Zoram Politics Thlirna Part One

July 11th, 2012 10:22 pm by VaiVa

(Zoram Thlirtu ah ka post tawh tho na a, post kar awl hnawhkhah nan aw!)

Zoram politics i thlir ang aw…

Congress (INC): Cheng hnih zawr ang mai paih hleih theih si loh, hman theih tawk tawk an nia. An hotupa in tawngkam a duh tui lo hle. Mizote min hmusit lek lek thin. Worker te Pu Hawla lawmzawng sawi an tum, mipuite lawmzawng an ngaihtuah lo. An liberal phian a, Pathian nung erawh an lam zing hle lawi si. NLUP bak hi flagship programme an nei a nih pawhin party mi leh sa ten sawi tur an hre lo. An rorel laiin essential commodities man a pung nasa hle. Land reforms an ngaihthah viau laiin Land Use Policy erawh an nei lawi a. Financial Administration ah an hlawhchham chiang hle a tih theih awm e.

Education lamah hma kan sawn teh chiam lem lo a, technical/ higher education lam ah han sawi tur hmalakna an nei lem lo. Health lamah an pachhe hle bawk. Environment leh Forest conservation lamah minister thlengin hming hliau an awm. Youth & Sports lamah chuan fak an hlawh viau lawi a, centrally sponsored tam takah sawi chhuah an nei tam hle :P

Verdict: Mithiam leh thalai zingah tla na lo hle mah se Babute a sum ringin thingtlang lamah an la tla na hle tho mai thei.

MNF: An ni hi vangvat kai leh kailo atangin an inthliar deuh a. Sum lamah chuan Pu Zorama khan Advisor Pu Hawla ai chuan a nei tha zawk ani mai thei. Party induhsakna a lar hle. BAFFACOS ah an hming chhe hlawm tawp. Nationalism hi an mahni ta bik emaw ti khawpin an au ring a. A tak ramah chuan An nationalists em em lo a niang BJP te an thlawp kual mai mai thei bawk a. Hausa ta hluai an pung nasa hle. An hotupa in tawngkam a thiam a, a tawpah a in tawng awk ta a ni. An ni hian Land reforms lam an han bei chiam a, health care lam pawh an ti na sa, nepotism an rawn ti lar chhuak leh a. Kum 10 chhung a an in vulh lian a nih chuan leh pekah chuan eirukna pawh an do thei tawh mah na…

Verdict: Thalai ram vei ten an la bawm a, chance an la nei ve tho mai. Tan rualpui an zawng leh mai thei bawk.

ZNP: An ni hi sawrkarna la chang ve miah lo an ni a, Pu Hawla an pui bawm leh ngeiin a rinawm a. Hotupa in tawngkam a thiam hle a. Sawi thui vak tur an awm in ka hre lo. An mahni khan rawn sawi mai se la. Midang ring a politics khel ve tawk tawk an ang deuh berin ka hria :P

Verdict: A mal chuan an din ngam ka rin loh mai bakah candidate 20 an neih mumal ka ring lo ve ngawt :P

MPC: Pu Thena chu la chakvak se la tun dinhmunah chuan thawm ring deuhin an tla thuaiin ka ring phawt a. Policy an nei tha a. Implementation pawh an bei tha. Hun an nei rei lo em a, kan sawi sual deuh mai thei a. Rambuai lai boruak nen inchirhthehna karah tla in an thamral ta atih theih mai awm e. An hmathlir a thui a, a ruh pawh an ruh hlawm. An vision hi thalai ten tha an la ti tlangpui a. An tlin erawh an ring tawh lem hlei lo va. Bairabi Project kha unfinished dream project a ni awm e.

Verdict: Tun dinhmunah chuan hruaitu dynamic deuh an nei a, revamped tak tak an nih loh chuan six basic needs hian a chhan zo leh dawn lo. Amaherawhchu, ZNP nen emaw tan an lak thiam chuan hma sawn thei tak tur an ni.

……………..te ka ti vel mai mai a…. ka thlir dan, Mizoram pawn atang ngei a ka thlir dan mai mai a nih hi :P

Similar Posts:

Recent Posts:

51 Responses to “Zoram Politics Thlirna Part One”

Pages: « 1 [2] Show All

  1. 51
    Dr Mahminga Sailo Says:

    Naupanga thudawn ni mah se, hei hi ka’n sawi lang mai mai te’ng. Middle sikul kan kallai a nih avangin, thu dik pawh a ni lo mai thei; mahse rilruah a cham ve reng thin.

    Kum 1995 khan kan khua Thehlepa kan awm lai a ni, Pu Hawla CM lai. July thla vela kan vengin kan hlauhthawn em em pakhat chu: Chakma/takam hovin Serthlumkawn (Sazaikawn bul, Lunglei District zel awmna) thleng an autonomous district council atan an dil tih kha a ni a. Mahse, vanneihthlak takin Rajya Sabha-in an dilna a hnawl tih a ni.

    Kha’ng hunlai atang khan Pu Hawla/Congress hian tuikuk/takam a duhsak tia vantlang titi kan hriat thin vang a ni mahna, Pu Hawla leh congress ka ngaihdan hi a la dik thei tlat lo, vote erawh ka la thlak lem hlei lova… ;-)

    Report this comment

Pages: « 1 [2] Show All