Lak aiin pekin Lukhawng a nei.

July 29th, 2012 3:15 pm by PKfanai

“Englo lak aiin pekin lukhawng a nei zawk” (Tirhkohte 20:35)

Europe a University hmingthang tak pakhatah hian, Professor thiam tak mai hi a awm a. A thiam mai pawh nilovin, engtiklai pawha Zirlaite harsatna hrilhfiah sak tur leh zirtir tura inpeih reng mai anih avang chuan ngainat pawh a hlawh hle a ni.

Tukkhatchu, chu Professor leh zirlai pakhat hi in lam pana an hawdun laiin, kawngsir deuhvah hian pheikhawk hlui chhetawh tak mai bunkhat lo awm hi an hmu a. Chumi kawng bul lawka Leileta hnathawk loneitu, rethei tak mai leh tar tawh tak mai pheikhawk chu anih an ring thiam nghal mai a. Tlai lam anih tawh avangin, a rawn bang dawn tep tawhang tih pawh an hrethiam a ni.

Zirlai tlangval chuan, an Professor hnenah chuan, “Sir, He Loneitupa hi I fiam teh ang khai; a pheikhawk hi sawlai hnimbuk karah sawn thukru ila, sawlai thingkung phen atang sawn lo bihthla ila, ahan zawngbuai tur vel leh, a han mangang vel tur kha hmuh a chakawm alawm maw le” a ti a.

Professor chuan, “Valte, miretheite mangang taka siamin kan intihlim tur ani lovang; Chhungkaw awmthei tak inni tih ka hria a, I nu leh ipate pawhin pocket money tam tawk tak an paitir reng thin che tih pawh ka hria e. I pawisa thir (coin) kha hepa pheikhawk chhungah hian dah ve ve la, he loneitu rethei takin a pheikhawk a rawn bun dawn huna a pheikhawk chhunga tangka alo awm reng ahan hmuchhuak lai tur vel chu kan lo bihthla zawk dawn nia” a ti ta a.

Professor sawi ang chiah chuan chu zirlai chuan a ti ta zawk a. Tichuan, Hnimbuk tak phen atang chuan an lo bihthla ta a ni. Chu Loneitu rethei tak chuan ahnathawh chu duhtawkin, a kawrfai leh pheikhawk awmna lam chu a rawn pan ta a. A kawr chu ha tha mawlh mawlh pahin a pheikhawk dinglam chu a han bun mai dawn a. Mahse, a phu ta zawk mai, a pheikhawk chhungah chuan thil engemaw sak deuh tak a awm tlat mai, a ke chu lachhuak lehin a han enchiang ta a, chutah pawisa tlevar mai awm ahan hmu zet chu, mak a tiin a lawm kher mai. Mi hmuh tumin a han hawikual vel ruai ruai a, tumah a hmu bawk silo. Pawisa chu a ipteah a ak that a a. Chtah phur tak main a pheikhawk veilam chu a han bun leh dawn chuan, a hma ang bawkin thirin alo kam leh a, ahan enchain chuan pawisa bawk alo nil eh si!!

Chutah zet chuan, Lawm lutuk avangin abiangah chuan mittui alo luang ta ngiai ngiai mai a, a thingthi ta rawk rawk mai a ni. Thingthi chung chuan, a awm nghengin a kutphah pahnih inthlawp zatin a dah a, vanlam hawi chungin Ring takin Pathian hnenah Lawmthu sawiin a tawngtai ta a. A Lawmthusawi tawngtai naah chuan, a nupui tar tawh tak leh bawrhsawmna avanga engmah thawk theilo te, a fate eitur neihloh avanga a rilru hah zia leh mi tu tih a hriatloh ten pawisa a pheikhawk chhunga an lo dah avanga an eitur leina a neih tak avanga a lawm zia te chu a chham ta mawlh mawlh mai a ni.

Chung thil ahan hmuh zet chuan, chu zirlai thinlung chu a khawih ta em em mai a, Lawm avangin a mitui a luang chhuak ta hial zawk a ni. Chutah, Professor chuan, “Ka nau, tunah khan, he Loneitu fiam I tum dan ai khan, I hlimin I lawm zawk daih lo ang maw?” tiin a han zawt ta khauh lehnghal a. Chu Zirlai pawh cuan, “Sir, vawiina I thil min zirtir zet chu, a ropui ka ti ngei mai; ka damchhungin ka theihnghilh tawh hauh loving le, Bible a, ‘Lak aiin pekin Lukhawng a nei zawk’ tih awmzia kha, tunah zet chuan ka lo hrethiam ta” a ti ta a ni.

Similar Posts:

Recent Posts:

18 Responses to “Lak aiin pekin Lukhawng a nei.”

  1. 1
    TuaiSialA Says:

    Chhiar ang le’m.

    [Report abuse]

  2. 2
    Kawhterenga Says:

    Ngaihnawm lutuk (Y)

    [Report abuse]

  3. 3
    Kawhterenga Says:

    Ka ti leh pek dawn, a ngaihnawmin a va ropui em (Y)
    Sunday nen pawh a inhmeh hle mai. (I)

    [Report abuse]

  4. 4
    lr hlonchhing Says:

    Good post…
    Lak aiin pekin lukhawng chu a nei zawk ngei mai a, a let leh um rana pe thin an awm anih erawh chuan, a ropui ber lem lovang.
    Phaltaka petu leh a let leh en lo tan erawh, thil hlu tak a ni thung.

    [Report abuse]

  5. 5
    ninja Says:

    Tha khawp mai (Y)

    [Report abuse]

  6. 6
    houdini Says:

    Chhiar a nuam e. A á¹­ha khawp mai bawk (Y)(Y)

    [Report abuse]

  7. 7
    century child Says:

    (Y)

    [Report abuse]

  8. 8
    PKfanai Says:

    He thawnthu hi midangin an lo post tawh ka hlauthawng angreng khawp mai a. Post sing chuang a awm tawh a, ka en let vek peih bawk silo va. Mahse hei, tuma’n post a awm tawh thu in rawn sawi lem lo va, a tha e.

    [Report abuse]

  9. 9
    H.Vangchhia Says:

    (Y)

    [Report abuse]

  10. 10
    saint sammoo Says:

    Tukkhatchu, chu Professor leh zirlai pakhat hi …..
    Tlai lam anih tawh avangin, a rawn bang dawn tep tawhang tih pawh an hrethiam a ni.
    PK.. ni a va rei lo ve… uang mai mai..

    [Report abuse]

  11. 11
    bbney Says:

    #10 :-P
    Zirtir a nei tha khawp mai. Ngaihnawm bawk, zirtir nei tha bawk. (Y)

    [Report abuse]

  12. 12
    Charice_mizo Says:

    Lak aiin pekin lukhawng a nei tih hi Kristian, Pathian ringtu inti te tan chuan slogan pui bera neih chi a ni, tunlai khawvel kan nitin hun hmana duhamna, itsikna leh mahni inhaivur ringawt tuma kan hmanhlelh lai hian he thuchah hi hrechhuak leh zauh thin ila ava sawngsawhlawt dawn tehlul em ka ti…Pu Pk, thank you for the message..

    [Report abuse]

  13. 13
    Lamji Says:

    Ngaihnawm reuh. (Y)

    [Report abuse]

  14. 14
    covenanter Says:

    Ava han ngaihnawm em, Mizo te hian Bible min zirtir ang tlawmngaihna hi pu ila. Kan hnam tlawmngaihna ang hi chuan infakna tur a awmlo em mai. Mizo ten thianchhan thih ngam kan tih hma khan Lal Isua kha chuan, Thian tana tih theih sang ber chu nunna hlan a nih thu min hrilh tawh bawk a nih kha le. Chuvangin Krista zuitu kristian te chu Lal Isua tlawmngaihdan zirtir ang hian i tlawmngai ang u. Tin Lal Isua vekin, “Mi in i chunga an tih a i duh tur ang bawkin mi chungah ti ve rawh” a ti a ni. Miin min kan chunga an that vang ni kher lovin kan chung ah miin thiltha tise kan duh tur ang chi chu midang chunga ti hmasa tur in min hrilh a. Confucius a zirtir na ah chuan ” I chunga miin an tih a i duhloh tur ang chu mi chungah ti suh”a ti ve thung a ni. An danglamna chu Confucious a zirtirna ah hi chuan michunga thilthalo tih loh kha a tawk mai, hei pawh a that rualin Lal Isua thusawi hi a rilzawk in ka hria.

    [Report abuse]

  15. 15
    PKfanai Says:

    Pu Saate, nizan dar 11 hnulama hmanhmawh deuhva ka buatsaih ania, ka ennawn leh tawh lo va, typing leh computer mistake bakah mizotawngte lamin duhthu alo sam zo lo anih tak hi. ‘Tumkhatchu, tìh awm zawk tak anìh tak hì. :-P

    [Report abuse]

  16. 16
    saint sammoo Says:

    error/mistake nei lo pawl tak i nia.. ka hmu langsar deuh a niang..haha..
    nang chu fak chawp i ngaih loh kha..

    [Report abuse]

  17. 17
    mamboihi Says:

    Hei zet chu a va tha tak em.. Puih ngai ni lova pui thei tu zawk nih hi Pathian malsawmna a ni.. (Y)

    [Report abuse]

  18. 18
    Dr John Says:

    Tha khawp mai, A Ngaihnawm mai bakah Zirtir a nei tha hle mai, Pu PK-a nge nge (Y)

    [Report abuse]

Leave a Reply

You must be logged in to post a comment.