Ka fâwp ning lo

July 30th, 2012 12:30 pm by Awmtea Leo Khiangte

Thu duli te te ka’n vawm bei ve ang e. A saisa nuai(h) mai thei. Uisa mah kan ei alawm le, saisa te chu a vân vân nen. :-D

Kan Lalpa kum sanghnih leh pasarih chu ka tân kum chhinchhiah tlâk tak a ni. A chhan chu mawm, duh taka ka fawh vawng vawng tûr ka tawnna kum a ni tlats!

Kum sanghnih leh pasarih kâwl a lo ên a, class kan tan leh meuh chuan engdang mah enghelh leh vei êm êm nei lovin kan ri huah huah thin. Class kal ka châk chhan pakhat erawh amah vang liau liau a ni. Mahse, a bulah duh angin ka awm tam theih tlat lo. Break lai chauhin ka la hmu thei zui. A hmêl ka hmuh tawh hi chuan lapua ang lek hian ka zâng hui mai nia. Ka zei lo ka ti dâwn nge min bual â ka ti zâwk dâwn le.

Midangte thatna a zâra mi chaw bar ruala bar ve thei leh, mite hmai phih ruala phih ve thei hrâm hrâm tân chuan vâna rah ang chu ni êm lo mah se, a teuh khawp ang! Keini ang vaihlenhlo thenawm mai tân zawng a tina han tin chi niin a lang lo. Mahse vâl hi a zûnah chhâwl ang mai ni lovin pipu angin ka uai a, ka’n inthen tak tak chu(h) vân tukverhah ka dak zuau zuau nia! Vâl zei lo leh to lo tih takah bêlchianga han hnaih tûr chuan ka kaiza thain min chelh ding zo lo va, kawl bun ang hlauh ka ni. Break lai erawh chuan ka thiante nên a bulah kan kal ve thin.

Aw, ka bawih, hun kha leh chen ka lo lonely pui tawh che asin. Ka bei hi dawng hma hlek se’ng chuan ka tân ‘chatuanin mangtha’ tih a ngai dâwn si a. Mahse khuanu thatna a zârah tunah zawng ka tân ni leh thla a lo êng thar leh ta. Tûnah chuan ka tân ni chhuak hi ni hlimawm a tling zêl tawh a, kâwla liam tûr pawh hi zânin atân mangtha tihna atâna duhthusam a lo chang ta e. Chu chu eng dang vang ni lovin NANGMAH vang hi a ni asin.

Ka duhlai, ka fâwp ning lo che. Mahse hun hi kan tân chung Pathian khian a lo ruat tlêm lulai êm a ni. Dârkâr chanve êm pawh tling thathum lo hi kan hun neih chhun chu a ni mai si a. Tûn thleng hian lungawi theih lohna pakhat ka la nei ta fo mai. Ka bawih, i bula awm hi nuam ka ti a, ka lungawina ber i ni ka tih thin kha. Mahse ‘ti nge tûn thleng hian i ânka nêm ka la dawn ve miah loh. Duh thawh takin ka fâwp vawng vawng che a, ka ning ngai rêng rêng lo che. Min hnial lo mah la, i chhân lêtna ka dawng ve ngai lo erawh a na ka ti! Ka bawihte, ka fâwp ning ngai lo che… Aw ka bawih ALU PAPAWR! :-P

Similar Posts:

Recent Posts:

24 Responses to “Ka fâwp ning lo”

  1. 1
    lr hlonchhing Says:

    Ka fawp hmasa ber dawn

    Report this comment

  2. 2
    lr hlonchhing Says:

    Hi2, ka first thei e. First awlsam dan accidentally in, ka’n hmuchhuak tlat pek a. Tumah ka hrilh dawn lo rengs, a hnuaia post pawh khu ka f1rst a.

    Alu papawr zuna uaiin, van tukverhah te pawh i han dak zuau zuau a ni maw? Tha lataks…

    Report this comment

  3. 3
    Awmtea Khiangte Says:

    Hehe… a tui ve em a tin ni :-P

    Report this comment

  4. 4
    lrpa Says:

    siki tiatin kan comment ve..meizial i ti dawn maw ka tia! :) nula lam kha chu rilru ah a lang lo sa a :)

    Report this comment

  5. 5
    drake Says:

    vaipa in kut bal tawk leh thlan huam a, a siam ngei ami :-D

    Report this comment

  6. 6
    Sihtea Says:

    Alu paratha erawh, a fawh a,fawh maipawh duhtawk lovin, a thialin i thial nuau nuau thin, a ni lawmni?

    Report this comment

  7. 7
    Sihtea Says:

    Alu paratha erawh, a fawh afawh maipawh duhtawk lovin, a thialin i thial nuau nuau thin, a ni lawmni?

    Report this comment

  8. 8
    Dr Mahminga Sailo Says:

    Post hlimawm tak a ni (Y) , val-luck-lo post ni mah se… :-D
    # 4.. nula lam kha chu rilru ah a lang lo sa a.. (Y) :-P

    Report this comment

  9. 9
    lrpa Says:

    Kan naupan lai (2007 tih vel hi chuh!!! ), Boys School kan kal lai chuan NuNgeni (a hre lo chu mi ‘a’ an ni mai hehe) dawrte, Pu Lawma dawr kawt a vaipa, ‘mix-a’ kan tih mai te..a rei ve ta hle mai a…han ngaihtuah let hian a mak e..Aizawl College building awmna te khi kan sam fai nasa thei e..chung hun lai chuan Alu leh papawr hi a lar lo! vur leh hairep te..ka hre tawh lo enge lar deuh ho kha..Pu Zaruma mawlh kha..
    conclusion ah chuan papawr chu ka fawp ve chiah lo deuh ani e..

    Report this comment

  10. 10
    Awmtea Khiangte Says:

    Ka fawp leh chak e….

    Report this comment

  11. 11
    lrpa Says:

    uak..vai ek!

    Report this comment

  12. 12
    sheldon Says:

    I nula fawh chungchang i sawi dawn emaw tia… Tha e. Thu i thiam (Y)

    Report this comment

  13. 13
    Dr Mahminga Sailo Says:

    @ sheldon… A luck-lohthlak e ti raw… :-D

    Mahse, post-tupa hian *-tu a nei tawh… (*)

    Report this comment

  14. 14
    sheldon Says:

    @mahminga, post tupa hi chu bus tawt ah chuang leh se tha mai…hehehe

    Report this comment

  15. 15
    Kawhterenga Says:

    ALU PAPAWR…… :-D :-D

    Report this comment

  16. 16
    shabito Says:

    Tinge Zo Nun Mawi Hlutna-III khi admin te’n comment an close daih le :D

    Report this comment

  17. 17
    Kosmovision Says:

    Tha dap dap hle mai

    Report this comment

  18. 18
    Dr Mahminga Sailo Says:

    # 14… :-D :-P @ sheldon.. Post-tupa hian Bus tawta chuan nuam a ti ber ti raw?

    Report this comment

  19. 19
    Awmtea Khiangte Says:

    Vawiin pawh bus tawt zetah ka chuan leh tak kha! A bak chu sawi thui dawn lo rengs :-P

    Report this comment

  20. 20
    Lamji Says:

    ALU LEH PAPOR.. Papor nge papawr? Home made ngei hi a tui..a hmeichhe lawm chi deuh,sunday tlai ah..etc etc. :) Keichu a ei a ei ngei mai hian a tui ber ka ti. :P :)

    Report this comment

  21. 21
    Awmtea Khiangte Says:

    20 @Lamji Kei chu kan fawp dawk dawk mai ila tui ka ti ber :-P

    Report this comment

  22. 22
    Lamji Says:

    Hahaha!

    Report this comment

  23. 23
    houdini Says:

    I va ziak ngaihnawm ve… (y)

    Report this comment

  24. 24
    H.Vangchhia Says:

    Alu papawr i fawp ṭhin a maw? I hne dek dek a nih duh hmel zawk haierehai :-P

    Report this comment