Archive for August, 2012

MHIP-in pawngsualtu ‘Pa’ thei lova siam rawt

Friday, August 31st, 2012

Mizoram Hmeichhe Insuih-khawm Pawl (MHIP) chuan mipa tu pawh, kumtling lo pawngsualtu chu pa thei lova siam an rawt. Nimina Chanmari YMA Hall-a Special Assembly an neih-ah resolution pass-in, ‘mipa tu pawh kum tling lo pawngsualtu chu ‘Pa thei lovin’ siam ni rawh se’ an ti.

Hei bakah hian MHIP chuan, nula, nuthlawi leh pasal pawmlai nei tumahin mipa nupui pawmlai nei reng reng chu kawp lo tur leh, mahni hmeichhiatpuite tumah ngaizawnga kawp lo tura a ngenin a hriattir tih an sawi a.

Hetianga inkawp leh kawp neite hi a dik ngei a ni tih finfiahna chiang tak a awm chuan MHIP Gen. Hqrs., Sub-Hqrs., Block, Joint leh Branch ten anmahni huamchhung theuh -ah a tireh turin fimkhur taka hmalak ngei nise an ti bawk.

ZozamTimes

Posted in News | 40 Comments »

Paws 226-na

Friday, August 31st, 2012

Paws 300 tal vawm luh ngei ka tum ve si a, thutak/ hlatak pai lo mah se, thu leh hla erawh a awm ve e.

Hmanni chu khawchhe hnuaiah, Bawngsa dawrah ka tlan lut e ka tia — Satel kawih thal ang zeta chiangin mi zingah ka thal vah mai a nih kha. Rang taka thawh leh nghal mai tuma ka inhai fat fat hnuah, (hnung lamah min uaitu ka lo paipawn rit bawk si nen… :p ) ka zak hman teh asin aw…! Tichuan, himpialin in chu ka thleng ta a. Mi dum kawng lai hotupa ang maiin thuthlengah thluang zuarin ka thu(awn) hnawk a, ke phut hlerh hlerh phahin kuhva ka thial sawk sawk a, thenawmte ngaihthat loh tham khawpin zial ka pak khu luih luih bawk a.

Tawkfangah, pindan atanga nu ber lo chhuak chu — “ka pheikhawk hi phelh la, kawmthlang kawrah thlawh thla nghal rawh!” tiin thu ka’n pe hmiah a. Kar khat pawh ka la bun loh, man to taka ka lei chutia ka ti ta mai chu mak ti taka min en chung chuan a phelh sawk sawk a, va te thla na an sawi ang maia zawi hian zak kau che chein a zuk thlawh thla ta a. (ka thupek ni miau hek!) “hmanni lawkah showroom zawng zawng en chhuak veka duh taka i lei, man to bawk si…” a rawn ti lut bui bui a.

“Hman leh tun a inang lo —

Hmanah chuan khawnglung an run a, tunah chuan khawnglungin min run tawh!

Hmanah chuan palian zaidam min ti thin a, tunah chuan (keini ang)palian hang/dum deuh phei chu hlauhawm enin min en a, min trih tawh.

(more…)

Posted in Lifestyle, Luangliam | 43 Comments »

Ka Nun – Khawdur leh Ni Êng

Friday, August 31st, 2012

(Ka note: Nidang aiin tûn tum chu ka ziak sei ve deuh hlek)

Ka naupan têtlai hian vai ramah zai ka tâwk tawh a. Enga ti tehrêng nge ni, min thui lai mêk chuan ka harh ta tlat mai! A natzia leh vân sânzia chu sawiin a siak lo. Rei vak loah min thui zo a, tap hlawp hlawp chungin min nawr chhuak a. Kha mi tuma ka nu mangang hmêl kha ka la theihnghilh thei lo.

Chu mi hnu kum rei loteah ruhseh (rheumatic fever) ka vei tih hmuhchhuah a ni leh a. Daktawr-in kum 5 chhûng, thla khata vawi 2 Penidure (LA12)-a inchiu tûrin min han ti tehrêng a nih kha, veng vawng mai a! Shillong lamah pâwl 11 zir tûrin ka chho a, inchiu lah chhunzawm zêl a ngai si. Ka inchiu-na hi a na thei êm êm a, a tûkah ka khua a tisik ziah bawk. Mizo pawh ni lo nurse (nula) hmaah khêl lovin thla tin vawi hnih ka mawng ka hlim ta ziah mai a ni! Ka mawng lah hlui bawk, ka phûr lo thei fu. Nurse lah chuti bawk!

‘Natna’ an tih hian min thlah tak tak ngai lo va, Nazareth hospital (Shillong) khum te pawh ka zuk delh khuar ve kêk kûk tâk kha. Phuar beh ni ta lo chu ka chhuak ve leh mai bawk a. Pawl 12 ka exam dâwn chuan ka dam lo na ta riau mai. Ka chhûngte chah chhoh lah tlâwmpa êksekah ka la a, mahse an lo chho ta nge nge a. Result lah chuan ‘damlo chungin a exam kha maw, hrethiam ta’ng nge’ ti chuang bawk si lo. Eng tin tin emaw ka ‘pass’ ve ta hlauh mai. Tûn hnua ka ngaihtuah leh hian ‘ka lâwm’ tulh tulh.

(more…)

Posted in Lifestyle | 34 Comments »

Zawhna ho te

Friday, August 31st, 2012

August (Thi tin thla) ni hnuhnung ber ni hian khawnge September (Mim kut thla) hian chawlh a awm em tih en a Mizoram calender 2012 ka han keu vel chu, kan naupan laia Thi tin thla (August) kan tih thin kha Thlazing a lo ni ta daih mai, engtik lai atang nge Thlazing hi a lo nih le? Ka lo hre dik lo char char zawk nge, misual (fel si) hre chiang deuhin min han hrilh teh u..

In thian
DTR

Posted in Ask | Help | Suggest | 21 Comments »

Mizo Nula Chhuanawm: Dr. Zamteii

Friday, August 31st, 2012

Ph.D hmu tharte hi misual.com ah kan lawmpui thin bawka, hei hi kan rawn post ve teh ang.

via University of Hyderabad Mizo Zirlaite blog (leh tlem thu ka belh) :D

Dt 29.8.2012 (Thursday) chawhma dar 11 A.M khan Nl. C.Lalrozami D/o. Lalringliana, Bawngkawn Aizawl chuan Department of Communication, Sarojini Naidu School of Arts and Communication, University of Hyderabad atangin Ph.D Degree a dawng thar.

Dr. Zamtei thesis hi “Historical Development of Media in Mizoram: A cultural approach” tih a ni. A thesis ah hian Mizoram a British hun lai atanga tunlai thleng a chanchinbu leh thawnthu bu te than chhoh dan leh chung te atanga Mizo culture tarlanna leh an sukthlek te media zirbingna huang chhung atangin chipchiar takin a zir chiang a ni.

He University atanga Mizo zing a Ph.D zirzo pathumna a ni. Kan u duhtak Nl.Zamtei’n Ph.D degree a nei thar ta hi kan lawmpuiin Mizo fate tan mellung pawimawh tak phunna ah kan ngai a, a kal leh zelna turah keini MPGSU, University of Hyderabad te chuan duhsakna sang ber kan hlan e.

(more…)

Posted in Education, Information | 42 Comments »

Khawnglung Run ti leak out tu chhui zel dawn

Friday, August 31st, 2012

KHAWNGLUNG RUN TI LEAK OUT TU CHHUI ZEL DAWN

30th Aug zana emergency meeting thuchhuak bawhzuiin ..Khawnglung run film ti leakout tu a mawphurtute chu civil suit a lunglei court ah case file ani dawn a. He leakout version hi unfinished version ani nghe nghe a, hei bak version dang awm nia sawi pawh chhui mek a ni…… (Leitlang Pictures)

Thu belh: Mizo te hian mi eizawnna tur ngaihtuah sak lek lo va lo tih chingpen sak hi kan tih zeuh zeuh fo niin ka hria. A mawi loh mai bakah miin rilru leh tha tam tak an lo sen tawhna zah sak miah lohna a nih mai bakah, sum tam tak chan theihna thil anih ṭhin a vangin tih loh tawp hi kan mawhphurhna a niin ka hria.

Posted in Information, Mizo Society & Culture, Mizoram, Movies and Videos, News, Opinion | 46 Comments »

Kan thiam theihloh thil pahnih

Friday, August 31st, 2012

Mizo te hi kan changkang in hma kan sawn nasat viau laiin Damlo tlawh dan hi kan thiam thei thlawt lo. Mi zawng zawng kan ni ka ti lova, a tam zawk erawh chu kan la ni mai thei.

Hman deuh khan ka Pute-a damlo Greenwood Hospital ah kan awmpui a, kal (kidney) thalo ani a, a natna a nat deuh avang khan a chau thin khawp a, Dialysis te tih a ngai a, dialysis tih ni te phei chuan a chau viau thin a, tawng pawh tawng peihlo in a mu ngawih ngawih thin kha a nia, thiante leh laina thenkhat amah rawn tlawh tu te hian a damlo ber kha an han bia a, ‘I tha maw?’ han ti mai se chu nise ka hrethiam, a dinhmun detail te an han zawt a, min lainattu an nih rualin ka lo ning ru thin!

Damlo kan tlawh hian, damlo dinhmun a zirin awmdan tur hi kan hriat a hun tawh ka ti. Damlo chanchin kan hre duh anih chuan damlo chhungte zawt ta mai thin ila.

Tawngtai chungchang hi sawi ka chak riau bawk. Han damloh hian min lainattu te hi an hlu a, tawngtai puina phei chu a hlu em em. Hospital ah, damlo an mu tlar thup a, mi tuemaw in damlo a rawn tlawh a, insum karna nei miahlo a ring tak taka tawngtaina hun an han hmang hi chu a zialo ka ti. Damlo dang te dinhmun thlir pui thin a tha khawp mai. Tawngtai a tha, mahse Hospital angah te chuan zawi deuh hret a tih theih a tha khawp mai. Enge in ngaih ve dan le?

Posted in Luangliam, Mizo Society & Culture, Opinion | 51 Comments »

Hmeichhia chu

Friday, August 31st, 2012

Ziaktu – Romuanpuii Zadeng
(A phalna ka la thlap e)

Hmeichhia ruh ngata siam chu – “An finin Tuikhur ral a kai lo…” “A chûl nêl peih peih…”an ti maw kha? Hetia titute hlauh ber chu ‘Thâibâwih’ a ni daih a sin lê. . . Hahai!

Mahni Ar vulh mâwlzia sawi dúk dúk pa fing an awm ngai lo. Kan Ar ve hi tawng pawh a tawng theilo han ti teh se, a mâwl hmel tuh tuh ngawt ang!

Nuam ê…Min hau lova min duattu apiang an vannei hmeks! Kan dinhmun chawikang ram a piang an changkang duh. Min awpbehna ram chuan hmâ an sawn tak tak thei leu…

Chhungkua ah pawh…

Chhungkua a mipa awm ve si an tlakchhiat viau chuan, mipa an mualpho hmak. Min enkawl zo a piang an zahawm daih! Hahdam tura siam,ruhrel pianzia ah pawh nêm thepa siam bîk!! Duh tawkin kan cheimawi theih leh nghal!

Mipa ten, fing ve anga min dah poh leh mifing nih an hlawh phah daih, point box tha tak kan ni. Min chawimawi vein an mawipui hlauh.

An zingah tal ve ila, a fing apiangin min dawm thiam tlat! Nuam ê…Thinur/thinrim nia phun leh ân-in, mipa Pa tak tak chuan min khing ûr ûr duh lo, mi fel an nih phah hlauh!!

Pianpui ruangâm reng rengah pawh, silhfen inbel thlap pawha mipa te hip thei langsar leh anneih ve theih reng reng loh, hmalama kan pâi puar lahte pahnih ngawt pawh hi hmeichhe nih chakawm na tham ngat nia le!!

Chuan, thenkhatte hlum atang ngawta siam an nih lai a, tu emaw mutthilh tir a; ruh phawrh chhuak hiala ruh hmang ngata siam kan han ni ngawt mai te hi! Hlu vet vet tak hi kan ni asin!

Kan taksa bawlhhlawh thlatin kan han paih ngawt mai pawh hi. Tha bik bik ê…! Tunge mifing tak ni si, mahni taksa pêng khat aia lan hniam hlau awm ang le…!?

Hmeichhia mipa tanpui tura siam, pianchhan nei nghal tawp te nun hlutzia leh hlimawmzia hi, tu nge sawi thiam thei ang le? Nuam ve êm alawm le !!

Posted in Copy Paste, More than words | 44 Comments »

Guinness World Record thar

Friday, August 31st, 2012

mite

Chandra Bahadur Dangi (1ft 11.6in), the world’s shortest man and Jyoti Amge (2ft), the world’s shortest woman met for the first time to celebrate the organisation which made them famous. The 18-year-old (Jyoti) from India and the 72-year-old (Chandra Bahadur) Nepalese both made headlines last winter when they were given their titles by the Guinness World Records.

Chandra and Jyoti may be generations apart but were joking and laughing as they posed for photos with the new book, both dressed in traditional outfits from their native countries. The photoshoot for the release of the book gave them another record to add to their list – it is the first time the world’s smallest man and woman have met in recorded history.

The official authority on record-breaking achievement is set to release its the 57th edition of the world’s best-selling copyright book, Guinness World Records 2013.

Source Daily Mail

Posted in Information, News | 19 Comments »

Panlai Nun – Lirthei Ngaihsan Lai

Thursday, August 30th, 2012

Hmui tuvu…
Kan khuaah lirthei a lut lova. Lirthei kan hmuh theih chhun chu thlangra/kho leh belval a ni mai. Diesil/petrol rim kan hriat chhun pawh buhherkhawla buh kan her laiin a ni mai. Mahse, lirthei rik dan leh, an hma mite kawng kian tura an hriattirna ri piiiit piiiit dan kan hre ve chiang! ;-)

Tin, heti hi a ni a. Sikul chawlhlawk/banlawk a thlen meuh chuan, sikul kal paha mi huan pal (mau phel) kan phawi ruk ngei kha kan thian pahnih pathum-in a rualin kan vuan a. Lirthei ri ang ni ngei kan hriat, chil phuan suah suaha hmui tuvu hlurh hlurhin, kan han vunnnn vunnn.. ta thin a. Hmui tuvu hlurh hlurh chunga, theihtawpa chaka han tlan phei kha chuan, hah a na thin asin. Thian thenkhat, khawpuia zin thang deuh leh lirtheia chuang zing deuh kha chuan a gear thlak nachangte kha an hria a, kan ngaisang thei teh a nia. ;-)

Jeep tlanliam thlirin
Kan khuaa lirthei hmuh tur a awm tlat loh avangin, kan khaw thenawma zin changin lirthei (Jeep leh TMB) kan hmu thin. Tin, kan khaw thenawma kan zin phak tawkna khaw kawngpui lah kha alkatra luan loh; fur laia diak kawi nuai, thlasik laia khu em em si a ni.

(more…)

Posted in Luangliam, More than words | 30 Comments »

« Older Entries