Hrilh mai rawh…

June 29th, 2012 5:38 pm by Awmtea Leo Khiangte

Nizân chu ka thianpa pakhat nên kan in text mai mai a, eng eng emaw kan sawi hnuin an vêng nula thenkhatin min * (star) tih a sawi ta! Ka ka hau mai maw le! Ka awih chiah lo a, ka awih lo phal bawk si lo, ‘a nuam e, a hrehawm’ an tih ang deuh hian ka awm!

Isua ka an vêna lai tak “piahmang thatna leh hmêl mawina rêng rêng a nei lo va; amah kan hmuha amah kan duhna tûrin mawina rêng rêng a awm lo” tih ziak ang mai khân mawina leh thatna rêng ka nei lo a, mite min duhna tûrin keimahah hian duhawmna rêng a awm bawk si lo. Nulain min * theihna tûr khawpa hmêl tha ka ni lo tih chu ka thiante pawhin min Amen-pui thlap. Mahse, vêng thenkhata nulate chuan min lo * ve khang lang a nih chu.

Ka tân zawng a bâka lâwmna hi a awm thei hauh lo. Mut ka tum a, ka mu ngei alawm, mahse muthilh te chu khawi lamah. Zîng takah ka tho a, ka hawiher te chu zâng tak a ni, zâng tak. Tihtûr awm ang ang pawh phûr takin ka ti zo duak nia maw le! A chhan ni âwma ka puh thlûk tâk ber chu ‘Nula-in min *’ miau alawm. Nuam veng veng tak a ni!

Nula/tlangvâl kan * a nih chuan hrilh mai hi a lo finthlâk ber mai. Min *-tute pawh khân min hrilh zak tlat a, hun rei tak chhûng chu ka hre hauh lo. Chu chuan eng nge awmzia a neih? Ka hriat chiah khân min *-na khân awmzia a nei chiah si a. Chuvangin mi kan * emaw, hmêl tha kan ti emaw, duhawm kan ti emaw, zei hawi kan ti emaw a nih chuan hrilh mai hi a lo fuh ber. A zahthlâk hauh loh. A chhan chu tu mân fakna tawngkam (a der leh uchuak lutuk a nih loh chuan) hi kan haw ngai lo mai pawh ni lovin kan lâwm êm êm zâwk thin.

Zêp tlat ai chuan tlang taka hrilh tawp mai hian rah tha a chhuah zâwk thin. Chumi avanga inngaihzâwn emaw zuam êm êm tûr emaw tihna lam a ni lo. Mi puitling chuan lâwm takin an lo dawngsawng ang a, kan inkârah inpawhna (relationship) tha a awm zâwk ang. I mi ngaihsân, nalh tih, zei tih, hmêl tha tih leh fel tih êm êm kha zâm hauh lovin hrilh tawp rawh. A haw dâwn hauh si lo. Huat a hnêkin a lâwm zâwk dâwn zuk nia! A fel viau phei chuan thil a leisak/eitûr tui hnai tak a treat hlauh thei che asin! ;-)

Similar Posts:

Recent Posts:

16 Responses to “Hrilh mai rawh…”

  1. 1
    Ruata Pachuau Says:

    .

    Report this comment

  2. 2
    CFL Says:

    A lo ni tak ang a!!!!

    Report this comment

  3. 3
    Dr Mahminga Sailo Says:

    Ngaihdan tha tak a ni… (Y)

    Ka’n hrilh nghal te’ng… ;-) Mahse…, har ve deuh a nia.. :-S

    Eng dang a ni lo, Post-tupa hi a luck bik ee… :-D

    Report this comment

  4. 4
    aduhi Says:

    hrilh thruai teh ang

    Report this comment

  5. 5
    Awmtea Khiangte Says:

    Luck bik nang, kum 30 dawnah *-tu ka’n hmu ve hlauh mai a, ka lawm phelengin ka rawn tarlang ve mai ania. Mite chuan an hne zawk maithei sia

    Report this comment

  6. 6
    Mx Says:

    Star ka nei nual mai a’h :D
    Ka’n hrilh nghal sup sup teh ang :p

    Report this comment

  7. 7
    Dr Mahminga Sailo Says:

    @ Awmtea.. I post chhan khi a tha khawp a nia.. (Y)
    @ Mx… Kei paw’n ka ngah lutuk, hrilh hmasak tur ka buai.. :-D

    Report this comment

  8. 8
    malsta27 Says:

    NUam awm bik ve aw, hrilh pop chi………..a ruk a star neih a a ruk a ban leh daih pawh nuam tho hahahaha

    Report this comment

  9. 9
    Ruata Pachuau Says:

    He post chhiartu min star deuh sawi chhuak ngam lo in awm chuan rawn apply vat teh u :-P

    Report this comment

  10. 10
    saint sammoo Says:

    tlangval ho khan nula rilru dik tak hi hria ula chaun tun ai hian a let 29 velin in huai phah ang maw le….haha..

    Report this comment

  11. 11
    Maisek Says:

    Ka hrilh mawlh mawlh mai… ngaiah a neih tawh zawk emawni leeee? :-P

    Report this comment

  12. 12
    Lamji Says:

    Awmtea chu karleh atang chuan 6-10pm chu misual ah a reh raih dawn ava nih mai hmel ve. ;) :)

    Report this comment

  13. 13
    lr hlonchhing Says:

    Ka hrethiam ve lo :-S

    Report this comment

  14. 14
    Charice_mizo Says:

    Ka hrilh tawp mai ang che…kei pawn ka star che…eh

    Report this comment

  15. 15
    saizawks Says:

    Tu hial nei tawh pawh an la zah chuan, kei ve te hi engtin tak chuan han sawi ve i maw!!!! :-O

    Report this comment

  16. 16
    hnarliana Says:

    Hmeltha si lo hi min star leh viau thin a…Kan englai hi nge an lo star ang le tih mai a awl ania..Hahaah

    Report this comment