Zawhte

July 9th, 2012 6:00 pm by Dr Mahminga Sailo

(Hriat ve mai mai atan(@) )

1. Mihringin kutzia (fingerprints) kan nei hrang thliah angin, zawhte hnar-zia (noseprints?)) hi inang a awm bik miah lo!

2. Zawhte nupa tuak khat, pangngai tak a inthlahpun hian, kum khat chhungin tu leh fa 6000 deuh thaw an hring thei! Chuvangin, I inbula zawhte tam I duh loh chuan an chhul/til lak mai a him :-)

3. Zawhte i vawr kan reng rengin, an kein lei a thleng hmasa deuh ziah. Mahse, tih chin kher erawh a tha lem lo :-)

4. Zawhte kawngka (Cat’s door) hi Scientist ropui, Sir Isaac Newton-a hmuhchhuah a ni teh tlat! A hnathawh buai laia zawhte lo vei ve chhen, kawngka hawn leh khar sak reng ngai a ning in zawhte luhchhuahna hran a siam a. Hei hi midang paw’n an entawn ta zel a ni awm e.

5. Zawhte hi ran fing tak an niin; i aw nelawm, thinrim leh hlim an hre hrang thei tlat. Chuvangin, an nel tura I awm dawn chuan, I hmel leh tawngkam khan thu tam taka sawi tih hria ang che

6. ‘Miauuu…’ an han tih hian, an zawhte-pui aiin an bula mihring awm te ngaihven/ngaihsak hlawh tura aw an chhuah a ni tlangpui.

7. Zawhte hian rawng hrang hrang an hmu thei. Zan thimah ngat phei chuan mihring in kan hmuh theih let ruka chak zawkin thil an hmu fiah thei.

8. Mihring ang lo takin zawhte hian an ding leh vei an hman thiam dan a in ang.

9. Zawh te hi chaw vawi khata ei tawk ngai lo a nih vangin, ei tur an duh zing hle. Tin chaw sa emaw dai lutuk emaw an tih thei thak lo.

10. Ran zawng zawng zinga mahni invawng fel ber, an ek pawh thukru thlap thin an ni. A tlangpuiin zawhte hrisel tha bualfai hran an ngai lo. Hrik (fleas/ticks) an nei a nih erawh chuan powder an taksaa phul chi lei a remchang ber.


Persian Cat (Pic. Source: Wallcoo.net)”

Similar Posts:

Recent Posts:

38 Responses to “Zawhte”

  1. 1
    bk Says:

    Bengvarthlak hle mai…

    [Report abuse]

  2. 2
    bk Says:

    (@)

    [Report abuse]

  3. 3
    TuaiSialA Says:

    A bengvarthlak mang e aw…. (@)

    [Report abuse]

  4. 4
    Charice_mizo Says:

    Zawhte hi ka ngaina lo nain thenkhat hi chu an cute thlawt, no fahran duhawm lutuk taka an mitmeng mawi taka min han melh vawng vawng hi chuan sa them leh thil ei nawi hi ka pe leh nge nge thin, kan hostel ah hian stray cats an tam khawp mai. Engtia tih chi nge mawni, Punjab lamah kan thawn chho mai dawn emaw ni LOL

    PS: Zawhte ek uih lutuk leh zawhte hur hram ri hi chu khawvela ka thil tih theih loh pawl tak a ni thung..pichiu :-)

    [Report abuse]

  5. 5
    sisen Says:

    [Report abuse]

  6. 6
    Mx Says:

    Good Post (Y)

    Ka uncle-a nen hian zawhte pahnih kan nei a, hmanni lawk khan pakhat in ‘note’ a hringa Pahnih kan neih belh :D
    A chhul or til laksak ve an va ngaih hmel ve le :p

    3-na khi kan naupan lai in kan ti thin :p a ke hmalam leh hnunglam ah kan man a, a letlingin kan khai a, kan thlak/vawr vak pawhin an tla dik chat/ke in an ding chat zel mawle :p

    [Report abuse]

  7. 7
    mimipa Says:

    Dr nge nge, maipawl kan pu leh ta.

    [Report abuse]

  8. 8
    Awmtea Khiangte Says:

    Zawhte hi chu aw.. kan tette atangin kan vulh tawh a, an thlahte hi kan vulh chho zel a, tun thlengin kan la vulh. An note te erawh kan vulh tur bak chu midangin an la thin.
    Post tha tak ani, ka hriat belh teuh e.

    [Report abuse]

  9. 9
    donald Says:

    #2 khi kumkhat chhungin 6000 em em a ni thei dawn em ni?

    Thlah hi chu an in thlah pung chak khawp mai. Kan zawhte rai zing lutuk hi kan buaipuia, VETY-ah a chhul lak tir kan tum a, ‘zawhte chhul kan la thei lo’ an lo ti tlat mai si a, tun thlengin kan la buaipui ta zel mai. A no han la duh lah an awm mang der bawk si lo, an zi hut hut mai a ni. Sazu chu an vang duh khawp thung (@)

    [Report abuse]

  10. 10
    houdini Says:

    Va bengvarthlâk tehlul êm (Y)
    Zawhte hi rannung zawng zawngah an hmelá¹­ha ka ti ber (W) (K)

    [Report abuse]

  11. 11
    houdini Says:

    Kei pawh #9 dungthulin 2-na khi a dik lo em maw ni aw? ka ti rum rum; kan khua vêla zawhtë an inthlahpun chak lohzia ngaihtuah hian (@)

    [Report abuse]

  12. 12
    Mx Says:

    Keipawh #2 khi mak ka ti :o
    6000 em em chu ani thei dawn mawni aw? 600 tih zawk tur anih ka ring deuh :)

    [Report abuse]

  13. 13
    hmingtea Says:

    zawhte sarep ei ching hahahah

    [Report abuse]

  14. 14
    ChhanaPa Says:

    Zawhte note hi a pa hian an sehhlum sak thin a. Chu vang chuan an in thlah pung chaklo pawh a ni ve thei tho lo maw! Zawhte note tluk a ransa hmeltha hi an vang asin!

    [Report abuse]

  15. 15
    century child Says:

    #9 hahahaha (Y)
    Tunlai chu kan bawnghnute a hek khawp mai. In ru lo ang ziazangin kawngkhar bulah alo bawk vei than zel lehnghal a. (@)

    [Report abuse]

  16. 16
    Charice_mizo Says:

    CCtea hi nui mawi e.. :-)

    Zawhte chu an phakar lawm, an thluakah hian ‘brain’ a awm tlata LOL, zankhat pawh kan roomah khum hnuaiah pakhat chu alo riak ru a, zankhuain a reh hmak, zingah kawngka hawn rualin a chhuak ru zal zala, ka roommate nen kan innuih tawp…

    [Report abuse]

  17. 17
    century child Says:

    @charice muah2 :-)

    [Report abuse]

  18. 18
    Dr Mahminga Sailo Says:

    Ekhai, ka buai laiin ka zawhte a lo chhuak daih a nih hi… :-D
    point 2-na khi, mathematics rule- chhutna mai a ni e. Zawhte hian ni 63 chhung no an pai a, induced ovulation an ti a, hur hun an nei hran lova, a pa in a pawl chuan no an neih hnu kar 2/1 hnuah an rai leh mai the. Note 3-5 an nei tlangpui a. Ti hian exponential rule-a chhut chuan, 6000 khi a tam lutuk lo nangin, an inthlahpun chakzia entirna mai a ni e. Thil in chik, misual niawm reng in ni… (Y) (@)

    [Report abuse]

  19. 19
    aduhi Says:

    hmanah zawhte miin min pe a, toilet trained thlap ania, bathroom ah hian a lo zung ker ker zel a te sia a lawmawm tawp. Thutthleng sei a kan thu hi a hnung atangin min rawn veh den den a min rawn zuan thut zel. A harh rapthlak lehnghal. Ka ngai reuh.

    [Report abuse]

  20. 20
    saint sammoo Says:

    zawhte sa ka ei tawh..hmânah…

    [Report abuse]

  21. 21
    mama Says:

    Zawhte ngaithei leh duat peih tak hi chu pa/nu zaidam leh dawhthei an ni chawk :-$

    [Report abuse]

  22. 22
    Lamji Says:

    Vawikhat kan chhungte zawhte duat sual kan la a,a’n thatchhe mai mai khawp a(h)..dul puar luah hian a mu thun reng a,sazu alo kal a a lo hlau vel! Ka la ten ber awm e.

    Khawkhat nula inla no pawh kha an au a.. ‘Mawite..’

    Mawitei : Miaauu…a ti e an tih chu. :D

    [Report abuse]

  23. 23
    Charice_mizo Says:

    Zawhte sazu hlau…haha ka ten tawp LOL

    [Report abuse]

  24. 24
    Sangpuiipa Says:

    Zawhte sa hi a tui khawp mai, ar sa te nen hian a inang deuh in ka hria. Zawhte hi kan naupan lai chuan kan vulh thin a, kan unau zing ami ang maiin kan cheibawl a, zanah te kan bul ah kan mu

    [Report abuse]

  25. 25
    Dr Mahminga Sailo Says:

    ka sawi tawhin ka hria. Zawhte sa hi, uisa angin kan chhum a, ka zirpui nula ho paw’n uisa emaw tiin an ei vek, tui an ti rap… :-P

    [Report abuse]

  26. 26
    lr hlonchhing Says:

    Bengvar thlak e.

    [Report abuse]

  27. 27
    H.Vangchhia Says:

    (Y)

    [Report abuse]

  28. 28
    Kher Kher Says:

    Zawhte chu kan vulh bo hnem tawh ngang mai :D
    Kan thiannu chuan zawhte hi zu han hlau tlat a! Ka rul hlauh dan nen a in ang vel. Hmuh tur an tam sia ka khawngaih thei tawps. Thengkhiu.

    [Report abuse]

  29. 29
    Candelas Says:

    Zawhte hi ka ran ngainat ber, chhung inkhawm hrethiam khawp in a vulh theih. (Y) . Pic hi wall paper ah hmang keuh teng ka (L) emai.

    [Report abuse]

  30. 30
    Dr Mahminga Sailo Says:

    # 29… (Y)

    Zawhte hi chu, tunlai tawng takin an man ka ti tlat. An thu an duh ngalh a, an fimkhur em em bawk si… (@)

    Mi pakhat thusawi ka hriat: Hmeichhia leh zawhte inanna chu: fiam/chhaih i tum laiin an induh tlat ang a; i phur loh lai takin an chhaihlet hawrh hawrh si ang che a ti :-D Dik tak ang maw?! :-P

    Chuan, Puss in Boots kha hmuhnawm ka ti teh asin… (@) (Y)

    [Report abuse]

  31. 31
    Uaiizzz Says:

    (Y) Post BVT tak ani (@) .

    Ui (Dogs) chanchin pawh rawn ti leh la.

    [Report abuse]

  32. 32
    hlatekhua Says:

    A bengvarthlak hle mai. Zawhte hi ka ran ngainat ber pakhat a ni. Naupan lai phei chuan zanah te ka mutpui á¹­hin a, rei erawh an mu duh ngai mang lo. A sa pawh ka ei tawh!(ngainat vang ni lo-in).

    [Report abuse]

  33. 33
    Dr Mahminga Sailo Says:

    Persian Cats (a thlalak ang khi) ngat phei hi chu, an ngainatawm leh zual, tin mihring an ngaina bawk… (Y)

    Kan khuaah hian, Persian cat breeder pakhat hian a note Rs, 35,000 zelin a hralh thin. Tin, USA-ah khuan Zawhte vulh (Pet cats) hi an tam hle.

    USA – 76.4 million pet cats
    China – 53.1 million pet cats
    Russia – 12.7 million pet cats
    Source: Maps of World

    [Report abuse]

  34. 34
    blackmagicwoman Says:

    zawhte ngaina deuh hi ‘midang hmangaih thei tak’ an nia, ui ngaina deuh hi ‘hmangaihna mamawh deuh’ an ti thin…tak tak nge maw? :-)

    Ka ngaina ve ve sia, ka van fuh em!! LOLzzz

    [Report abuse]

  35. 35
    Dr Mahminga Sailo Says:

    # 34… A dik duh hmel e… (Y) :-)

    Nikum hmasa a Bangalore Mirror chanchinbua ka chhiar kha ka hrechhuak e. Bangalore nula, pet animal nei/vulh tam zawk hian, anmahni leh an pet animal te duat (care) turin an bialpa te an phut. tiin… :-)

    CUPA-a ka thawh laia, zawhte rawn hruaitu vai nula, ngo veng vawng, ria chumbat mai (a zawhte aia duhawm zawk.. ;-) ) chik tak maia min titipuitu kha chu aw… (L) :-)

    [Report abuse]

  36. 36
    ZerO Says:

    Miau….

    [Report abuse]

  37. 37
    Jacka Pi Says:

    Lamji #22 khi ka nui nasa ltk! Hmana kan zawhte Varparhi min ti hrechhuak..kan zawhpui no te a nia, a hmeltha sia, mi kan lak tir phal lo a, a nu a nih leh a pa a nih kan hriat theih loh avangin a hmingah Varparhi kan ti a, a pa chu lo niin!! A tet lai chuan a duhawm khawp mai a. Mahse a lo puitling chho chu zawhte pa chu an thatchhia tih zawng zawng hi a neih zo vek!! Ceilingah mei lawr zuahin a han mu thin a, a bul velah sazu an tlan suau suau zel!!

    [Report abuse]

  38. 38
    Dr Mahminga Sailo Says:

    @ Jacka Pi… Varparhi, zawhte hmeichhe naupang :-D duhawm tak kha, zawhte tlangval thatchhe deuhah a thanglian daih a ni maw… :-D (@)

    Ceilingah mei lawr zuahin a han mu thin a, a bul velah sazu an tlan suau suau zel… A lawmawm dangdai e… (Y) :-D

    [Report abuse]

Leave a Reply

You must be logged in to post a comment.