Suangtuahna Khawvel

August 7th, 2012 12:33 pm by Amiko Chhakchhuak

Zirtirtu training na hmunah kan hotupa in kal ve turin min tih avangin ka kal ve a, eng lirthei mah han hawlh chhuah tur nei ve hek lo keima ke in bak lengin Training Hall lamah chuan ka tlan ve ta a. A ni hmasa ka kallo tawh bawk nen inthlahrung tawkin, ka pi leh pu, ka nu leh pa te rual hlir zingh chuan ka uipui fing ṭhut ve ta kar mai.

Rilru hi a chapo ve lek lek ṭhin, khawlaiah mi an vei suau suau a, hna chi hrang hrang an thawk vut vut laia, in chhung nuam tak maiah, thingtlang khaw then khata Minister an hmuah nikhua a an minister te ṭhut phakna mi nazawng ṭhut theih ve lohna chair angah chuan kan han ṭhu ve vang kha ania, ropui vet vet.

Chawhma hun kan hmang liam a, chhun chawlhah thingpui no khat leh chow tuilo zet kan ei hnu minit 40 hnu velah chuan kan lut khawm leh ta ṭiam ṭiam a, kan Resource Person pakhat a rawn lut a, ani hian class a rawn la leh dawn ta.

Awi chhemdam thli hian min chhem hiau hiau emawni le, ka mur deuh sung sung ve tawp mai, chunglam ka en a fan lah chu alo vir der silo va, engemaw lo thleng ni teh reng, kan hmalam kan melh theuh a, vantirhkoh em chu alo kallo ang a, mahse saw nu zet chu ava danglam kher ve le ka tia, ka ka hau mai.

Chutia class a lak mawlh mawlh lai chuan pi leh pu, nu leh pa zahawm tak tak te chuan anngai thla thap mai a, kei an zinga pang ber tur chu mifel awm a awmin, ka suangtuahna khawvela ah chuan kalo pil liam ve vawng vawng a.

A bahsam chu a dar vaw hnap hian a sei a, a permanent lo tih a chiang a, a ti kir ngailo bawk ang, a nu hnap mai, a pian nalh zia hi aw, tiang em em a Mizo hmeichhe pian nalh hi kala hmulo reng reng, sap thlah pawlh anih hial te kan ring thla ngawt a, a mawng pawn dan te chu a tawk lutuk, a er tih tur awm silo, a dep deuh tih theih chiah silo, khawvela mawngmawi ber an thlan te khan tinge a tel ve loh le te ka ti rum rum zawk hial a ni.

A aw te hlei hlei hian ania min ti khawlo chu, a tham tep a, a chher dawn dawn a, a chher tih chiah tur ani silo, beng hi a verh bik tlat, a kut velte chu hlo thlawh nan a hman ngai anilo tih a chiang reng mai, va chul sak ngawt ila chuan a pilh hrup thei ang chu mawle.

Puan a bih zan maia, a pian mawina tilang tur tawk thawmhnaw a hre viau ani ngei ang, aman ato hmel em em bik silo, thu tha fe fe asawi awm sia, ka rilru chu amah ah chauh chuan a awm bawk sia, a phun mai mai niin kei chuan ka hria.

Ka lut thuk tial tial a, ka nupui han ni thut mai se, hnasang tak a thawk bawk a, awm awl leh ei tui kha ka hna ber tur ani mai a, a office ban apiangin thingpui kalo lum sak anga, a chawhmeh duh zawng tak kalo siam anga, a inbualna tur tui kalo lum sak vek anga, a hahdam sawng sawng ngei ang a, kei min neih hi a in chhir tawp lo ang mawle.

Tiang ang duhawm lutuk ka neih te chuan thian ka kawm vak pawh angai nang, thlengsil, chhuat nawh, thawmhnaw suk tih velte chu phur em em in kati zaih zaih tawh mai dawn a ni, mahse ani ang degree chhawng thum vel neite chuan mipa tih awm a hre ve vek awm si a, chutiang ka tih te chu a phal teuh awm si lova, ka nawmna tur leh ka chak zawng ka duh zawng tih loh hlauin a phe ve vat vat emaw ani zawk awm si a, khawvela mipa vannei ber te zingah chhiar tel ka ni tawh zawk dawn a ni.

Pathian zarah fanau malsawm te kan dawng anga, kei te chu min chhun hlawm lo anga, anu ang mai hian an tha phiang phuang ang nakinah tu fate emaw rilru chu anla ti buai ve dawn khawp mai. Chhangchhia em em in awm mah ila, nitina hna min thawh bosan thin a, ka ngaih theih em em thin te ti kiangtu anni zawk anga, amah nen hun tam zawk kan hman theihna hunah a chang hlauh zawk ang, ka tanchuan malsawmna thuah hnih hi ani ringawt zawk dawn a ni.

A dera pawh kan suangtuah ngam loh car chhuak thar te kha lei ila kan tia nga, ani chuan hlawh lak hunah kan la chhang chhe si, kan mamawh khawp tak asin an ti vel tur chu, vanram tlafual lei eden tharah ka awm a ni hawt e.

Thawm ari ta nuaih nuaih mai, enge chhiat tawk an awm emawni le, chutia nutling patling an rik tak chul mai, kan mengkawk a, chhiat tawk awzawng an awmlo, kan training kan lo zo der tawh, TA/DA sem alo hun tawh chu niin, trining chuan min tir ve ngei chu a ni a, eng ka haw hunah ka report tak angle, ka ngaihtuahna ramah kalo kal thui mah mah anih hi mawle, mahse ka thlanga dulkiar zet mai thu pawh hian engvak mah alo hre bik lo aniang a hmaa thu te a hriat thiam loh a zawt nasa em mai.

Kan dak tawk tawk a mi hnung atang chuan, kan miss chhuak tur chu kava melh leh hram a, a chhiat zawng a chhelo anih hi……… mifate hi zawng an vannei bik teh e, nakin ah ka ngaihtuah bak bak hian tu lik ek emawni chuan an la chinglet phar kual vel awm si a, ngaihtuah vak peih lo ka thinrim dawn tlat.

Similar Posts:

Recent Posts:

14 Responses to “Suangtuahna Khawvel”

  1. 1
    Awmtea Khiangte Says:

    1st teng (Y)

    Report this comment

  2. 2
    Ignatia (33-115 AD) Says:

    Zirtirtu training hi a pawimawh a nia. Hetiang mai mai a training zirtirtu kan tam lutuk avang alawm kan than theih loh le. In training naa i thil zirte chu in sikul lamah emaw report leh ngei tur a ni si a. Eng tak report ang che maw… Intithei takin training laiin ka muthlu quit vek tih chingte phei hi chu an huathlala awm leh zual. Naupang zirtirnaa apply nghal mai bakah Zirtirtu dang zawng zawng aiawha kal nih hi hriat reng a tha khawp mai….

    Zirtirtu training pek a nih hian sikul lama class lak a nghawng ngei ngei a. Zirtirtu indaihlohnaah phei chuan training tura kohna lehkha hi ninawm deuh a nia aw. Tin, a huaihawttu (DEO lam emaw whatever) lam pawhin pawisa, tha leh zung an seng a ni. Tin, lehkha baka thil thar inhrilh hriatna a ni. National Curriculum Frame Work a zirin kan zir dan phung pawh hi a danglam hret hret a. Chumi zulzui chuan zikul tinte inbuatsaih a ngai tlat si a ni.

    I training chu a ho hle mai. Ka staff chu ni la, ka tir tawh ngai lovang che. Zirtirtu chu a danglam tur a ni, hetiang mai mai hian awm loh tur.

    Report this comment

  3. 3
    Dr Mahminga Sailo Says:

    #2… (Y)

    Nia, i suangtuahna khawvel a ngaihnawm, mahse a hun leh a hmun nen a inmil vak lo a nih hmel? ;-) (Zirtirtu dinhmun a pawimawhna nena ka tehin)

    Report this comment

  4. 4
    PKfanai Says:

    A posttu hian, an miss hmelthatna leh mawinain a zem at hneh zia, uar takin a rawn phochhuak ve ani mai a. Tin, zirlai tam tak nun leh awmdan pawh a rawn phawrhchhuak tha viau mai thei. Fb group engber emawa post nita se, an hlut viau mai thei a ni. Amaherawhchu, misual.com a post leh regular taka comment pe thin ho hi, mahni line a mihlawhtling leh mipuitling tak tak deuh vek anlo ni si a, Tunhmaa, ruih uanpui leh rui chunga B.A. Pass uanpui ang chi kha chu, ngaihsanloh nachang hre chin anni tlat mai a, duh aiin comment pawh a negative maithei e. Literature tarmit atanga thlir chuan, a ngaihnawm viau e.

    Report this comment

  5. 5
    James Bond Says:

    Chhun chaw tui lo zet ei hnu chuan lecture hall a focus chu a har bawk ani. I muthlu lova i vannei zawk anih chu.

    Report this comment

  6. 6
    Chhuaklinga Says:

    TA/DA lak hmasak duh chuan hma deuh a kal a, ragistration tih hma tur :P

    Vanduaithlak nge vanneihthlak takin traning-naah hian koh chhuah leh practical a ti tur a request hi ka ni thei lutuk a, suangtuahna khawvelah ka cheng ve hman meuh lo. Tin, training tih takah hriat tawh sa han ti thin mah ila, hmasawnna tur hi a lo awm zel mai.

    I awmdan ni ang a i sawi khi a tak tak a tamtak nih dan chu a ni chiang khawp ang. A ngaihnawm viau a, lung erawh a awi chiah lo. Thu i thiam e. (Y)

    tren tren

    Report this comment

  7. 7
    vakul Says:

    a tawpa i tawngkam thenkhat khi awm reng a tan a mawi lo viau…

    tleirawl tih thengthawng laia zirtirtua i lut chu avpawi hle mai…airport velah hna thawk phei la chu i laktlak loh ral raih dawn a nih hi.

    Report this comment

  8. 8
    CFL Says:

    Paragraph hnuhnung ber khian mit a tinkham hle mai.

    Report this comment

  9. 9
    sheldon Says:

    Tawngkam i thiam, i suangtuahna pawh i sawichhuak thiam. Chhiar a kal zaih mai. Zirtirtu hna hi a zahawm ka tia, kei hi chuan ka thawh phakloh, ka tlin loh niin ka hria. Naupangte zirtir a, an zirlai chauh nilo, an puitlin thlenga an nundan kawng kawhhmuhtu leh kaihruaitu an ni. Chuvangin zirtirtu chuan a tawngkam leh chezia, incheina thlengin a uluk a ngai bik ka ti.

    I last paragraph khi delete theih nise aw :-S

    Report this comment

  10. 10
    Amiko Chhakchhuak Says:

    Nia in sawi khi a tha vek e, mahse ziaktu in a tawn ni miahlo pawh, amah belin a ziak ve thei tho in ka hria. Tak tak nilo pawh mahni in bel chawp a pho chhuah a ngaih chang a awm ve fo, thlirna tlang erawh a dang thei. In sawi zawng zawng hi ka pawm e. (Y)

    Report this comment

  11. 11
    mik3s Chongthu Says:

    In kawng theuh ah chuan in sang viau pawh ania’nge. Mahse thu ziaktu te hian zalenna zau tak annei a. An mizia leh awmdan ni lem lo te pawh view dang hmangin an ziak thei a, a thiang bawk. Mi thuziah a negative zawnga lo lak tlat zel pawh hi a mifing thawmhnaw chiah emaw nile?

    Report this comment

  12. 12
    mik3s Chongthu Says:

    Last para erawh hi chu han siam rem ngai deuh chu a awm.

    Report this comment

  13. 13
    mik3s Chongthu Says:

    Tunlai chu Amiko Chhakchhuak post a tam malh malh hle mai.

    Report this comment

  14. 14
    Amiko Chhakchhuak Says:

    In zir mek chauh kala ni a, min han zilh zel teh u. (Y)

    Report this comment