Zanin inchaltauh en ang aw…!

June 10th, 2012 8:30 pm by TuaiSialA

Rin loh an chak a, rin an chak lo thung a, inkhel a hmuhnawm telh telh dawn a ang. Tun tounament-ah hian football chanchin ziahna Mizo website pahnih inkhel.com leh zofooty.com-ah inrinsiakna lawmman ṭha tawk tak a awm a ni tih hria ila a ṭha ang.

Gdansk — Group C: Spain v Italy (09:30PM)
Spain team first eleven (ni tura ngaih): Casillas, Arbeloa, Ramos, Pique, Alba, Xabi Alonso, Busquets, Silva, Xavi, Iniesta, Torres.
Italy team first eleven (ni tura ngaih): Buffon, Bonucci, De Rossi, Chiellini, Maggio, T. Motta, Pirlo, Marchisio, B’retti, Balotelli, Cassano.

da

* Spain hi World Cup champion lai an ni a, FIFA ranking-ah a chungnung ber an ni bawk.
* An coach hi Vicente del Bosque a ni a, an team hi The Red Fury tih an ni.
* Spain ram tana khel hnem ber Iker Casillas hian ram tan vawi 131 a khel tawh a, zaninah a rawn ho dawn a ni.
* Spain hian Italy nena an inkhelh tawh zawng zawngah 8 hnehna changin vawi 11 an draw a, vawi 10 an chak lo a ni.
* Spain hi champion lai an ni a, quarter-final ah khan Italy hi penalty shootout hmain an hneh hram a ni.
* International game an neih hmasak ber chu August ni 28, 1920 niin Brussels khawpuiah Denmark 1-0 in an hneh.
* June ni 4, 1928 khan Amsterdam khawpuiah Italy hi 1-7 ngawtin an lo hneh lo tawh a, hei hi an chak loh chian ber pawl a ni.
* European Championship-ah hian kum 1964-ah tel ṭanin ṭum 8 an tel tawh a, an tel hmasak ber ṭum hian an champion nghal nghe nghe.
* Italy team hi Azzurri ti-a koh an ni a, Cesare Prandelli chuan a enkawl mek a ni.
* FIFA ranking-ah 12-na an ni mek. An international match hmasa berah kum 1910 May ni 15 khan Milan khawpuiah France 6-2 in an lo sawp tawh.
* European Championship-ah hian 1968-ah an tel ṭan a, an champion nghal a, ṭum 8 an tel tawh a ni.
* Italy leh Spain inkhelh hnuhnun ber hi August 2011 khan niin Italy hian Spain hi 2-1 in an hneh a ni.
* Italy hi European Championship an game hnuhnung 9-ah vawi 2 chakin vawi 5 an draw a, vawi 2 an chak lo thung.
* Zanin an inkhel hi V. Kassai‎ (Hungary)-in a hâm ang.

Poznan — Group C: Republic of Ireland v Croatia (12:15AM)
Ireland team first eleven (ni tura ngaih): Given, O’Shea, Dunne, St Ledger, Ward, Duff, Whelan, Andrews, McGeady, Long, Keane.
Croatia team first eleven (ni tura ngaih): Pletikosa, Corluka, Schildenfeld, Simunic, Strinic, Srna, Modric, Rakitic, Pranjic, Mandzukic, Jelavic.

fsssaaaaa

* Ireland leh Croatia vawi 6 an inhmachhawn tawh a, Ireland-in vawi 2 hnehin vawi 3 an indraw tawh a, Croatia hi vawi 1 an chak tawh thung.
* Ireland national football team hi The Boys in Green tih a ni a, an coach chu Giovanni Trapattoni a ni.
* An ram tana khel hnem ber hi Shay Given niin vawi 122 ram tan a feh chhuah tawh a, tun ṭumah pawh hian an ram tan goal a rawn veng leh dawn a ni.
* Tunah hian FIFA ranking-ah Ireland hi 18-na an ni mek.
* Colombes khawpuiah May ni 28, 1924 khan Bulgaria 1-0 in an hneh a, hei hi an international match hmasa ber a ni.
* European Championship-ah hian vawi 2 an tel tawh a, kum 1988 khan an tel ṭan.
* Croatia team hi The Blazers an ti a. Coach Slaven Bilić-a’n a rawn kaihruai ang.
* FIFA ranking-ah 8-na an hauh mek.
* AN international game hmasa ber hi Zagreb-ah April ni 2, 1940 khan khelin Switzerland 4-0 in an hneh.
* European Championship-ah hian kum 1996 khan tel ṭanin ṭum 4 an tel tawh.
* Zanin an inkhel hi B. Kuipers‎ (Netherlands)-in a hâm ang.

Similar Posts:

Recent Posts:

157 Responses to “Zanin inchaltauh en ang aw…!”

Pages: « 1 2 3 [4] Show All

  1. 151
    TuaiSialA Says:

    Ka thin a rim! :-[

    Report this comment

  2. 152
    TuaiSialA Says:

    Croatia goal!

    Report this comment

  3. 153
    TuaiSialA Says:

    Offside a ang khawp mai, kha kha chu.

    Rep. of Ireland 1-2 Croatia

    Report this comment

  4. 154
    Sony Says:

    In va meng rei ker kur ve. vawiin Thawhtanni, Office, College, School, Dawr emaw Factory lama thawh ni anih hi.

    Report this comment

  5. 155
    ramhmangaiha Says:

    Italian putarho cu rin aiin an lo la tough zek… spaniard ho cu k rin ag geiin an rawn ce a, mahse striker pangai an dah lo kha a mak ka ti ve ded :D

    Report this comment

  6. 156
    ramhmangaiha Says:

    Mi chuan tu pawh thlang se… kei chuan man of the match-ah Andrea Pirlo ka thlang tau2…

    Report this comment

  7. 157
    sheldon Says:

    Zanin inkhel tur chu a nghahhlelhawm rualin huphurhawm riau mai a :-D England tan hi chu a hahthlak ve thei sia :-(

    Report this comment

Pages: « 1 2 3 [4] Show All