Enchimloh Alan…

August 4th, 2012 1:00 pm by Charice_mizo

Alan, i nu leh pa zirloh luat vangin hun lo takah khawvel eng hi i rawn hmu ve ta chu a ni a. He khawvela ilo pianchhuah ve dan hi a lungawithlak lohin miten an sawi thin dan tur che ka ngaihtuah hian ka lainat che a ni. Mahsela kan zinga ilo awm ve takah chuan nang, naute duhawm leh hmeltha tak chu min tihlimtu ber niin lawm takin kan lo pawm che a, hmangaih takin kan lo kuangkuah che a nih kha.

Thlasik khawvawh em em laia lo piangin, i hrisel that tawkloh avanga damdawiin lian leh tihbaiawm takah zankhuaa an hem thin lai che khan nangmah lainat luat vangin kei leh i pi mittui a tla asin. I dinhmun leh i hmabak engmah hrethiam ve lova nausen hemna bawma saruaka i let bal thin kha hmuh che hrehawm ka ti a, i riang ngawih ngawih hian ka hre tlat a ni.  Nangmah hringtu i nu lah i hmakhua chu sawiloh ama hmakhua takngial pawh la haikaw zo rual ala ni si lo, nu leh pa thlazar hnuaia la pangchang rual lek mai chauh ala ni si.

I lo piang dawn a ni tih kan hriat tirha kan rilru hahzia leh hrehawm kan tihzia te kha han hre ve teh la chuan aw! Mahse maw khatih lai pawh khan kei chuan nang pawisawi lo, engmah tihsual neilo, duh vang reng ni lova chhul lum rawn luaha mihring pangngai ni tura rawn insiam ve det det ai kha chuan amah hmangaihtu zawng zawngte fuihna leh zilhhauna pawisa lova a hnuleh tur pawh dawn lova atthlak taka rawlthar lungmawl satliah ve mai bumthluk theiha insiam duhtu i nu, ka nau kha ka dem a ni.

Tunah erawh zawng a pawi tur ang a pawi zo tawh a, tui baw hnu a ruh theih lohva, mihring famkimlo kan nih avangin mihring famkimlo ve tho i nu chu kan ngaidam a, hnemin kan thlamuan ta zawk hial anih kha. Mahse maw nang khawvel hrehawm leh nunrawng taka hnuklut che a, keini amah lo chhuang em em tu leh amaha beiseina sang tak lo nghat thintu a nu leh pa leh unaute hrilhhai leh rilru na taka min siam avang hian a ruk tal chuan a inthiamloh ve ngawih ngawih ka ring asin.

I nu leh pa chuan maw Alan, hmangaihna changchawiin nang hi an siam che niin an sawia, hmangaihna vang a ni tiin tan an khawha, chhia leh tha hriatna thiang leh ngaihtuahna fim bosal thakin hmangaihna (ti-a an sawi) bual atin an awm anih chu mawle. Mahse engtinnge maw an nih tur ang pawh ni phaklova siamtu, an phu ngawih ngawih dinhmun pawh luahtir phal lova engmah lova hnukhniamtu, an kianga chengte lungngaihna leh manganna thlena, anmahni ngei pawh midangte nuihza bura siama, pawisawilo nang ngei pawh tuartir ve phaltu hi hmangaihna an tih mai theih le! Kei chuan ka ti thei lo.

Amaherawhchu Alan bawihte, kan enchimloh, nang kan hmangaihna leh lainatna thinlung erawh hi chu engtikahmah a danglam dawn lova, kan theih chinah chuan i thatna turin engpawh tih kan huama. I lo seilenna leh i puitlinna tur kawngah hian theihtawpin enkawl che kan inpeih renga, i tan bang lovin kan tawngtai thin a ni. Engtikniah emaw chuan i nu enkawltu, i pa thlamuantu, i chhungte zawng zawng khaidingtu ni turin ila rawn thanlen ngei kan beisei tlata. Pathian duhzawnga i nun phawt chuan maw nangmah siamtu hian a ensan hauh lo ang che tih hria la. Tumah thliar hrang lova an thiltih ang zela relsak tu chuan malsawmna i tan a ui bik hauh lovang le.

Similar Posts:

Recent Posts:

19 Responses to “Enchimloh Alan…”

  1. 1
    Kingpin Says:

    (Y)

    Report this comment

  2. 2
    lrpa Says:

    alana pawh ka ni bawk lo e…century child an ati anih chu :)

    Report this comment

  3. 3
    houdini Says:

    Min sawichhanna bawk a nih ka beisei. :-)

    Report this comment

  4. 4
    drake Says:

    tui bua chu a buakna a zir in a ruh leh theih Chawrice_mizo :-D :-P

    Report this comment

  5. 5
    Mx Says:

    (Y)

    Report this comment

  6. 6
    Dadex Says:

    (Y)

    Report this comment

  7. 7
    LaMea CâcTùs FLh Says:

    Lung iti chhe mai dawn alawm le. Ka vei pakhat..

    Report this comment

  8. 8
    bk Says:

    Chutiang ka nih ka hre lo reng reng :-P

    Ngaihnawm lutuk e (Y)

    Report this comment

  9. 9
    Sasaks Says:

    Tawngkama han sawi mai theih loh khawp hian i ril leh tlat thin post-tu nu. Mi nawlpuiin kan ngaihtuah loh lam atangin i rawn khalh goal fuh teh e! I thu thiamna aiin i ‘idea’ in hetah hi chuan min hneh tlat. (Y)

    Report this comment

  10. 10
    saint sammoo Says:

    post tha tak a ni.

    Report this comment

  11. 11
    sheldon Says:

    lrpa@2 hahaha :-D

    Kan mipa ho chuan Alana emaw an intih tak thup chu :-P

    Report this comment

  12. 12
    H.Vangchhia Says:

    Alan bawihte leh :-P i van ziak thiam roh vele, a ngaihnawm e (Y) :-)

    Report this comment

  13. 13
    Charice_mizo Says:

    #9 Sasaks…thank you..i appreciate it (F)

    Report this comment

  14. 14
    century child Says:

    #2 :-P
    A va ril lehpek em, ka chhuang che (Y) :-)

    Report this comment

  15. 15
    PKfanai Says:

    Thudik lungchhiat thlak tak, i ziak ngaihnawm thiam hle mai.

    Report this comment

  16. 16
    Charice_mizo Says:

    Ccte…ril vak ami le :-) Pu Pk, i ti lawmawm e..

    Report this comment

  17. 17
    shailendra Says:

    Vawi 5 law law teh ang :-P bleeeh. lrpa a lo inrawlh hman chu a… hehehe

    Report this comment

  18. 18
    lrpa Says:

    shailendra..i comment sual em ni? :-D

    Report this comment

  19. 19
    shailendra Says:

    hahahaha… :-P

    Report this comment