Ui-A-Hri (Rabies)

June 29th, 2012 11:30 pm by Dr Mahminga Sailo

(Ui chanchin kan sawi luai luai lai a ni bawk a. Kimchang lo deuhin tarlang ang hmiang;-) )


Rabid dog

Ui-a-hri (Rabies) hi, ranvulh/ramsa atanga mihringa kaichhawn natna (zoonotic diseases) tlanglawn leh tihbaiawm ber a ni. Mihringin, Ui-a-hri an vei chhan ber chu; ranvulh zing a kan bula cheng tam ber; Uiin natnahrik hi an thehdarh theih vang a ni. Ranvulh dang Sakawr, Bawng leh Ramsa: Chinghnia, Sihal, Zawng leh a dang te’n an vei thei bawk. He natna hrik phurtu ber erawh Vampire bats a ni thung!

India ramah hian Ui maktaduai 25 (aia tam?) vel awmin; chu’ng zinga, za a sawmhnih (20%) te hi pangngai tak a enkawl (pet animals) an ni a. A bak zawng (80%) erawh vulh tu nei ve si, enkawl that lem loh te; tual Ui hrim hrim ah pawh, awmna bik nei lo a vak kual mai mai nen a fawmkem vek awm e.

India ram khawpui hrang hrangah, tual Ui (stray/street dogs) an tam em em a. He’ng tual Ui zawng zawng hian Ui-a-hri an pai vek tihna a nilo na’ngin, an pailo ang tih theih ngawt lah a ni hek lo! Kum tinin India mi, maktaduai 15 lai ui in seh in, chu’ng zing a mi 25,000-30,000 chu Ui-a-hri vang nunna chan an ni. Second hnih dan zel ah Uiin mihring sehin, darkar chanve tina Ui-a-hri vanga thi an awm ang a nih chu!

Sawrkar leh tlawmgngai pawlin theihtawp chhuahin hma la thin mah se, tun ang mai mai a thil ang kalpui chuan tual Ui hi an rem dawn lo a. Chuvangin, khawilo kan chhuah na ah kan fimkhur a ngai hle. Ui hmuh ngailoh chhaih emaw, an thin ti rim zawng a chet loh hram a tha. Chutih mek laiin chetsualna hrim hrim erawh a pumpelh vek theih loh thung.

Uiin a seh chein, a rang thei ang berin tui leh sahbawn a sehna hmuamhma silfai tur. Damdawi In pan a, Ui-a-hri danna (Post-bite vaccination) lak ngei ngei tur. Tin, Doctor te thurawn ang ngeia injection lak kim a finthlak ber bawk. Ui-a-hri ngeiawmna ber chu kum hnih kum thum hnu ah chauh te a langchhuak thei a. Inringhlel leh awm nuam lo deuh a awm reng ai chuan, a invenna tha tak a lak mai hi a him ber fo. Thufingin, “Tihdam aiin inven a tha zawk” a tih ang khan.

References:
1. Deshmukh RA. Rabies. Pune (India): Yogaksema Department of Virology, Haffkine Institute; 2004.
2. Sudarshan MK. Assessing burden of rabies in India. WHO sponsored national multi-centric rabies survey (May 2004). Assoc Prev Control Rabies India J 2004;6:44-5.
3. Ghosh TK. Rabies. Proceedings of the IX National Conference of Pediatric Infectious Diseases; 2006; Chennai, India.
4. Presence/absence of rabies worldwide — 2006. Geneva: Department of Food Safety, Zoonoses and Foodborne diseases, World Health Organization; 2008.
5. Human rabies deaths — 2004. Geneva: Department of Food Safety, Zoonoses and Foodborne diseases, World Health Organization; 2008.
6. Chaudhuri S. Rabies prevention and dog population management. India’s official dog control policy in context of WHO guidelines. Ecollage; 2005.
7. John TJ. An ethical dilemma in rabies immunisation. Vaccine1997;15 Suppl:S12-5. [PubMed]

Similar Posts:

Recent Posts:

31 Responses to “Ui-A-Hri (Rabies)”

  1. 1
    Saitawk Says:

    Post beng ti var tak a ni dawn e, chhiar nghal chat ang. (Y)

    Report this comment

  2. 2
    H.Vangchhia Says:

    Kan naupan laiin ka thianpa L.B.T.A. ui-â in a seh a, a pumah vawi tam tak an jeksawn phah. Khata tang khan midang ui hi ka ngaina thei tawhlo hrim hrim. Ui hrim hrim, kan ui anih loh chuan ui naute pawh nise ka hlau em em vek. Min bauh sela ka khawng vek thei, min um ngat sela chuan ka that ngei ngeiin ka ring.

    Report this comment

  3. 3
    Lamji Says:

    Haha! A hnuai ami chhunzawna ani mai ang em? :) chhiar ang.

    Report this comment

  4. 4
    Lamji Says:

    Haha! Ngaidam ngaidam,a intro takngial pawh ka lo chhiar lo anih khi. :D Ka sim nghal e.

    Report this comment

  5. 5
    hiho Says:

    Mi-A pakhat poh Ui in a seh a, Ui chu a A daih. :-P Mi-A hi a vei aniang. (Fiamthu zuaih)

    Report this comment

  6. 6
    vakul Says:

    Dr. a seh hmuamhma sil dan pawh a tha berah chuan running waterah a leu zawnga nuai tih a ni deuh kher em kha?

    Report this comment

  7. 7
    malsta27 Says:

    Voikhat hostel kan awm ve lai in hmar thian pakhat in Raja hmarcha ngat leh bawl hlo chi hrang2 nen duhtawk a an siam mai chu thak bawk si tui bawk si hi ni ringawt :-D :-D .

    Ui vulh chu an thih in hrehawm duh. Stray dog tamna chhan te chu, in ti duh deuh vin an vulh ve a, an enkawl tha leh peih tak2 silova chumi chu ui chuan a survive na turin pawnah ei a zawng ta a ni deuh ber. Hmun thenkhat ah phei chuan ui nihna nen a kal kawp tlat mei zap chunga thianthanihna lantir(friendly) tawh lovin ‘Wolves like’ an tih ang mai hian an awm thei thin a ni awm e. Hnaih loh a tha ber tiang hi chu…….ei phei chu chi loh tak a ni. (Y) (Y)

    Report this comment

  8. 8
    century child Says:

    Bengvarthlak e (Y)

    Report this comment

  9. 9
    Dr Mahminga Sailo Says:

    @ Lamji… Misual Upa Ran Dr. nihna nei mai tur hian, ka ngaidam che… :-D Zanin chu ka post a intlar ve tlat nia… ;-)

    @ vakul.. Aw ni e.

    India khawpui hrang hranga awm tan phei chuan fimkhur ngai tak a ni. Zan dar 1 hnu lama bike khalh te hi a hlauhawm a nia. UI rual hian min lo nghak te te a, min um zui vak zel… :-O

    Report this comment

  10. 10
    Mx Says:

    (Y) Post bengvarthlak tak leh hriatreng chi anih hi.

    Ui hi ka ngaina khawpa kei hi… Kan venga street dog ho te hi zanah biscuit ka leisak a ka pe thin hlawm a, min ngaina hlawm lutuk mawle (mizoramah uiin biscuit an ei ka hre ngai lo) In atanga ka chhuak leh haw lam hi min zui duah duah zel :D

    Tun atang chuan hnaih vak tawhlo ila a that dawn hi… A ‘denzar’ dawn tlat :D

    Report this comment

  11. 11
    Charice_mizo Says:

    @ Mx, van fel thuai thuai thin tak, kei pek ui hi ka ngaina lo khawpa, kan vulh ve lai pawn a hming ka phuaha…duhtawk hmaks…chaw pawh vawikhatmah ka pe ve ngailo, khawngaihna leh lainatna ka neih loh vang chu ni bik miah lo..a thih pawn ka ngui ve ruai tho

    Report this comment

  12. 12
    Dr Mahminga Sailo Says:

    @ Mx.. I titha hle mai. Lo duat zel teh, a duattute a pawnga takin an seh bik miah lo a nia… :-)

    Mahni chanchin han sawi ta ila. PG ka tih laia research ka tih laiin, street dog avangin thesis ka ziah theih phah a. Ka tan chuan an tangkai phian :-D

    Ui nu pakhat (street dog) phei chu, Spirocercosis (Chawkawng cancer-rulhut chikhat vang) vei a ni a. A raipur bawk si. Mahse, vanneihthlak takin, endoscopy-a kan confrim hnuin, damdawiin (ivermectin injection) kan enkawl a. A damchhuakin, note pali lai a nei lehnghal. A lawmawm ve duh lutuk. Dr. Saint-a te’n keini aiin damlo dam leh hlutna an hre chiang lehzual ang… (Ka’n tlak leh duah chu..)

    Report this comment

  13. 13
    Saitawk Says:

    Ui note mawi leh tha chu,
    A hming ka han hrilh ang che;
    Ven thiam huaisena…

    Ui hi ran ngainatawm tak, sa tui tak(midang uisa!:D)a lo ni e.

    Report this comment

  14. 14
    Charice_mizo Says:

    Ka bialpa hlui uiin a seh kha injection chu a la ve ziaha, tunah kan inbe tawh ngai si lova, eng tak ang zel ang maw (H)

    Report this comment

  15. 15
    Dr Mahminga Sailo Says:

    # 14…:-D :-P

    Kan nau pakhat paw’n khawi atanga a hriat nge ni. Ti hian a tehkhin roh a, fiamthu dik tak a ni e.

    DOG = GOD, UISA = ISUA. Uisa hi eisual a har ang bawkin, Isua zuitute chu misual reng an awm lo a ti. Uisa duh chu pe na ve tak a ni… :-D

    Report this comment

  16. 16
    century child Says:

    #14 hahaha :-D :-D

    Report this comment

  17. 17
    houdini Says:

    A va bengvàrthlâkin a va lo hlauhawm tak êm!

    Kei hi khawlai ui inlahawihháwma chhaih zuk zuk ka chíng a, ka va han sim tawh dáwn chiang rua êm!

    Ka tán chhandamna pakhat a ni e: (Y)

    Report this comment

  18. 18
    Mx Says:

    #14,Charice :D hahahaaa

    Report this comment

  19. 19
    aHruaia Says:

    Post-bite vaccination hi a effective viau em le?

    Report this comment

  20. 20
    Lamji Says:

    Thil zuar : Ka pu,uisa in lei ve duh em?

    Pa : Bauh! (duh ve hmel khawp mai. :) )

    Report this comment

  21. 21
    blackmagicwoman Says:

    Aizawl veng thenkhatah chuan ui vulhtu in a chiutir loh chuan pawisa chawi tur an tia, tha ka ti khawp mai. Kan ui pawh kan chiutir a, an chhihchhiahna lehkha kha kan laminate thlaps! Mi an seh palh lovang tih a sawi theihloh tlat.

    Ui vulh hi ti ta mai mai ila responsibility sang deuh mai a nia. Ui ngaina tak tak, train/infiampui/walk pui peih leh hman dawn loh chuan vulh loh mai chi….an khawngaihthlak duh. Kawng bul a awm, compound nei bawk si lo, ui chhuahpui ngai bawk si lo hi chu ka ngaihdan a ni vak lo.

    Report this comment

  22. 22
    alchemist Says:

    Ui thisen atang hian Rabies hi a kai theih em aw? Hria kan awm mial em? An chil atang lo chuan a kai theih loh tih hi ka hriat dan pakhat chu a ni a. Hmanni ah ui kan talh ve e kan ti a, a thisen ka kut pilh ah tak a lut a, a hnu kar khat liam hnu vel atangin ka khuasik nghal a, ka ngaih tha lo in vaccine ka la ta ringawt. Vawi thum min jection a, a tawk ang em tihte ka ngaihtuah mai mai. Vawi sawm lai te hi an injection thin si a. Chuan vaccine lak zawh hnu hian savawm in a pawi viau em?

    Report this comment

  23. 23
    sisen Says:

    bengvarthlak e (Y)

    Report this comment

  24. 24
    Maisek Says:

    kei chu, ui ka ngaina… mahse hriat ngai loh chu ka nel hran lo… post bengvarthlak tak ani… (Y) Mahming…thil ka ron rawt dawn che ania…. :-P

    Report this comment

  25. 25
    XaiA Says:

    A tha thin hle mai.

    Report this comment

  26. 26
    Dr Mahminga Sailo Says:

    @ alchemist… Hriat tawh chinah, Ui-a-hri hi a vei lai (rabid dog) chil atang chiahin a kaichhawn theih (experimental animal leh vampire bats-ah chuan boruak atang paw’n an kaichhawng thei a). Tin, ui i talh khan, a taksa chhunga virus awm kha chu, an hlauhawm tawh lem lo bawk. Natna hring dang anglo takin, ui-a-hri vei lai chil atang lo chuan, thisen, zun, ek, adt., atangin kaichhawn theih a ni lo.

    @ Maisek… Most welcome.. :-)

    Report this comment

  27. 27
    hlatekhua Says:

    Dr. Mahminga Sailo chu i thei chungchuang fal hle mai – i post a indawtin a chhuak bik a nia. Hetiang hi misual.com history-ah a tam vak awm lo asin. (Y)

    Report this comment

  28. 28
    alchemist Says:

    Thanks, Dr.Mahminga Sailo

    Report this comment

  29. 29
    Dr Mahminga Sailo Says:

    @ hlatekhua.. Ka lawm e. Nia, ka rin loh deuhin ka post hi an indawt chiah a, ka hmuh tirh phei chuan ka inthlahrung ve deuh.
    @ alchemist., kei pawh ka lawm e.
    Pathian ni hman nuam vek u..

    Report this comment

  30. 30
    Kawhterenga Says:

    Naupang pakhat kum 13 mi vel pawh hman deuh khan Uiin a seh a, a Ui a zawk kha a thi daih!(Thu Dik) :-D

    Report this comment

  31. 31
    malsta27 Says:

    TOI ah te khan han comment ve ngam teh u, keini a saptawng thiam lo zawk pawhin kan comment ngam a nia, hmarchhak unau te chuan an ngam khawp a nia…………

    Report this comment

Leave a Reply

You must be logged in to post a comment.