Mizoram Premier League-a ka hlauhthawn thil

June 16th, 2012 6:30 am by digimalt


www.inkhel.com

Mizoram Premier League chu a thu mai a ni a, mahse hei atakah a chang dawn ta chu a ni a, a phurawm khawp tawh mai. Tin, sum lam pawh a tam thawkhat dawn a, zonet leh MFA te thawhdun dan turah pawh thil reng reng a dik zawngin akal mek zel a, a lawmawm tak zet zet a ni.

Study Group ten theih tawkin beng sikin an ngaihtuah a, thil tha tak tak an rawn chhawp chhuak ta a, Criteria hrang hrang siamin, heng Criteria zawm thei tur club an tam viau a nih chuan play off te pawh khelh a ngai dawn niin a lang chu. Play off khelh hun tur te pawh ruahman chhoh mek zel a ni a, a lawmawm khawp mai.s Hetih lai hian hlauhthawn pakhat ka nei a, Criteria tha tak tak te hi tihhlawhtlin a nih hlawm loh chuan nasataka tuar theih tur thil a awm tlat mai.


Chu chu Youth Team hi a ni.

study Group ten an ruahmanaah chuan he thil hi a tha khawp mai dawn. Under 14 leh Under 17 club tinin neih vek ni rawh se.. tih hi thil tha tak a ni a. He ruahmanna hi a nih tur dan dik taka kalpui a nih ngat chuan mizoram tan chhenfakawm tak a ni dawn chiang mai. Hetih lai hian MPL khelh tum vang hrim hrima a hming maia Youth team din ve ringawt an awm a hlawm thei dawn tlat mai. Chu erawh mizo naupang hmabak tihchhiatna a ni dawn chiang mai.

Tunah chuan Football hi eizawnna tlak a ni chho ve mek zel a, Mizoram chhungah pawh eng tikah emaw chuan eizawnna tham a la ni dawn chiang. Hetih lai hian naupangte kan kaihhruai that lohva, Grass root level-a kan uluk lo a nih ngat chuan Football leh Academic line lamah pawh eizawng tlak lohvah kan chhuah thei tlat a ni tih hi hre nawn leh teh ang u. Thil tha tak nisi, mahse a nih dan tur anga kan kalpui loh avanga plan tha tak tak hlawhchham ta hi sawi tur a tam tawh khawp mai a, chuvangin naupang hmakhaw tichhe zawng chuan Club MPL khelh tumte i che lo hram ang u.

MPL ah hian sum a awm ve nual dawn a, heng hi club tan pawh chhenfakawm a ni dawn tlat mai. Match fee a awm maibakah he league khel hrim hrim hian sum lamah hamthatna tha tak tak an dawng dawn bawk a. Football club te tan chuan khelh chakawm tak a ni hliah hliah mai. Chutih laiin sawi tawh angin, MPL khelh tum vang chauhva Youth team nei kan ni a nih chuan chu erawh na takin kan sawisel zel dawn a nia.

Grass Root : a pawimawh ber a ni e

Bayern Munich leh India inkhel kha TV ah leh a hmunah ngei kan en hlawm a, khatah khan tlukloh em em na kan neih pakhat chu ball receive leh passing ah khan a ni. Hei hi Football ah chuan a pawimawh ber a ni awm e. Kan coach thin Sir Lalhlimpuia khan.. “Push ringawt pawhin football hi a khelh theih”, a ti thin a, a dik khawp mai. Chuvang chuan push leh receive kha min zirtir nasa ta em em a, hma kan sawn phah nasa.

Bayern Munich player te kha chu kum 13 a nih lai vel atangin Academy thaah an awm a, han tluk ngaihna kha an awm lo hrim hrim a. India ramah chuan Tata Academy te hi kan neih that ve te kha an ni a. Mizo player te Subroto ah kalin, U-16 player khel thate Tata ah kan han luh thla hlauh mai thin a, Football kal kawngah chuan duhthusam a ni India ramah chuan. Mahse U-16 kan ni kan intih lai khan over age in kan lo khel thin kha alo ni awm a, chuvang chuan Grass Root tak tak atangin kan tan thin ta lova, kan mature a hun chho ta mai zel a, a famkim lo ta thin a ni.

Tichuan a tawp berah chuan,Naupang nunkawng tichhetu nilovin, an hun lo la awm tur atan malsawmna nih i tum zawk ang u.

Similar Posts:

Recent Posts:

14 Responses to “Mizoram Premier League-a ka hlauhthawn thil”

  1. 1
    kawlhawk Says:

    misua1 mu burh burh-ho… kei, tho 1st hian ka’n kawmen 1st ang e. chuan, u1uk takin chhiar nga1 i1a… (H)

    Report this comment

  2. 2
    Dr Mahminga Sailo Says:

    (Y)

    Report this comment

  3. 3
    olgo Says:

    (Y)

    Report this comment

  4. 4
    saint sammoo Says:

    Tual ka lenna Chhum zin chuai chuaina atang hian ;Tukchhuah Nuam; vek u le…

    Report this comment

  5. 5
    chhangteval Says:

    Football hi in buaipui leh lutuk anga, zoram tana chhenfakawm mithiam tam tak tur te kha footballer hlawhtling lo fe fe ah an chhuak teuh ang tih ania ka hlauh ni :-[

    Report this comment

  6. 6
    cotdarz Says:

    (y) A tha vek mai. Zirna leh Infiamna kalkawp thiam tak tak hi rawn chhuak zel sela. Music pawh nise, zirna lam a entawntlak tak tak an tam kha.

    Report this comment

  7. 7
    TuaiSialA Says:

    Zêp lohvah chuan i hlauhthawn khi a thlen ka ring lo. A thlen loh ka beisei. Youth Team enkawl tha lo, a hming mai maia Youth Team nei chu anmahni team pumpuiin a tawrh phah ngei ang.

    Report this comment

  8. 8
    Kher Kher Says:

    A pawimawh khawp mai. Han puitlin thei se, pangai takin kal chho thei se ka ti khawp mai. (Y)

    Report this comment

  9. 9
    malsta27 Says:

    Han kal chho zel phawt se, midangten a hna an hmuhna nih chuan tha lawm…….. (Y) (Y) . A dan lamah hi chuan kan phak ang chin a zam thiam turah han dah phawt mai i la tha awm e a, dan nalh leh tha, duhawm lutuk mai mahse zawm hleih theih loh siam thiam deuh hi an awm ve teuh tho na chungin, chutiang chu a nilo turah ngai phawt teh ang.

    Report this comment

  10. 10
    LaMea CâcTùs FLh Says:

    Youth team mumal deuha a kalpui turin financial support hmuh khi a khawp angem.. Naupang nun leh eizawnna kawng chhe laklawh, zirna a laktlak siloh, hnadang thawk peihlo leh thiam nei silo ,football a kal laklawh hlawhtling silo an tam phah angem.. Ruihhlo, injury,etc vangin hengte h a thleng thei.
    Kan vengah hian mizoram a football boruak a alh hnu, 2004 hnu lamah hetiang hi ka hmu nual tlat

    Report this comment

  11. 11
    Lamji Says:

    Chanchin lawmawm ava ni em! ‘Lehkha i zir loh chuan hna i hmu lovang.’ tih kha,’Theih tawk a sang in zir la,i tuina leh duhna ah i kal zel anga,ei hmu khawp in i ti dawn nia.’ tiin kan thlak tan ah ka ngai. Academic line a kal loh chuan thil dang hi kan la su kaw lo em a,a duh tan paw’n kawng hriat loh chuan a ngaihna a awm lo thin. Hei,kawng khat kan hmuh belh ta a,hmasawnna nasa tak ah ka ngai. (Y)

    Report this comment

  12. 12
    Benny Says:

    Hotute hian an ngaihtuah kim viau turah ka ngai. Tih hmaih palh, tihsual palh erawh thil awm thei tho chu a nia

    Report this comment

  13. 13
    Charice_mizo Says:

    Mizoram Premier League lo awm hi a lawmawm ka ti takzeta. Zirna leh career danga laktlakloh mizo thalai tam tak tan remchanna tha tak inhawng niin ka hria. A kal zel dan tur erawh thuneitu leh football expert te kutah awm sela.

    I thil hlauhthawn pawh hi thil awm thei tak niin ka hria, thil engpawh hi hlawhtling tur chuan kiltin atang thlir a ngai thin. Chuan grassroot chungchang i ngaihdan pawh khi a dik ka ti….way to go Mizoram Football.

    Report this comment

  14. 14
    khumchikthei Says:

    (Y)

    …Khrum

    Report this comment

Leave a Reply

You must be logged in to post a comment.