Siamkima Khawlhring

June 25th, 2012 9:43 pm by ɪ̣uɪ̣pnoɥ

A hming kan hmuh rualin hë pâ hi khaw chènbeha zu ngawl vei, ṭhenawmte ar talh rûksak chíng a ni lo tih kan hre ṭheuh ang a. A chanchin kimchang phei chu kei aia hria hria in ni hlawm àwm e.

Mahsé chhüm kára ka vahvaih vêlnaah a hming hi beisei loh deuhvin hmunram maksak deuhvah ka hmu palh hlauh mai a, a chanchin tlém a lo inziah bâkah ama âw ngeia mizo thawnthu (Tualvungi leh Zawlpala) a chhiar lai ngaihthlâk tùr a lo awm zui a. A hlimawm hranpa vè hrim hrim.

 

  1. A chanchin täwi: 

    Pu Siamkima hi kum 1938 khán Lunglei khuaah a lo piang a, a hming hi Albert Siamkima Khawlhring a ni àwm e. (A dik em?) An unau zinga lehkha thiam awm chhun a ni bawk awm e. Lungleiah a naupan laiin lehkha a zir a, tléma a tleirawl chhuah chhohvin Aizawlah a zir chhunzawm a. Mahsé a zirlai zo meuh lovin Barmaramah kuthna thawk tùrin a chho a ni awm e.Tahana a awm laiin hnam leh ṭawngzirmi  F.K. Lehman-a (hë pa hi Barmarama zohnahthlâkte chanchin zirbingmi a ni) biain: “Sir, hast thou any English books to sell?” a ti vè ṭhuai a ni àwm e. :-)  Hei hi a nuihzatthlâkzáwnga ngaihtuah chuan fiamthu nasa tak chu a ni ve awm e. Mahsé a lehkhabu chhiar ṭhin tùr te ngaihtuahin a àwm viau. Pu Lehman-a chuan khatihlai khan  “King James sâp ṭawng leh tunlai sâp ṭawng a la hre hrang lo” niin a sawi nghe nghe.

    Pu Siamkima leh Pu Lehman-a te hi thla khat vêl ṭawng chungchángah an thawk dùn zuai bawk a ni àwm e.

    Chumi hnûah Pu Siamkima chu Shillongah college kalin Aizawlah sâp ṭawng thuhlaril lam zirtirtuah a ṭang chhunzawm a. Kum 1970 chho khán Pu Lehman-a chuan University of Illinois (Pawl 9 zirlaibua an telh ṭhin Hun hi tih kha ngaihtuah chhuak la), Champagne-Urbana-ah sâp ṭawng thuhlaril (MA) zir tùrin a sawm a. He university-a zirtirtuhovin Shakespeare-a thuhlaril a thiam an ti lutuk chuan PhD ti chhunzawm ngêi tùrin an duh a. Mahsé luhrem dànthlung ilo vàngin Aizawl, a pianna ram, hnam mäwl chapo-ho khawsaknaa kìr a ngái leh tâ a. PhD ti thei lovin a zirna pángngai chu a ṭiavài zo ta a ni.

  2. Tualvungi leh Zawlpala. Hetah hian kal la, Pu Siamkima Khawlhring âw ngei chu ngaithla ve hrim hrim rawh le.A peih tán CNRS-a corpus mizo hi a tlawh theih bawk.  Pu Siamkima âw kawltute an ni e.
  3. A thuziak ṭhenkhat: Ka zinna ram, Hun hi ladt.

Similar Posts:

Recent Posts:

34 Responses to “Siamkima Khawlhring”

  1. 1
    houdini Says:

    A va làwmawm tak êm. :-)

    Report this comment

  2. 2
    ninja Says:

    A thuziak ṭhenkhat: Ka zinna ram, Hun hi ladt.

    Link awm tur, awm lo palh a ni em aw? :-S

    Report this comment

  3. 3
    khumchikthei Says:

    …Khrum

    Report this comment

  4. 4
    ninja Says:

    Tualvungi leh Zawlpala khi eng tia ngaihthlak tur nge? Download tur nge, play option ka hmu lo ania? Mp3 format a mi?

    Report this comment

  5. 5
    Mx Says:

    A bengvarthlak e (Y)

    But, ….. Aizawl chu – ‘hnam mäwl chapo-ho khawsakna’ maw lo ni a :-O

    Report this comment

  6. 6
    houdini Says:

    #4 ninja A chungah khán

    Tualvungi leh Zawlpala
    Langue: Mizo

    tih a awm a, khimi hnuai chiaha rimawi tihrîkna tih hriat fahran khawlrelhah khian hmeh tur.

    Report this comment

  7. 7
    khumchikthei Says:

    Deuh the nuaih chuan. A tawp dan chu a va mak ve a.

    …Khrum

    Report this comment

  8. 8
    houdini Says:

    I ngaithla thei tâ em? Triangle sirlam hawi hrim hrimah khian hmet chhin vek la, i ngaithla thei êm êm ang. Hnuhthlâk kher a ngái lo; a theih pawh ka ring bawk lo.

    Report this comment

  9. 9
    PKfanai Says:

    Siamkima khawlhring pianna khua hi Lunglei nilovin chhim Lungleng zawk ani e. Tin, a thuziakte zinga ropui ber, L.Keivom te, Hnam Sakhua leh a posttu pawh telin inspire tu nia lang, “Rihdil leh Jordan lui” kha han ziaktel ta law law la tha tur. Mipakhat chu a tling e. A article ka sawi phei khì chu ngaîhhlut ala hlawh telh telh ka ring.

    Report this comment

  10. 10
    ninja Says:

    Ka khawlah a thawk ve nek lo e

    Report this comment

  11. 11
    houdini Says:

    #8 PKfanai, Rihdïl leh Jordan lui kha ka lo theihnghilh tâ aläwm maw le, pawi khawp mai.

    Adminte’n telh se ka va ti reuh e?

    Chuang Lunglei tih khi sâpho hnêna ama insawi dàn a nih ka va ring e? Sâp pa thuziak ka chhiar a nia! Ngê an hresual vè hrim hrim zâwk? Lunglei district a nih(?) vàngin Lunglei an ti mai nge?

    Report this comment

  12. 12
    houdini Says:

    #10 ninja, A thawk ang. MP3 naràn a ni a, Heta ka tih-ẹn laiah hian i hmu thiam mai awm e. A ngaihthlâkna tùr a ni e.

    Ka làwm e.

    Report this comment

  13. 13
    houdini Says:

    Tlar tinah khian a ngaihthlâkna tùr a awm hrang ṭheuh bawk. Triangle sirlam hawi hrim hrim khi hmet vek rawh; a rawn ṭawng kauh kauh mai ang. :-)

    Report this comment

  14. 14
    ninja Says:

    Comp a tanga ka luh leh hunah ka lo tum tha leh dawn nia

    Report this comment

  15. 15
    chhangteval Says:

    ka vawi khat hriat na :-P

    Report this comment

  16. 16
    lr hlonchhing Says:

    (Y)

    Report this comment

  17. 17
    TuaiSialA Says:

    A bengvarthlak nangiang! ‘Hun hi’ tih kha chu hriatthiam a harsa ve ngang ngang ka ti khawp mai, kan zir lai kha chuan. College vela zir chi ni zawkin ka hria. Ka ngaisang nek a nia.

    Report this comment

  18. 18
    houdini Says:

    #11 hläwm tàwpna Chuang —> ‘Chuan.

    Report this comment

  19. 19
    keimah Says:

    Prof Siamkima’n English subject duh tawka min han zirtir thin kha chu amah a tui bawk a, a phuan suah suah a ni ber mai e!

    Ka mi ngaihsan leh uiawm ka tih berte zinga mi a ni. Good post! (Y)

    Report this comment

  20. 20
    lushai_er Says:

    Zawlnei an khua-ah lar an awm lo tih ang deuh te kha a ni thei em?

    Report this comment

  21. 21
    Chhuaklinga Says:

    (Y)

    tren tren

    Report this comment

  22. 22
    H.Vangchhia Says:

    A ngaihnawm e (Y) :-)

    Report this comment

  23. 23
    sheldon Says:

    Tukchhuah nuam vek ule. Post BVT.

    Report this comment

  24. 24
    H.Vangchhia Says:

    sheldon hi kan mutsan daih thung teh ang hairehai :-P Chhuntha/chhun hmannuam le :)

    Report this comment

  25. 25
    Sangpuiipa Says:

    A bengvar thlak hle mai, hetiang lam hi rawn post zeuh zeuh teh u.

    Report this comment

  26. 26
    malsta27 Says:

    Tha khawp mai, Pu Siamkima hi ziakmi zinga thu vawrh/vaivir kual vak2 lo zinga mi chu ni ve in ka hria, validity leh values nei tha…… (Y) (Y)

    Report this comment

  27. 27
    doc_lib Says:

    ‘Rihdil leh Jordan Lui’ hi chu a pui khawp mai. Kan rilru a rildil a ral hun hun chu kan hnam borl hun tur ani a ti hial anih kha . Tin college hi DM college, Imphal ah L.Keivom te nen an kal ho thin. Chung hunlai a an in elna ber chu English Poetry leh Drama tha deuh in bye-heart chhuah siak ani awm e.

    Report this comment

  28. 28
    houdini Says:

    #27 doc_lib (Y) I ti ṭha e. Ka lo hre hauh lo, a ziaktupa ber hian. Sâp ṭawnga a chanchin täwitë inziak [ka zawmna(link) pêkah khian a awm] ka chhiar a, a chanchin a kimchang lo khawp mai. Ka hlimpui phian thung.

    In rawn sawi belh nual a, a làwmawm e.

    Report this comment

  29. 29
    houdini Says:

    Champagne-Urbana ka tih pawh khi Urbana-Champagne tih zâwk tùr a ni lo’m ni khäh? Ka va ziak uluk lo vè.

    Report this comment

  30. 30
    Terema Chhakchhuak Says:

    #29, Urbana- Champaign tur zawk maw le. Thangtharte zingah hian University of Illinois at Urbana-Champaign-a kal thei hi kan awm leh ang em le aw? USA-ah pawh a top pawl ni reng thin a ni a, PG try tur chuan GRE-ah pawh 1350 chunglam pang score ngei ngei a ngaih bakah 75% chunglam pang Academic record-ah kan neih ngei ngei a ngai bawk. Harvard University, Texam A & M University, CALTECH, University of California pali etc ho nen hian an cut off mark chu a inang. Pu Siamkima hi chu a thiam ve phian ni tur a ni, Shakespear-a play pakhat Macbeth pawh kha a by-heart chhuak vek an tih pek kha maw le!

    Report this comment

  31. 31
    Terema Chhakchhuak Says:

    #30 khi Texas A & M University ka tihna. :-)

    Report this comment

  32. 32
    vakul Says:

    va tha mai mai em, i tilawmawm hle mai Pu siamkima aw-te kan han hriat tak chu.

    Report this comment

  33. 33
    houdini Says:

    #29-ah pawh ka lo la ziak dik lo ta cheu. A lamdàn ka bengthlá (beng mitthla ;-) )-a chám chiah ka lo ngaihtuah tawh a, tihdikna tùr hmun en rëng rëng ka lo tum lo. #30 Terema Chhakchhuak i ti lawmawm e.

    Report this comment

  34. 34
    ɪ̣uɪ̣pnoɥ Says:

    A va’n ngaihnawm mai mai êm (Y) ;-) .

    Report this comment