CHHAWR(h)THLAPUI

June 30th, 2012 10:30 pm by vakul

Chhawrthlapui van zawl kaiin a her,
Hleinga par chawiin chhuahtlang a mawi;
Phungrual si-ar nen thangvan an tial e.
Lunglen thal chhuakin zan tlaia’n,
Ziakfung chawi loh zia reng em ni le?

Zaleng an ngir, lawi ang thang vangkhaw kawnah,
Tlangza hlim zai-relin tual sangpar an chuan;
Run nghak lawhleng mi u lungrukah.
Khartung sawn maw a di Lengzahmawia’n,
Duhaisam vai ang thang lo se.

Run sawngka leh lumlang daiah,
Vanglai an hril e, hring chang hmaten;
Chhawrhthla engah sulihnu a chul ngai ne’m.
An chhal e, lenlai sakhming than hawl renga’n,
An hril zel ang zingphul thlen hma chuan.

Dairawn lenbuang leh hnah nem-a’n,
Nung thilten zai tin vawrin tlang an awi;
Lenchawm leh ri-tin an rem.
Lungrukah duhthuleng sam ta i,
Hlunding chang se zantiang chhawrhthla hian.

Hmanah thlang sappui chun leh zua ten,
Saisen an chawi lai tawnah;
Piallei ram pela chuana’n duh an sam e.
Zofa leng tan a mawina maw,
Zuapa’n tleithiah min ban zawk e.

Phungrual-Thenrual
Lawi ang thang-hmingthang
tual sangpar-hmun sang/ tuallai pawng sang lai
lawhleng-nula
lengzahmawia-tlangval
vai ang thang-bo leh duak
run sawngka-varanda/kaiten/luhka
lumlang dai-chhuat dai
zingphul-mitthi khawvel.
lebuang leh hnahnem-thing leh hruizam ho
lenchawm-khuang
hlunding-kumkhua(hmanna-kumkhaw daih)

Chang tawp ber: Sapte chuan an nauawmte hnenah “Thlapui khi Bawiha(i) la lawnna tur” an ti thin a, zofate erawh chuan “Thlaa lo tla rawh matea’n a awrh nelh nelh ang che” an ti daih a, kan tleipui em em thin.

Similar Posts:

Recent Posts:

45 Responses to “CHHAWR(h)THLAPUI”

  1. 1
    PKfanai Says:

    Lo ril em em vek hlawm mai anih hi maw le. A tha khawp mai. (Y) Pu Saatea te hovin rawn lepse teh se. Kei chuan thiam ka ti em em vek mai che u.

    Report this comment

  2. 2
    VaiVa Says:

    Headline a (h) tel khi ka hrethiam lo :-O

    Report this comment

  3. 3
    houdini Says:

    I rawn rem nalh khawp mai. (Y) (Y)
    RL Thanmawia Mizo hlathu hrilhfiahna (em ni kha? a bu hming ka theihnghilh ta deuh roh) aṭang khán lawhléng tih hi ka hre ve chauh. A rawn phuah chawp em phei chu ka hre láw! Phuahchawp pawh ni sé a ṭha ka ti.

    Mizo ṭawng han hausak êm êm zia hi ka ti ṭhin!
    (Y) (Y)
    Mahsé, han ti leh pek ila, ṭ hi in chhu thiam hlawm lo em maw ni ka ti ṭhin; chhiar a hahthlâk tlat, hlathu kher lo pawh. Ṭ leh ṭ hi chu copy-paste chawp tal pawha thuziak täwi tëah chuan hman hräm hräm tùr.

    Report this comment

  4. 4
    vakul Says:

    Lal Vaiva, chhawrhthlapui tia lam deuh chawrh leh chhawrthlapui tia lam khamphei an awm thin a, ka rawn huam ve ve a nih hi.

    houdin, tri hi ka chhu thiam miah lo a ni e, engtia chhut tur nge, min han hrilh nghal teh a.

    Report this comment

  5. 5
    houdini Says:

    #4 vakul Tih dàn dang neuh neuh chu a awm a, ka thlàwp ber leh ka duh ber chu Mizo keyboard layout hman hi a ni.

    Misual.com post hetah hian kal la an lo hrilh mai ang che (Ziahsâ a awm ka tihna).

    A nih loh pawhin hetah hian kal rawh.

    Report this comment

  6. 6
    Saitawk Says:

    @vakul, ‘ṭ’ leh ‘Ṭ’ hi ka lo present ang che i chhawrthlapui vang khian! i duh hun hun ah i hmang tawh dawn nia.

    ‘Chhawrthlapui’ = Useful Moon. :-P

    Report this comment

  7. 7
    TuaiSialA Says:

    A hrilhfiahna awm thlap khi a tha lutuk.

    CHHAWR(h)THLAPUI (CHHAWRTHLAPUI)

    Zaleng an ngir, lawi ang (hetah hian ‘an’ tel se ka ti e….hehe) thang vangkhaw kawnah…

    Duhaisam vai ang thang lo se. (vai ang thang?)

    Chhawrhthla engah sulihnu a chul ngai ne’m. (Chhawrthla êngah suli hnu a chul ngai ‘nem)

    Nung thilten (te’n) zai tin vawrin tlang an awi;
    Lenchawm leh ri-tin an rem. (‘an rem’ ni lovin ‘an chhuah’ ni ta se…hehe)

    Hlunding chang se zantiang chhawrhthla (chhawrthla) hian.
    Hmanah thlang sappui chun leh zua ten, (te’n)
    (Y)

    Report this comment

  8. 8
    vakul Says:

    Ts i ti tha e.
    ‘an’ khi a tel chuan a buai zo dawnin ka hria…khaw hmingthang tak mai kawn laiah thalai rual an awm khawm a..tihna tur a ni a

    Vai ang tham tih tur a ni. Ka type sual chiang a hnuaia hrilhfiahnaah pawh khian ka copy-paste ringawt a, hmanhmawh nen..VAI ANG THAM= bo leh duak

    sulihnu khi mi hman ka hmu ve nual tawh a, an ziah zawm vek a, ni awm tak a ni a, mahse a zawm tur a ni zawk awm e.

    te’n hi chu a dik zawk ka uluk lo tih ka hre chhuak.

    ‘An rem’ leh ‘an chhuah’ khi ka inbuk a, an rem ka hmanna chhan chu lenchawm=khuang vang khi a ni zawk.

    I ti tha e.

    Report this comment

  9. 9
    TuaiSialA Says:

    Ka’n ti leh law law lawks.. :-D

    ‘an rem’ khian a hmaa noun pahnih kha a huam tel ve ve a, ‘an’ a awm avangin pakhat chauh sawi nan a hman theih lohah ka ngai a. Chuvangin, a pahnih huam zo turin ‘rem’ lovin ‘chhuah’ hi a âwm deuh zawk em aw….ka ti mai mai a. :-)

    Report this comment

  10. 10
    vakul Says:

    a tha viau tho ve, nia phuah laia tha zawka hriat loh hi in han sawi hian a ni vu leh tuk thin.

    Report this comment

  11. 11
    century child Says:

    A ril mawi raih2 hle mai. (Y)

    Report this comment

  12. 12
    houdini Says:

    vakul pawh chu ṭ chhut dàn kan hrilh tawh a, chhu lo bawkin a la thlâwk kual lauh lauh mai :-S :-D

    Report this comment

  13. 13
    lushai_er Says:

    Hla thu awmze bo thakin i rem khawm a lawm maw le.

    1. “Phungrual si-ar nen thangvan an tial e.”

    Phungrual hi thenrual sawina a ni a, i hla han chhiar chuan thenrual leh arsi zem khatah i khung khawm vek mai…..a dik thei dawn em ni ? Phungrual an kal khawm a, an tin darh leh thin. Vanah an lawn tir ngai pawh ka hre lo hlei nem.

    2. “Lunglen thal chhuakin zan tlaia’n”
    Lunglen hi tui tling thal ang deuha thal chi em ni? Lunglen chu a tho thin zawk lo maw ?

    3. “Zaleng an ngir, lawi ang thang vangkhaw kawnah”
    Hei pawh hi ulh tak a ni, Mizoten Lawi kan vulh ngai lova, Lawi hla a kan hman dan chu kan run chhungah lo lawi rawh tih lam hawi a ni deuh ber.

    A dang pah a la tam mai. Tluang tam deuh a hla phuah chin a tha, tawng upa hman dawnin a amzia hriat a tha bawk. Pu James Dokhuma ten chhiar se an hriatthiam ka ring miah lo……NOI

    Report this comment

  14. 14
    hlatekhua Says:

    A awmzia/sawi tum ka hrethiam map lo! Poetic word hrang hrang rem khawm chu a ni ngei mai a, chu bak chu sawi thui tur ka hre mang der lo.

    Report this comment

  15. 15
    Charice_mizo Says:

    lushai-er, phungrual hi thenrual sawina a ni tih chu vakul hian a hriat ve tho ka ring, hei hi poetic licence a ni e..si-ar lengrual (emaw a thian arsite) a tihna ah lo ngaihsak ve ta mai mai la, a dang khi chu aman lo chhang che teh se. Mizo tawng a hausak kan duh chuan kan hman thinna pangaiah, a ngai leh ngai ang hlira hmang lova tihdan han thlak ve deuh hlek te hi a tha em em a ni, a awmze bo thak chuang si lovin. Shakespeare-a te rengin English an duhtawkin an lepse a, tuman an khakin an nghirngho hleinem.

    Ka hlaphuah pakhatah pawh..”Ka tawna’n e suihlunglen leh perhkhuang zai rem hi, si-ar chawngmawi hrangchhuan ianga indi rial lo ni..” tiin ka hmanga, lushai_er te hi chuan an hrethiam lo nasa dawn tihna, chawngmawii leh hrangchhuana chu tingtang angin i perh tihna ami a tih hu ka ring tlat haha, hla anih tawh reng reng chuan a literal meaning aiin a intended meaning a pawimawh zawk, ka lawm e :-)

    Report this comment

  16. 16
    houdini Says:

    #13 lushai_er ka rawn chháng e, ka phâk tâwkin.

    1. Phungrual si-ar tih hi chhawrthlapui tán chuan arsite hi phungrual tih a rem lohna engnge awm?

    2. Hlaphuahtu kam zalenna (licentia poetica?) a hmang a ni e.

    3. Lawi ang thang tih hlathu i hriat loh vàng mai niin ka ngai.

    Report this comment

  17. 17
    vakul Says:

    lushai…phungrual hi thenrual a nih zia chu chiang ve ren rawn tak ka ni..haha.mihringah chauh hmang lovin thla tana phungrual chu arsite khi tiin ka rawn sawi a ni.

    lunglen hi thal chi a nih leh nih loh chu thuhran ni se…thla engin lunglenna min siam a..chu lunglenna chuan thu leh hla min pe a..chu thu kan ziah chhuahna ki chu nia ka sawi.

    lawi ang thang tih hi hla thu a ni a, hming thang sawina a ni a…ka hriatna a rei deuh ta ka confi lo zo va ka thianpa Pu Dokhuma hla thu hrilhfiahnaah a awm emawvka zawt a a lo awm mial a. a hrethiam dawn nih chu i hriatthiam chinah i teh vel ve mai mai lo maw..a lo tam lutuk bawk lo nen lolz.

    Report this comment

  18. 18
    vakul Says:

    Nia, han hrilhfiah vek law law teh ang:

    Report this comment

  19. 19
    houdini Says:

    I rawn hrilhfiah dáwn a maw? I hrilhfiahna awm sâ khi a chiang tek tawk viauvah ka lo ngái a. (H)

    Report this comment

  20. 20
    vakul Says:

    Tlar by tlarin…
    Thla khi van lai zawl lam panin a her mek a,
    Full moon a ni a, kawtchhuah chu a en phung mai a.
    A thian arsite nen vanah an rawn tial pe un mai a
    Lunglenna bun chhuah a
    ziak tura pen lek loh chi a ni lo.

    Khaw hmingthang ve tak kawnah chuan thalaiho an awm khawm a
    mitin mai chu mualpawng(ka mitthla tak chu Mualveng a ni) hlim takin an leng vel a
    Ina awm nula rilruah chuan
    A tlangval chu lo leng tak maw le
    a duhthusam chu boral mai lo se aw(Vai ang tham lo se)

    Luhka leh chhuat daiahte chuan
    Tar upa(hring chang hma)te chuan an vanglai an sawi a
    Thla eng hian nunhlui a ti thar fo thin a
    An vanglai chuan pui tak an nih thu an sawi a
    An thih hma zawng hetiang hian tarho chuan an sawi mai thin.

    Dai thing leh hnim velahte chuan
    Thil nung(rannung) hrang hrangte an hram a
    khuang an vua a, ri hrang hrang an chhuah ve a ni.
    Duhthu han sam ta ila
    he thla eng hian chatuan daih thei se aw.

    Sapte chuan an fate hnenah
    Thla khi an fate lawnna turin an sawi a
    Mizo fa tana a hlutna ber chu
    An paten “matea’n a awrh nelh nelh ang che(tleithi)’an ti hlauh.

    Report this comment

  21. 21
    lushai_er Says:

    Phungrual hi mihringte sawina a ni a, thla leh arsiten phungrual an nei ve ngai lo.

    “Phungrual an tin anga, vanduai kan run tahnaah hian” tih ten an hmang thin.

    Lawi ang thang hi ….hmeichhia pasal an neih a, mi in a an lawi hian mi zawng zawng hriatpui ani thin a, chu mi chu “Lawi ang thang” tih lo chhuahna niin ka hria. Tuna a hman danah khi chuan Tlawng vuaka Mat dap ang deuh a ni e…!

    Tin mimal zalenna zau tak kan nei vek a, tang tung tung lovin, hla thuril hi chu a hmanna tur chi chu a awm a lawm. In zir peih phawt chuan in thiam hrim hrim ang.

    Report this comment

  22. 22
    vakul Says:

    houdin, nia a tul lo tawh turah ka ngai a, mahse ka’n ti hnuhnawh leh a ni; a vawtu ek chehtir min tumtu an awm hlawm dawn tlat e :-P

    Ka mut hnuah ka mobile email a lo ri a, ka zuk en a..kan nu a titi tui tehreng nen…”hmm, ka thawh a tul tlat” ka ti a.

    Lushai_er-a comment ka zuk hmuh vang kha a ni a,

    kan nu ka hrihfiah a, ka tho leh ta a ni ;-)

    Report this comment

  23. 23
    houdini Says:

    Ka chung chung leha mi chu leh: :-D

    Report this comment

  24. 24
    vakul Says:

    Lushaia chu a rawn vaw hot thiam a, a tha e.

    “Khua lianah lawi ang ka thang leh thin
    Van hnuai sel vel a ngur ngai lova leng hnu;
    tluk loh val min rel e, lei danin”

    mawi hi ka ti thin a nia aw. Lawi hi Hmar hnam peng pakhat atanga lo chhuak anga sawi a awm a, mahse ran(lawi) sawina anga ngaih a ni ber; an bial, an ram chhungah na na na chuan an thang ve tih sawina ni e.

    Diriallova leh Awithangpa inchhanna hlaah khan Diriallova pawh khan “phung” hi thil nung ni lovah an hmang ve bawkin ka hria a, lo hmang lo pawh ni se, ka zam lo ve. Ka hman dan tak phei hi chu mawi ru riauin ka hre nghe nghe a sin le.

    Hla thu hi kan hriat dan pakhat chauh kha a lo ni bik hauh lo mai a, “puan ang hlui, puan ang chul, puan ang thar” a ni ve thei tho.

    Report this comment

  25. 25
    lushai_er Says:

    Nia lawm, i post hi vuak hot ka tum rura a nia…i mut duh leh ka lo vil sak ang che…lolz

    Mahse puan hi an ban tawh chuan an hluihlawn tihna daih a sin. Puanchhia a chang tawh thin.

    Report this comment

  26. 26
    vakul Says:

    nia, puan ang bang. puan ang hnawl.

    ka mu dawn, lo vil rawh; a nuam e…min rawn tih hotsaktu in awm loh chuan engmah kan ni lo ve. mangtha u.

    Report this comment

  27. 27
    Charice_mizo Says:

    haha puanchhia han tih leh em em chu, i uar roh mang e :-D

    Report this comment

  28. 28
    lushai_er Says:

    @Charice: A nia lawm……hmanlai khan puan an ban tawh chu an silh/fen ngai tawh lo. Par ang a chul kan nun…Puan ang pawhin a chul thei. Mahse pangpar chu an lo vul leh thin, puan pawh an tah thar leh thin, kan hringnun erawh mual a liam a, kan thlawk bo thin a nih hi!

    Report this comment

  29. 29
    Charice_mizo Says:

    chuti chu puan ang ka bang dawn che haha

    Report this comment

  30. 30
    lushai_er Says:

    misual lalnu bmw hi a van reh ve a!

    Report this comment

  31. 31
    lushai_er Says:

    D ngaih puan min ban a ni mai a lawm….ha ha ha!!!!

    Report this comment

  32. 32
    Charice_mizo Says:

    bmw in ban zawk che rawh se hahahaha

    Report this comment

  33. 33
    blackmagicwoman Says:

    @lushai: the Queen is in da house! :-P Ka reh lo…nimin leh vawiin ka comment ve khauh a sin.

    Report this comment

  34. 34
    lushai_er Says:

    Charice, Houdini & Vakul hi Vengkhatah an awm maw ka ti hial…lolz

    OT dalah….. Thu & Hla thangtharten heti tak mai a kan hlamchhiah ta mai hi mak chu ka ti ve deuh thin. Lumen zanah pawh Solfa hla tello chuan kan zai thei tawh lo chu ani ber e..!

    Report this comment

  35. 35
    lushai_er Says:

    FB-ah hian a tui fal ten misual.com lovers an siam a ni awm e…!!!! @bm: I tlawh ve ngai em ?

    Report this comment

  36. 36
    blackmagicwoman Says:

    @lushai, FB lamah ka misual ngai lo.

    Mi 9 la online ve hram² te u, mangtha vek ula!! Sunday inkhawm vek tur a nia aw! :-)

    Report this comment

  37. 37
    Charice_mizo Says:

    lushai_ehemz Engvang ngawt chuan maw veng khatah kan awm emaw i tiha ? lol

    Report this comment

  38. 38
    lushai_er Says:

    I am thinking my thought….lolz

    Good night u…….!

    Report this comment

  39. 39
    TuaiSialA Says:

    Poetry-ah chuan grammar dik lo a awm a nih ngawt loh chuan a hla thu hman lo sawisel vak vak a rem lohna a awm a. Charice leh houdini comment ang khian poet chuan zalênna zau tak a nei a, a zalênna a hmang a ni ve mai. Grammar lo hi chu lo ngaimawh em em vak chi pawh a ni lo. :hot+zual+zelin:

    Report this comment

  40. 40
    saint sammoo Says:

    ka va chan ropui ve o…komen dang ka chhiar hman lo.

    Hleinga hi 15na tihna.
    Lum lang ka vawikhat hriatna.
    Lawhleng hi khawnglung run hlaah khan nang aiin a hmang fuh zawk..lol. A awmzia ka hre lem hlei lova..

    Report this comment

  41. 41
    vakul Says:

    thelmai pa? hleinga hi 15 a ni a…dan naranin thla hi a det atanga zan 15naah a full moon a..mahse thla thenkhatah chuan zan 14, 16 ah pawh a full moon ve tho va..mahse a hming bika an pek chu hleinga zan a ni… full moon sawi nan ka hmang mai.

    kei aia phuah thiam zawng an tam lulai em mai…phuah thiam lo erawh an awm ve ang chu.

    Report this comment

  42. 42
    sheldon Says:

    Vakul chu hla phuah pawh i lo thiam hi. Nizan kha thla a eng ngawt tak asin. Current kan nei lova, thla eng a chiang kuk mai.

    Report this comment

  43. 43
    century child Says:

    11 = hleikhat
    12 = hleihnih
    .
    .
    15 = hleinga.

    Report this comment

  44. 44
    houdini Says:

    #34 lushai_er Thuhlaril ṭhangtharte’n kan hlamchhiah niin i hria em ni? Kan buaipui nasa fé zâwk lo maw hranghluite ai chuan?

    Mahsé mi kan tam tawh hrim hrim a, buaipui lo fé fé chu an awm ̣ṭeuh tho vang.

    Report this comment

  45. 45
    malsta27 Says:

    Hei chu a lo va hot teuh ve :-D :-D . Nalh khups mai, @lushai_er. Hetiang hi sap hovin personify an ti in k hria an hmang nsa khawp mai, poem ah hian. Inanimate objects mihring ang mai a ziah hi…………………Hot leh thei deuh a ngem aw :-P :-P

    Report this comment

Leave a Reply

You must be logged in to post a comment.