Euro ka hriat ve reng dan chu

June 30th, 2012 10:30 am by chhingdailova

Euro ka hriat ve reng dan chu

(Naktuk Euro final pual in)

Euro leh theihai lawh:

Savun hampuar hi engtik lai atang khan nge maw ni le ka tui loh thar  tak em em le ti ila, a hun lai hi ka hre tawh bar lo. Kum 2001 World Cup kha chu ka la en ve ngei a. Kum 2006 khan match khat pawh ka en kim lo hial ta ve ang. Euro tak hi kum 2004 khan en ngai hlei lo kha chanchinbuah ziah ve a ngai ziah a, ka u ten inkhel boruak min hril hmangin internet nen  tangkawp khan ka ziak ve tawh bawk a. Kum 2008 kum Euro kha a match hmasa ber kha ka en ve ngei a, en tih lemah ka thianten ka inkhel en min tih buai avanga phuba la tur a kal ka ni zawk mah a. Chiangkuang pawhin ka hre ta bar lo. Ka hriat reng zawk erawh chu kha mi hun lai vel khan theihai kan lo tih zawng a ni mai. Euro kum e ti lo chuan Savun hampuar pet  lam a harh tharna khan min han nuai lo mai mai khawp a.  Ka thian te khan Badminton khelh kha an atchilh mauh mai a. Kan thianpa pakhat te hostelah  kan in khel ve thin a. Kan inkhelhna bulah hian theihai a rah teuh thin a. Kha theihai kha kum khat hai a ni ta in ka hria. A kung kha sang ang reng sia, vai ho hian an lo ngam lo ni ngei tur a ni. An vawm emaw an hawlh emaw  mai mai thin kha a kungah kan lawn chilh rap a nih kha. Kan naupang lai kan ramvahna velah hian  kan hmu thin a. Thing lawn theihna tiin kan ngalah khan kan chulh ve chiam thin a. Thing lawn kha kan theih phah emaw ka hre hran lo.

Theihai lo tura kan insang phek vel chu rin aiin kan lo fit tawh lo tih ka hre chhuak a. Kan taksa te hi a lo tang deuh tawh tawh mai a. A kunga han lawn chillh takah chuan a tam pawh a lo tam ngiang mai a. Vai ho pawh hian min en duh thin khawp mai. Kan theihai lawh chu Polythene khat deuh hnawk in kan hawn thla mai chu, kan thianpa kha hostela awm, dum ren run pawh kha a nui khi sung mai a. Zanah hostel danga Mizo hnenah kan sem dawn nia a ti hem hem mai a. Mahse, sem ta lem lo chuan kan dik dak zo ta vel niin ka hria.

Euro leh Mission trip :

Euro lai a ni na chung khan khua a thalai pawl in Mission field kan neihna a zin a ngai tlat mai a. Kan khuaa kohhran thalai te hian hian Himachal Pradesh a tlang chhengchhe tak karah, Malana hmunah   Mission field kan nei a. Malana a cheng te hi mak leh dangdai tak a ni a. Alexander Ropui an India a run tum a, a sipai la cham bangte thlah a in ngai tlat te an ni a. India ram dan leh dun pawh an zawm ve lem lova, an mahni in an awm ve deuh tawp a, khawvel dang in an tlawh pawh an duh lo  ang bawkin khawvel dang an tlawh pawh tam lem lo. An mahni hi khawih thiang lo an ni a, khawih chuan pawisa chawi theihna a ni. Thil lei dawn pawhin kut a inpe lovin  kan pawisa kha lei a dah a, kan thil lei duh kha an niin leiah an dah ve thung ang tih vel a ni. He tlang ramah hian Pathian in rawngbawl hna kum 1998 atangin kan kohhran thlaite min thawh tir ve a. Rawngbawl a harsa in a buaithlak hle a, mahse vawiin ni thlengin Pathian in a rawngbawl min la phal sak a, kan lawm hle a ni.

He Malana khua hi kum 2008 kum tir lam khan a kang chiam a, vura thlak nasat  em avangin kal pawha harsat hle a, chhawmdawlna pawh tih mai theih a ni lo. An chhiat tawhna te hria in EFICOR (Christian NGO) lam in tanpui an duh a,  kan mission field a lo nih avangin kan thawk tlang ta a ni ber. Chumi tanpui hna thawk tur chuan  he tlangah hian zin a ngai ta a ni. Euro a sawi theih loh a, zirlai buai a sawi theih hek lo.  An lo haw ni hian final an khel dawn zan tak a lo ni ve reng a. ka hriatna bawm chuan Euro leh Malana zin a record tel ve ta reng mai a ni.

Euro leh Gate lawn liam:

Savun hampuar pet ka tui loh tehreng nen kum 2008 EURO final chu en ve ngei chu kan tum ve a. A tui ber ang ziazangin Screen lianah ngei en kan la tum zui. Final kha  Pathian ni a nih avangin Thalai Fellowship zawh chuan en turin kan kal ve a. Kan enna tur hi a hlat deuh avangin  leh a hun a hma vak loh avangin kan hmanhmawh lo ve ngawt a. Zan dar 11 emaw velah kan nau te Motor in min lam dawn nia kan tih kha, kan motor chan na tur lamah khan Gate an lo kalh heu tawh mai a.  A kawng kual lama Jeep a nileng  tlan, a short cut lama midum  nihliap a in hawlh phal ang em a short cut ni lo mahse, anni tan han tlan kual leh a harsat avangin ka thianpa nen kan pahnih chuan gate-a lawm liam loh chu tih theih danga vang ta khawp mai. Kan han en vang vanga rin aiin a sang deuh na a, tlangval tan chuan a lawm liam theih mai avang chuan kan han lawm liam ta ngawt mai a. Nula kan hruai ve ang tih a va hlauhawm ther ther ve le.

A hmun kan va thleng a, chhungpui nu a lo mu tawh hlauh avangin thingpui pawh kan dawng ta hauh lo mai. Mahse, ka vui miah lo. Kan duh ber mai inkhel a hmai hlai chi in kan va en thei a. Mahse, zan khawtai rek hnu lamah chhangchhe in a inkhel en chu thawm dim a ngai bak ah a in hawr phur tham kha kan kal chai loh avangin a nuam fahran lo.  Inkhel lai lai in kan thianpa pakhat hian sachek in chawi puiah min lo cho khanglang a, Sachek man na na na chu India ram sorkarin pawisa min pek ve tlem te hmang hian a lei zo bawk a, ka lo aw ve thawr mai pek a.

Kan naute zin haw hah zawk (Malana a kal vek an nia ka nau te hi) kha an meng fim kar a, a zin hah ve hlei lo kei ber kha kan muthluk sak leh pek kha maw. Naupang  mut duh rual lek kan ni h lai kha chuan zan khawtairek a inkhel hi kan meng thleng peih loh vangin  kan lo chahthlak san ziah a. A meng thleng peih kan nu te khan min han kai tho thin tak na a, kan en tui thei thlawt loh a nih kha. Khaw en lai a titi  bera kan lo neih ve a nih miau avang khan min han kaitho ve tak na a, a hun thlen chuan zu rui kaithawh an sawi chu nepte an tih ang deuh  hian “ Hmmm” kan tia thawh zai erawh kan rel hlei thei thin lo chu a nih kha maw. Naupan chhiat a reh a, tlangval senior nih hnu pawh hian mut hi chu a la tui thei tho a nih hi mawle. An inkhelh tawp dawn lamah chiang mang lovin ka tho ve a. Mahse, ka tan lam lah chak hek suh, sachek chu ka chawi ta nge nge a nih kha.

Similar Posts:

Recent Posts:

6 Responses to “Euro ka hriat ve reng dan chu”

  1. 1
    Ruata Pachuau Says:

    .

    Report this comment

  2. 2
    chhana Says:

    A ngaihnawm e, naktuk chu kan en tlang a niang chu, Italy ka ṭan ang.

    Report this comment

  3. 3
    sisen Says:

    vawiin hi a reh hle mai

    Report this comment

  4. 4
    PKfanai Says:

    EURO leh World cup te hi kum 4 danah daih an awm si a, a awm khat avang hian a hlut phahin ka hria. Inkal thelh chiaha a han awm hian kum 2 dana awm zel ati ang a, a ziaawm khawp mai. A uihawm dawn ruai ruai mang e.

    Report this comment

  5. 5
    sheldon Says:

    Euro kan ngaihsan dan a inchen lo nasa mai sia le. Pu Pk sawi ang hian World Cup nen a inkal thelh chiah hi a fuh ngawt mai. Kum 4 chu rei deuh a nia. Inkhel hmuhnawm en vanga mut han khamloh deuh hi chu a pawi ka ti em em lo. Cricket pawh hi ka en ve fo ania aw post tupa

    Report this comment

  6. 6
    chhingdailova Says:

    Tun tum chu vawi khat ka en ve a, ka en zan lah khan ruah sur avangin an la delay zui kha a nia. kan enna in a lum si ka ril a tam bawk nen man hla ka va ti lo tak em….

    Report this comment