Posts:

Recent Posts:

130 Responses to “Hello World! :)”

Pages: « 1 2 [3] Show All

  1. 101
    hnarliana Says:

    Comment pawh a nuam ta sawt mai..

    Report this comment

  2. 102
    Charice_mizo Says:

    Arsi lem a bel theih tawh loh leh thla lem te pawh kan bel mai ta law’ng lolz

    Report this comment

  3. 103
    drake Says:

    Rinzova post in phal tawh si lo a, a lo hacked emaw ka ti mai sin fth :-D

    Report this comment

  4. 104
    The Real Says:

    Ps. Tunah hian dedicated server lama insawn chungchang admin ten kan rel mek e. To chu a to phah ngei dawn a, mahse kan ngaihtuah ber chu nangni kan member zahawmtak te leh hlu tak te in ni a ni.

    User te pawn kan donate thei liam liam in ka va ring e…

    Report this comment

  5. 105
    sheldon Says:

    Kei chu Arsi lem bo kha pawi ka ti vak lo. Ka nick duhloh zawkah ka bel vu tlat a :-D

    Report this comment

  6. 106
    zodingdi Says:

    k silent reader rei toh bok a kn ti ve chhin…..khua a har hman ruih mai a lom le….. :-D

    Report this comment

  7. 107
    Pakak Says:

    @104 thei ngei ang le..

    Report this comment

  8. 108
    muansangi pa khawlhring Says:

    aw le, ka hmuleh thei ta e, a va nuam leh ta em, nun a kim leh ta sawt mai

    Report this comment

  9. 109
    thachianga Says:

    Hello World (H) A nuam leh ta e.

    Report this comment

  10. 110
    saint sammoo Says:

    twinkle twinkle little star..
    how i wonder what you are…
    ka nick bula i lo in-park ve mai mai kha..
    ka tan chuan ..like a diamond in the sky..
    miss you..sob..sob..

    Report this comment

  11. 111
    TuaiSialA Says:

    Eng maw?

    Report this comment

  12. 112
    Sangpuiipa Says:

    Godady ho chu an van sual tak. Facebook ang site te hian hman sak reuh se an buai teh ang chu aw… Bigrock lamah insawn mai ang u.

    Report this comment

  13. 113
    Jacka Pi Says:

    Trawt#97, eng ka mumang maw???? :-P

    Report this comment

  14. 114
    Charice_mizo Says:

    #110 khi ka like e, fb status ah ka’n hmang teh ang lolz :-)

    Report this comment

  15. 115
    TuaiSialA Says:

    Thumbs Up lamah insawn daih ang u.

    Report this comment

  16. 116
    mpa F Says:

    in comment zawng zawng nen lam ka chhiarchhuak ve e,

    Report this comment

  17. 117
    zohoarsi Says:

    Chutia arsi in paihsak ringawt chu ka ngaithiam theilo reng reng, a promodown zawng a kal ai chuan ka nick ah hian belh ila a ni mai…. hahahaha……. ;-)

    zantin senman-a zuanglai hmuh reng kha a buaithlak khawp mai………a lawmawm e…..hei keyboard a han type vel pawh a ni purh purh ta mai a akekekekek……..

    Report this comment

  18. 118
    zohoarsi Says:

    A van nuam em…..comment nawn sak ang aw……… :-P

    Report this comment

  19. 119
    Chhuaklinga Says:

    (*) Arsi bel duh chuan hetihian tih mai tur. :-P

    tren tren

    Report this comment

  20. 120
    Puii Says:

    (@) Nili zet a liam ta !! ;-) a misual theih loh tih pawh ka lo hre ve reng reng lova… :-$

    Misual chiri an va lo tam sup sup ve..!! lawmawm tops… (L) (L)

    Report this comment

  21. 121
    Dr Mahminga Sailo Says:

    Comment a lo tam hman hle mai.. Mahse, post-tupa hian min ngai khawvel-mi lutuk. Hello World.:-) te min ti vel… :-P

    (*) bel kai ngat ka ni thin… :-D

    Report this comment

  22. 122
    Awmtea Khiangte Says:

    Van tam tawh ve……… Nuam eeee :-P :-P

    Report this comment

  23. 123
    Eve Says:

    Inpuanna angreng.. :-D .Misual.com a chhiat takah khan ni 2 lai chu keimah ka lo inthiam lo ve em em a!! ;-(

    A chhan chu ka netfrend Paki guy nen mumbai buainaah khan kan inhnial fo thin a, Blorea buaina a lo thleng a,inhnial leh nual a…ram leh ram tan a na si… , hacker ka nia, a ti fothin a,ka awi sak ngai lem lo va….paki sual zia chu ka sermon khum fo thin a…

    hmanni misual.com chhiat hma lawk khan enge i site luhna hnuhnung ber sawi la, ka hack thei nge thei lo i hre mai ang a ti a .., misual.com ka ti a,a hnu lawkah a chhe ta mai si…. :-$

    min hack sak a nih ka ring ta, kan inbauh nasa ta mai…..

    hacker tha mi , a suallo chi ka ni e a ti ta chul a…. :-:-( P

    Report this comment

  24. 124
    Wiskah Says:

    “Hello World” tih te lai hi a va tha ve…

    Report this comment

  25. 125
    doc_lib Says:

    “Ekhai aw..Sandmana`n Porn movie a download kha, a rawn upload a, chuvang chuan thuneitu lamin an ti tawp rih” tiin min zawt tu mi 200 zet chu ka lo hrilh hman a sin. A van pawi tak, chung ho lah chuan a van hur em em an ti zel che bawk sia, a van zia lo tak em? Mi 200 vel zet chuan mihur hmuhin an ngai ta ringawt dawn che ania. A va zia lo e aw :-P

    Report this comment

  26. 126
    Mikes Chongthu Says:

    A va’n khawharthlak rei deuh ve.. WELCOME BACK

    Report this comment

  27. 127
    Mikes Chongthu Says:

    A va’n khawharthlak rei deuh ve….. Kan banner pawh a mawi e.

    WELCOME BACK mi(sual).com

    Report this comment

  28. 128
    Mikes Chongthu Says:

    A va’n khawharthlak rei vawng vawng ve le…. Welcome back mi(sual).com and all users. Banner leh theme pawh mawi khawp mai.

    ALL THE BEST ;)

    Report this comment

  29. 129
    Mikes Chongthu Says:

    lol. Ka comment a va lut tam deuh ve!

    Report this comment

  30. 130
    doc_lib Says:

    Sandman, zia lo ka ti hle mai. Mi za 200 zetin mi hur deuh porn movie download chinga an ngai tur che chu..han hrilh that leh dawnin an awmna ka hre hlawm tawh si lo a :-P

    Report this comment

Pages: « 1 2 [3] Show All

Leave a Reply

You must be logged in to post a comment.