Zawhna sawm………..

June 14th, 2012 11:30 am by malsta27

Nikhat, thingpui dawr a ka thil tawn hi a  mak viau rualin ngaihtuah chu ti thui ve duh ang reng a, thenkhat in kan lo hlawkpui tak in kan post ve leh ngawt mai teh ang.

Chawhnu  her lam a ni tawh a, ril te pawh a tam ruih mai a, khawi nge inhnawh puar teh ang ti in ka chhuak ta a. Thingpui dawr ka thlen chuan lo thu sa hi an awm nual  a, ka han luh chuan Pa upa lam tawh tih hriat tak mai hian min lo nuih sung mai a, min hria a niang chu kan ti rilru ve ngawt pek a, ka che vel leh awm dan chu min han chik mai2 khawp a, Pa a pawh a patuai lampang lo nih nen ngaih a ti tha lo hman rum2 a. Chutia, thuthmun te kan rem a, Dawr nghaktu nu hnena thil ei tur kan lam chuh, chu pa chuan mak ti ni awm tak leh phu zawk ang mai hian min en a, a hmel lah  chu a  danglam in ramhuai hmu ang mai hian a phawk ta hru mai a. Kan thian a chu a rilru a buai a nih dawn hi a, ti rilru chung chuan ka eitur lam te chu ka ei zui ve ta mai bawk a.

Ka thil ei lai ka ei zo lam tawh tih ah chuan ka thutna hma ah tak mai chuan thinrim hmelpu hian a rawn in sawn phei ta a, engtak chu ni dawn ni maw!! ka tih rilru rauh2 a, thil zawh duh che ka nei hi a rawn ti tawl mai a, hrilh chu hai ve duh angreng khawp mai, mahse thil hriathiam loh a nei ang a ka hriat a ring deuh te pawh a nia nge ti chung chuan. Enge ni ta? Kan ti bul ve hmuk ringawt a, chuan zawhna kan in zawt tan chu a ni deuh der mai.

1. In va hausa awm ve? An ti ngawt mai a, hausa nang aw, ka hausak hmel a mi? kan tih chhunzawm ve nghal a, mi chhang ve ta lem lo chuan a ngawi leh ta vung2 ringawt a. Kan va in tham lo deuh ve ka ti deuh hman a mahse ka thian a pawh hi a lo buai ve a nih dawn hi a, ti rilru chung chuan ka khawngaih ta ang reng zawk khawp mai a.

2. I va chapo awm ve? an ti leh a, ka chapo-na awm ka hriat loh nen chuan, ka chapo na awm lai chu min han hrilh teh a? kan ti ve ta thung a. Mi chhang ta lem lo chuan a ngawi zui leh ta mai bawk a.

3. Mi thusawi eng atan mah I ngai lo a ni ti raw? Chu2 I chapo vang a ni tih I hria em!!!! an ti ngawt pek a, tunge chutiang a ka bula thu sawi a, ka awih a ka awih loh tur leh eng atan mah a ka tih loh an awm reng a mi? han sawi ta che kan ti lui ve ta ngat a,……min chhang ta lo chuan min en ta vung2 ringawt a…. awih awm chin leh chin lo, leh zawm tur chin te chu a awm ve bawk thin a lawm kan ti zui ta hram a.

4. I va sual ve? An tih chuan,ka nuih  a za ang reng khawp mai a, ka hmelhriat ni miahlo khan sual hi min lo ti hle ni tur a ni………..chhan ngaihna ka hriat loh avang chuan enge ka sualna? ti in ka zawt let ta a, sawi tur a pawh chu a hre leh ta chuang lova.

5. A ngawih leh vang2 hnu chuan, Lehkha I va inti thiam awm ve? I chapo pui a ni maw? Chuan min hmusit hle mai bawk a, an tih chuan ka mittui hi a hnam sawk mai a, ka thiana hi a rilru a buai hle a nih loh chuan tu te’n emaw a rilru an su kawi hneh hle a nih dawn hi ka ti ta a, ka lainat ta ang reng khawp mai a. Thiam love a, kan pass ve tawng2 zel zawk a ni, ka thiam emaw I tia mi? kan ti ve a, ti lem love a ti liam ta ringawt a, ka hahdam huai. :-)  :-)

6. Pathian awm hi I ring lova ni ti raw? An tih chuan, Ring e a ka ti mai a.

7. I ringhlel a ni lawm ni? An ti leh hram a, ringhlel nang aw, kan tih chuan a thinrimna ang zawng2 chu paih bo ang deuh huai ni in ka hria a.

8. Mizo hnam hi I hmusit a mi? an ti leh a, a hma ai chuan a awki leh tawng dan chu a danglam ta khawp mai a. Mahse a zawhna chuan mi ti hrilh hai mai pawh ni lovin chhan ngaihna ka hre ta meuh lo. Ka tih ngaihna hre lo chuan, mizo chu ka nia lawm,mahni hnam te a hmuhsit theih a mi? ti in ka zawt let ta thung a a ngawi leh ta reng a, a en ngai a en reng ta ringawt a.

A duh tawk tawh mai dawn emaw ti in thawh kan tum a, lo la thu leh lawk teh vala khawngaih in? ka buai tlat mai a ti ta roh a…patling pui in a ka buai han tih chuh ti rilru chung chuan ka thu ve leh ta mai a.

9.‘Its my life’ I ti a ni maw? an ti leh a, ka nuih hi a za ta khawp mai a, nui chung chuan  ti teh nang aw!!!! Ka ti ta ngawt a………….Its my life Idealogy hi enge a nih min lo hrilh teh a? kan ti let ve thu phung ringawt a, Rin loh deuh mai hian, ka zawhna chu han chhan ngial an tum a, a zu zi ral ta tho va, a ho em a hriat a tulna vak pawh awm lemlo kan ti zui dun ta mai2 a.

10. Mak deuh mai hian, kal ka tum pawisa ka pek lai chuan Mizo te hian enge kan mamawh ni a I hriat? a rawn ti hram a………..chhan ngaihna chu avang duh ang reng khawp mai, a hma a a thil mi zawhdan ki leh zawhna nen a in danglam hleih lutuk a. Engtin nge ka hriat bik ang? ti chung chuan ‘Pathian hnaih’ a niang ka ti ve satliah ta ringawt a.

(Pherh hi ni ve ta mai i la, engtin nge ka awm ang le????)  ;-)   :-P

 

Similar Posts:

Recent Posts:

22 Responses to “Zawhna sawm………..”

  1. 1
    Rinzova Khawlhring Lalhnam Says:

    1st ang

    Report this comment

  2. 2
    chhangteval Says:

    Zawhna zawt tu hi kan hnam sakhua-a hi a ni thei mai angem :-P

    Report this comment

  3. 3
    Dr Mahminga Sailo Says:

    Innel miah lovin, in innel phian a nih khi maw le… :-D

    Pherh hi ni ve ta ila’ng, ka pherh nasa ngawt ang… :-P

    Report this comment

  4. 4
    Sasaks Says:

    ‘An’ tih i hmanna ah hian – A’n – tih hmang zawk ta la. A tawpa ‘Pherh’ ber kher khi ka hrethiam ta nawh!!

    Report this comment

  5. 5
    Awmtea Khiangte Says:

    5-na ka ni ve hram e :-D

    Report this comment

  6. 6
    saint sammoo Says:

    Sentence bul tanna leh Pathian sawina pawh ni lem lova I (Capital) in hmang thin hi tul ka ti lem lo hle mai..

    Report this comment

  7. 7
    malsta27 Says:

    Lo chhuak reng a ni maw………

    @Chhngteval#2: Lo ni reng mai anga ti raw….. :-D

    @Dr hminngtea#3: a frank ve bawka kan innel zui ta phian :-)

    @sasaks#4: Thanks………. (Y)

    @awmtea#5: ;-) (Y) …………..

    @Saint sammoo#6: ni khop mai, a thu mal ‘i’ hi a mah mai capital ni lo hi chuan a sit awm duh riau a tin lawm le…………. :-D :-D

    Report this comment

  8. 8
    Charice_mizo Says:

    What a mysterious man! nangmah chu ni ila zawhna pathum ka zawt ve nghal ang.

    1) Ka pu i chiang chiah maw?
    2) I chiang takzet em?
    3) I chiang chiah lo chu a ni em lo maw? :-D

    A zawh chhan che kan hriat miau loh chuan a zawhna te khi engvanga nangmah ber kher zawt che nge ni a, engin nge mawlh tih kan hre si lova, han sawi zui vak ngaihna a vang hle mai :-)

    Report this comment

  9. 9
    century child Says:

    Hei chuh….tren tren, hot raw pip :-O

    Report this comment

  10. 10
    Mx Says:

    Keichu ni ila zawhna 2na atang khian chhan pawh ka chhang peih tawhlo chiang sa :-D
    “I chianglo em mai… kal mai teh” ka ti anga, melh pawh ka melh zui peihlo ang ka ring :-P:-P

    Report this comment

  11. 11
    Kawhterenga Says:

    Vantirhkoh vak vai te pawh a lo ni mial thei asin ;-) . Tumah hi biak chhiat emaw hmusit ngawt loh tur a ni a, an thusawi ho mai mai kan ngaihthlaksak te hian an phurrit nasa takin a chhawk zang khai ve thei a nia (Y) (N)

    Report this comment

  12. 12
    lrpa Says:

    Ekhai! a ril hle mai a . good job I thlir dan hi a philosopher tlat..

    Report this comment

  13. 13
    true ^mizo^Boy Says:

    khai aaaaaaaaaaa :-P

    Report this comment

  14. 14
    malsta27 Says:

    @charice mizo#8: khitiang khian min hmu a ni teh chek a niang chu ka ti :-D . Mahse min hmuh dan tlang kama a lo hriat dan zep lem lovin min zawt phawng mai a, a tha ang reng khawp mai. A hnu a ka hriat leh dan phei chuan khawi emaw office a an pu ve ber a ni awm e. :-P

    @Mx#10: Han chhan loh ngawt dawn chuan mahni pa te rual a nih mai bakah Pa zahawm tak chu a ni phawt mai. :-(

    @kawhterenga#11: I sawi dik phian i nick nen phu lovin :-D :-D

    @Lrp leh……………. :-D

    Report this comment

  15. 15
    sheldon Says:

    Malsta, i ideology i rawn phawrh dan chu tha reuh hle mai. I thilsawi hi real life ah i tawng miah lova, kan tunlai nundan i hmuhdan ani tiraw? Post thatak ani.

    Report this comment

  16. 16
    TuaiSialA Says:

    (N) (Y)

    Report this comment

  17. 17
    malsta27 Says:

    @sheldie#15: a tak2 ni e, mumang ni tawh lovin :-D

    Report this comment

  18. 18
    H.Vangchhia Says:

    Ka chhiar niuh neuh (Y)

    Report this comment

  19. 19
    Princess Ilefam Says:

    Ava sual ve ;-)

    Report this comment

  20. 20
    nastycool Says:

    Its my life…..ti zawrh zawrh ho hi chu mahni khawsak phung defend ngai an ni chawk, an life hi an ta a nih lo zia hrechiang se zawng, an ti hauh lo tur le.

    Report this comment

  21. 21
    malsta27 Says:

    @HV#18: Hairehai ……… ;-)

    @princess#19: A fel ka lo ti viau a sin, tin ka zah khawp mai bawk, mi thusawi leh eng2 emaw rinthu a tlang au pui vak chi a nih loh hmel bawk in ka hria. :-P

    @nasty cool#20: ‘Its my life’ tih hi a awm zia chiah pawh hi kan hria em ka ti rum2 thin ;-) .

    Report this comment

  22. 22
    chhana Says:

    Ka’n nuih chhuah hawk hawk the daih chu, fiamthu lah a ni der bawk silaw.

    Report this comment

Leave a Reply

You must be logged in to post a comment.