Mizoṭawng tlema zäwng

July 18th, 2012 12:29 am by Kawhterenga

Mizoṭawng thumal ṭhenkhata a hawrawp tawp ber ‘h’ a kan thlak hian a participle form kan siam tihna a ni. Entirna : Ziak/ziah, Ṭhiat/ṭhiah, Chhuak/chhuah, etc.

Ziak/ziah : Article ka’n ziak ang e, ka ZIAH zawhah misual.com-ah ka post ang. (‘ziak’ tih hi kan hmang uar lutuk mah mah, hrethiam vek mah ila dik hlel deuh awm hian ka awm a tinuam lo ṭhin. Thil reng reng hi a tirah dik mang loa kan inzirtir chuan a dik lo hian kan hre rengin kan ṭhanlenpui tawh mai ṭhin a ni.)

Ṭhiat/ṭhiah : Helai in hi i ṭhiat mai ang u, kan ṭhiah loh chuan kawng a dip reng dawn tlat.

Chhuak/chhuah : Vawiin chu tei chhuak mai mai teh ang, mahse, chuah hi ka peih lo riau mai a.

Mahse/mah se : Hei hi kan hre hrang lo ta mai emaw tih tur khawpin kan hman pawlh nasa tain ka hria. A lam dan a inang chiah a ziah pawlh a awl a ni mai thei e.

Entirna : Ka ziak phawt ang a, mahse, uluk takin ka ennawn leh ang.

Mizoramah lehkhathiam tam hle mah se hna hmu an tam chuang lo.

Kan/ka’n : Hemite pahnih hi a inangin ngaihpawlh a awl hle. ‘Kan’ tih hi a huhoa thil ti sawina ang chiah kan hmang a, ‘Ka’n’ erawh hi chu ‘Ka han’ tih lamtawi a ni.

Entirna : Kan ram boruak nuam tak ni á¹­hin hi a lum ve ta hle mai.

                Ka’n comment ve ang e.

Ani/a ni : Hei pawh hi hman pawlh awl tak a ni a, a awmzia erawh a dang daih a ni. Ani tih hi amah(third person) sawina a ni. A ni hi chu thil nihna sawina a ni tawp mai.

Entirna : misual.com hi Mizote rohlu a ni.

MNF ṭhalaite chu Aizawl khawpui chhungah Congress Gas, MEIHAWL semin an vak kual a, “Pu Häwla hmingpum eng nge  ? …Meihawla”   :-D  tiin an au rual a, ani  chuan a haw lem lo.

Lawng/lo’ng : Lawng hi a lam dan a zirin tui chunga kal chi te, natna sawi nan te, thil mal sawinan(a lawngin, lawnga) te leh double adverb ṭhenkhatah(lawng lawng) hman a ni. Lo’ng erawh hi chu ‘lo ang’ tih lamtawi a ni ve thung.

Entirna : Ka hman lo ang = Ka hman lo’ng.

V  ṭul lo! : V hi hengahte hian hman a ṭul lo khawpin ka hria- Chhingdailova(Chhingdailoa tih ve hle hle awm!), lo va(lo a), lovin(loin), lovang(lo ang). Kan hawrawp min siamsaktute khan a tawpa Ä hi a lawngin an lam thiam lo pawh a ni mahna he  V ṭul lo zet hi an telh ve chhen ni.

Duhtawk dawn the ang ka sawi tam teh duah dawn tlat. A tawpnan thil pahnih : Kan ṭawngtaina “Kan pa, vana mi,……” tih tawp lama “….ram te, thiltihtheihna te, ROPUI» ;-) te..”tih hi eng vangin nge Ropuina kan tih loh aw?!  :-S  Glory=Ropuina(Noun a ni), glorious=ropui(Adjectice)!!

Tin, Post thar a awm a, a comment hmasa berin ‘1st keuh/1st teh ang’ tih in ching riau mai hi tu tihchhuah nge le?!  :-P   :-D

Similar Posts:

Recent Posts:

27 Responses to “Mizoá¹­awng tlema zäwng”

  1. 1
    H.Vangchhia Says:

    (Y) (B)

    A thupui khi, “Mizo á¹­awng tlem a zâwng” tih tur a ni zawk ang em, tih kei hrelo ve tak hian zawhna ka siam e?! :-)

    [Report abuse]

  2. 2
    Lamji Says:

    Debate kha han chhunzawm leh tawh ula. :)

    [Report abuse]

  3. 3
    H.Vangchhia Says:

    Chhingdailoa chu nise, Chhingdailoa an tih ngei ka ring. Pawi tak maiin Chhingdailova a nih zawk tlat avangin Chhingdailova an ti ta a ni. Hairehai :-P ;-)

    Our Father, who art in heaven
    Hallowed be thy name
    Thy kingdom come
    Thy will be done on earth as it is in heaven
    Give us this day our daily bread
    And forgive us our trespasses
    as we forgive those who trespass against us
    And lead us not into temptation, but deliver us from evil
    For thine is the kingdom, the power and the glory, for ever and ever
    Amen

    [Report abuse]

  4. 4
    VaiVa Says:

    #1, han edit zeuh kha ka chak khawp mai a! Mahse, Mizo á¹­awng zirna a ni bawk sia, ka ngam leh lo a lawm :P

    OT loh nan, a tawpa zawhna khi Zephenath tih chhuah a ni lo na a, a chin chhuah ni ta berin ka hria :D

    [Report abuse]

  5. 5
    H.Vangchhia Says:

    #4 hairehai :-P ;-)

    [Report abuse]

  6. 6
    Saitawk Says:

    I thu ziah chhiar a nawm dap dap nen a tawp lamah i duh reng vang nilo “Duhtawk dawn the ang” tih a awm ta keuh mai a. I submit hma in edit leh hram la chuan a zia deuh tur. A post thupui nen a inmil ta lo ka’n deuh alawm mawle!

    Post tha tak a ni. (Y)

    [Report abuse]

  7. 7
    H.Vangchhia Says:

    Saitawk, #1 ka zawhna khi?

    [Report abuse]

  8. 8
    Fergie Says:

    Ka vei zawng tak a ni hlawm. ‘…va’ tih hi Rev. Dr. Zairema khan ‘a dik zawk’ a ti tlat mai. Mahse, keipawh i rawn sawi dan hi a dik zawkah ka ngai.
    Tuna ka awmna khua-ah hian ‘kal hma a tha e’ tih mai tur hi ‘kal hmat a tha e’ – ‘hmat’ anti zel. Ka ngaimawh khawp mai.

    [Report abuse]

  9. 9
    sheldon Says:

    Tukchhuah nuam vek u le (C)

    [Report abuse]

  10. 10
    lushai_er Says:

    A tha khawp mai, mahse v chungchangah hi chuan Pu JFL-a ngaihdan hi ka la tawmpui rih. Chhingdailova ni na na, Chhingdailoa tih daih chu le! Meihawl ka duh lo va, LPG erawh ka hnial lem lo ve.

    Kan thu leh hla ziak/ziah (muantea cho chhuah nan) te hian kan tawng kauchheh hi a represent tur a ni dawn lawm ni ?

    [Report abuse]

  11. 11
    Chhuaklinga Says:

    Post tha e, a bik takin apostrophe dah ngai chi lamtawi khi a tha khawp mai. (Y)

    Tin, Lal biakna a “Ropui te” tih khi ring deuh takin “Ropuina te” tiin ka lam lui hram thin. ;-)

    tren tren

    [Report abuse]

  12. 12
    saint sammoo Says:

    kan mi hmasa te khan ZIAK leh TUAR hian participle form / modified form a nei ve lo an tih tlat thin kha…

    [Report abuse]

  13. 13
    H.Vangchhia Says:

    Chhuaklinga #11 “Ropuina te” tiin ring deuh lauh bikin ka sawi deuh kher á¹­hin :-P

    [Report abuse]

  14. 14
    Dr Mahminga Sailo Says:

    Post tha leh tangkai tak a ni… (Y)

    v chungchangah, lushai_er ngaihdan ka thlawp. Mizo Bible pawhin a ziah dan a ni… ;-)

    @ Chhuaklinga… Lal tawngtainaa Ropuina te tih hi UPC kohhranin saptawng lehlin kan hman dik langsar lutuk lem lo a ni mai thei.. :-D Mahse, tuna ka khawsaknaah hi chuan an tam zawk tih dan ka zui ve ringawt… :-P

    Lal tawngtainaah hian sual tura thlemnaah min hruai lut suh la kan ti.

    [Report abuse]

  15. 15
    houdini Says:

    (Y) (Y)
    I ziak tha lutuk e.

    Mahsé v a tul lo i ti khi chu a dik lo khawp mai. Thil lam tiawlsamtu a ni. JF-a pawh khan tha a tih viau tak kha maw le.

    V chungchanga i thil sawi khi ka pawm ve lo ve.

    [Report abuse]

  16. 16
    Kawhterenga Says:

    saitawk#6 Fimkhur tawk hi a har em a ni keini thil ti liam puat puat ho tan hi chuan :-D . Post tura han paste chiah khan ‘teh’ tihho kha ‘the’ tiin a lo inthlak vek a, ka edit hmaih palh liau liau a ni,adjectice pawh khi!!. ;-(

    [Report abuse]

  17. 17
    Jacka Pi Says:

    V hi keipoh ziah tel hi tul lo khawpin ka hre ve thin, vowel awm kawp thenkhatah a lam ti awlsam deuh atan kan lam ri tel mai mai zawk a ni….

    [Report abuse]

  18. 18
    Kawhterenga Says:

    saint sammoo # 12 TUAR leh ZIAK hian modified form nei lo se chuan TAWRHNA, ZIAHNA tih zawng zawng te hi kan ZIAH á¹­hat leh vek a ngai dawn asin :-D .
    Fergie#8 Pu Zairema sawi pawh nise ‘va’ a dik zawk han tih mauh mai chu a dik hlel deuh a ni tiraw?! :-D Mizo mipa hming tawpah chuan Ä hi a awm deuh zel a,a tawpa Ä ( ‘va’ ni loin) hian mipa tih a entir bawk.
    houdini#15 Kan mi ngaihsan zawngte tih dan phung leh zirtir dan dik ber anga ngaia kan zawm tlat hi a sual lutuk lem lo e. Chuti ni lo se Kohhran mai pawh ni loin SAKHAW hrang hrang kan awm thei nang!! :-)
    Tin, Upa apiang an fing zawk kher lo tih hi Tar ä tih ṭawngkam hian a tichiang viau mai. :-$

    [Report abuse]

  19. 19
    TuaiSialA Says:

    A tha ka ti hle mai. I ‘v’ duh lo erawh tha ka ti lo va, lo ‘v’ hle hle tawh ang che. :-)
    ‘Ziah thlavang hauhna’ tih article chu JF Laldailova’n a ziak a, a copy original (khawl chhut) chu Mafaa hian a kawl a, ka chhiar thuak thuak a, ka hmin chiang khawp mai. Kan Zosapte, Mizo tawng thiam mang hlei lo, Mizo tawng ulh tak taka hmang thinte hman dan kan sakhaw puithiam hmasate chhawm chhoh zel a ni awm e.

    [Report abuse]

  20. 20
    Kawhterenga Says:

    Tuaisiala#1, i ti lawmawm e V tel lo hian. ;-) Mizo tawng dik leh dik l (N) o tehnana Bible an hmang fo hi chu a dik ka ti thei lo a ni. (N) An let nawn awn awn chung paw’n an let dik kim thei lo chu a nih hi. :-P

    [Report abuse]

  21. 21
    Kawhterenga Says:

    A va mak teh nuaih ve le 20 chu! :-P tuaisial@19 tihna. l (N) o = lo. Virus vang vek :-O Mizo tawngah ‘g leh j’ te hi dik taka hmanna tur reng reng a awm hlawl lo. (N) :-P

    [Report abuse]

  22. 22
    TuaiSialA Says:

    ‘g’ hi chu double adverb-ah phuahchawp deuh takin a hman thei, a remchang khawp mai.

    [Report abuse]

  23. 23
    Dr Mahminga Sailo Says:

    Tukinah ka comment a lut thei tlat lo… :-S

    Thumal thenkhat lovang, lova, adt hi V tel lova ziak ho hian lo ang, lo a tiin an ziak chawk a. A dikhlel deuh lo maw..?

    Mah reng reng se.., post-tupa, V duh lo teh mah la, i bialnu erawh a V tho tho ang… :-D

    [Report abuse]

  24. 24
    Kawhterenga Says:

    #23, Thumal thenkhat lovang, lova, adt hi V tel lova ziak ho hian lo ang, lo a tiin an ziak chawk a. A dikhlel deuh lo maw..? :-S
    Nia, dik hlel angin lang mah se a dik zawk a ni. (I) lo(v)a tih hi V telh duh kher ho tan pawh ziah zawm loh tur a ni reng reng mai. :-O lo(v)ang tih pawh hi a riin vawi 10 vel han lam ri mah teh, a awmzia a bo á¹­hak ang a, chumi hnu chuan LO ANG tih hi a dik zawk tih i hre ve mai ang ;-) (Y)

    [Report abuse]

  25. 25
    Kawhterenga Says:

    TuaiSialA#22 ‘g’ double adverd-a hman dan chu hriat a chakawm hle mai :-( ‘A cher sang ropui sia a rawn kal phei Guau Guau mai’?! :-D Hetah hian ‘get/got’ tiha g rik anga lam rik a ngai bawk si!
    Tin, thumal modified form nei lo chu ‘KAL’ hi a ni. A rik dan a danglam ve thung. (*) ‘Bazarah kein kan KAL, kan KAL laiin ruah a la sur zui! :-P

    [Report abuse]

  26. 26
    bk Says:

    Ka comment tura ka chhut teuh a lut thei miah lova, ka va ui e…. :-P

    [Report abuse]

  27. 27
    jin Says:

    v chungchángah hi chuan English ang deuh hian
    lo ang [also lovang]… tih mai a tha… engtikah mah kan inthurual dáwn lo…

    [Report abuse]

Leave a Reply

You must be logged in to post a comment.